މާލޭގައި ވެހިކަލް ދުއްވުން މަނާކުރި އެންގުން ބާތިލްކޮށްފި

މާލޭގެ މަގެއްގެ މަތިން ބަޔަކު ސައިކަލު ދުއްވާފައި ދަނީ. ވެހިކަލް ދުއްވުން މަނާ ވަގުތުތަކާ ގުޅޭ އިއުލާނު ބާތިލްކޮށްފައިވާ ކަމަށް ޓްރާންސްޕޯޓުން ވަނީ އަންގާފައި --ފޮޓޯ: ނިޝާން އަލީ/ މިހާރު

ފާތިމަތު ޝަނާ މުހައްމަދު، މިހާރު

30 މާޗް 2025 - 17:40

31 comments

މިއަދު ހަވީރުން ފެށިގެން މާލެ ސަރަހައްދުގައި ވެހިކަލް ދުއްވުން މަނާ ވަގުތުތައް ކަނޑައަޅާފައި އޮތް އިއުލާނު ޓްރާންސްޕޯޓް މިނިސްޓްރީން ކުއްލި ގޮތަކަށް ބާތިލުކޮށްފި އެވެ.

ޓްރާންސްޕޯޓުން މިނިސްޓްރީން އެކްސްގައި ބުނީ، އިންޖީނުލީ އެއްގަމު އުޅަނދު ފިތުރު އީދު ދުވަހު ގްރޭޓާ މާލޭ ސަރަހައްދުގައި ދުއްވުން މަނާ ވަގުތު ކަނޑައެޅުމާ ގުޅޭ ގޮތުން އެ މިނިސްޓްރީން ކުރި އިއުލާނު ބާތިކޮށްފައިވާ ކަމަށެވެ. ނަމަވެސް، ބާތިލް ކުރަން ނިންމި ސަބަބެއް ނުބުނެ އެވެ. ނަމަވެސް، އެ އެންގުން ބާތިލްކުރީ، އެއަށް އަމަލުކުރަން ފެށިތާ ގަޑިއެއްހާ އިރުވީ ފަހުންނެވެ.

1446 ވަނަ އަހަރުގެ ފިޠުރު ޢީދު ދުވަހު ގްރޭޓރ މާލޭ ސަރަޙައްދުގައި އިންޖީނުލީ އެއްގަމު އުޅަނދު ދުއްވުން މަނާ ވަގުތު ކަނޑައެޅުމާއި ގުޅޭ ގޮތުން މި މިނިސްޓްރީ އިން 2025 މާރިޗު 29 ވަނަ ދުވަހު ކުރި އިޢުލާނު ބާޠިލްކުރި ވާހަކަ ޢާންމު ރައްޔިތުންގެ މަޢުލޫމާތަށްޓަކައި ދެންނެވީމެވެ.
— Ministry of Transport and Civil Aviation (@MoTCAmv) March 30, 2025

ރޭ އެ މިނިސްޓްރީން ކުރި އިއުލާނުގައިވާ ގޮތުން މިއަދު ހަވީރު 4:00 އިން 6:00 އަށް އިންޖީނުލީ އެއްވެސް އުޅަނދެއްގައި ދަތުރެއް ނުކުރެވޭނެ އެވެ. އަދި ހަވީރު 4:00 އިން ރޭގަނޑު 11:30 އާ ދެމެދު މާލެ ސަރަހައްދުގައި ބަރު އުޅަނދު ދުއްވުން ވެސް އޭރު އޮތީ މަނާކޮށްފަ އެވެ.

ޓްރާންސްޕޯޓުގެ އިއުލާނު ބާތިލް ކުރި އިރު، މާލޭގައި އީދު ފާހަގަކުރުމަށް ހާއްސަ ގިނަ ހަރަކާތްތަކެއް އެބަ ކުރިއަށްދެ އެވެ. އެމްއެންޑީއެފް އާއި ސަރުކާރު ހިއްސާވާ ބައެއް ކުންފުނިތައް ގުޅިގެން "އީދު ހަވީރު" ގެ ނަމުގައި ބާއްވާ އެ ހަރަކާތްތައް ކުރިއަށްދަނީ ސަލްޓަން ޕާކުން ފެށިގެން އިސްލާމީ މަރުކަޒުގެ މައިދާނާއި ޖުމްހޫރީ މައިދާނާއި ރަސްމީ ބޮޑު ފާލަމުގެ ސަރަހައްދުގަ އެވެ. އެ ސަރަހައްދުގައި އޮތް ހަރަކާތައް ރައީސް ޑރ މުހައްމަދު މުއިއްޒު ވެސް ވަނީ ބައްލަވައިލައްވާފަ އެވެ.

އީދު ފިތުރު އީދު ވެހިކަލްތައް ޓްރާންސްޕޯޓް މިނިސްޓްރީ

31 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުއިއްޒު

01 April 2025

ކިތައްމެ ކުޑަކަމެއްވެސް ހަމަ އުނބަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝުކުރިއްޔާ

31 March 2025

މީ ހަމަ އެނބުރޭ ވަހުތާނެއް ކަހަލަ ސަރުކާރެއް. މަ ހަމަ އަޖައިބު ވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްމްޓީ

31 March 2025

އީދެއް އަންނައިރަށް ނޫނީ މިނިވަންދުވަހެއް އަންނައިރަށް ތިޔަ ހަދާ ހިނގާބިނގާ ގަޑި ހަދާނި ޕާކުގައި. ދުއްވާއެއްޗެހި ދުއްވުންމަނާ ކުޜިމަ ވަރަށް އުނދަގޫވެ އިންތިހާއަށް ދަތިވޭ! ދުއްވާ އެއްޗިހިނުވަދެވޭ ވަކި ސަރަހައްދެއް ހަދާލީމަ ހިންގޭނެ އެތާ. މުޅިމާލެ ހުޅުމާލެ ބަނދުކުރީމަ ރައްޔިތުން ޖަލަކަށް އެލެވެނީ. ދެން އަނެއް ފުލުހުން ހަމަ ހިތަަށްއެރީ މަގުބަންދުކޮށްލީ ކޯނުޖަހާފަ. އެހެން މަގު ބަންދު ނުކުރެވޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިމް

31 March 2025

އާނ ދާނެތާކަށް ހިނގާފަ ދިޔަފަހުން. ދެން ނުކުތީ ބަރު އުޅަނދުތައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަށީދު

31 March 2025

ހުސް ޔޫ ޓާން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަރެން

30 March 2025

ސިޔާސީމަގާމުތައްވެސް ބާތިލުކޮށް ކެންސަލް ނުކުރާތީ އަހަރެމެން އަންތަރީސްވަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

70007

30 March 2025

ކޮންމެ އީދެއްގައި މީދެންކޮންކަމެއް. މާލޭގައި އުޅޭ އެތަށް ބަޔަކު ބޭނުންވޭ ހުޅުމާލެއަށްދާން އަދި ހުޅުމާލެއިން މާލެ އަންނަން ބޭނުން އެތަށް ބަޔަކު އުޅޭ. ޢާއިލާއާއި ބައްދަލުކޮށް ގޭގެއަށް އާއިލާއާއި އެކު ޒިޔާރަތްކޮށްލަން. މާލެއަކީ ދުއްވާ އެއްޗެތި ނުދުއްވިޔަސް ހުރިހާ މަގުތަކެއްގައި ކުޅިވަރު ކުޅެވޭ ގޮތަށް އޮތް ތަނެއްނޫން. މީހުންނާހެދި ފުރިފައި އޮތްތަނެއް ތިހެން ހެދުމުން އުފާވެރިކަން އެތަށް ބަޔަކަށް ތަކުލީފަކަށްވަނީ.