ރިސޯޓް ހަދަން ދޫކުރާ ރަށްތަކަށް ބިޑު ހުށަހެޅުމުގެ މުއްދަތު އިތުރުކޮށްފި

މިދިޔަ އަހަރުގެ އޮކްޓޯބަރު މަހު ސަރުކާރުން ރިސޯޓް ހަދަން ހުޅުވާލި 18 ރަށުގެ ބިޑް ހުށަހެޅުމުގެ ފުރުސަތު އިތުރުކޮށްފި އެވެ.

ޓޫރިޒަމް މިނިސްޓްރީން ކުރި އިއުލާނުގައި ކުރިން ބުނެފައިވާ ގޮތުގައި މި ރަށްތަކަށް އެދި ބިޑް ހުށަހެޅުމުގެ މުއްދަތު ހަމަވާނީ މި މަހުގެ 24 ވަނަ ދުވަހު އެވެ. މި މުއްދަތު މިހާރު ވަނީ އަންނަ މަހުގެ 22 އަދި 23 އަށް އިތުރު ކޮށްފަ އެވެ.

ބިޑް ހުށަހެޅުމުގެ މުއްދަތު އިތުރު ކުރީ ކޮވިޑް-19ގެ އާ ވޭރިއަންޓާއެކު ބައެއް ގައުމުތަކުން ދަތުރުފަތުރު ކުރުމުގައި ފިޔަވަލުތައް ވަރުގަދަކޮށްފައި ވާތީ ކަމަށް ޓޫރިޒަމް މިނިސްޓްރީން ބުންޏެވެ. މި ބަދަލާ އެކު ބިޑް އަންނަ މަހުގެ 17ގެ ކުރިން ބިޑް ޑޮކިއުމަންޓް ގަންނަން ޖެހޭނެ އެވެ.

ބިޑް ހުށަހެޅުމުގެ މުއްދަތު އިތުރު ކުރި ރަށްތައް

- ހއ. އަލިދުއްފަރު ފިނޮޅު

- ހއ. މެދަފުށި

- ހދ ކުޑަފަރުފަސްގަނޑު

- ށ. ކުޑަޅައިމެންދޫ

- ރ. އެއްތިގިނލި (އަލިފުށީ ފަލުގެ 10 ހެކްޓަރާއެކު)

- މ. ސީދިހުރާ (ސީދިހުރަ ވެލިގަނޑާއެކު)

- މ. މާއުސްފުށި

- ފ. އެނބުލުފުށި

- ފ. ޖިންނަތުގައު

- ތ. ކާއްޑޫ

- ތ. އޮޅުފުށި (އޮޅުފުށި ފިނޮޅާއެކު)

- ލ. ކަށިދޫ

- ލ. ދޮންބެރެހާ (ހޮޅުރަހާއާއެކު)

- ގއ. މާރެހާ

- ގއ. ފުނަދޫ ވިލިނގިއްލާ

- ގދ. ކަނޑަހަލަގަލާ

- ގދ. ފެރޭތަ ވިލިގިއްލާ (ދެ ކާނބާ އާއި ކޮޑެރަޓާ އާއޮ އިތުރު ރަށެއް ކްލަސްޓާއެއްގެ ގޮތުގައި)

މި ރަށްތަކުގެ ތެރެއިން ހއ.، ހދ.، ށ.، އަދި ރ. އަތޮޅުގެ ރަށްތަކަށް ބޮޑް ހުށަހެޅުމުގެ ސުންގަޑިއަކީ އަންނަ މަހުގެ 22ވަނަ ދުވަހުގެ ހެނދުނު 10:00 އެވެ. އަދި މ.، ފ.، އަދި ތ. އަތޮޅުގެ ރަށްތަކަށް ބިޑް ހުށަހެޅުމުގެ ސުންގަޑި އަންނަ މަހުގެ 22 ވަނަ ދުވަހުގެ މެންދުރު 1:00 އަށް ހަމަވާއިރު ލ.، ގއ.، އަދި ގދ. ގެ ރަށްތަކަށް ބިޑް ހުށަހެޅުމުގެ ސުންގަޑިއަކީ އަންނަ މަހުގެ 23 ވަނަ ދުވަހުގެ ހެނދުނު 10:00 އެވެ.