މޯލްޑިވިއަންގެ ބޯޓަކަށް ފަސިންޖަރުން އަރަނީ-- ފައިލް ފޮޓޯ: މިހާރު
22 ޖެނުއަރީ 2022 - 08:31
5 comments
އޭޓީއާރު ދެ މަތިންދާބޯޓު ކުއްޔަށް ނަގަން އައިލެންޑް އޭވިއޭޝަން (އައިއޭއެސް) އިން އިއްޔެ އިއުލާން ކޮށްފި އެވެ.
މޯލްޑިވިއަން އެއާލައިން ހިންގާ ކުންފުނިން ކުރި އިއުލާނެއްގައި ވާ ގޮތުން، އެ ދެ ބޯޓު ވެސް ކުއްޔަށް ނަގާނީ ދޮޅު އަހަރަށެވެ. ފުރަތަމަ ބޯޓު އަންނަ އޭޕްރިލް މަހު، ދެވަނަ ބޯޓު މޭ މަހު ލިބެން ޖެހޭނެ ކަމަށް އިއުލާނުގައި ވެ އެވެ.
މި މަތިންދާބޯޓުތައް ކުއްޔަށް ދޭން ބޭނުންވާ ފަރާތްތަކަށް ބީލަން ހުށަހެޅުމުގެ ފުރުސަތު އަންނަ މަހުގެ 10 ގައި ހުޅުވައިލާނެ އެވެ. ބީލަންތައް އިވެލުއޭޓު ކުރުމަށް ފަހު، ބޯޓުތައް ކުއްޔަށް ނަގާނެ ފަރާތެއް ހޮވާނީ އައިލެންޑް އޭވިއޭޝަންގެ ބޯޑުންނެވެ.
މޯލްޑިވިއަންގެ ފްލީޓު ބޮޑު ކުރުމަށް އައިލެންޑް އޭވިއޭޝަނުން ވަރަށް ފަހުން ވަނީ އޭޓީއާރުގެ ތިން މަތިންދާބޯޓެއް ވެސް ގަނެފަ އެވެ. މި ބޯޓުތައް އެ ކުންފުނިން ގަންނަނީ މިއީ ތިމާވެއްޓާ ރައްޓެހި، ހަރަދު ކުޑަ ބޯޓުތަކަކަށް ވާތީ ކަމަށް އައިލެންޑް އޭވިއޭޝަނުން ބުންޏެވެ.
މޯލްޑިވިއަންގައި މިހާރު އޮންނަނީ 12 މަތިންދާބޯޓެވެ. އެއީ އެއާބަސް 321 އަކާއި އެއާބަސް 320 އަކާއި ޑޭޝް8 ގެ 10 ބޯޓެވެ. އަދި ޓްވިން އޮޓާގެ 11 ސީޕްލޭން ވެސް މިހާރު އެ އެއާލައިންގައި އޮވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
22 January 2022
# ރާއްޖޭގައި މިހާރުވެސް ހިދުމަތް ދެމުންދާ އެއަރލައިން ކުންފުންޏަކުން ނުވަތަ އެމީހުންގެ މަސްލަހަތު އޮތް ފަރާތަކުން ތިކަން ކޮށްފިނަމަ ދޮޅު އަހަރަށް ބޯޓް ކުއްޔަށް ހިފާ އައިލަންޑް އެވިއޭޝަން އަށްވުރެން ހުރިހާ ގޮތަކުންވެސް ފައިދާ ބޮޑުވާނީ ބޯޓް ލީޒް ކުރާ ފަރާތަށް. # އަދި އައިލަންޑް އެވިއޭޝަންގެ މި އެހީތެރިކަމާއިއެކު އެމީހުންގެ ފުލީޓަށް 2 ބޯޓް އިތުރުވެގެންދާތަން ފެންނާނެ.
މައިސޫރު.
22 January 2022
100 ގެ ވާހަކަ އެއް. ތިކަން އޮތީ ހަމަޖެހި ނިމިފަ.
ޑެބީ
22 January 2022
ދުއްވާނެ މީހުން ބޭނުންވާނެ. ޑެބީ އެބަހުރިން.
ކޮރަލް
22 January 2022
ބޯޑް އަށާ ވެރީން ނަށް ފައިދާ ބޮޑީ ކުއްޔަށް ހިފީމަ އެވެ. ކޮންމެ މަހަކު ވެސް ލިބި ލިބި ހުންނާނެ އެވެ. ބޯޓް ގަތީމަ ވަނީ ގެއްލުމެވެ. އެހެން ވެ އާ ބޯޓް ނުގަންނަނީ އެވެ،
ޢެލާމް
22 January 2022
ޟުހިންމު ޜަންވޭތައް ދިގުކޮށް ތެޔޮ ބޭޏުންވާ އެއަރ ޕޯޓް ތަކުގައި އުފުހޭ ބޯޓަށް ބޭޏުންވާ ތެޔޮ ލިބޭ ގޮތަށް ހަނަޖެހިގެން ނޫނީ މައްސަލަ ހައްލު ޏުވާނެކަން ގަބޫޅުކުރާ ބަޔަކު ކަންކަން ޏިންމަން ތިބެގެން މެނުވީ ތިޔަހުރި ކަންތައްތައް ހައްލެއް ނުވާ ނެ.