ވިޔަފާރި

އިޓަލީގެ ނިއޯސް އެއާލައިނުން ރާއްޖެއަށް އަލުން ދަތުރުތައް ފަށައިފި

ނިއޯސް އެއާލައިންގެ ބޯޓެއް ވެލާނާ އިންޓަނޭޝަނަލް އެއާޕޯޓުގައި-- ފޮޓޯ: ވީއައިއޭ

އިދުހާމް ނައީމް، މިހާރު

25 އޮކްޓޯބަރ 2021 - 15:17

1 comments

އިޓަލީގެ ބަޖެޓް އެއާލައިނެއް ކަމަށްވާ ނިއޯސް އިން ރާއްޖެއަށް އަލުން ދަތުރުތައް ފަށައިފި އެވެ.

އެ އެއާލައިނުން ރާއްޖެއަށް ކުރަމުން އައި ދަތުރުތައް މެދުކަނޑާލީ ކޮވިޑް-19އާ ގުޅިގެން މިދިޔަ އަހަރު ރާއްޖޭގެ ބޯޑަރު ބަންދުކުރުމާ ގުޅިގެންނެވެ.

ނިއޯސް އިން މި ދަތުރުތައް ފެށުމާއެކު އިޓަލީގެ ރޯމާއި މިލާން އިން ރާއްޖެއަށް ހަފުތާއަކު އެއް ދުވަހު ދަތުރު ކުރާނެ އެވެ.

އިޓަލީއަކީ ކޮވިޑް-19ގެ ކުރިން ރާއްޖެއަށް އެންމެ ގިނައިން ޓޫރިސްޓުން އަންނަ ގައުމެވެ. މިދިޔަ އަހަރު ވެސް އެންމެ ގިނައިން ޓޫރިސްޓުން އައި ގައުމުތަކުގެ ތެރޭގައި އިޓަލީ ހިމެނެ އެވެ. ނަމަވެސް ކޮވިޑާ ގުޅިގެން އެ ގައުމުގެ އެއާލައިންތަކުން ދަތުރުތައް މެދުކަނޑާލުމުން މިއަހަރުގެ މިހާތަނަށް އެ ގައުމުން އައި ޓޫރިސްޓުންގެ އަދަދު ވަނީ ދަށްވެފަ އެވެ.

We’ve got fantastic news for our passengers flying from Italy. 🇮🇹 @neos_air resumes direct flights from Milan & Rome to the #SunnySideOfLife ☀️🏝🌊 pic.twitter.com/iJBJ2ZclKl
— VelanaAirport (@VelanaAirport) October 24, 2021

ނިއޯސް އިން ރާއްޖެއަށް ދަތުރު ފެށުމުން ވީއައިއޭއިން މަރުހާބާ ކިޔައި ކުރި ޓްވީޓެއް--

ނިއޯސް އިން ރާއްޖެއަށް އަލުން ދަތުރުތައް ފެށީ ކުރިއަށް އޮތީ ފެސްޓިވަލް ސީޒަނަށް ވާތީ އެވެ. ކޮންމެ އަހަރަކު މި ދުވަސްވަރު އެ ގައުމުގެ ޓޫރިސްޓުންގެ މެދުގައި ރާއްޖެއަށް އޮންނަ ޑިމާންޑު އިތުރުވެ އެވެ.

މިއަހަރުގެ މިހާތަނަށް ރާއްޖެއަށް 962,490 ޓޫރިސްޓުން އައިސްފައިވާއިރު މި މަސް ނިމޭއިރު އެއް މިލިއަން ހަމަވާނެ ކަމަށް ޓޫރިޒަމް މިނިސްޓަރު އަބްދުﷲ މައުސޫމް ވަނީ ލަފާކުރައްވައިފަ އެވެ.

އިޓަލީ ޓޫރިޒަމް

1 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

25 October 2021

ވެލާނާއެއަރޕޯޓަށް ނުޖެއްސިގެން ކިއޫގައި ފުރުސަތެއްލިބޭތޯ 45 މިނިޓް އޮންނާންނުޖެހޭ ފްލައިޓެއް ނޮވެމްބަރުން އަންނަ މާރިޗް މަހާއިހަމައަށް ތިތަނަށް ނުޖައްސާނެ. # މިހާލަތުގައިވެސް ތިމާމެނަށް ލިބޭ އެއްޗެއް މަދުވެދާނެކަމަށް ނުވަތަ ރާއްޖޭގެ އެހެން ސަރަޙައްދެއްގައި ފަތުރުވެރިކަން އާލާވެދާނެތީ ތިތަނަށް ޖައްސާ ބަޖޭޓް ނުވަތަ ލޯކޮސްޓް ފްލައިޓްވެސް ގޭން ނުވަތަ ހަނިމާދުއަށް ޖައްސާން މާލޭސަރުކާރު ފުރުސަތުދޭކަށް ބޭނުމެއްނުވޭ. މިއީ މިމީހުންގެ ކަންކަން ހުންނަގޮތް.