އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ (ކ) އާއި ހަންގޭރީގެ ބޮޑުވަޒީރު ވިކްޓާ އޯރްބާން ބައްދަލުކުރައްވަނީ. -- ފޮޓޯ: އޭއެފްޕީ
03 އެޕްރީލް 2025 - 17:49
ފަލަސްތީނުގެ ޣައްޒާގައި ހަނގުރާމައިގެ ޖަރީމާތައް ހިންގާފައިވާ މައްސަލައިގައި ހައްޔަރުކުރުމަށް އިޒްރޭލުގެ ބޮޑުވަޒީރު ބެންޖަމިން ނަތަންޔާހޫގެ މައްޗަށް އިންޓަނޭޝަނަލް ކްރިމިނަލް ކޯޓް (އައިސީސީ) ގެ އަމުރެއް އޮއްވައި ދައުވަތު ދީގެން ހަންގޭރީއަށް ގެންދިއުމަށް ފަހު އައިސީސީން ވަކިވަން ނިންމިކަން ހަންގޭރީން އިއުލާނުކޮށްފި އެވެ.
ބޮޑުވަޒީރު ވިކްޓާ އޯރްބާން ވަނީ އައިސީސީން ހަންގޭރީ ވަކިވުމުގެ، އަހަރެއްހާ ދުވަހުގެ މަރުހަލާ މިހާރު ފަށާފައިވާކަން އިއުލާނުކޮށްފަ އެވެ.
ނަތަންޔާހޫ ހައްޔަރުކުރަން އައިސީސީގެ އަމުރު ތަންފީޒު ނުކުރާނެ ކަމަށް ކުރިން ވެސް ވައުދުވި އޯރްބާން ވަނީ އަސްކަރީ ޝަރަފާ އެކު، ރަތްދޫލައިގެ މަރުހަބާއެއް ނަތަންޔާހޫއަށް ކިޔައިފަ އެވެ.
ނަތަންޔާހޫއަށް އޮރްބާން ނޮވެމްބަރު މަހު ދައުވަތު ދިނީ އިންސާނިއްޔަތާ ހިލާފު ޖަރީމާތަކާއި ހަނގުރާމައިގެ ޖަރީމާތަކުގެ މައްސަލައިގައި ނަތަންޔާހޫ ހައްޔަރުކުރަން އައިސީސީން އަމުރު ނެރުނުތާ އެއް ދުވަސް ފަހުންނެވެ.
ހަންގޭރީގެ މި އަމަލާ އެކު އައިސީސީން ވަނީ އެ ނިންމުމާ މެދު ހިތާމަކުރާ ކަމަށް ބުނެފަ އެވެ. އަދި އަދި ނަތަންޔާހޫ ހައްޔަރުކުރުމަށް ނެރެފައިވާ އަމުރަށް މެންބަރު ގައުމެއްގެ ހައިސިއްޔަތުން ހަންގޭރީން ތަބާވާން ޖެހޭނެ ކަމަށް ބުނެފައިވެ އެވެ.
"އައިސީސީއަށް އެއްބާރުލުން ދިނުމަކީ ހަންގޭރީއަށް އޮތް ޒިންމާއެއްކަން ކޯޓުން ހަނދާންކޮށްދެން،" އައިސީސީގެ ތަރުޖަމާނު ފާދީ އަލް އަބްދުﷲ ވިދާޅުވި އެވެ.
ނަތަންޔާހޫގެ މި ދަތުރުގެ ބޭނުމަކީ އޭނާއާ އެއްވިސްނުމެއްގެ އޯރްބާންއާ ބައްދަލުކޮށް އިޒްރޭލުގައި ހިނގަމުންދާ ސިޔާސީ މައްސަލަތަކާއި އިޒްރޭލުން ހިންގާ ޖަރީމާތަކުން ސަމާލުކަން އެހެން ދިމާލަކަށް އަނބުރާލުން ކަމަށް ގިނަ ބަޔަކު ބުނެ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ދީދީފުޅު
04 April 2025
ބަލަ ތިއަކީ އަޖާއިބުވެ އަންތަރީސް ވާންޖެހޭކަމެއްނޫން. ޔަހޫދީންނާއި ޔަހޫދީން ގުޅޭނެ، ޔޫރަޕާއި އެމެރިކާ ގަބޫލުކުރާގޮތުގައި އެމީހުންނަކީ ކުށްކުރާ ބައެއްނޫން، އެހެންވީމައި އެމީހުންގެ ކުށެއްގެ ވަަހަކަ އެއްވެސްތަނެއްގައި ދެއްކިގެން ނުވާނެ. އަނެއްކަމަކީ ތިޔަ ކޯޓެއް އުފެއްދީ މުސްލިމުންނާއި އެފްރިކާގެ ގައުމުތަކުގެ ވެރިން ހައްޔަރުކުރުމުގެ ނިޔަތުގައި. ބޭނުމަކީ ތިޔަކޯޓު މެދުވެރިކޮށް މުސްލިމުންނާއި އެފްރިކާ އޭޝިއާގެ ގައުމުތަކަށް ބިރުދެއްކުން.
ސައްޙާފް
03 April 2025
ތިޖެހުނީ ރަސްމީކޮށް ވިޒް އެއާއިން މީގެ ފަހުން ދަތުރުކުރުން ހުއްޓާލަން.
މުރާސިލް
03 April 2025
ޓިކެޓް އަގުހެޔޮވިއަސް އަހަރެން މިހާރުވެސް ވިޒް އެއާގެ ފުލައިޓްތަކުގައި ދަތުރު ނުކުރަމެވެ. ސަބަބަކީ ހަމަ އެންމެ ސަބަބެކެވެ. ޔަހޫދީންނަށް މަދަދު ދޭ ބަޔަކަށް ނިސްބަތްވާތީއެވެ.