"ޓައިގާ ކިންގް" އަށް ޕްރޮސްޓޭޓް ކެންސަރު ޖެހިގެން ފަރުވާ ހޯދަނީ

ޖޯ އެގްޒޯޓިކް.

އަހުމަދު އަދްޝަން، މިހާރު

06 ނޮވެމްބަރ 2021 - 07:27

ނެޓްފްލިކްސް "ޓައިގާ ކިންގް" އަށް ޕްރޮސްޓޭޓް ކެންސަރު ޖެހިފައިވާ ކަމަށް ބުނެފި އެވެ.

ޑޮކިއުމަންޓަރީ ސީރީޒެއްގެ ގޮތުގައި މިދިޔަ އަހަރު ގެނެސްދިން "ޓައިގާ ކިންގް" ގެ މައި ކެރެކްޓާ އަދި ޖޯ އެގްޒޯޓިކްގެ ނަމުން މަޝްހޫރު ޖޯސެފް މަލްޑަނާޑޯ-ޕެސެޖް، 58، ބުނީ އޭނާ މިހާރު ފަރުވާ ވެސް ހޯދަމުން އަންނަ އިރު، ބައްޔާ ގުޅުން ހުރި އިތުރު ޓެސްޓްތަކެއްގެ ނަތީޖާގެ އިންތިޒާރުގައި ހުރި ކަމަށެވެ.

"ޓައިގާ ކިންގް" އަށް ކެންސަރަށް ފަރުވާ ހޯދާކަން ހާމަކޮށްފައި މި ވަނީ މީހަކު މަރައިލަން އުޅުނުކަމުގެ ކުށް ސާބިތުވެގެންނާއި ޖަނަވާރުން އިހާނެތިކޮށް ހިތުން ފަދަ އެތައް މައްސަލައެއްގައި 17 އަހަރުގެ ޖަލު ހުކުމެއް ތަންފީޒު ކުރަމުން ދަނިކޮށެވެ.

އޭނާގެ ވަކީލު ޖޯން އެން ފިލިޕްސް ވިދާޅުވީ ޖަލުގައި އޮއްވައި ޓައިގާ ކިންގް ކެންސަރަށް ފަރުވާ ހޯދަން ޖެހުނު އިރު ޖަލުގައި ފަރުވާ ދެވޭނެ ރަނގަޅު އިންތިޒާމުތަކެއް ހަމަޖެހިފައި ނެތް ކަމަށާއި އަދި ފަރުވާދެވޭނެ ރަނގަޅު ވަސީލަތްތަކެއް ވެސް ނެތް ކަމަށެވެ.

Tiger King is coming back this year — and Season 2 promises just as much mayhem and madness as Season 1! pic.twitter.com/mFBUxtAl6i
— Netflix (@netflix) September 23, 2021

ބެލުންތެރިންގެ މަގުބޫލު ކަމާ އެއްވަރަށް ފާޑުކިޔުންތަކެއް އަމާޒުވި ޓައިގާ ކިންގް: މާޑާ، މޭހެމް، އެންޑް މޭޑްނެސް" ގެ ދެވަނަ ސީޒަން ވަރަށް އަވަހަށް ގެނެސްދޭނެ ކަން ސެޕްޓެމްބަރު މަހުގެ ތެރޭގައި ނެޓްފްލިކްސް އިން އިއުލާން ކޮށްފައިވެ އެވެ.