އަބީޝެކް އެދެނީ އާމިރު ޑައިރެކްޓްކުރާ ފިލްމަކަށް

އަހުމަދު އަދްޝަން، މިހާރު

28 ޖޫން 2020 - 07:59

އާމިރު ޚާނަކީ ވަރަށް މޮޅު އެކްޓަރެއް ކަމަށާއި އޭނާ އަކީ އެހާމެ މޮޅު ޑައިރެކްޓަރަކަށް ވެސް ވާނެތީ، އާމިރު ޑައިރެކްޓްކުރާ ފިލްމެއްގައި މަސައްކަތްކުރުމަށް އުންމީދުކުރާ ކަމަށް އަބީޝެކް ބައްޗަން ބުނެފި އެވެ.

އެ ދެ ތަރިން އަލަށް ސްކްރީން ހިއްސާކުރި 2013 ގެ "ދޫމް 3" ގެ ހަނދާންތައް އިންސްޓްގްރާމްގައި ހިއްސާކުރަމުން އަބީޝެކް ބުނީ އާމިރާ އެކު އެކްޓްކުރަން ލިބުން ފިޔަވައި، ދެން އެންމެ ބޭނުން ވަނީ އޭނާ ޑައިރެކްޓްކުރާ ފިލްމެއް ކަމަށެވެ. އަބީޝެކް ބުނީ އޭނާގެ މި ޕޯސްޓް އާމިރު ކިޔާ ނަމަ އެކަމާ ދޭތެރޭ ވިސްނައިލަން ވެސް އެދޭ ކަމަށެވެ.

އަބީޝެކް ބުނި ގޮތުގައި އާމިރާ އެކު "ދޫމް 3" ގައި މަސައްކަތްކުރަން ލިބުމަކީ ކެރިއަރުގެ އެންމެ ހާއްސަ އެއް ކަންތަކެވެ. އަދި އަބަދު ވެސް އެ ތަޖުރިބާގެ މަތިން ހަނދާން އާކުރާނެ ކަމަށް ބުންޏެވެ.

"އޭނައަކީ އެހާމެ ހުނަރުވެރި އަދި އެކީގައި މަސައްކަތްކުރަން އެހާ ފަސޭހަ، ބޮޑާކަމެއް ނެތް ނުހުންނަ އެކްޓަރެއް. ދޫމް ތިނެއްގެ ތެރޭގައި ވަރަށް ގިނަ ކަންކަމުގައި އާމިރުގެ އެހީ އަހަންނަށް ވަރަށް ބޮޑަށް ލިބުނު. އަހަރެން ހިތަށް އަރަނީ އެހާ މޮޅު އެކްޓަރަކު ހާދަ މޮޅު ޑައިރެކްޓަރަކަށް ވެސް ވާނޭ،" އަބީޝެކް ބުންޏެވެ. "އެހެންވެ ބޭނުން އާމިރު ޑައިރެކްޓްކުރާ ފިލްމެއްގައި މަސައްކަތްކޮށްލަން."

View this post on Instagram

#RoadTo20 Year-2013 #Dhoom3 Back in the saddle of the Dhoom franchise. This time directed by Victor an old and dear friend of mine. Victor was the writer of the first 2 Dhooms. He also wrote the dialogues for Guru and Raavan. To be directed by him was... I guess, overdue. My brother @udayc is always a blast to work with. And if that work entails him playing Ali then it’s even more fun. This time the Dhoom boys were joined by @katrinakaif My second film with her. She did her first ever Hindi film with me, Sarkar. Dhoom gave me the once in a lifetime opportunity to work with @_aamirkhan and if given another opportunity I wouldn’t act with him, I want to be directed by him!!! So Aamir, if you’re reading this, kindly consider my request 🙏🏽🙏🏽🙏🏽. Aamir was so warm and forthcoming as a co-actor. Very helpful and accommodating. I can only imagine what a wonderful director he must be. Apart from his great talent he is so down to earth and fun loving on set despite what scene we would do. One of my fondest memories was when we shot a few scenes in Six Flags amusement park in Chicago. The park was shut and it was just the unit that was allowed in. The minute Aamir and I would get the shortest of breaks, we’d run off the the closest roller-coaster and ask them put it on just for us. What a luxury!!! Good times!

A post shared by Abhishek Bachchan (@bachchan) on Jun 25, 2020 at 10:17am PDT

ބޮލީވުޑްގެ އެންމެ ހުނަރުވެރި އެކްޓަރުންގެ ތެރޭގައި ހިމެނޭ އާމިރު ވަނީ މީގެ އަހަރުތަކެއް ކުރިން ޑައިރެކްޝަން ތަޖުރިބާކޮށްފަ އެވެ. އެއީ އޭނާ މުހިއްމެއް ރޯލެއް ވެސް ކުޅެ، ޑައިރެކްޓްކުރި 2007 ގެ "ތާރޭ ޒަމީން ޕަރް" އެވެ. އެކަމަކު އެ ފިލްމުގެ ބޮޑު ކާމިޔާބީ އަށް ފަހު، އާމިރު ފަހުން އެއްވެސް ފިލްމެއް ޑައިރެކްޓެއްނުކުރެ އެވެ.

އަބީޝެކްގެ ބައްޕަ އަމީތާބް ވެސް ވަނީ އާމިރާ އެކު މަސައްކަތްކޮށްފަ އެވެ. އެއީ 2018 ގެ "ތަގްސް އޮފް ހިންދުސްތާން" ގަ އެވެ.

އަބީޝެކަކީ އަމީތާބްގެ ދަރިއަކަށް ވިޔަސް މިހާތަނަށް ބޮލީވުޑްގައި މާ ބޮޑު ކާމިޔާބީއެއް ކުރިއެރުމެއް ހޯދުނު އެކްޓަރެއް ނޫނެވެ. އަދި އޭނާ އަށް ކުޅޭނެ މާ ރަނގަޅު ފިލްމުތަކެއް ވެސް ނުލިބެ އެވެ.

ބަތަލާ އައިޝްވާރިއާ ރާއީގެ ފިރިމީހާގެ ކުރިއަށް ހުރި ޕްރޮޖެކްޓްތަކުގެ ތެރޭގައި އަންނަ މަހުގެ 10 ގައި އެމެޒޯން ޕްރައިމް ވިޑިއޯ އިން ސްޓްރީމްކުރާ ވެން ސީރީޒް "ބްރީތު: އިން ޓު ދަ ޝެޑޯޒް" އާއި ފިލްމުތައް ކަމަށްވާ "ލޫޑޯ" އަދި "ދަ ބިގް ބުލް" ގެ އިތުރުން "ބޮބް ނިވާސް" ހިމެނެ އެވެ.