ފިނޭންސް މިނިސްޓަރު ޑރ މުހައްމަދު ޝަފީގު "މިހާރު" އަށް ދެއްވި ހާއްސަ އިންޓަވިއުގެ ތެރެއިން -- ފޮޓޯ: ފަޔާޒް މޫސާ / މިހާރު
26 ޖޫން 2024 - 16:21
59 comments
މި އަހަރުގެ ބަޖެޓް ޑެފިސިޓު ހަމަޖެއްސުމަށް ބޭނުންވާ ފައިނޭންސިން އަށް ވަރަށް ބޮޑު ދަތިތަކެއް އެބަހުރި ކަމަށް ފިނޭންސް މިނިސްޓަރު ޑރ މުހައްމަދު ޝަފީގު ރައްޔިތުންގެ މަޖިލިހުގެ މާލިއްޔަތު ކޮމިޓީގައި މިއަދު ވިދާޅުވެއްޖެ އެވެ.
ރާއްޖޭގެ މިހާރުގެ މާލީ ހާލަތު ބަޔާން ކޮށްދިނުމަށް ބޭއްވި އެ ކޮމިޓީގެ ބައްދަލުވުމުގައި މިނިސްޓަރު ވިދާޅުވީ، ވޭތުވެދިޔަ ދެ އަހަރު ވެސް ފާސްކޮށްފައި އޮތީ ޑެފިސިޓް ބޮޑު ބަޖެޓެއް ކަމަށާއި މި އަހަރު ވެސް އޮތީ 14 ބިލިއަން ރުފިޔާގެ ޑެފިސިޓް ބަޖެޓެއް ކަމަށެވެ. އޭނާ ވިދާޅުވީ، ކުންފުނިތަކުން ކުރާ ހޭދަ އިންތިހާ އަށް މައްޗަށް ގޮސްފައިވާ އިރު މި އަހަރު ތެރޭގައި ހަރަދުތައް ކުޑަކުރުމަށް އިސްލާހުތައް ގެންނަން ޖެހޭ ކަމަށެވެ.
އޭނާ ވިދާޅުވީ، ސަރުކާރުން ހަރަދުތައް ކުޑަކުރުމަށްޓަކައި އަޅަން ޖެހޭ ފިޔަވަޅުތައް އަޅާނެ ކަމަށެވެ. ކުންފުނިތަކަށް ދޭ ސަބްސިޑީ ކުޑަކުރުމަށް ވެސް ވަރަށް ބޮޑަށް މަސައްކަތް ކުރާނެ ކަމަށް ވިދާޅުވި އެވެ.
ޝަފީގު ވިދާޅުވި ގޮތުގައި، ކުންފުނިތައް މި ވަގުތު ހިންގަނީ އެންމެ އެފިޝަންޓްކޮށް ނޫނެވެ. އަދި ކުންފުނިތަކުން ހަރަދު ކުޑަކުރުމަށް ވެސް ފިޔަވަޅުތަކެއް އަޅަން ޖެހޭ ކަމަށް އޭނާ ވިދާޅުވި އެވެ.
ސަރުކާރުގެ ކުންފުނިތަކުގެ ހަރަދު ކުޑަކުރުމުން ލިބޭ ފައިދާ މިސާލެއްގެ ގޮތުގައި މިނިސްޓަރު ނެންގެވީ އާރުޑީސީ އެވެ. އެ ކުންފުނީގެ ހަރަދުތައް ކުޑަކޮށްގެން މިހާރު ވެސް 17 މިލިއަން ރުފިޔާ ސަލާމަތް ކުރެވިފައިވާ ކަމަށް އޭނާ ވިދާޅުވި އެވެ.
ފިނޭންސް މިނިސްޓަރު ޝަފީގާއި އެ މިނިސްޓްރީގެ އިސްވެރިން -- ފޮޓޯ: ފަޔާޒް މޫސާ / މިހާރު
"މިހާރު ކުރިއަށް ދަނީ ޓައިމްލައިނެއް ހަދާފައި އިމްޕްލިމެންޓޭޝަން ކުރިއަށް ގެންދިއުމަށް. މި ރިފޯމު ކުރުމަކީ މިހާރު އަޅުގަނޑުމެންނަށް އޮޕްޝަނެއް ނޫން. މި ކަމުގައި މަޖިލީހުންގެ މެންބަރުންގެ އެއްބާރުލުން ބޭނުން،" އޭނާ ވިދާޅުވި އެވެ.
މި އަހަރުގެ ޖުމްލަ ބަޖެޓު 49.8 ބިލިއަން ރުފިޔާ އަށް އަރާ އިރު އޭގެ ތެރެއިން 70 ޕަސެންޓު ހޭދަކުރަނީ ރިކަރަންޓް ހަރަދަށެވެ. މި އަހަރުގެ މިހާތަނަށް ބަޖެޓުން ވަނީ 18 ބިލިއަން ރުފިޔާ ހޭދަކޮށްފަ އެވެ. އަދި އާމްދަނީގެ ގޮތުގައި ވަނީ 15 ބިލިއަން ލިބިފައިވެ އެވެ.
"އަޅުގަނޑުމެން މި މަސައްކަތް ކުރަނީ މިހާރު އޮތް ހާލަތުން އެހެން ހާލަތަކަށް ބަދަލުކުރުމަށް. މިހާރު އޮތް ރިފޯމު އެޖެންޑާގެ މަސައްކަތް ލަސްކުރެވޭކަށް ނެތް،" އޭނާ ވިދާޅުވި އެވެ.
ޝަފީގު ވިދާޅުވީ، މާލީ ހާލަތު ހަމަޔަކަށް އެޅުވުމަށް، ވީ އެންމެ އަވަހަކަށް ރިފޯމުތައް އަވަސް ކުރުމަށްޓަކައި އެ މިނިސްޓްރީން ވަރަށް ބޮޑު އިސްކަމެއް ދޭނެ ކަމަށެވެ. ބަޖެޓު ފޮތުގައިވާ ގޮތުން މި އަހަރުގެ ޖުލައި މަހުން ފެށިގެން ހަރަދު ކުޑަކުރުމަށް އަޅަން ޖެހޭ ފިޔަވަޅުތައް އަޅަން ފަށާނެ އެވެ. އޭގެ ތެރޭގައި ޓާގެޓް ސަބްސިޑީ އަށް ބަދަލު ކުރުމާއި އެސްއޯއީތައް ރިފޯމު ކުރުން ވެސް އެބަހުއްޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިރާސް
28 June 2024
ދަތިތައް ފިވުވާލަން ހިނގާދޯ އަދި 5 ބިލިޔަނުގެ ލޯނުނަގާފަ ދެރަށް ދޭތެރެ އައާޕޯޓު އަޅާފަ ފަޅުހިއަކާފަ ހިލެ އިތުރު 10000 ގޯތި ބަހާލަމާ ދޯ ޝަފީގޫ
އަޙްމަދު
27 June 2024
ވަކި ޕާޓީއެއް ބޮލަށް ޖަަހައިގެން ތިބެވޭކަށް ނެތް. ކުރީ ސަރުކާރޭ ކިޔައިގެން ތިބެވޭކަށް ނެތް. އިޚްލާސްތެރިކަމާއެކު މަސައްކަތްކޮށްގެން ނޫންގޮތަކަށް ތިކަން ވާކަށް ނެތް. ކިިތަންމެ އެއްޗެކޭ ގޮވިޔަސް، ޙަޤީޤަތާއި، ވަމުންދާގޮތް ރައްޔިތުންނަށް ފެނޭ. މައްސަލައަކީ އަދިވެސް ކަންކަން ހައްލުކުރަން ނޫޅެ، މަޖިލިސް މެމްބަރުންތައްވެސް އަމިއްލަ އެދުމާއިގެން ކުރީ ސަރުކާރު، ކުރީ ސަރުކާރު ކިޔަން ތިބުން.
ޗޯރޭ
27 June 2024
އަޅުގަޑަށް ފެންނަނީ އަދިވެސް ކޮންމެ ކުނފުންނޏަކަށްވެސް ދެ އެމްޑީން ލާން...
ހިލްމީ
27 June 2024
ވެރިކަމުން ފައިބައިގެން ދިޔައީ މުއިއްޒު އަށް ޖެއްސުން ކުރާނަމޭ ހިތާ.. އެވަރުގެ މީހުން މިއަދު މި ކިޔަނީ ތިމަންނަމެން ގައުމާމެދު ވިސްނަމޭ.. އެމްޑީޕީ އަކީ މި ގައުމުގެ ހަލާކު.
އަލިފާންފޮށީ
27 June 2024
ބަލަ ކުރީ ސަރުކާރޭ ނުކިޔާ، މި ކޮމެޓީގައި މިނިސްޓަރާއި މިނިސްޓްރީގެ މީހުން ދެއްކި ވާހަކަ އަޑު އަހާލިންތޯ! ކުރީ ސަރުކާރުން ނިންމާފަ ހުރި ކަންތައް މި ސަރުކާރަށް ވެސް ރަގަޅުވެގެން ދަނީ ތަންފީޒްކުރަމުން. ނުވާ ވަރުގެ ކަންކަމާ ހަވާލުވާތި.
ޒާހިރާ ލަތީފްް
27 June 2024
ރައްޔިތުންނަށް ގެއްލުން ނުވާނެގޮތަށް ހަރަދުކުޑަކުރުމުގެ ކަންތަށް ގެންދަންފެނޭ. މިހެންބުންޏަސް މީގެސަބަބުން ބައެއް ރައްޔިތުންނަށް ގެއްލުންވާނެ. އެކަމަކު ހާޅަތު ތަންދޭ މިންވަރަކުން ރައްޔިތުންނަށް އިތުރު ލުއިތަށް ދޭންވާނެ.
މަސްދަރު
27 June 2024
ނިކަންވިސްނަބަލަ ހުޅުމާލެ މަގުތައް ހުރިހާރޮގުތައް ބަދަލުކޮއްފާ މިހާރު އެފުަެނީ ކިހާބޮޱު ޚަރަދެއް މިހިރީކުރާ އިސްރާފު މިކަންކުރި މީހާ ހޯދާފާ މިކުރި ބޫކާރު ހަރަދު ހޯދިއްޔާ ރައްޔިތުންނައް ފައިދާއެއްވާނީ. މިހެނަކުރާ ބޭކާރު ކަންތައް ޒިނަމާ ނަގަންޖެހޭބަޔަކު ހުނަނަންވާނެ ތާ
ނަފީޒާާ
27 June 2024
އެމްޓީސީ އަދި ފެނަކަ ފަދަ ކުންފުނިތަކުގެ ހިންގުން އެހާމެ ހަރަދުބޮޑުވީ މިދިޔަ ސަރުކާރުން ބޮޑެތި އަގުގައި ވައްކަންކުރަން ޕްރޮޖެކްޓްތަށް ހަވާލްކުރުމުން. މި ސަރުކާރުން މިފަދަ ގޮތްގޮތަށް އަމަލު ނުކުރައްވާނެ ކަމަށް އުންމީދުކުރަން.
ވާސިފާާ
27 June 2024
ސަރުކާރުން މިވަގުތު ހަރަދު ކުޑަ ނުކޮށްފިނަމަ ފޫނުބެއްދޭވަރުގެ ގެއްލުންތަކާ ކުރިމަތިލާންޖެހިދާނެ. އަވަސް ފިޔަވަޅުތަށް އެޅުން މުހިންމު.
ޖާސިމްް
27 June 2024
މި އަނދަވަޅަށް ގައުމު ވައްޓާލުމުގައި އަމަލީގޮތުން ބައިވެރިވި އެމްޑީޕީ އިސްވެރިންގެ ބަޔާންތަށް ނަގާ އެމީހުން ތަހުގީގުކޮށް އެމީހުނާދޭތެރޭ ފިޔަވަޅު އަޅަންޖެހޭނެ.
އީޒާން މުހައްމަދު
27 June 2024
ބަޔަކަށް ހީވެދާނެ މިއީ މިސަރުކާރުގެ ނާގާބިލްކަމުން ވި ކަމެކޭ. ނޫން މި ސަރުކާރށް މިވީ 7 މަސް. 7 މަހުން އެތައް އިސްލާހީ ފިޔަވަޅުތައް ވަނީ އަޅާފަ އެހެން ސަރުކާރުތަަކާ ހިލާފަށް. މިކަމަށް ވޯލްޑް ބޭންކް އަދި އައިއެމްއެފްއިން ތާއިދުވެސް ވަނީ ކޮށްފަ