ރަތުމަަލަނާ އެއާޕޯޓުގައި މޯލްޑިވިއަންގެ ފްލައިޓަށް ފެނުގެ ސެލިއުޓެއް ދެނީ--
31 މާޗް 2022 - 13:08
25 comments
ސްރީ ލަންކާގެ ރަތުމަލަނާ އެއާޕޯޓަށް ރާއްޖޭގެ މޯލްޑިވިއަން އެއާލައިނުން ރަސްމީކޮށް ދަތުރުފެށިތާ ހަފުތާއެއް ވެސް ނުވަނީސް، ތަރުހީބު ކުޑަކަމަށް ނިންމައި ދަތުރުތައް މެދުކަނޑާލައިފި އެވެ.
އައިލެންޑް އޭވިއޭޝަނުން ހިންގާ މޯލްޑިވިއަން އެއާލައިނުން ލަންކާ އަށް ދަތުރުތައް ފެށީ މިދިޔަ އާދީއްތަ ދުވަހު އެވެ. އެ އެއާޕޯޓަށް އެ ދުވަހު ކުރީ ރަސްމީ ދަތުރެއް ކަމަށް ވާއިރު، އޭގެ ފަހުން ހަތަރު ފްލައިޓް ތާވަލުކުރި ނަމަވެސް އެ ހުރިހާ ފްލައިޓެއްގެ ދަތުރު ވެސް މިހާރު ވަނީ ކެންސަލް ކޮށްފަ އެވެ.
އައިލެންޑް އޭވިއޭޝަނުން "މިހާރު" އަށް މިއަދު ބުނީ ފްލައިޓްތަކަށް ބުކިން ލިބުނީ ވަރަށް މަދުން ކަމަށެވެ. ފްލައިޓްތައް ކެންސަލް ކުރި ނަމަވެސް މިހާރު ބުކިން ހައްދާފައިވާ މީހުންނަށް އެހެން ފްލައިޓްތަކުން ޖާގަ ހޯދައިދީފައިވާނެ ކަމަށް އެ ކުންފުނިން ބުންޏެވެ.
އައިލެންޑް އޭވިއޭޝަނުން ބުނިގޮތުގައި ތަރުހީބު ދަށްވެ، ދަތުރުތައް މެދުކަނޑައިލަން ޖެހިދާނެ ކަމަށް ކުރިންވެސް ލަފާކުރި އެވެ. ދަތުރުތައް ފެށުމަށް ލަންކާގައި ބޭއްވި ރަސްމިއްޔާތުގައި ވެސް އެކަން ފާހަގަކުރި ކަމަށް އެ ކުންފުނީގެ އޮފިޝަލަކު ވިދާޅުވި އެވެ.
"އެ ރަސްމިއްޔާތުގައި ވެސް އަޅުގަނޑުމެން ދެންނެވިން މިފަދަ ހާލަތެއް އަަތުވެދާނެއޭ. އަޅުގަނޑުމެން އޭރު ވެސް ތިބީ މި ކަމަށް ތައްޔާރު ވެގެން. ބުކިން ހެއްދި މީހުންނަށް އިތުރު ގޮތެއް ހަމަޖައްސަދީފައި ވާނީ. އެއްވެސް ބަޔަކަށް މީގެ ސަބަބުން ގެއްލުމެއް ދިމާ ނުވޭ،" އޭނާ ބުންޏެވެ.
މޯލްޑިވިއަނުން ދެން ލަންކާ އަށް ދަތުރުތައް ފަށާނީ އަންނަ މޭ މަހު އެވެ.
ރަތުމަލަނާ އެއާޕޯޓަށް މޯލްޑިވިއަންގެ ދަތުރުތައް ފެށުމަށް އެ އެއާޕޯޓުގައި ބޮޑު ރަސްމިއްޔާތެއް ބޭއްވި އެވެ. އެ ރަސްމިއްޔާތުގެ ސަބަބުން ލަންކާގެ ސަރުކާރަށް ހަ މިލިއަން ރުޕީސް (20,000 ޑޮލަރު) ގެއްލުމެއް ވި ކަމަށް އެ ގައުމުގެ ނޫސްތަކުގައި ވަނީ ރިޕޯޓް ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމަދު.
02 April 2022
ކޮންމެ ކަމެއްވެސް ރަގަޅަށް ކުރެވޭނީ އެކަން ކުރާހިއްވާ ގާބިލު ބަޔަކު އެކަންކަން ކުރަން ތިބެގެން. ބަޔަކަށް މުސާރަ ދިނުމަށްޓަކާ ވަޒީފާ ދިނުމުން އެނާ އާއި ކުރަން ހަވާލުކުރި މަސައްކަތް ރަގަޅަށް ނުކުރެވިގެން ވާ ގެއްލުމާއި ނާގާބިލު މީހަކަށް މުސާރަ ދިނުމުން ވާ ގެއްލުމާއި މުވައްޒަފުން މާޔޫސް ވުމުގެ ސަބަބުން މުއައްސަސާ އަށްވާ ގެއްލުމުގެ ސަބަބުން ރައްޔިތުންނަށް ވާ ގެއްލުން ވަރަށް ބޮޑުވާނެ.
އެއިރޯ
01 April 2022
ހަފްތާއެއްގެ ތެރޭ އެނގޭނެތަ ޑިމާންޑް ނެތީ ކަމެއް؟ ގިނަ މީހުންނަށް ތިޔަ ދަތުރު ފެށިކަމެއް ނުވެސް އެނގޭ އަދިއެއް.. ވިޔަފާރީގަ ކޮންމެވެސް ކެތްތެރިކަމެއް ވެސް ހުރެގެން ވާނީ .. ތިޔަ ނިންމުމުން އެކަނި ވެސް ތިޔަ ކުންފުނި ހިންގަން ތިބި މީހުންގެ ފެންވަރު ވިސްނާ ފިކުރު ކުރާ ބަޔަކަށް ވަޒަން ކުރެވޭނެ.
ފަހުދު
01 April 2022
ލަންކާ އަތުގައި އޮތް އެންމެ ފަހު 6 މިލިއަން ޑޮލަރުވެސް ހޭދަކޮއްލީ މޯލްޑިވިއަނުން ހަފްލާއެއް ބާއްވަން؟ އެހްންވިއްޔާ ލަންކާ އިގްތިސާދު ފުންޑާލުމުގެ ޒިންމާ ނަގަންޖެހޭނީ މޯލްޑިވިޔަނުން
އަ547
01 April 2022
6 މިލިއަން ޑޮލަރެއް ނޫން، ރުޕީސް؛؛
ދެރަ ކަން
01 April 2022
ގައުމީ އެއާލައިނުން ދެނީ 20ކިލޯ. ދެން ދަތުރު ކުރާ އެއާލައިން ތަކަށްވިރެ ސަރވިސް ސަކަރާތް
އަހުމަދު
01 April 2022
ކޮންމެވެސް ނުރަނގަޅު ޑީލްއެއްގެ ތެރެއިން ކުރެވުނު ކަމެއް ކަމަށް ލަފާކުރެވެނީ. އަނެއްކާވެސް މެއި މަހު ބަޔަކަށް އަގުހެޔޮކޮށް ދަތުރުތަކެއް ކޮށްދޭންވީ. ތިންދުވަހުން ސެކްޓަރ ގެ ދަތުރު ހުއްޓާލުމުގެ ބަދަލުގައި, ހަފްތާއަކު ފޮލައިޓަކަށް މަދުކޮއްލިނަމަވެސް އެއްކަމެއް. ލަންކާ-މާލެ ސެކްޓަރ އަކީ އެއްވެސް އެއަރލައިންއަކަށް ގެއްލުންވާ ސެކްޓަރ އެއް ނޫން.
އޮނަރަބްލް އަފީފު ދީދީ
31 March 2022
ކ.އަތޮޅު މާލެއިން ބޭރުގެ މަންޒިލްތަކަށް "ގެއްލުމުގައި" ދަތުރުކޮށްކޮށް ތިބުމުގެ ބަދަލުގައި ކީއްވެގެންތޯ ވާދަވެރިކަމެއްނެތް މަންޒިލްތަކަށް ދަތުރު ކުރަން ނުވިސްނަނީ. # މިގޮތުން ބައިނަލްއަޤުވާމީ އެންމެ ފްލައިޓެއް ދަތުރުކުރާ ގޭން އެއަރޕޯޓުން މަޑަގަސްކަރަ އަދި ސައުތުއެފްރިކާއަށް ޝެޑިއުލް ދަތުރު ފައްޓަންވީ ނޫންތޯ؟ ދެހާސް 23 ގެ އިންޑިއަން އޯޝަން ގޭމްސް މަޑަގަސްކަރައިގަ ބާއްވާއިރު މިހާރު ދަތުރު ފައްޓައިފިނަމަ ކާމިޔާބު ދަތުރުތަކެއްކުރަން ފުރުސަތު ބޮޑުވާނެ.
ޖެކް
31 March 2022
މިފަހަރު ޖެނީއަށް ކޮންމެހެންވެސް އެވޯޑު ދޭންވާނެ!
ހުސެން
31 March 2022
ލަންކާ ސަރުކާރަށް ހަ މިލިއަން ޑޮލަރުގެ ގެއްލުމެއްވިޔޭ ރަސްމިއްޔާތުގެ ސަބަބުން؟ އެކިހިނެއްވީގެއްލުމެއްބާ؟
ނުކިޔަވާ ހުސެން
03 April 2022
ކަލޭ އަށް ލިޔަންކިޔަން އިނގޭތަ؟
އޮނަރަބްލް އަފީފު ދީދީ
31 March 2022
ކ.އަތޮޅު މާލެއިން އިންޑިޔާގެ މަންޒިލްތަކަށް ކުރާ ދަތުރުތަކުގެ ތެރެއިން ހަމައެކަނި ޙަރަދު ދެކޮޅުޖެހޭ ދަތުރަކަށް މޯލްޑިވިއަން އުދުހެނީ ކޮޗިން އަށް ކަމުގައި ޢަޑުއެހިން. # އެހެން ކަމަށްވާނަމަ އެތަނުން (ގެއްލުމުގައި ދަތުރުކުރާ މަންޒިލްތަކުގެ ތެރެއިން) އެއް މަންޒިލަށް ދަތުރު ކުރުން ހުއްޓާލާފައި ތިޔަ ދަތުރުތައް މެދުކަޑާނުލާ ދަތުރު ތަކުގެ އަދަދު މަދުކޮށްގެންވެސް އެސްޑަބްލިޝް ވަންދެން ދަތުރު ހުއްޓާނުލާ ކުރިއަށް ނުގެންދިޔަ ސަބަބަކީ ކޮބަައިތޯ؟'
ދިއްދޫމީހާ
31 March 2022
ތިޔަ ރަތުމަލަނާ އެއާޕޯޓަށް ޔޫ.އެލް އިން ކިތަ ދަތުރު ކުރޭތޯ؟؟ ބަލަ ވިޔަފާރީގާ އޮންނާނީ ސަޕްލައި އެންޑް ޑިމާންޑް، ތިޔަ އުޅެނީ މޯލްޑިވިއަން ވުޒޫދުން ފޮހެލާނެ ގޮތެެއް ނޭގިގެން، ޑީއެމްޑީގެ މަޤާމަކީ ދުވަހަކުވެސް މޯލްޑިވިއަންގަ އޮންނަ ވަޒީފާއެ ނޫން، އެކަމް ޕާޓީގެ މަންޒެއަކަށް ވަޒީފާ ދޭންވެގެން އެމަޤާމްވެސް އުފައްދާފި، ދެން 71ބިލިއަންއެ ނޫން 200ބިލިއަންވެސް ގެއްލުންވާނެ..