މ. ދިއްގަރުގެ ގޮނޑުދޮށް ހިމާޔަތް ކުރުމުގެ އަމަލީ މަސައްކަތް ކުރިއަށް ގެންދަނީ. އެ މަސައްކަތަށް 27 މިލިއަން ރުފިޔާ ހޭދަކޮށްފައިވޭ--ފޮޓޯ:އެމްޓީސީސީ
28 އޯގަސްޓް 2022 - 07:18
13 comments
މ. ދިއްގަރު ރައްޔިތުންނާ ރޭ މުހާތަބުކުރައްވައި އެމްޓީސީސީގެ ސީއީއޯ އާދަމް އާޒިމް ވާހަކަ ދައްކަވަމުން ކޮށްލެއްވީ ވަރަށް ތަފާތު ސުވާލަކެވެ.
"މި އަހަރުގެ އިރުވައި މޫސުން ފެށިއްޖެތޯ؟" އޭނާ އެއްސެވި އެވެ.
ޖަލްސާ އަށް އައިސްތިބި މީހުން ޖޯޝާ އެކު ނޫނެކޭ ބުންޏެވެ. ރައްޔިތުން ހަރު އަޑުން އެކަން ފާހަގަކުރީ ވަރަށް ބޮޑު ތަސައްލީއެއް ލިބުމުގެ އުފަލުގަ އެވެ.
މި ވޭތުވެދިޔަ ދުވަސްތަކުގައި ދިއްގަރުގެ ރައްޔިތުންނަށް އިރުވައި މޫސުމުގައި ވަރަށް ބިރުވެރި، ގިނަ އުނދަގޫތަކަކާ ކުރިމަތިލާން ޖެހުނެވެ. ކޮންމެ އިރުވައި މޫސުމަކާ ދިމާކޮށް ވަރަށް ބޮޑަށް އުދަ އަރަ އެވެ. އުދައިގެ އަސަރު ރަށުގެ މެދެއްހާ ހިސާބަށް ކުރެ އެވެ. ގިނަ ގެތަކަށް ލޮނު ވަދެ، އެކަން ހައްލު ކުރަން މާލީ ގޮތުން ވެސް ބޮޑު ހޭދައެއް އޮންނަނީ ކުރަން ޖެހިފަ އެވެ.
އެމްޓީސީސީން ގޮނޑުދޮށް ހިމާޔަތް ކުރުމުގެ ތްރީޑީ ކުރެހުން ކައުންސިލަށް އަރުވަނީ--ފޮޓޯ: އެމްޓީސީސީ
އިރުވައިގެ އުދަ އިން ރައްކާތެރިކަން ހޯދުމަށް ގޭގޭގެ ދޮރު މަތީ ގަލުން ބާޑި ޖަހަ އެވެ. ބައެއް ފަހަރު އެ މޫސުމުގައި ކޮންމެ ދުވަހަކު ހެން އެ މަސައްކަތް ކުރަން ޖެހެ އެވެ.
އެކަމަކު އެތައް ދުވަހެއްވީ މި މައްސަލައަަށް ހައްލެއް ލިބުނީ އެ ރަށުގެ ގޮނޑުދޮށް ހިމާޔަތް ކުރުމުގެ މަސައްކަތް ނިންމާލުމުންނެވެ.
އެ ރަށު ކައުންސިލްގެ ރައީސް އަހުމަދު ނިޝާން ވިދާޅުވީ، އެ ރަށުގެ ރައްޔިތުންނަށް އިރުވައި މޫސުމް އައިކަން ވެސް އެނގެނީ ރަށަށް އުދަ އަރަށް ފެށުމުން ކަމަށެވެ. އެހެންވެ، އިރުވައި މޫސުމް އޮންނަނީ އުފާވެރިކަން ގެއްލިފަ އެވެ.
މިދިޔަ އަހަރާ ހަމައަށް އުދައިގެ އުނދަގޫތައް އެރަށުގެ ރައްޔިތުންނަށް ކުރި އެވެ. އެހެން ނަމަވެސް "މި އަހަރު އެ ރަަށުގެ ރައްޔިތުންނަށް އިރުވައި މޫސުން" ނާންނަ ކަމަށް އޭނާ ވިދާޅުވި އެވެ. ސަބަބަކީ އުދައިގެ އަސަރެއް ރަށަށް ނުކުރާތީ އެވެ.
އެމްޓީސީސީއިން ދިއްގަރުގެ ގޮނޑުދޮށް ހިމާޔަތް ކުރުމުގެ މަސައްކަތް ކުރިއަށް ގެންދަނީ--ފޮޓޯ:އެމްޓީސީސީ
"2021 އާ ހަމައަށް އަޅުގަނޑުމެންގެ ރައްޔިތުން މިތިބީ ކޮންމެ އިރުވައެއްގައި ހަމަ ނިދި ނުލިބި، ބިރުވެރި ކަމެއްގެ ތެރޭގައި. އެހެން ނަމަވެސް ތޮށި ލެވިގެން ދިއުމުން މިއަހަރު ދިއްގަރުގެ ރައްޔިތުންނަށް އިރުވައެއް ނުވޭ،" އޭނާ ވިދާޅުވި އެވެ.
ދިއްގަރުގެ ގޮނޑުދޮށް ހިމާޔަތް ކުރުމުގެ މަޝްރޫއުގެ މަސައްކަތް އެމްޓީސީސީއިން ފެށީ މިދިޔަ އަހަރުގެ ނޮވެމްބަރުގަ އެވެ. އެ މަޝްރޫއުއަށް 27 މިލިއަން ރުފިޔާ ހޭދަކުރި އިރު ގާތްގަނޑަކަށް 700 މީޓަރުގެ ސަރަހައްދަކަށް ވެލި ލައި ހިލަތޮށި ވަނީ ލައިފަ އެވެ.
އުދަ އެރުމުން ރަށުގެ ދެބައި ކުޅަ އެއްބައި ގެޔަށް ލޮނު ވަދެ، ހިފާ ގެންގުޅޭ ސާމާނަށް ގެއްލުންވެ ގޭގެ ގޯތިތަކުގައި އިންދާފައި ހުންނަ ގަސްތައް ހަލާކުވެ އެވެ. މިކަން ހައްލުވެ އުދަ އެރުމުން ސަލާމަތް ވުމުން ރަށުގެ ރައްޔިތުންނަަށް ވަނީ ބޮޑު އުފަލެއް ލިބިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަލަސްތީން
28 August 2022
ސާބަހޭ ރައިސް ޔާމިން. އެމްޓިސީސީ ކޮޅައް ޖަހާދިނީ ކުރީގެ ސަރުކާރުން. މަގޭ ވޯޓް ރައިސް ޔާމިން ﷲއިންޝާ
ގުޑުގުޑާ
28 August 2022
2021 އާ ހަމައަށް އަޅުގަނޑުމެންގެ ރައްޔިތުން މިތިބީ ކޮންމެ އިރުވައެއްގައި ހަމަ ނިދި ނުލިބި، ބިރުވެރި ކަމެއްގެ ތެރޭގައި. އެހެން ނަމަވެސް ތޮށި ލެވިގެން ދިއުމުން މިއަހަރު ދިއްގަރުގެ ރައްޔިތުންނަށް އިރުވައެއް ނުވޭ،" އޭނާ ވިދާޅުވި އެވެ." މިކަހަލަ ޗެލެންގުގެ ބަސް ބޭނުންނުކޮށް ކުރި މަސައްކަތުން ހިތްހަމަ ޖެހުމެއް ލިބުނީތީ ﷲ ހަމްދުކޮށް ޥުކުރުވެރިވުމަށް އާޒިމު ކިބައިން އެދެން
ވާރު6%ގަ ހިންގަން ނޭނގުމުން 8%އަށް ބޮޑުވަނީ
28 August 2022
ހާކާލި ބުރުވާލި ވައްތަރަށް ތިކަން ކޮށްފަ ދާތާ މަގިނަ ދުވަހެއް ނުވެ ރައްޔިތުން އިހުވެސް އުޅުނު ފަދައިން އުޅެން ޖެހިދާނެ ރައްޔިތުންނަށް އޮތީ މަސައްކަތް ކުރަމުންދާއިރު ކޮންމެ ގޮތަކަށް ކުރިޔަނުދީ ފާރަވެރިވުން އޭރަށް އެހުރީ ރަނަގަޅަށް އަހަރެމެން ވަރުގެގޮތުގަ ދެއްކިފައިސާއިން ކުރާމަސައްކަތެއް އެއީފަހަރެއްގައިވެސް މީހެއްގެ ހެއުކަމަކަުން ވީ ވވައުދަކުން ވީކަމެއްނޫން އެހެނީ ވައުދުވީކަލޭގެ ވައުދުވީފައިސާ ހިފައިގެން އައިސްފައެއް ނޫން ފައިސާމިދެނީ ރައްޔިތުން
އަބްޑޫޅް
28 August 2022
ކޮންމެ ގޮތެއް ނަމަވެސް، އިރުވައި މޫސުން ލައިގަންނާނީ ޑިސެމްބަރު މަހު 10 ވަނަ ދުވަހު. މިއީ އަދި، ހުޅަނގު މޫސުމުގެ ފުރަ ނަކަތް. މިހާރު އާންމު ގޮތެއްގަ، ބައެއްފަހަރު ކެރި ކޮޅުކޮޅު ވެހިދާނެ، އެކަމަކު ގިނަވާނީ މޫސުން ރީތި ދުވަސްް. ޖެހޭ ނަލަ ރޯޅި އަންނާނީ ހުޅަނގު އުތުރުން. މި އެންޓީސީސީ މީހުން ތިޔަ އުޅެނީ ދިއްގަރު މީހުން ވާ ވައްދަން. ހޯހޯ.
އަލީހަމީދު
28 August 2022
ތީ ވަރަށް ދެރަގޮތެއް، އިރުވައި ނައީއަ އިރުވައި މޫސުމުގަ ބާނާ މަހެއްވެސް ނުބޭނޭނެތާ، ދިއްގަރު ރިހާކުރުކޮޅެއްވެސް ނުލިބުނީ. ވަރަށް ދެރަގޮތެއް.
ޒަކަރިއްޔާ
28 August 2022
މަޖާޒީ ގޮތުން ބުނާ ބަސް ބޮޑުތާ ޖައްސާ މާނަ އޮޅުވައިލުން ރަނގަޅެއް ނޫން. ޢައްބާސީ ޚަލީފާ އައްރަޝީދު ވިއްސާރަ ވިލާގަނޑަށް ވިދާޅުވިކަމަށް އޮވޭ ކަލޯ ވެހޭނެ ތާކަށް ގޮސް ވެހޭށޭ. (ޢެއިން ފެޅި ގޮވާމެއްގެ) ވާރު އަންނާނީ އަހަންނަށޭ. މި ބަސްފުޅުގެ މާނަ އެކަށް ވެސް ނޯޅޭ. އެއްވެސް އިލްމުވެރިއަކު އިންކާރުކޮށްފައެއް ވެސް ނެތް.
ފޮނިހުސޭނު
28 August 2022
މާނަ އޮޅުވާލަނީއެއްނޫން، އާޒިމަށް ނޭގެނީ އިރުވައި މޫސުމަކީ ކޮބައިކަން. އިރުވައިމޫސުމް ފެށޭނީ ޑިސެމްބަރު ދިހައެއްގަ. އެހެންވީމަ މިއަހަރު އަދީ އިރުވައި މޫސުމެއް ނާދެ.
އަކީ
28 August 2022
އިރުވައި މޫސުން ފެށެނީ ޑިސެމްބަރު 10ގަ، ނިމެނީ 7 އޭޕްރީލްގައި. އާޒިމް އާއި ދިއްގަރު ކައުންސިލަރަށް ނޭނގި އޮވެދާނެތީ ބުނެލީ. ސަލާމް.
ގަދަބަސް
28 August 2022
ގަދަބަސް ބުނެ ބޮޑާވެ ނުގަނޭ! ﷲ އަށް ޙަމްދުކުރޭ! އިރުވައިވެސް އަންނާނެ، އެކަލާނގެ ނިންމެވީމާ އުދަވެސް އަރާނެ!
ސަސި.
28 August 2022
ކަންކަމުގަ މާބޮޑަށް ފަހުރުވެެރިވެ ބޮޑާ ވާނެ ކަމެއްނެތް. އިރުވައި އަންނާނެ
ޙެލްޖް
28 August 2022
ހަޖަމްކޮށްލާ.
އިއްލެ
28 August 2022
މަޖާޒެއް ނަގާލަން އެނގެންވާނެ.
ށަވިޔަނި
28 August 2022
އިރުވައި ނައަންނާނެއޭ ބުނީ އިރުވައި އައުމުން އެރަށަށް ލިބޭ ގެއްލުން ކުޑަވާނެއޭ. ނޭގިގެނެއްވެސް ނޫން. ވިޔާ ނުދާކަން. މީޒާނުގެ ވައަތުފަތް ބުރަވުމަކީ މިހާރުގެ ގިނަމީހުން ލޯބިކުރާކަމެއް.