އޭ ލެވެލް ގަދަ 10 ގެ ދަރިވަރުންނަށް އެވޯޑު ދިނުމަށް މިރޭ ބޭއްވި ރަސްމިއްޔާތުގައި އެޑިއުކޭޝަން މިނިސްޓަރު ޑރ. އައިޝަތު އަލީ ވާހަކަދައްކަވަނީ-- ފޮޓޯ: ފަޔާޒު މޫސާ/ މިހާރު
17 އޮކްޓޯބަރ 2021 - 22:06
40 comments
އަހަރަކަށްވުރެ އަހަރެއް ތައުލީމީ ގޮތުން ރާއްޖެ ކުރިއަށްދާނީ ހުނަރުވެރި ޓީޗަރުން ތަމްރީނުވެގެން ކަމަށާއި އެ މަގަށް ވާސިލުވުމަށް އެންމެ މޮޅު ކުދިން ޓީޗަރުންނަށް ވުމަށް އެޑިއުކޭޝަން މިނިސްޓަރު ޑރ. އައިޝަތު އަލީ މިރޭ އެދިވަޑައިގެންފި އެވެ.
އޭލެވެލްގެ ގަދަ 10 ގައި ހިމެނުނު ދަރިވަރުންނަށް އެވޯޑް ދިނުމަށް ތާޖުއްދީން ސްކޫލުގައި މިރޭ ބޭއްވި ރަސްމިއްޔާތުގައި މިނިސްޓަރު ވިދާޅުވީ ފިންލޭންޑާއި ސިންގަޕޫރު ފަދަ ބައެއް ގައުމުތަކުގައި އެންމެ ހުނަރުވެރި ކުދިން ހިޔާރުކުރާ އެއް މަސައްކަތަކީ ޓީޗަރުކަން ކަމަށާއި ރާއްޖޭގައި ވެސް އެންމެ ހުނަރުވެރި ކުދިން ޓީޗަރުކަމުގެ ދާއިރާއިން ކުރިއަށްދާ ނަމަ ތައުލީމީ ދާއިރާ ކުރިއަރާނެ ކަމަށެވެ.
މިނިސްޓަރު ވިދާޅުވި ގޮތުގައި އެ ދާއިރާގެ މަސައްކަތަކީ އެތައް ޖީލަކަށް ފެތުރިގެންދާ އަދި ހެޔޮކަން ލިބިގެންވާ މަސައްކަތެކެވެ.
"މިރޭ، އަޅުގަނޑު މި ހަފްލާގައި ތިބި ދަރިވަރުންގެ ފަރާތުން އެދޭ އެންމެ ބޮޑު އެދުމަކީ، ތިޔައިގެ ތެރެއިން އެންމެ ހުނަރުވެރި ކުދިން ޓީޗަރުންނަށް ވުން. އުނގަންނައިދިނުމުގެ މަސައްކަތަކީ، އޭގެ އަސަރުތައް އެތައް ޖީލަކަށް ފެތުރިގެންދާ، ދުނިޔެ އާއި އާހިރަތުގައި ހެޔޮ ޖަޒާ ލިބޭ، އަބުރުވެރި މަސައްކަތެއް،" މިނިސްޓަރު ވިދާޅުވި އެވެ.
އެއީ ރަނގަޅު މުޖުތަމައުއެއް ބިނާކުރުމަށް ތިޔަ ކުދީންނަށް ކޮށްދެވޭނޭ އެންމެ ބޮޑު އެއް ހިދުމަތް -- މިނިސްޓަރު
ތަމްރީނުން ނުކުންނަ ޓީޗަރުންގެ ފެންވަރު އެންމެ ބޮޑަށް ބިނާވެފައި ވަނީ ކޯހަށް ވަންނަ ދަރިވަރުންގެ ފެންވަރުގެ މައްޗަށް ކަމަށާއި މޮޅު ޓީޗަރުން ތައުލީމީ ނިޒާމަށް ވަނުމަކީ، މޮޅު ދަރިވަރުން ތަރުބިއްޔަތު ކުރެވޭނެ މަގެއް ކަމަށް މިނިސްޓަރު ވިދާޅުވި އެވެ.
"ކީއްތާނި އުޔަކުން، ފަށުވި ފޭރާމެއް ނުވިޔެވޭނެ،" މިނިސްޓަރު ވިދާޅުވި އެވެ.
މިނިސްޓަރު ވިދާޅުވީ މަތީ ސާނަވީ އިމްތިހާނު ނިންމާލުމަށްފަހު މިހާރު ދަރިވަރުން މަސައްކަތުގެ މުސްތަގުބަލްގެ ދޮރޯށީގެ ކުރިމަތީގައި ތިބިއިރު އެ ކުދިންގެ ކުރިމަތީގައި އެތައް ފުރުސަތެއް އެބަ އޮތް ކަމަށެވެ. އެކަމަކު ދިރިއުޅުމުގައި ކާމިޔާބު މީހަކަށްވަނީ ހަމައެކަނި އުނގެނޭ ތަކެތިން ނޫންކަމަށާއި ކާމިޔާބު މީހަކަށްވުމަށް ގިނަ ސިފަތަކެއް ހުންނަން ޖެހޭކަން މިނިސްޓަރު ފާހަގަކުރެއްވި އެވެ.
މިނިސްޓަރު ވިދާޅުވީ މޮޅު ނަތީޖާތައް ހޯދި ކުދިންގެ ހަޔާތުގެ ނަތީޖާތަކަށް ނަޒަރު ހިންގާލުމުން ފާހަގަކުރެވެނީ އެންމެ ބޮޑު އަސަރެއް މުޖުތަމައުއަށް ގެނެސްފައި ވަނީ ހަމައެކަނި ތައުލީމީ ގޮތުން މޮޅު ކުދިން ނޫން ކަމަށެވެ. އެންމެ ކާމިޔާބީ އެ ކުދީން ހޯދި އިލްމާއި ހުނަރު އެންމެ ފުޅާ ދާއިރާއެއްގައި ގައުމަށް ފޯރުކޮށްދީ، އެންމެ ގިނަ ބަޔަކަށް އެކުދީންގެ ހެޔޮ އަސަރުތައް ފޯރުކޮށްދީ، ލިބޭ މުސާރައަށް ވުރެ، އިޖްތިމާއީ މަންފާއަށް ހިދުމަތުގެ އަތުކުރި އޮޅާލި ކުދިން ކަމަށް މިނިސްޓަރު ވިދާޅުވި އވެެ.
މިނިސްޓަރުގެ ވާހަކައިގައި ވަނީ މޮޅު ކުދިންތަކަކަށް ދަރިން ހެދުމަށް ބެލެނިވެރިން ކުރި މަސައްކަތް ފާހަގަކުރައްވައިފަ އެވެ. އެކަމަކު ދަރިންދެކެ ވާ ލޯބިން ނުވަތަ ކިޔެވުމަށް ބުރޫއަރައިފާނެތީ އެ ކުދިން ލައްވާ އެއްވެސް މަސައްކަތެއް ނުކުރުވާ ބޭތިއްބުމަކީ ރަނގަޅުކަމެއް ނޫން ކަމަށާއި ކޮންމެ ކުއްޖަކީ ވެސް މައިންބަފައިންނާއި ވަކިން ދިރިއުޅޭނެ ދުވަހެއް އަންނާނެ ކުދިންކަމުން، އެ ކުދިނަށް މަސައްކަތް ހަވާލުކުރުމަށް މިނިސްޓަރު އެދިވަޑައިގަތެވެ.
"އެ ދުވަހަކުން އެ ކުދިންނަށް މާއްދާތަކުން ލިބުނު ގްރޭޑަށްވުރެ މުހިއްމުވެގެންދާނީ އުނގެނުނު ތަކެއްޗާއި މައްސަލަތައް ހައްލުކުރުމުގެ ހުނަރާއި ފުންކޮށް ވިސްނުމުގެ ހުނަރާއި ކަންކަމުގައި ގޮތް ނިންމުމުގެ ހުނަރުތައް ފަދަ ހުނަރުތައް،" މިނިސްޓަރު ވިދާޅުވި އެވެ.
މިނިސްޓަރު ވަނީ އިލްމު އުނގެނުމަށް އޮންނަ އެންމެ ބޮޑު ހުރަހަކީ މާގިނަ ތަކެތި އެނގޭ ކަމަށް ހީވުން ކަމަށް ވިދާޅުވެފަ އެވެ. އެއީ ބޮޑު މައްސަލައެއްކަން ފާހަގަކޮށް މިނިސްޓަރު ވަނީ ކާމިޔާބުގެ ވަގުތުގައި ހިތްތިރިކުރުމަށް ގޮވަލައްވައިފަ އެވެ. އަދި ކުދިންނަށް އެނގޭ މިންވަރަކީ ވެލިފުކެއްގެ މިންވަރުކަމަށް ދެކުމަށް ވެސް އެދިވަޑައިގަތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނބިލި
20 October 2021
މިއީ ހާދަ ތަންދޮރު ނޭގޭ ބަޔެކޭ. ތިޔަހެން ހަމަ ބުނާއިރަށް އެންމެ މޮޅެތި މީހުން ޓީޗަރުންނަށް އަންނާނީ ކިހިނެތް. ތިޔަހެން ބުނުމުގެ ހައިސިއްޔަތެއް ނެތް. ކުރިން ޓީޗަރުންނަށް މީހުން ވަނީ މުސާރަ ރަނގަޅުވެގެން. ލިބޭ އިނާޔަތްތަކުން. މުސާރައާއި އިނާޔަތްތައް ރަނގަޅުކުރޭ. ބޮޑު މުސާރަ ލިބޭ މީހުންގެ ތެރޭގައި ޓީޗަރުން ހިމަނާ.
އަބްޑޫޅް
19 October 2021
ކިޔަވައިދިނުމަކީ ހުނަރެއް ނޫން. އެއީ ވައްޓަފާޅިއެއް.
ވިސްނީމަ ދިރިއުޅެވޭނީ!
19 October 2021
މިހާރަކު ތިވާހަކަ އެއްގަބޫލެއް ނުކުރާނެ އެކަކުވެސް. ސިޔާސީ ޕާރޓީ އަކައް ވަދެ ވައްކަން ކޮއްގެން ނޫނީ މިގައުމަކު ކުރިއެއްނާރާނެ. 20 އަހަރު ކިޔަވަން އުޅެ ލިބޭ މުސާރަ 10،000 ރުފިޔާ ހިފައިގެން ތިބެންޖެހޭނީ ނުކައި ނުބޮއި. ޑްރަގް ވިޔަފާރި ކުރާމީހުން މިލިއަނުން އެހޯދަނީ ސަރުކާރުން ހިމާޔަތް ދީގެން. ގައުމު ދަވާލައިގެން ބަޗާމީހުންމަދެއްނޫން. ޖަލުތައް ހުހައް! ވަގުން ޙާހުން ހާހުން، މިގައުމުގަ!
ކީކޭތޯކިޔާނީ
19 October 2021
ތިޔަ މިނިސްޓަރގެފަރާތުން މުޖްތަމައައް ރައްޔިތކައްވީފައިދާއެއް އެބައތޯ ފުރަތަމަ ކަމަނާގެ އަމިއްލަނަފްސައް ސުވާލްކޮއްލައްވާ؟ ވެގެން އުޅޭގޮއްވަރައްސާފް މިނިސްޓރ އާއިމިގައުމުގެ ގިނަވެރިންނާއި ވެރިންގެ ދަރިންނައް ވާސިލްނުވާ ހިސާބައް މިގައުމުގެ ނިކަމެތި ރައްޔިތުންގެ އާދައިގެ ކުދިންތަކަކައް މިފަދަރިކޯޑް ތަކެއް މުގުރާލެވުނީމާ ދެރަވަނީ (ޖެލެސް ވަނީ)
ހުސެއިނުބެ50
18 October 2021
ބޭބެ ބުނާނެ ވާހަކައެއް ނެތް. ލެއްވި ހުރިހާ ނުބައިކަމެއް ކޮށްފަ ސިޔާސީ ޕާޓީއެއްގެ ޓިކެޓްގަ މަޖިލީހަށް ކުރިމަތިލާ. 100،000ރ ގެ މުސާރައިގެ އިތުރުން ސަރުކާރުގެ އެކި ޕްރޮޖެކުޓް ތަކުން މަދުވެގެން މަހަކު މިލިއަނެއްހާ ރުފިޔާ ލިބޭނެ. އަދި ކޮބާ މަޖިލީހުގެ ބަހުސްކުރާ ބިލްވިއްކައިގެން ލިބޭ ބޯނަސް.
ހަނުހުންނަ މީހާ1
18 October 2021
ދަރިންނޭ ހެޔޮނުވާނެ ބޭބެގެ ބަހެއްއަހަންޏާ ޓީޗިންނާ ކުރިމަތި ނުލާތި. ދިރިއުޅުން އުޖާލާކޮށް ހަމަޖެހިލައިގެން ނިދާލަން ބޭނުންނަމަ ޓީޗަރަކަށް ނުވާތި. އެހާ ބުރަކޮށް މަސައްކަތް ކުރަންޖެހޭނެ. މުސާރަ އެހާ ކުޑަ ދުވަހަކުވެސް ރަގަޅަށް ކުރެވޭކަމެއް އަބަދު ކުށްވެރިވެފަ ސްޓްރެސްއާއި ހެދި ނުނިދޭ އެހެންވެ މި ބުނީ ކަމެއް ނުކޮށްގޭގަ އިންނަން ޖެހުނަސް ޓީޗަރަށް ނުވާތި. ގޭދޮށުގަ ގަސްކޮޅެއް ހައްދައިގެން ޓީޗިންއިން ލިބޭ މުސާރައަށްވުރެ ރަގަޅު އެއްޗެއް ލިބޭނެ.
މާކުންބޭ
18 October 2021
މިނިސްޓަރުވެސް ޕީއެޗްޑީ ހެދުމާއެކު ޓީޗަރުން ބިނާކުރުމުން ލިބޭ ކުޑަ މުސާރައިގެ ބަދަލުގައި ހިޔާރުކުރެއްވީ ޕޮލިޓީޝަނަކަށްވެ ބޮޑޫ މުސާރަ ނަންގަވަން، ޓީީޗަރުންނާ ޓީޗަރުން ބިނާކުރަންދެމުން ގެންދާ މުސާރަ ކުޑަކަމަށް މިނިސްޓަރ އަދި މިނިސްޓަރުގެ އެޑްވައިޒަރވެސް ޤަބޫލެއްނުކުރައްވާ، ހަޤީޤަތަކީ ތަޢުލީމީ ދާއިރާއަކީ ބުރަ މަސައްކަތެއްކުރާ ދަށް މުސާރަ ލިބޭ ދާއިރާއެއް.
ކީއްތާނި
18 October 2021
މިނިސްޓަރުގެ އެޑްވައިޒަރަކީ ޙަސަން ޙަމީދުތޯ؟
ހަސަދު
18 October 2021
ހުނަރުވެރި ކުދިން ޓީޗަރުންނަށް ވާން ބަލާ އިރު މުސާރަ އުޅެނީ މިނިމަން ވެޖުގާ. ޢެގެ މާނަ އަކީ ޓީޗަރުންނަކީ މިގައުމުގައި ވަރަށް ދަސް ބަޔެކޭ. ސަރުކާރުން މިވިސްނުން ބަދަލުކޮށްގެންނޫނީ ގައުމޫ ކުރިއެއް ނާރާނެ.
ޙަސަން އަޙްމަދު
18 October 2021
އަހަރެމެން ރަށުގަ ގްރޭޑް ދިހައެއް ނިމުނީމަ ކުދިން ބަލަނީ ކައުންސިލަށް ކުރިމަތިލެވޭތޯ. އެކަމަކު އެތަނަށް ވެސް ހޮވެނީ ހަތެއް ވެސް ނުނިންމާ ކުދިން. ބާކީ ތިބި ކުދިން ބަލަނީ ރަށުމެންބަރާ ޕާޓީ ބޮޑުމީހަޔާ އެގެންގުޅޭ ލިސްޓުގަ ނަންޖަހާލެވޭތޯ. އެލިސްޓުގަ ތިބޭ ކުދިންނަށޯ ވަޒީފާ ލިބެނީ. މިހާރު އެންމެން ވެސް ދަނޭ ވަޒީފާ ހޯދަން ކުރިމަތިލާން ޖެހެނީ ވަޒީފާ އިއުލާންކުރި އޮފީހަށް ނޫންކަން. ޖެހެނީ ނުފޫޒުގަދަ ބޭފުޅާއަށް ގުޅައިގެން ކުރިއަށް ދާން.
ފަލަޑޭ
18 October 2021
ދައުލަތު ގެ ބަޖެޓްގެ 20% އބަދުވެސް ހަރަދު ކުރެވޭ. އެހެންނަމަވެސް އެދާއިރާއިން އަބަދުވެސް ފެއްނަނީ ފެނަވަރު ހުރިޓީޗަރުން ނެތުމުގެ ޝަކްވާ އާއި ކިޔަވައިދެވޭ ތަޢްލީމުން ފައިދާނުކުރާވާހަކަ. ޝަކްވާތަކަށް ނިމުމެއްނެތް. މިނިސްޓަރު އަޅުގަޑަށް ފެއްނަނީ ތިހަރަދު ހުއްޓަލާ ކިޔައިވައިދިނުން ކޮއްމެވެސް ހިސާބަކުން މަދުކުރުމާއި އެކު ކޮލިޓީ ތައްލީމަށް ބައްޓަންކުރުން.