އިންޑިއަން އެއާފޯސްގެ ޖެޓެއް ތަމްރީންތަކެއްގައި އުޅެނިކޮށް ރޭ އެ ގައުމުގެ އިރުއުތުރު އާސާމް ސްޓޭޓަށް ވެއްޓިއްޖެ އެވެ.
އެއާފޯސް އިން އެކްސްގައި ކުރި ޕޯސްޓެއްގައި ވަނީ އެސްޔޫ-30 އެމްކޭއައި ވެއްޓިފައިވާ ކަމަށާއި ހޯދުމުގެ މަސައްކަތް މިހާރު ކުރަމުން އަންނަ ކަމަށް ބުނެފަ އެވެ.
މި ޖެޓް، އިންޑިއާ ގަޑިން ރޭ 7:42 ގައި އާސާމްއިން ފުރުމަށް ފަހު، އެނބުރި އަންނަންޖެހޭ ވަގުތު ޖެހިގެން ދިޔައިރު ވެސް އައިސްފައި ނުވާތީ އާއި އެއްވެސް ކޮންޓެކްޓެއް ކޮށްފައި ނުވާތީ ހޯދުމުގެ މަސައްކަތް ކުރަމުން އަންނަ ކުރިން ކުރިން ބުނެފައިވެ އެވެ.
އެސްޔޫ-30 ގެ ޖެޓެއް ވެއްޓިފައި މި ވަނީ ހިންދުސްތާން އެރޮނޮޓިކްސް ލިމިޓެޑްގެ ތެޖާސް ލައިޓް ކޮމްބެޓް މަތިންދާބޯޓެއް ފްރޮންޓްލައިން އެއާބޭސްއަކަށް ޖައްސަން އުޅެނިކޮށް ރަންވޭން ބޭރަށް ގޮސް އޭގެ އެއާފްރޭމަށް ބޮޑެތި ގެއްލުންތަކެއް ލިބުނުތާ 10 ދުވަސް ފަހުންނެވެ.
މިދިޔަ އަހަރުގެ ނޮވެމްބަރު މަހު ދުބާއީ އެއާ ޝޯއެއްގައި ވެސް އޭގެ ޖެޓެއް ވެއްޓިފައިވެ އެވެ.