ހުޅުމާލެ އިން ވިއްކާ ބިންތައް މާލޭގެ މީހުންނަށް ހާއްސަ ކޮށްފި

ހުޅުމާލޭގެ ދެވަނަ ފިޔަވަހީގެ މަގެއް-މިތަނުން މިހާރު ބިން ވިއްކަން ނިންމާފައި ވަނީ ހަމައެކަނި މާލޭ މީހުންނަށް. ފޮޓޯ:ނިޝާން އަލީ/މިހާރު

މާއިދާ މުހައްމަދު ރަޝާދު، މިހާރު

01 ޖެނުއަރީ 2022 - 22:19

132 comments

ހުޅުމާލޭގެ ދެވަނަ ފިޔަވަހިން ބީލަމުގެ އުސޫލުން ހަމައެކަނި މާލޭގެ މީހުންނަށް ބިން ވިއްކަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ނިންމައިފި އެވެ.

ހުޅުމާލެ ބަލަހައްޓާ އެޗްޑީސީން ކުރީގެ ރައީސް އަބްދުﷲ ޔާމީންގެ ވެރިކަމުގައި ހިއްކި ހުޅުމާލޭ ދެވަނަ ފިޔަވަހިން 1،603 އަކަފޫޓާއި 2،633.93 އަކަފޫޓާ ދެމެދުގެ 60 ބިމެއް ބީލަމުގެ އުސޫލުން ގަތުމުގެ ފުރުސަތު މިދިޔަ މަހުގެ 27 ގައި ހުޅުވާލިއިރު ކޮންމެ ރަށެއްގެ މީހަކަށް ވެސް ބިން ގަތުމުގެ ފުރުސަތު އޮތެވެ.

އެކަަމަކު އެ ނިންމުން ބަދަލުކޮށް، އިއްޔެ އެޗްޑީސީން ކުރި އިއުލާނެއްގައި ވަނީ ބީލަމުގެ އުސޫލުން ގޯތި ގަތުމަށް ކުރިމަތިލާ މީހުންގެ ޝަރުތުތައް ބަދަލުކޮށްފަ އެވެ. އޭގައިވާ ގޮތުން މިހާރު ބިން ގަނެވޭނީ މާލޭގައި ރަޖިސްޓްރީވެފައިވާ މީހުންނަށް އެކަންޏެވެ.

އެކަަމަކު އެޗްޑީސީގެ ބަހެއް ނުލިބޭތީ ކުއްލިއަކަށް މި ބަދަލު ގެނައީ ކީއްވެ ކަމެއް ސާފެއް ނުވެ އެވެ.

މީގެ ކުރިން ބީލަމުގެ އުސޫލުން ބިން ވިއްކީ ހުރިހާ ދިވެހިންނަށް ވެސް ބައިވެރިވެވޭ ގޮތަށެވެ.

Hulhumale ge dhevana fiyavahin 60 bimeh vikkumah hulhuvaalaifi

The most trusted news source in the Maldives

Mihaaru

ބިން ގަތުމަށް ޝަރުތު ހަމަވާ މީހުންގެ ޝަރުތުތައް:

- މާލޭ ސަރަހައްދުން ދިރިއުޅުމުގެ ބޭނުމަށް 600 އަކަފޫޓަށް ވުރެ ބޮޑު ބިމެއް/ ގޯއްޗެއް ރަޖިސްޓްރީކޮށްފައިވާ މީހަކަށް ނުވުން.

- މާލެއިން ގިނަ ބައެއްގެ ނަން މައްޗަށް ރަޖިސްޓްރީކޮށްފައިވާ ތަނެއްގައި ވެސް އެމީހެއްގެ ނަން މައްޗަށް ރަޖިސްޓްރީކޮށްފައިވާ ބައި 600 އަކަފޫޓަށް ވުރެ ބޮޑު ބިމެއް ލިބިފައިނުވުން. [މައިންބަފައިންނާއި އެހެން ގޮތްގޮތުން ވާރުތަވާ ބިންތަކެއް ނުހިމެނޭނެ]

- އެޗްޑީސީ މެދުވެރިކޮށް ހުޅުމާލެއިން ބީލަމުގެ އުސޫލުން ބިމެއް ގަނެފައިވާ ފަރާތަކަށް ނުވުން.

ދެވަނަ ފިޔަވަހީގެ އަތިރިމަތީގެ ކުރިމަތިން ނުވަތަ ބީޗް ފްރަންޓުން ބިން ގަންނަ މީހުންގެ ބީލަން ފޯމު ހުށަހެޅުން އޮންނާނީ ފެބްރުއަރީ 9 ގަ އެވެ. އަދި ބީޗް ސައިޑް ނުވަތަ އަތިރިމައްޗާ ކައިރިން ބިން ގަންނަން ބޭނުންވާ މީހުންގެ ފޯމު ބަލައިގަންނާނީ ފެބްރުއަރީ 16 ގަ އެވެ. ފޯމު ބަލައިގަންނާނީ އެ އިން ކޮންމެ ތާރީހެއްގެ ވެސް ހެނދުނު 9 އިން މެންދުރު 12 އަށެވެ.

ހުޅުމާލެ ދެވަނަ ފިޔަވަހިން ދިރިއުޅުމަށް ބީލަމުގެ އުސޫލުން ގޯތި ވިއްކުމާ ގުޅޭ — Housing Development Corporation

Phase 2 Land Sale Announcement- Amendment

Housing Development Corporation

އެޗްޑީސީން ފަހުން އާންމުކުރި އިއުލާން-

ބީލަށް ހުށަހެޅުމަށް ނަމްބަރު ދޫކުރާއިރު ބީލަން ފޯމު ހުށަހަޅަން ޖެހޭ ތަނުގެ މައުލޫމާތު ފަހުން އެޗްޑީސީން އާންމުކުރާނެ އެވެ. ބީލަން ހުށަހަޅާއިރު ބިޑް ސެކިއުރިޓީގެ ގޮތުގައި 320،000ރ. ހުށަހަޅަން ޖެހެ އެވެ. އެޗްޑީސީން ބުނީ ބީލަން ފޯމު ހުށަހަޅަން ހާޒިރުވާ މީހުންގެ ކުރިމަތީގައި ބީލަން ހުޅުވުމަށް ފަހު، އަކަފޫޓަކަށް ބީލަން ފޯމުގައި ހުށަހަޅާފައިވާ އަގު އިއުލާން ކުރާނެ ކަމަށެވެ. ބިން ވިއްކުމާ ގުޅޭ އިތުރު މައުލޫމާތު އެޗްޑީސީގެ ސޭލްސް ޑިޕާޓްމަންޓަށް ގުޅައިގެން ވެސް ސާފުކުރެވޭނެ ކަމަށް އެ ކުންފުނިން ބުނެ އެވެ.

ޔާމީންގެ ސަރުކާރުގައި ހުޅުމާލޭގެ ދެ ވަނަ ފިޔަވަހިން 240 ހެކްޓަރުގެ ބިން ވަނީ ހިއްކައިފަ އެވެ.

ހުޅުމާލެ އެޗްޑީސީ ހުޅުމާލޭ ދެ ވަނަ ފިޔަވަހި މާލެ

132 ކޮމެންޓް, 101 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސައީ

04 January 2022

ކިހާ ދެރަ ކަމެއް މަލޭގެ ޢާންމު މީހުން އަތަކު ލައްކަ ލައްކައިން ދައްކާނެ ލާރި އެއް ނެތް 30 40 އަހަރު ވަންދެން ސަރުކާރުގެ ވަޒީފާ އަދާ ކޮށްގެން ލިބޭލާރިކޮޅުން މައިން ބަފައިންގެ ގޭގައި އުޅެމުން ކިރިޔާ ކާލެވެނީ. ޢިތުރު އެއްޗެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިރުސް

02 January 2022

ކަލޯ ހީކުރަނީތަ ރަށްރަށު މީހުން މާލެއައީ އަންނަހިތުންކަމަށް. އަހަރެމެން ރަށްރަށުންވެސް ނޫނީ އަތޮޅުންވެސް ރަނގަޅު ބޭސްފަރުވާ އާއި އެހެން ހިފުމަތްތައް ލިބޭނަމަ މާލެނައީސް. މާލެ ތަރައްގީ ކުރީ ރަށްރަށު މީހުން. މާލޭގަެި ނަރުދަމާ އަޅަން ވަޅުކޮންނަން އައީ އަހަރުމެންގެ ކާފަމެން. އެކަމަކު އަދިވެސް އަހަރުމެން ރަށުގައި ނަރުދަމާ ނޭޅޭ. ލަދެއް ނުގަނޭދޯ ރަށްރަށުމީހުން ރަށަށް ދާށޭ ބުނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯހަލާކު

02 January 2022

މާލެ މީހުން އެއީ ހާދަ މާތް ހާއްސަ ބައެކޭދޯ. ރާއްޖޭގެ އެންމެ ބިން މުހިންމު ތަނުން ބިން ވިއްކަންޖެހޭނީހަމަ އޮރިޖިނަލް މާލެ މީހުންނަށް. އެއީ މަތިންބާވައިލެއްވި ބައެއްވިއްޔަ.ތިވަރު ރޭސިސްޓު ކޮމެންޓެއް އަދި ނުދެކެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުޅި

02 January 2022

ހުލުމާލެ އެއީ މާލެ މީހުންގެ ތަނެއްނޫން. ބަލާއެއްނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލްޒ

02 January 2022

ދެން އެހެންވީމަ ޓެކްސް ދެއްކުން ހުއްޓާލާނީ. މާލޭ މީހުން އަތުން އެކަނި ޓެކްސް ނަގާ. އިމްޕޯޓު ޑިއުޓީއަށްވާ ފައިސާވެސް ރާއްޖެތެރޭ މީހުންނަށް މީރާއަށް ގޮސް އަނބުރާ ނެގޭ ގޮތަށް ހަދައިދީ. އެއަރޕޯޓުން ނަގާ ޓެކްސްއާ މިހެންގޮސް ހުރިހާ ޓެކްސްއެއް ރާއްޖެތެރޭ މީހުންނަށް ކަނޑާލަދީ. އަދި ރާއްޖެތެރޭ މީހުންނަށް ވަކިން ހާއްސަ އައިޑީ ކާޑެއްވެސް ހައްދައިދީ. ރިސޯޓުތަކުން ނަގާ ޓެކްސްވެސް އެރިސޯޓެއް ހުރި އަތޮޅެއްގެ ކައުންސިލަށް ޖަމާކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުލު

02 January 2022

21 ވަނަ ޤަރުނުގެ ތަފާތު ކުރުން މިފެންނަނި. މީޢި ނަސްލީ އިމްތިޔާޒުބޮޑު ސައުތު އެފުރިކާޔަށް ބަދަލުވި. ކޮބާ ހިއުމަން ރައިޓްސް ކަމިސަން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮތަޅު

02 January 2022

ބައެއް ރަށްރަށުގަ އެބަހުރޭ ދަނޑުވެރިކަމަށްވެސް ބިންދޫކޮށްފަ، އެހެންވީމަ އަނެއްކާ މާލޭގޭގެއަށް މާލެއަތޮޅު ހުޅުމާލެއިން ދަނޑުވެރިކަމަށް ބިންދޫކުރަން ނުފަށާނެބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަލީމް

02 January 2022

އާން.. ރަށް ރަށު މީހުން ބުނެފާނެ ތިމަންނާ ދަނޑުގޮވާން ކުރަން ބޭނުމެ މަލޭގަ. އެވީ ދަނޑެއް ލިބުމުގެ ހައްގު އުފަންވާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުރު

02 January 2022

މަބުނީ، ދެން އަތޮޅުތަކުގެ ފަޅުރަށްތައް މާލޭމީހުނަށް ނުދެވޭނެދޯ މިވާގޮތުން. މިއަތޮޅު އެއްފަޅި އެއްކޮށް މާލޭމީހަކަށް ދީފަ މިހާރުވެސް އޮތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލު

02 January 2022

މާލޭގައި މާލޭމީހަކު އުޅޭތަ? ރަށުން އައިސް މާލޭގެ ގެއެއްގައި ޖެއްސުމުން އެވީ މާލޭ މީހަކަށް. އައިޑީ ކާޑުގައި އޮންނާނީ މާލޭގެ ގެއެއްގެ އެޑްރެސް. އެގޭގެ މީހުންގެ ރަޖިސްޓަރީ ބަލައިފިނަމަ, އޮންނާނެ މާލޭގެ ގެެއެއްގައި ރަށުން އައިސް ހެއްސި ތާރީޚް ފެންނަން. މީގެން އެބައިނގޭތޯ މާލެއަށް އުފަން މާލޭ މީހުންނާއި ރަށުން އައިސް މާލޭގައި ޖެހިގެން ތިބޭ މީހުން. ރަށުން އައިސް މިއަދު ޖައްސާ މީހާވެސް މާލޭ މީހަކަށްވެފައި 100 އަހަރުވީ މާލެ އުފަން މީހާއަށް ނުލިބޭ ޙައްގު ރަށުން މާލެ އައިސް މާލޭގެ ގެއެއްގައި ޖައްސައިގެން އެއްދުވަސްވާ މީހާއަށް ލިބޭ. ބިންވެސް ގަނެވޭ. މީވެސް ވައްތަރެއްގެ އިންސާފެއް.