އެއާޕޯޓަށް ފުރަން ގޮސް ތިބި ގިނަ އަދަދެއްގެ ޓޫރިސްޓުން. އެއާޕޯޓް ތޮއްޖެހުމުގެ މައްސަލައަށް ހައްލެއް ހޯދަން އަންނަނީ މަސައްކަތް ކުރަމުން--ފޮޓޯ:މިހާރު
23 ސެޕްޓެމްބަރ 2021 - 11:19
17 comments
އެއާޕޯޓުން ހިދުމަތް ދޭން ފަށާ ގަޑި މިހާރަށް ވުރެ އަވަސްކުރުމާ ގުޅޭ ގޮތުން މަޝްވަރާކުރަން ފަށައިފި އެވެ.
ސަރުކާރުގެ އިސް ވެރިއަކު "މިހާރު" އަށް ވިދާޅުވީ، އެއާޕޯޓުގެ ތޮއްޖެހުން ހަމައަކަށް އަޅުވަން، އެއާޕޯޓުން ހިދުމަތް ދޭ ވަގުތު އަވަސްކުރަން ނިންމާފައިވާ ކަމަށެވެ. މިހާރު އެއާޕޯޓުން ރަސްމީކޮށް ޗެކިން ފަށަނީ ހެނދުނު 6:00 ގަ އެވެ. ނަމަވެސް ފަތިހު 5:00 އިން ފެށިގެން ޗެކިން ފަށައި، ކައުންޓަރުތަކުން ހިދުމަތް ދިނުމާ ގުޅޭ ގޮތުން އަންނަނީ މަޝްވަރާ ކުރަމުންނެވެ. މިގޮތަށް ވަގުތު އަވަސް ކޮށްގެން، މިހާރަށް ވުރެ ފަސޭހަ ގޮތަކަށް އެއާޕޯޓުން ހިދުމަތް ދެވޭނެ ކަމަށް އޭނާ ވިދާޅުވި އެވެ.
ވޭތުވެދިޔަ ދެ ހަފްތާއެއްހާ ދުވަހު، އިންޑިއާ އިން ރާއްޖެ އައި ޓޫރިސްޓުން ވަރަށް ބޮޑަށް އިތުރުވެ، އެއާޕޯޓުގެ ކައުންޓަރުތަކުގެ ކިޔޫތައް ދިގުވުމުން ނަންބަރު ދޫނުކޮށް ހިދުމަތް މެދުކަނޑާލަން ޖެހޭ ހާލަތްތައް ވެސް ކުރިމަތިވެފައިވެ އެވެ. އަދި ފުރަންދާ މީހުން ޓާމިނަލްގެ އެތެރެއަށް ނުވައްދައި، ބޭރުގައި އެތައް އިރަކު މަޑުކޮށްގެން ތިބެން ވެސް ޖެހެ އެވެ. މިކަމަށް އަދި އެކަށީގެންވާ ހައްލެއް ވެސް ނުހޯދެ އެވެ.
ޓޫރިޒަމް މިނިސްޓަރު ޑރ. އަބްދުﷲ މައުސޫމް ދާދިފަހުން ވިދާޅުވެފައިވާ ގޮތުގައި، އެއާޕޯޓުގެ ތާށިކަން ބޮޑުވެ، ބައެއް އެއާލައިންތަކަށް އަލުން ދަތުރު ފެށުމަށް ވެސް އުނދަގޫވެފައިވެ އެވެ. މިކަމަށް ހައްލެއް ހޯދަން އެމްއެމްއޭސީއެލް އާ އެކު މަޝްވަރާތައް ކުރައްވާ ކަމަށް އޭނާ ވިދާޅުވެފައިވެ އެވެ.
އެއާޕޯޓުގެ ހިދުމަތް ދޭ ވަގުތު އަވަސް ކުރުމުގެ އިތުރުން އައްޑޫ އިންޓަނޭޝަނަލް އެއާޕޯޓަށް ބައެއް ފްލައިޓްތައް ޑައިވާޓް ކުރަން ވެސް އަންނަނީ މަޝްވަރާ ކުރަމުންނެވެ. މިކަމާ ގުޅޭ ގޮތުން އެމްއެއޭސީއެލް އިން ބުނީ، އެއާޕޯޓުގެ ތާށިކަން ކުޑަ ކުރުމަށް ހިދުމަތަށް ގެވޭނެ ބަދަލުތައް ދެނެގަންނަމުން އަންނަ ކަމަށެވެ.
ރާއްޖެ އަށް އެންމެ ގިނައިން ޓޫރިސްޓުން އަންނަ އިނގިރޭސިވިލާތުގެ ރެޑް ލިސްޓުން ރާއްޖެ ނެގުމުން އެ ގައުމުން ވެސް ގިނަ އަދަދެއްގެ ޓޫރިސްޓުން ރާއްޖެ އަށް އަންނާނެ ކަމަށް މި ދާއިރާގެ އިސްވެރިން ލަފާކުރެ އެވެ. އަދި ކުރިއަށް އޮތީ ޕީކް ސީޒަންކަމުން އެހެން ގައުމުތަކުން ވެސް ރާއްޖެ އަށް އަންނަ ޓޫރިސްޓުން ވަރަށް ބޮޑަށް އިތުރުވާނެ ކަމަށް ލަފާކުރެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެއާރފޯޓް މީހާ
23 September 2021
ވެލާނާއެއާރފޯޓް މިހާރު ސިފަވަނީ ބޭރުބަަޔަކު ހިންގާތަނަކާ މަތިފަންތީގެ ހުރިހާ މަގާމެއް ބޭރުމީހުން. މީތޯ އެބުނާ ދިވެހިންގެ އެއާރފޯޓް ދިވެހިންނަށް ދިން ގޮތަކީ. ކުންފުނީގަ މަސައްކަތް ކުރާ ދިވެހިންގެ އެތައްހައްގު ތަކެއް އަތުލައިފި. ކުރިން ދެމުންއައި މުސާރައިގެ ހާފް ޑޮލަރުވެސް މިހާރު ނުދޭ. ފްރޮމޯސަން ނުދޭ. 2019 ބޯނަސް ނުދޭ. މިކަހަލަ އެތައްކަމަކުން މަހުރޫމް ކޮށްފ.ަ މި ބޭރުމީހުން މުސާރަ ޑޮލަރުން ނަގާގެން މަހަކު އެއްފަހަރު ޗުއްޓީއަށް ގޮސް މިދެން ބޮނޑްވަރު
ބޮޑުތިލަދުން
23 September 2021
އަލިފުށީގަޔާ އެހެންފުއްޓެއްގަ އެއާރ ޕޯޓް ނާޅާ އުތުރާ ދެކުނުގަ ރަނގަޅުފެންވަރުގެ ބައިނަލްއަގުވާމީ އެއާރޕޯޓެއް އަޅާބަލަ.ކޮން ޕްލޭނެއް ހަދައިގެއްތޯ ކަންތަން މިކުރަނީ.މިހެން ކުރި ނަރާ ސާޅީސް އަހަރު ތިބެއްވީތޯ އެއްރަށަކަށް ބަރޯސާވެގެން.ގައިމު އުތުރާ ދެކުނުގައި ވަޔާ ކަނޑުގެ ބައިނަލްއަގުވާމީ ބަދަރުތައް ހެދީމަ އެ ސަރަހައްދުގެ އިގްތިސާދު ފުޅާވެ ތަރައްގީވާނެ.
ނިރު
23 September 2021
ވީއައިއޭ އަކި ގާބިލް ހުނަރުވެރި މަސައްކަތްތެރިން ތިބިތަނެއް މުވައްޒަފުންގެ ކުޅަދާނަކަމާ ޤާބިލްކަން މީގެ ކުރީ ފުލޯޓްތަކުން ފެނިގެންހިގައްޖެ މެޏޭޖަމްނަޓް ބަދަލްވެ ތަނުގެ ހާލަތާމެދު ކޮންމެ މީހަކު ވާހަކަ ދައްކަނީ ސަބަބުތަކެއް އޮވެގެން މިކަމުގައޮތީ ދެގޮތެއް މުވައްޒަފުންގެ މާޔޫސްކަމާ ހިންހަމަ ނުޖެހުންތަކެއް އޮތުން ނޫނީ މާތީ މަގާމްތަކުގަ ތިބި ބޭރުމީހުންގެ ބާރާނުފޫޒުން ތަންނުހިގުން. މިކަމުގެ ބަދުނާމާ ހަޑިނަން މިލިބެނީ ދިވެހިންނަށް ދޮންމީހާ މާދަމާމާވެސް
ހާސަރު
23 September 2021
މާވެވަށް ވެއްޓުނު ގެރީގެ އަޑުއަހަންތޯ ؟ އެކަމާ ތިކަމާ ހުރި ތަފާތަކީ ކޮބައި؟ މަޝްވަރާ ކޮށްކޮށް ތިއްބާ ވާނެ އެއްޗެއް ވެ ނިމިދާނެ. ބަލަގަ ހައްލަކީ މިހާލަތުގައި މަޝްވަރާތޯ ނޫނީ އަވަސް ވަގުތީ ހައްލެއް ނޫންތަ.
ކޮރަލް
23 September 2021
ބައެއް އިސްވެރީންނާއި ބޯޑު ބަދަލު ކޮށްގެން ހައްލެއް ލިބިދާނެ އެވެ. ކަންކަން ނުކު ރެވޭނަމަ ވަކިކުރަން ޖެހެ އެވެ. ސަރުކާރައް ބަލަދު އަރާފައެއް ނޯނާނެ އެވެ.
އޮނަރަބްލް އަފީފު ދީދީ
23 September 2021
ރައީސް އޮފީސްތެރޭގައި ތިއްބެވި އެޑްވައިޒަރުންގެ ތެރެއިން އެވިއޭޝަން ޕޮލިސީ އެޑްވައިޒަރުންނަށް ތިބި މަޙްމޫދު ރާޒީފަދަ މާލޭމީހުން ބޭނުމެއްނުވޭ ކ.އަތޮޅުމާލެއިންބޭރަށް އިޤްތިސޯދީ ޙަރަކާތެއްހިގައިދާނެތީ ހަނިމާދޫ އަދި ގޭންއެއަރޕޯޓް އިންޓަރނޭޝަނަލް އޮޕަރޭޝަނަށް ގެންނާކަށް. # އުއްމީދެއްގައި އެމީހުން އެކަންކޮށްދޭނެކަމަށްމަޑުނުކޮށް މިހާރުއޮތްވަރަށް އެއަރޕޯޓްއޮތްކަމުގައިވިޔަސް ދިއްލީސަރުކާރުގެއެހީގައި IndiGo އާއި އެއަރއިންޑިޔާގެ ޝެޑިއުލްދަތުރު ފެއްޓޭތޯބަލާ.
ލޮލްލޮލްލޮލް
23 September 2021
މަޝްވަރާ ފެށުނީ ދެއްތޯ؟ އުންމީދު ކުރަން 2023ގެ ކުރިން މަޝްވަރާބައްދަލުވުންތައް ނިންމާލެވޭނެ ކަމަށް
ސަލާމަތް ނުވެވިގެން.
23 September 2021
ތޮއްޖެހުން ކުޑަކުރަން އެއާޕޯޓް އަވަަހަށް ހުޅުވަން މަށްވަރާ ކުރަމުންދާވާހަކަ ބުނީމާ މަގޭ ހިތަށް އެރީ މި ވެރިކަމުގައި ދެވަނަ އެއާޕޯޓެއް ވެލާނާ އިންޓަނޭށިނަލް އެއާޕޯޓް ކައިރީގައި އެޅާފައި ހުޅުވަނީކަމަށް.ހަބަރު ރަނގަޅަށް ކިޔާލީމާ އެނގުނީ ރޔާމީނު ހުރިހާކަމެއް އިމްތިޒާމްކޮށްފައި އޮތް އެއާޕޯޓެއް މި ވެރިކަމުގައި ތިބި މީހުންނަށް ހައްލެއް ނުގެނެވިގެން ބޮއްސުންލައިގެން އުޅޭކަން.ސާބަސް
ސަންޕަދަރި
23 September 2021
އަވަސްވެދާނެތީ ވެރިކަމަށް އައިގޮތަށް އެއަރޕޯރޓް މަސައްކަތް ހުއްޓުވީ, ރީތިވެއްޖެ އެއްނު, މިސަރުކާރަކީ އެއްވެސް ޕްލޭނެއްކޮށްގެން ކަންކަން ކުރާ ސަރުކާރެއްނޫން, ޕްލޭން ކޮށްފައޮތީ ވައްކަން އެކަނި.
އޮނަރަބްލް އަފީފު ދީދީ
23 September 2021
ގޭންއެއަރޕޯޓްގެބަދަލުގައި އިންޓަރނޭޝަނަލް އެއަރޕޯޓްއޮންނާންވާނީ ހުވަދޫގައިކަމަށްބުނެ 2 އަތޮޅުމީހުންގެދޭތެރޭ އުފެދިފައިވާޙިލާފުތައްދޫކޮށް "އެކުއެކީ ގުޅިގެން" ކޮޅުމަޑުލުން އައްޑުއަށްހިމެނޭ ސަރަޙައްދީ ތަރައްޤީއަށް އައްޑޫ ހުވަދޫ ލީޑަރުން އަވަސްނިންމުންތަކެއް ނިންމާންޖެހޭވަގުތު އަތުވެއްޖެ. # ސިއްރުރޭވުންތެރިކަމާއިއެކު ބަޔަކުއެދަނީ "އަހަރުމެން ބާކީކޮށް" ނިކަމެތިކުރާނެ ޕްލޭންތައްހަދާ މިސަރަޙައްދުގައި އިންޓަރނޭޝަނަލް އެއަރޕޯޓަކަށް ފުރުސަތު ކުޑަކުރަމުން.
ވައްޑެ.
23 September 2021
ވަރަށް ބޔއްދިވެރި ވާހަކައެއް. އަސްލު ސަރުކާރު ބޭނުމެއްނުވޭ އައްޑޫ އަދި ހުވަދޫގައިވެސް އެއަރޕޯޓެއް އޮންނާން. ހުވަދޫގައި އެއަރޕޯޓު އަޅާށޭ ކިޔާފައި ތިކަން ކުރަނީ ފައްޔާޒުމެންގެ ނުބައި ރޭވުމަކުން. ބޭނުމަކީ އައްޑޫ އެއަރޕޮޓުވެސް ހިންގިޔަ ނުދިނުން. ހުވަދޫ މީހުނާއި އައްޑޫ މީހުން މިކަމަށް ވިސްނާޏްޖެހޭ.