އެސްޓީއޯގެ ހެޑް އޮފީސް: އެ ކުންފުނީގެ މުވައްޒަފުންގެ އެލަވަންސްތައް ކުޑަކުރަން ވަނީ ނިންމާފައި.
15 އޮކްޓޯބަރ 2017 - 13:46
62 comments
އެސްޓީއޯގެ ހަރަދުތައް ކުޑަކުރުމުގެ ގޮތުން މުވައްޒަފުންގެ އެލަވަންސްތައް މިމަހުގެ 21 ވަނަ ދުވަހުން ފެށިގެން ކުޑަކުރަން ނިންމައިފި އެވެ.
ރާއްޖޭގެ އެންމެ ބޮޑު ވިޔަފާރި ކުންފުނީގައި ހާހެއްހާ މުވައްޒަފުން މަސައްކަތްކުރެ އެވެ.
އެ ކުންފުނީގެ މުވައްޒަފަކު ބުނީ އޭނާ މަސައްކަތްކުރާ ޑިޕާޓްމަންޓްގެ އިސްވެރިޔާ ވަނީ އެ މީހުންނާ ބައްދަލުކުރައްވައި އެލަވަންސްތައް ކުޑަކުރަން މެނޭޖްމަންޓުން ނިންމާފައިވާކަން އަންގައިފަ އެވެ. އަދި މަސައްކަތުގެ ގަޑި ކުޑަކޮށްފައިވާ ކަމަށް ވެސް އޭނާ ބުންޏެވެ. އެގޮތުން ރަސްމީ ގަޑިއަކީ ހެނދުނު 8:00ން ފެށިގެން މެންދުރުފަހު 2:00 އަށް ކަމަށް ވެސް އެ ކުންފުނިން ވަނީ ހަމަޖައްސައިފަ އެވެ.
"މުވައްޒަފުންނާ ބައްދަލުކޮށް އެކަން އަނގަ ބަހުން އެކަން އެންގީ. އެކަމާ ގުޅޭ ލިޔުމެއް ނުދޭ. ބުނީ މިއީ ދާއިމީ ކަމެއް ހެނެއް ހިއެއްނުވެޔޭ. އެހެންވީމަ އެގޮތަށް ބަލައިގެން މަސައްކަތްކުރަން އެންގީ،" އޭނާ ބުންޏެވެ.
އެ މުވައްޒަފު ބުނީ އެލަވަންސްތައް ކުޑަކުރުމުން ބައެއް މުވައްޒަފުންނަށް މަހަކު ލިބޭ އާމްދަނީ 3،000ރ. އާއި 6،000ރ. އާ ދެމެދުގެ އަދަދެއް ކުޑަވެގެންދާނެ ކަމަށެވެ.
އެސްޓީއޯގެ އިސް އޮފިޝަލަކު މިއަދު ވިދާޅުވީ އެ ކުންފުނީގެ މުވައްޒަފުންގެ އެލަވަންސްތައް ކުޑަކުރަން ނިންމާފައިވާ ކަމަށެވެ.
"އެސްޓީއޯއިން އޯވަރޯލް އެފިޝަންސީ އިތުރުކުރަން މަސައްކަތް ފަށައިގެން މިއުޅެނީ. އެގޮތުން މިހާރު މަސައްކަތުގެ ވަގުތު ކުޑަކުރީ އެސްޓީއޯ ހެޑް އޮފީހާއި ސާވިސް ދޭ ޑިޕާޓްމަންޓްތައް. އެއްވެސް މުވައްޒަފެއްގެ މުސާރައަކަށް ބަދަލެއް ނާދޭ. ވަގުތުކުޑަވީމަ އެއާ ގުޅިގެން ބައެއް އެލަވަންސްތައް ކުޑަވީ. އަދި މިގެންނަ ބަދަލާ ގުޅިގެން ވެސް އެއްވެސް މުވައްޒަފެއްގެ ވަޒީފާއެއް ނުގެއްލޭ،" އޭނާ ވިދާޅުވި އެވެ.
އެ އޮފިޝަލް ވިދާޅުވީ އެ ކުންފުނީގެ ހުރިހާ ލެވެލެއްގެ މުވައްޒަފުންގެ އެލަވަންސްތަކަށް އެ ބަދަލު ގެނެސްފައިވާނެ ކަމަށެވެ.
"މިމަހުގެ މުސާރައަކަށް އެ ބަދަލެއް ނުގެންނާނެ. މި ބަދަލު ގެނައީ މަސައްކަތުގެ ވަގުތާ ގުޅުވައިގެން،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިފާނު
16 October 2017
ރަނގަޅު
މަސައްކަތު މީހާ
16 October 2017
ޝަހީރު އިސްތިއުފާ ދީފައި ގެޔަށް ދޭ.
ޒަންޖަބީލް
16 October 2017
ދެރަ ދޯ މުސާރަ ކުދަ ކުރީމަ! ދައުލަތް ދަރާ މިޔޮއް ހިކެނީ ):
ގުއިއްޒު
16 October 2017
ދެން އިވޭނީ އެސްޓީއޯ ބަގުރޫތުވެގެން ބަންދުކުރި ވާހަކަ ނޫންބާ؟ މިތިބީ ވާ ބައެއް.
މުހައްމަދު ނަސީމު
15 October 2017
އެސް ޓީ އޯ އިން އެއުޅެނީ މުވައްޒަފުންނަށް ދެރަގޮތެއްހަދާކަންނޫން ކޮންމެ ވިޔަފާރިވެރިޔަކުވެސް މާދަމާ ކަންތަށްވެދާނެ ގޮތަކަށް ވިސްނާ މުސްތަގުބަލްގަ ލިބެންއޮތްފައިދާޔައް ބަލާފަ މިއަދުކުރަންޖެހޭ ކަމެށްކުރުން ބުއްދިވެރި، މިއަދު ފަގީރު ކަމުގައި ހިތްވަރުކޮށްލައިގެން މާދަމާ ބޮޑު މަހުޖަނަކަށް ވެވިދާނެ އެސް ޓީ އޯ އިން އެކުރަނީ މިފަދަކަމެށް ހުރިހާ މުވައްޒަފުން މިކަންގަބޫލުކުރޭ ބޮޑު ބޮޑު މުސާރައެށް އަދި ލިބޭނެ އަހަރެންނަކީވެސް ސަރުކާރުގެ ކުންފުއްޏެއްގެ މުފައްޒަފެއް........ ވ ވެދުން
ޖޯޖް
16 October 2017
މޮޔަ ވާހަކަ ނުދައްކާ
މުސާރަ
16 October 2017
ކަލޭ މުސާރަ ކުޑަކުރީމާ ހުންނާނެ ވަރަށް ހެވިފަ ދޯ!
އަތްފުނާ
15 October 2017
'' ވަގުތުކުޑަވީމަ އެއާ ގުޅިގެން ބައެއް އެލަވަންސްތައް ކުޑަވީ '' އެހެންވިއްޔާ ތާއިދު.ކުންފުނީގެ ބޮޑެތި ބާގަނޑުތަކެއް އެބަހުރި.އިހުމާލުވީމާ ވީކަމެއް.
ހަނދުކޭތަ
15 October 2017
މުސާރަ ކުޑަކުރީމޭ ނުބުނަންވެގެން އެލަވަންސްތައް މިކުޑަކުރަނީ. މީރައްޔިތުންނަށް ހަރާމްކޯރުވުމުގެ އާސިލްސިލާއެއްގެ ފެށުން. ގޭން އެއާރޕޯޓްގަވެސް ހެދީހަމަމިހެން. 2018 ޔަގީން.
ފެންކުންފުނި
15 October 2017
ފެންކުންފުނިން ފައިދާވާވަރުން، ތިކަން ކޮށް ނިންމައިފި،
ޝައްމަ
15 October 2017
އެސްޓިއޯގެ ޖެނެރަލް މެނޭޖަރުންގެ މުސާރަ ބޭސިކް : 45000 އިތުރު އެލަވަންސް : 15000 3 ސަބްސިޑިއަރީ ބޯޑުން : 8000×3 =240000 ޓްރެއިނިންތަށް : އެސްޓިޢޯއިން ނާއި ސަބްސިޑިއަރީ ބޯޑުތަކުގެ ބައިން : މަހަކު 3 ދަތުރު × 3500 ޑޮލަރު = 159،000 ބިޒްނަސް ކްލާސް ޓިކެޓް : 3-5 ދަތުރުގެ ޓިކެޓް =160،000 ޖުމުލަ : 403،000 ރުފިޔާ 15 ޖެނެރަލް މެނޭޖަރުން މުޅި ޖުމުލަ މަހެއްގެ މައްޗަށް ކުރެވޭ ޚަރަދު: 6،045،000 ( ހަ މިލިޔަން ރުފިޔާ) މިޚަރަދު ކުޑަކުރަން މަސައްކަތް ކުރަން ވީ ނޫންތޯ ؟؟؟
ސަރީފް
16 October 2017
ސުބުހާނަﷲ ޙާދަ ޚަރަދަކޭ ؟ އެހެންވެ ދޯ ތިހާ ދަތުރުތަށް މިމީހުން ކުރަނީ ޔޫރަޕުންނާއި އެތަށް މިތަނުން.. މިއިން މީހަކު އޮފީހުގައި އުޅޭ ދުވަސްތަކަށްވުރެ ނޫޅޭ ދުވަސް ގިނަވާނީ . މި ސަހީރަކަށް ނޭނގޭ ވާނުވާ ...
މުރީދު
16 October 2017
މާނައަކީ މި ޖެނެރަލް މެނޭޖަރުންނަށް އަހަރަކު 72 މިލިޔަން ރުފިޔާ އެސްޓިއޯ ގުރޫޕް އިން ޚަރަދު ކުރެވޭ... މިއީ ވަރަށް ބޮޑު އަދަދެއް.. އޮޑިޓް ރިޕޯރޓް ތަކުން ސީދާކޮށް ފެންނާކަށް ނުހުރެދާނެ.. ބަލާ ބަޔަކަށް ހަމަ ނޭނގޭނެ ތާ!
އަރހަި
15 October 2017
އަބަދުވެސް އަހަރީ ރިޕޯޓް ނެރޭއިރު ބުނޭ މިލިއަނުން ފައިދާވާ ވާހަކަ. ކިހިނެއް ތިހަދަނީ ލިބޭ ފައިސާއަށް. އަބަދުވެސް އޮންނާނީ ގޮތްނޭގޭ މީހަކަށް ނޫނީ ކުންފުންޏަކަށް ޑޮލަރުވިއްކަން މިލިއަނުން ދީގެން އަނބުރާ ނުލިބިފަ.