ހިޔާ މަޝްރޫއުގެ ލޯނުތަކުގެ އިންޓަރެސްޓަށް 888 މިލިއަން ރުފިޔާ ދައްކައިފި

ހުޅުމާލޭގެ ދެވަަނަ ފޭހުގައި އަޅާފައިވާ ހިޔާ ފްލެޓްތައް ފްލެޓްތައް އަޅަން ނެގި ލޯނުތަކުގެ އިންޓަރެސްޓަށް 888 މިލިޔަން ރުފިޔާ ވަނީ ދައްކާފައި.-- ފޮޓޯ: ފަޔާޒު މޫސާ / މިހާރު

މުހައްމަދު ނަސީމް، މިހާރު

23 އޮކްޓޯބަރ 2021 - 19:49

70 comments

ކުރީގެ ރައީސް އަބްދުﷲ ޔާމީންގެ ސަރުކާރުން ހިޔާ ފްލެޓްތައް އިމާރާތް ކުރަން ނެގި ލޯނުތަކުގެ އިންޓަރެސްޓްގެ ގޮތުގައި މި އަހަރުގެ މާޗު މަހުގެ ނިޔަލަށް 888.9 މިލިއަން ރުފިޔާ ދައްކާފައިވާ ކަމަށް އޮޑިޓް ރިޕޯޓުގައި ބުނެފި އެވެ.

ހުޅުމާލޭގެ ދެވަނަ ފިޔަވަހީގައި އިމާރާތް ކޮށްފައިވާ ފްލެޓްތަކުގެ އަގު ކަނޑައެޅި ގޮތް ބަލަން ކުރި އޮޑިޓަކަށް ފަހު މިދިޔަ ބުރާސްފަތި ދުވަހު ނެރުނު ރިޕޯޓްގައި ބުނީ، ހިޔާ މަޝްރޫއަށް ފުރަތަމަ ނެގި ލޯނުތަކަށާއި އޭގެ ފަހުން ރިފައިންނޭސް ކުރަން ނެގި ލޯނުތަކުގެ އިންޓަރެސްޓްގެ ގޮތުގައި 2018 ވަަނަ އަހަރުން ފެށިގެން މިދިޔަ މާޗު މަހުގެ ނިޔަލަށް 888.9 މިލިއަން ރުފިޔާ ދައްކާފައިވާ ކަމަށެވެ. ފްލެޓްތަކުގެ އަގު އެޗްޑީސީން ކަނޑައެޅީ އެ ފައިސާ ވެސް ހިމަނައިގެންނެވެ.

އޮޑިޓް ރިޕޯޓްގައިވާ ގޮތުން، ހިޔާ މަޝްރޫއަށް އިންޑަސްޓްރިއަލް އެންޑް ކޮމާޝަލް ބޭންކް އޮފް ޗައިނާ (އައިސީބީސީ) އިން 368.9 މިލިއަން ޑޮލަރުގެ ލޯނަކާއި ކްރެޑިޓް ސުއިސްް އޭޖީ ސިންގަޕޯ ބްރާންޗް (ސީއެސް) އިން 65.1 މިލިއަން ޑޮލަރުގެ ލޯނެއް ނަގާފައި ވެ އެވެ. އެ ލޯނުތަކުގެ ޖުމުލައަކީ ދިވެހި ރުފިޔާ އިން ބަލާ ނަމަ 6.7 ބިލިޔަން ރުފިޔާ އެވެ.

ހިޔާ މަޝްރޫއަށް ރީފައިނޭންސް ކުރުމަށްޓަކައި 2018 އާއި 2019 ގައި ފިނޭންސް މިނިސްޓްރީން އެޗްޑީސީ އަށް 267.8 މިލިއަން ރުފިޔާ ދީފައި ވެ އެވެ.

Hiya flat ah HDC in kandaelhi agah vure kuda ageh nagaa nama bodu gellumeh vaane: Audit report

The most trusted news source in the Maldives

Mihaaru

އޮޑިޓް ރިޕޯޓުން އެނގޭ ގޮތުގައި ހިޔާ މަޝްރޫއުގެ ލޯނުތަކުގެ ތެރެއިން އެންމެ ބޮޑު އިންޓަރެސްޓް ރޭޓެއްގައި ނަގާފައި ވަނީ ފިނޭންސް މިނިސްޓްރީން [ދައުލަތުން] ނެގި ލޯނުތަކެވެ. އެ މިނިސްޓްރީން އޮކްޓޯބަރު 18، 2018 ގައި 94 މިލިއަން ރުފިޔާގެ ލޯނެއް ދިނީ ނުވަ ޕަސެންޓްގެ އިންޓަރެސްޓް ރޭޓާއެކު ހަ މަސް ދުވަހުގެ ތެރޭގައި އަނބުރާ ދައްކާ ގޮތަށެވެ. އޭގެ ފަހުން ޖެނުއަރީ 28، 2019 ގައި 29.9 މިލިއަން ރުފިޔާ ދޫކުރީ 10 ޕަސެންޓްގެ އިިންޓަރެސްޓާއެކު ހަ މަސް ދުވަހުގެ ތެރޭގައި އަނބުރާ ދައްކާ ގޮތަށެވެ. ހަމަ އެ އަހަަރުގެ އޭޕްރީލް 18 ގައި 106.4 މިލިއަން ރުފިޔާ ދޫކުރީ 10 ޕަސެންޓް އިންޓަރެސްޓް ރޭޓާއެކު ދެ އަހަރު ދުވަހުގެ ތެރޭގައި ދައްްކާ ގޮތަށް ކަމަށާއި ޖުލައި މަހު 37.4 މިލިޔަން ރުފިޔާ 10 ޕަސެންޓް އިންޓަރެސްޓާއެކު އެއް އަހަރު ދުވަހުގެ ތެރޭގައި ދައްކާ ގޮތަށް ދޫކުރި ކަމަށް ވެސް އެ ރިޕޯޓްގައި ބުންޏެވެ.

ހިޔާ މަޝްރޫއުގެ ރިފައިނޭންސަށް ދައުލަތުން މިހާ ބޮޑު އިންޓަރެސްްޓް ރޭޓެއްގައި ލޯނު ދޫކުރިއިރު، އެ މަޝްރޫއަށް ޗައިނާގެ ބޭންކްތަކުން ލޯނު ދޫކޮށްފައި ހުރީ އެލްއައިބީއޯއާރް މިންގަނޑުން 3.3 ޕަސެންޓްގެ ރޭޓުންނެވެ.

ލޯނުތަކުގެ އިންޓަރެސްޓަށް ދައްކާ ފައިސާ ހިމަނައިގެން އެޗްޑީސީން ހިޔާ ފްލެޓްގެ ޔުނިޓެއްގެ އަގު ކަނޑައަޅާފައި އޮތީ 20 އަހަރު ދުވަހަށް ބަހާލައިގެން މަހަކު 11،000ރ ދައްކާ ގޮތަށެވެ. އޭގެ ފަހުން ސަރުކާރުން ނިންމީ 25 އަހަރު ދުވަހަށް ބަހާލައިގެން މަހަކު 8،500ރ ދައްކާ ގޮތަށެވެ.

ރިޕޯޓްގައި ބުނީ، އެޗްޑީސީ އަށް މާލީ ގޮތުން ގެއްލުމެއް ނުލިބި ފްލެޓްތަކުގެ އަގު އެޗްޑީސީ އަށް ހަމައަށް ލިބޭނީ އެ ކުންފުނިން ކަނޑައެޅި އަގު ނެގުމުން ކަމަށެވެ. އެކަމަކު ސަރުކާރުން މިހާރު ކަނޑައަޅާފައިވާ ރޭޓުން ފައިސާ ދައްކާ ނަމަ 138 މިލިއަން ރުފިޔާ ޑެފިސިޓްވާނެ ކަމަށާއި ޔާމީންގެ ސަރުކާރުން ކަނޑައެޅި ގޮތަށް މަހަކު 6،500ރ ދައްކާ ނަމަ 9.2 ބިލިއަން ރުފިޔާ ޑެފިސިޓް ވާނެ ކަމަށް ވެސް ބުންޏެވެ.

ބޯހިޔާވަހިކަން އެޗްޑީސީ ސަރުކާރު ލޯނު ހިޔާ ފްލެޓްތައް ހުޅުމާލޭ ދެ ވަނަ ފިޔަވަހި ހުޅުމާލެ އޮޑިޓް ރިޕޯޓް އޮޑިޓާ ޖެނެރަލް އޮފީސް

70 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަނބިލި

24 October 2021

ހިޔާ ފުލެޓުން އެތައް ސަތޭކަ ބަޔަކަށް ބޯހިޔާ ވަހިކަން ލިބިއްޖެ. މާލޭ ގެދޮރުގެ މޮނޮޕޮލީއަށް ލުއި ލިބިއްޖެ. ހިޔާ ފުލެޓްތައް އެޅި ގޮތާއި ކުއްޔަށް ދިން ގޮތުން ރައްޔިތުންނާއި ސަރުކާރަށް ބުރައަކަށް ވާނަމަ. މިއަށް ހެޔޮ އަގުގައި ކުޑަޚަރަދަކުން ތަނަވަސް ބޯހިޔަލުގެ ފުރުސަތު ރައްޔިތުންނަށް ދޭންވީނު. ކުރީ ސަރުކާރުން ކުރި ކަމެއްގެ އުނިކަން ދައްކަދައްކާ ތިބުމަކީ ރައްޔިތުންނަށް އެކަމުން ރާހަތެއް ތަސައްލީއެއް ލިބޭނެ ކަމެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

24 October 2021

ކުރީގެ ސަރުކާރުން ފްލެޓްތަކުގެ އަގުކަނޑައެޅީ ކިހިނެއްތޯ ތިޔަ އޮޑިޓްގައި ބެލިބާވައެވެ. އަޑުއިވޭގޮތުގައި އެއީ ކަނޑައަޅާފައިވާ އަގެއް ނޫނެވެ. އެއީ ވެރިކަން ވެއްޓުނުކަން ޔަގީންވުމުން އަލަށް އަންނަ ސަރުކާރާމެދު ރައްޔިތުންގެ ގިނަބަޔެއްގެ ހިތުގައި ނަފްރަތު އުފައްދަން ޖެހިނުބައި މަޅިއެކެވެ. މިކަމުގެ ހަގީގަތްވެސް މިހާރު ނޫހުން ސާފުކޮށްލަދެއްވުން އެދެމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

24 October 2021

ހިޔާ ފްލެޓްގެ އެންމެ ޕޮޒިޓިވް ހަބަރެއް ވެސް ލިޔެލަން ނޫސްވެރިންނަށް ނޭނގޭ!! ނުވަތަ ނުފެނޭ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޜާއްޖެ

24 October 2021

ޜާއްޖޭގަ މިއޮންނަ ސަގާފަތަކީ، ކުރީ ސަރުކާރުން ކުރާހުރިހާކަމެއް ހަލާކުކުރުން. ޢެޔަށްވުރެ ރަނގަޅުވާ މި ސަރުކާރުންވެސް 7000 ފުލެޓު އަޅަން އުޅެންވީނު. ޢެކަމް ހިޔާފުލެޓާ އަޅާގަނެގެން ނުނެއްޓި އުޅެެނިކޮށް އެއޮތް 2023 އައީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަކުނިބޯ

24 October 2021

މިނިސްޓްރީން އޮކްޓޯބަރު 94 މިލިއަން ރުފިޔާގެ ލޯނެއް ދިނީ ނުވަ ޕަސެންޓްގެ އިންޓަރެސްޓް ރޭޓާއެކު ހަ މަސް ދުވަހުގެ ތެރޭގައި އަނބުރާ ދައްކާ ގޮތަށެވެ. މާނަޔަކީ %18 އެވެ. 29.9 މިލިއަން ރުފިޔާ ދޫކުރީ 10 ޕަސެންޓްގެ އިިންޓަރެސްޓާއެކު ހަ މަސް ދުވަހުގެ ތެރޭގައި އަނބުރާ ދައްކާ ގޮތަށެވެ. މާނަޔަކީ %20 އެވެ. ޢެހެންވީމަ ދިވެހިދައުލަތްރައްޔިތުންދެކެ ހާދަ ލޮތްބެކޭ ތިޔަވަނީ ކޮސްވެދާނެ އެކަމު ސޯޝަލް ހައިސިން ސްކީމްގެ އިންޓަރަސްޓަކީ %6 ކިޔާގެން އަގަފުޅާކުރާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދު

24 October 2021

އިންޓަރެސްޓަށް ކިތަންމެ ބައިވަރެއްއެރިއަސް އެވާހަކަ ދެއްކުމުގެ ބޭނުމެއްނެތް އަދި ކުރީގެ ސަރުކާރަކުން ކަންކުރީ އެހެންނޭ މިހެންނޭ ކިޔާނެކަމެއްވެސް ނެތް. ސަބަބަކީ ރައްޔިތުން ވޯޓްދިނީ އެހުރިހައިކަމަކަށް ހައްލު ހޯދަދޭނެކަމަށް ބުނީމައި. ރައްޔިތުންގެ އާދައިގެ މީހުންނަށް ބައިފޫޓުގެ ފުލެޓު ދޭގޮތަށް ސިޔާސީ މީހުން ދިރިއުޅެންވެސް ބައިފޫޓުގެ ފުލެޓް ދީބަލަ އޭރުން ޚަރަދުކުޑަވާނެ. ހަޤީގަތަކީ މި ގައުމުގެ ގިނަ ރައްޔިތުން އަދިވެސް ހިސާބަށްވުރެ ތަންދޮރުކުޑައީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޔަހީވޭހަމަ

24 October 2021

ޜައްޔިތުންނަށް ބޯހިޔާވަހިކަން ދޭއިރު ސަރުކާރަށް އެއިން ބޮޑު ފައިދާއެއް ވާންޖެހޭތަ؟؟ ތީ އަމިއްލަ މީހެއްގެ ވިޔަފާރި ކުންފުންޏެއްތަ؟ ޙެޔޮއަަގުގައި ބޯހިޔާވަހިކަން ދިނުމަކީ ސަަރުކާރުގެ ޒިންމާއެއް. ޢެކަމުން ގެއްލުންވާވާހަކަ އަދި އަލައް ސަރުކާރަކުން މި ދައްކަނީ!.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

24 October 2021

ކޮތަރު ކޮށި އެޅީ ހެސް ކިޔާފަ ކޮމާޝަލް ރޭޓުގަ ލޯނު ނަގައިގެން.. ލޯނު ނެގީ ތަން ހަދާ ނިންމާލެވޭނެ މިންވަރަކަށްނޫން.. އެ ހުރިހާ ހަޑިއެއް ހޭވީމަ އޭތި އަނބުރާ ދައްކަން މިޖެހެނީ ރައްޔިތުން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހަތުން

24 October 2021

ލައިބޯރ ދެއްތޯ... ލައިބޯރ އަކީ އިންޓަރަސްޓް ރޭޓެއް.. ލައިބޯރ އަށްވުރެ 3.3 ޕަސެންޓު ބޮޑު ނަމަ އެ ލޯނުގެ އިންޓަރެސްޓް ރޭޓަކަށް ވާނީ ލައިބޯރ ރޭޓަށް 3.3 އެއްކުރުމުން އަންނަ އަދަދު...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Coronavirus

24 October 2021

ތިފައިސާއިން އެއް އަތޮޅުގެ ފެނާއި ނަރުދަމާ އާއި އެހެނިހެން ބޭސިކް ކަންތައް ހަމަޖެއްސޭނެ. ރާއްޖޭގެ ރައްތަކަށް ބޭނުންވަނީ ރަގަޅު ލޭންޑުސްކޭޕް ޕުލޭނެއް. މުޅި ރާއްޖޭގެ ހުރިހާ ރަށެއްގެ ލޭންޑުސްކޭޕް ޕުލޭން ބަދަލު ކުރަން ޖެހޭ. އޭގެ ފަހުން ގެ އަޅާނެ ވަކި މިންގަޑެއް ކަނޑަ އަޅަން ޖެހޭ. ގޯތި ދިނުގު ބަދަލުގައި ރަގަޅަށް ގެ އިމަރާތް ކުރާ ފަރާތްތަކަށް ގެ އަޅަން ދޫކޮއްލަންވީ. ގެ ގަންނަ މީހާ ގެ ގަތީމާ އެގެ މިލްކުވީ.