މުދާ އުފުލަން ވަކި ވަގުތުތަކެއް ކަނޑައެޅުމާ ގުޅިގެން މަޖޫރީން މަސައްކަތް ހުއްޓާލައިގެން ތިބުމަށް ފަހު، މިރޭ އަލުން މަސައްކަތް ފެށުމަށްފަހު ބާޒާރުމަތީ ފިހާރައަކަށް މުދާ ބާލަނީ.
02 އެޕްރީލް 2018 - 23:00
80 comments
ދުވާލު ވަގުތު މުދާ އުފުލުން މަނާކުރުމުން އެކަމާ ހިތްހަމަނުޖެހި މަސައްކަތް ހުއްޓާލައިގެން ތިބި، ވިޔަފާރި ބަނދަރުގައި މަސައްކަތްކުރާ މަޖޫރީން އެންމެފަހުން ދެ ގުނަ އަގުބޮޑުކުރުމަށް ފަހު މިރޭ އަލުން މަސައްކަތް ފަށައިފި އެވެ.
މަޖޫރީން ކުރިން 20 ފޫޓު ކޮންޓެއިނަރެއް ކަނޑައިދެނީ 2،500ރ. އަށެވެ. ނަމަވެސް މިއަދުން ފެށިގެން ވަނީ އެ ސައިޒުގެ ކޮންޓެއިނަރެއް ކަނޑައިދޭ އަގު6،000ރ. އަށް ބޮޑުކޮށްފަ އެވެ. އަދި ކުރިން 5،000ރ. އަށް ކަނޑައިދޭ 40 ފޫޓު ކޮންޓެއިނަރެއް މިހާރު ކަނޑައިދޭނީ 12،000ރ. އަށް ކަމަށް ވެސް ވަނީ އަންގައިފަ އެވެ.
އެމްޕީއެލް އިން ހިންގާ ވިޔަފާރި ބަނދަރު ސަރަހައްދުގައި މަޖޫރީން ގެންގުޅޭ ގްރޫޕެއްގެ ވެރިއަކު ބުނީ އެމްޕީއެލް އާއި ސަރުކާރު ހިންގާ މައި ޕާޓީ، ޕީޕީއެމްއާ ބައްދަލުކޮށްގެން ވެސް ޝަކުވާތަކަށް ހައްލެއް ނުފެނުނު ކަމަށެވެ.
"މިއަދު ޕީޕީއެމްއާ ބައްދަލުކުރީމަ ބުނީ ތިމަންނަމެންނަށް ހައްލެއް ހޯދައެއް ނުދެވޭނެ. އިތުރު ގޮތެއް ނޯންނާނޭ މިހާރު އޮންނަ އުސޫލުން މަސައްކަތް ކުރިޔަށް ގެންދާށޭ،" އެ މީހާ ބުންޏެވެ.
ބަނދަރު ސަރަހައްދުން ލޮރީއަކަށް ޕްލާސްޓިކް ހޮޅިތަކެއް ބަރުކޮށްގެން ގެންދަނީ. މަޖޫރީން މަސައްކަތް ހުއްޓާލައިގެން ތިބުމަށްފަހު މިރޭ އަލުން ވަނީ މަސައްކަތް ފަށާފައި.
އޭނާ ބުނީ ކަމާ ބެހޭ ފަރާތްތަކާއެކު ކުރި މަޝްވަރާތަކުން ހައްލެއް ނުލިބިގެން އެންމެ ފަހުން މަސައްކަތް ފެށީ ދެގުނަ އަގު ބޮޑުކޮށް އަގު ދޭން އެއްބަސްވާ ވިޔަފާރިވެރިންނާއެކު ކަމަށެވެ.
ބަނދަރުގައި މަސައްކަތްކުރާ ބައެއް މަޖޫރީން އިއްޔެ މަސައްކަތް ހުއްޓާލައި ހަޅުތާލުކުރަން ފެށީ މަސައްކަތްކުރާ ގަޑި އިރުއޮއްސި ހަޔަކުން ހެނދުނު ހަޔަކަށް ބަދަލުކުރުމުންނެވެ. އަދި އެ މީހުން ޑިމާންޑްކުރަމުން ދިޔައީ ދުވާލު ގަޑީގައި މަސައްކަތްކުރެވޭނެ ގޮތް ހަމަޖައްސައިދިނުމަށެވެ. އަދި އެ ގަޑި ބަދަލުނުކުރާ ނަމަ ކޮންޓެއިނަރު ކަނޑައިދޭ އަގު ބޮޑުކުރާނެ ކަމަށް މިއަދު ހަވީރާ ޖެހެންދެން ވެސް ދިޔައީ ބުނަމުންނެވެ.
މަޖޫރީން މަސައްކަތްކޮށްދޭ އަގުބޮޑުކުރި ނަމަވެސް ބަނދަރު ސަރަހައްދުން ގުދަންތަކަށް މުދާ އުފުލައިދޭ ލޮރީތަކުން ދަތުރުކޮށްދޭ އަގު ބޮޑެއްނުކުރެ އެވެ.
މާލޭގައި ފުޅާ ދާއިރާއެއްގައި ވިޔަފާރިކުރާ ކުންފުންޏެއްގެ ވެރިއަކު މިރޭ ވިދާޅުވީ މަޖޫރީން ކޮންޓެއިނަރު ކަނޑައިދޭ އަގު ބޮޑުކުރުމުން ކުރިޔަށް އޮތްތަނުގައި ތަކެތީގެ އަގުބޮޑުކުރަން މަޖުބޫރުވާނެ ކަމަށެވެ.
"މިހާރު މިވީ ގޮތުން މުދަލުގެ އަގުބޮޑުވާނެ. މިއީ އާއްމުންގެ އިތުރުން ވިޔަފާރިވެރިންނަށް ވެސް ލިބޭ ގެއްލުމެއް. އަޅުގަނޑުމެން ބޭނުމެއް ނުވޭ އަޅުގަނޑުމެންގެ ފިހާރައަކީ އެންމެ އަގުބޮޑުކޮށް ތަކެތި ވިއްކާ ފިހާރައިގެ ގޮތުގައި ލޭބަލްވާކަށް. އެކަމަކު މިވީ ގޮތުން އަގުބޮޑުކުރަން މަޖުބޫރުވޭ،" އޭނާ ވިދާޅުވި އެވެ.
އެ ވިޔަފާރިވެރިޔާ ވިދާޅުވީ މަޖޫރީން މަސައްކަތްކުރުން ހުއްޓާލުމުން ކުއްލިއަކަށް މުވައްޒަފުން ހޯދައިގެން މަސައްކަތްކުރަން ފެށުމަކީ އެހާ ފަސޭހަ ކަމެއް ނޫން ކަމަށެވެ.
ބަނދަރު ސަރަހައްދުން ލޮރީއަކަށް ކޭބަލް ފޮށިގަނޑެއް އަރުވައިގެން މިރޭ ގެންދަނީ. މަޖޫރީން ވަނީ މިރޭ އަލުން މަސައްކަތް ފަށާފައި.
"މަޖޫރީން އެންގީ ތިމަންނަމެން މަސައްކަތްކޮށްދޭނެ އަގަކީ މިއީއޭ. މިއަގަށް އެއްބަސްވާ ނަމަ މަސައްކަތް ފަށަންވީއޭ. އިތުރު ގޮތެއް ނެތީ އެންމެ ފަހުން މިރޭ މަސައްކަތްކުރުވަން މިފެށީ،" 40 ފޫޓުގެ 40 ކޮންޓެއިނަރު މަހަކު ގެންނަ އެ ވިޔަފާރިވެރިޔާ ވިދާޅުވި އެވެ.
އެމްޕީއެލްގެ އޮފިޝަލަކު މިރޭ ވިދާޅުވީ މަޖޫރީން މަސައްކަތްކުރުން ހުއްޓާލުމުން، މުދާ އެތެރެކުރާ ކުންފުނިތަކުން އަމިއްލައަށް ކްލިއާކުރެވޭނެ ގޮތްތަކެއް ހަމަޖައްސަން ވިޔަފާރިވެރިންނަށް އެ ކުންފުނިން އެންގި ކަމަށެވެ. އެގޮތުން ކްލިއަރެންސް އެޖެންޓްކަން ކުރެވޭ ގޮތަށް އޮންނަ ކުންފުނިތަކަށް ކުރިއެކޭ އެއްގޮތަށް އަމިއްލަ މުވައްޒަފުން ބޭނުންކޮށްގެން މުދާ ކްލިއާކުރުމުގެ ފުރުސަތު އޮންނާނެކަން އެންގި ކަމަށް ވެސް އޭނާ ވިދާޅުވި އެވެ.
"ކުރިން ވެސް ހުއްދަ ދޭ ގޮތަށް އޮންނަނީ ކްލިއަރެންސް އެޖެންޓްކަން ކުރެވޭ ގޮތަށް މެމޮރަންޑަމް ހަދާފައިވާ ކުންފުނިތަކަށް. އެ ފުރުސަތު އޮތް ނަމަވެސް އެ މީހުން ވެސް އެކަންކުރަނީ މަޖޫރީން ލައްވައި،" އެ އޮފިޝަލް ވިދާޅުވި އެވެ.
ޓްރާންސްޕޯޓް އޮތޯރިޓީން ކަނޑައެޅި އާ އުސޫލުގެ ދަށުން މަޖޫރީން އަލުން މަސައްކަތް ފެށުމާ އެކު މުދާ ހިފައިގެން ގިނަ ލޮރީތަކެއް މަގުމައްޗަށް ނުކުތަސް، މާލެތެރޭގެ އާންމު ޓްރެފިކް މިރޭ ބާރު ބޮޑުވެ، ތޮއްޖެހޭ ހިސާބަކަށް ނުދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިކޮނޮމިސްޓް
04 April 2018
މާލޭގައި މީހުން ދިރިއުޅެން ޖެހޭނީ ޝިފްޓް ބަހައިގެން. ދުވާލު ޝިފްޓްގައި އުޅެން ހުއްދަ އޮންނަމީހަކު ރޭގަނޑު މަގުމަތިން ފެނިގެން ނުވާނެ. މިއީ ތޮއްޖެހުމަށް އޮތް ހައްލަކީ. އަދި ގަވާއިދާއި ހިލާފަށް އެމީހަކު މަގުމަތީގައި އުޅެން ހުއްދަ ނެތް ގަޑިއެއްގައި އުޅޭ މީހުން 50ރ އިން ފައިން ކުރަންފެނޭ. އިތުރަށް ފައިސާ ބޭނުންވާނަމަ ރަށްރަށުގައި އުޅޭ ހުރިހާ ރައްޔިތުންނަށް ބޮޑު ދައުވަތެއް ފޮނުވައި އެއްމެން މާލެ ގެންދޭ.
ލެލް
03 April 2018
އެހެން ވީޔާ ހުރިހާ މަޖޫރީން ކޮންޓޭނަރަކައް ބަރުކޮށްފަ ރަށަށް ފޮނުވާލާ.
ރައްޔިތުން
03 April 2018
މަޖޫރީން ބޮޑާހޭކީމަ އެމްޕީއެލް އިން ހުއްދަދީގެން ވިޔަފާރި ވެރިން އަމިއްލަ ގްރޫޕް ތައް ބޭނުންކޮށްގެން މުދާ ނެރުނު ވާހަކަ ނުލިޔުނީ ކީއްވެބާ...
ގާރލް
03 April 2018
އަހަރެން ހިތަށްއަރަނީ ތިތާއުޅޭ މަޖޫރީންގެ 300 ވަރަކަށް މީހުންގެ މަސްލަހަތުތޯ ބޮޑަށްބޭނުމީ. ނޫނީ 50000 މީހުންގެ މަސްލަހަތުތޯ ބޮޑަށް ބޭނުންވަނީ. ރޭގަނޑު މަސައްކަތްކޮށްފާ ދުވާލުގަޑީގާ ނިދީމަ ދެން ކޮން 24 ގަޑިއިރެއްގާތޯ މަސައްކަތްކުރަން ޖެހެނީ. އެކިމީހުން މަސައްކަތްކުރާނީ އެކިގަޑީގަ.
ޓޯކިޔޯ ސަރުކާރު
03 April 2018
#ގާރލް މަސައްކަތް ކުރާ މީހާގެ ޕޮއިންޓް އޮފް ވިއު އިން ވިސްނާލިއްޔާ ރަނގަޅު. ރޭގަނޑު މަސައްކަތްކުރަން ވީމާ އެމީހުނަންވެސް ދިމާވާ އުނދަގޫތަކެއް ހުންނާނެ އެކަން ގަބޫލްކުރައްވާ!
ބާލް
03 April 2018
ވާނުވާ އެނގިގެން ކުމެންޓު ކުތުން ރަނގަޅުވާނެ. ގާރލް އަދާކުރަމުން އަންނަ ވަޒިފާ 2 ޝިފްޓަށް ބަހާލައިފައި 2މީހުންނަށް ކުރިން ގާރލް ކުރިން ގާރލް އަށް ލިބެމުން އައި މުސާރަ ބަހައިލީމަ އޯކޭތޯ؟ މިހާރު އޮތް ޤަވައިދުން މާލެތެރެ ފަޔަވައި ދޯނިތަކާއި އެހެނިހެން މާލެތެރެ ނޫން ތަންތަނަށް މުދާބަރުކުރެވެނީ ދުވާލުގެ ވަޤުތުތަކުގައި، އަދި މާލެތެރެއަށް އިރުއޮއްސި 6 އިން ހެނދުނު 6 އަށް . އެމަސައްކަތް ކުރަމުން ގެންދިޔައީ ހަމަ އެ މަޖޫރީން . މިހާރު ކޮންޓެއިނަރ އެއްގެ އަގު ޑަބަލް ނުވާނަމަ މަޖޫރިންނަށް 2 ޝިފްޓަށް ބަހާލައިފިނަމަ ކުރީގެ މުސާރައިގެ ދެބައިކޮށްފަ އެއްބައި! ސާފުވެއްޖެތޯ؟
ދޮންބީފާނު
04 April 2018
މަގުމަތި ތޮއް ޖެހޭތީ އެހެން މީހުންނަށްވެސް އުނދަގޫވާނެ. އެކަންވެސް ގަބޫލުކުރޭ. ކަލޭ ދެލޯ ކަނީހެން މަށަށް ހާދަ ހީވެޔޭ.
އަނބިން
04 April 2018
ކަލޭ ދުވާލުގެ އިރުގެ އަލި ނުފެނި، އަނބިންނާއި ދަރިްނނަޢި އެކު ވަގުތު ހޭދަނުކޮށް ދުނިޔޭގައި އުޅޭވޭތޯ ބަލާބަލަ. އިންސާނާ ހައްދަވާފައިވަނީ ރެއާއި ދުވާލު އެމީހާގެ މައްޗަށް ބާރު ފޯޜާ ގޮތަށް.
ހާޖަރާ
03 April 2018
ދެގުނަ އަގުބޮޑުކުރީމާ ދެންވެސް ކަންކަންކުރެވޭނެ ގޮތްގޮތް ހުންނާނެ. ތިޔަމީހުން 2500 ރުފިޔާއަށް ކަނޑާދޭ ކޮންޓޭނާއެއް 2000 ރުފިޔާއަށްވެސް ކޮށްދޭނޭމީހުން އެބަތިބި. ފޫހާކާމީހުން ފޫހާކަން ބައިތިއްބާފާ ބޭރުމީހުން ބޭނުންކޮށްގެންވެސް މާބޮޑަށްވެސް އަގުހެޔޮކޮން ތިކަން ކުރެވިދާނެ. ކޮންމެހެން ބޮޑުއަގުގާ ތިމީހުންލައްވާ އުފުލުވާކަށް ނުޖެހޭ. ހަގީގަތުގާ މިހާރު ތިތާނގާވެސް އޮންނަނީ ފާޑެއްގެ ގޭނގެއް. ދާދާއިންތަކެއް. އެމީހުންގެ ބާރުގާ ބޭނުންގޮތެއް ހަދަންއުޅެނީ. ބަޔަކު ރަނގަޅުކަމެއްކޮށް އޭގެ ލުއިފަސޭހަ ރައްޔިތުންނަށް ވެދާނޭތީ ބަޔަކު ކަންބޮޑުވަނީ.
ތިޖޫރީ
03 April 2018
މަޖޫރީންނަށް މިފަހަރު ފިލާވަޅެއް ލިބޭނެ.. މިސަރުކާރުން ބަނގުލަދޭޝްގެ މަޖޫރީން މަހަކު 100 ޑޮލަރަށް ގެނެސް ތިކަން ހަމައަކަށް އަޅުވާލާނެ.
ޖޭޖޭ
03 April 2018
2018 ގަ ވޯޓް ލާނީ ވެސް ބަނގާޅީން ކަޑަ
އާދަނު
03 April 2018
ތިތަނުގައި ޓްރެފިކް މައްސަލަ ދިމާވަނީ މަގު ފުރެންދެން ލޮރީތަކާ ޕިކަޕް ތައް ޕާކް ކޮށްފައި އޮންނާނތީ. ލޮރީ ގެންގުޅޭމީހުންނަށް އަންގާ ވެހިކަލްތައް އެހެން ތާކަށް ބަދަލުކުރަން.
ޟޮނި
04 April 2018
ޚަލޯ ގޭ ކޮޓަރީގަ ތޯ ލޮރީ ބާއްވަނީ ހަހަހަ
އެކްސް
03 April 2018
މިކަން މިގޮތަށް ކުރިއަށް ގެންދިޔަދީގެން ނުވާނެ. އަގުބޮޑު ކުރިއަސް ދެގުނަ ބޮޑުކުރުމަކީ ބަލައިގަނެވޭނެ ކަމެއްނޫން. ތިހެން ހެދުމުން ހަމައެކަމުގެ ގެއްލުން ތިމަޖޫރީންނަށްވެސް ކުރާނެ. ކަމާބެހޭ ފަރާތްތަކުން މިކަމާގުޅޭ ގަވާއިދުތައް ހަދާ އަގުތައް ކަނޑައެޅުމަކީ އެންމެ މުހިއްމުގޮތް. އަދި އެގޮތަށް އެއްބަސް ނުވާ މަޖޫރީ ގްރޫޕްތަކުގެ ހުއްދަ އެމްޕީއެލުން ބާތިލްކޮށް، މަޖޫރީންގެ ހުއްދަތައްވެސް ބާތިލުކުރަންޖެހޭނެ. އެމީހުންވެސް ތިބެންވާނީ ހުދޫދެއްގެ ތެރޭގައި.
ކަނޑާލާ
03 April 2018
މަޖޫރީން ބޭނުން ގޮތެއް ނޫން ހަދަން ޖެހޭނީ ސަރުކާރުން ބޭނުން ގޮތެއް ހެދެން ޖެހޭނީ. ސަރުކާރަށް އެއްވެސް އޮޕްޝަނެއް ހުސްވެެގެން ނުވާނެއޭ މަޖޫރީން ޖެހޭނެ މިއަދުން މިއަދަށް ސައިޒުން ކަނޑާތިރި އަރުވާލެވެން.
އިހޫ
03 April 2018
ސަރުކާރުން ބޭނުންވާހާ ގޮތެއް ނުހެދޭނެކަން ސަރުކާރަށް އެނގެންޖެހޭ އެބަ މިހާރު! ރައްޔިތުން ބޭނުންވާ ގޮތް އަބަދުވެސް ވާންޖެހޭނީ. މިބުނީ ރައްޔިތުންގެ ތެރެއިން ގިނަ މީހުންގެ ވާހަކަ. ހަނދާންވޭތަ ފްލޫ ކޮންޓްރޯލް ނުވާތީ ބެލެނިވެރިން ކުދީން ސްކޫލަށް ނުފޮނުވި ދުވަސްކޮޅު. އެހެން ވާން ޖެހޭނީ. ސަރުކާރުން ބުނާހާ އެއްޗެއް އަބަދު އަޑު އަހަން ތިބޭތީ އަހަރުމެންނަށް މިހާލަތުން އަރައިނުގަނެވިގެން މިއުޅެނީ
ސޯބުރި
03 April 2018
އިހޫތީ ފައްކާ ތާވަޅެއް.. ސިޔާސީ ކެންސަރު ޖެހުނީމަ ތިގޮތައް ހަމަނުޖެހޭ ވާހަކަ ދައްކާނެ. ސަރުކާރުން ގަވައިދުތައް ހަދަނީ ދުރާލާ ވިސްނާ އެކަމުގެ މާހިރުންނާ މަޝްވަރާ ކުރުމައްފަހު، އަބަދުވެސް މީހުން އަމިއްލަ ފައިދާއަށް ކަންކަން ކުރޭ.. ކަލޭމެން ކަހަލަ ރީންދޫ ކުދިންގެ ވައްތަރުމީ، މަޖޫރީން ބޭނުންހާ ގޮތެއް ނުހެދޭނެ، އެހެންނޫންނަމަ ޓެކްސީތަކުންވެސް ބޭނުންހާ އަގެން ނަގާނެ. ގަމާރު ވާހަކަ ނުދައްކާ
ހަސަންފުޅު
03 April 2018
މަޖޫރީން އެއީ އެހާބާރުގަދަބައެއްނޫން އެގޮތަށް އަގުބޮޑުކުރަން.. ވިޔަފާރިވެރިންނަށް މީހުން ހޯދައިގެން ނުވަތަ މުވައްޒަފުން ބޭނުންކޮށްގެނެވެސް މުދާކުލިއަރކުރެވޭނެ... އެހެންނޭ މިހެންނޭ ކިޔާފައި ކޮންޓެިނަރަކުން 4000 ރ ބޮޑުކުރުމުން ހުރިހާ ތަކެތިގެ އަގުބޮޑުކުރާކަށް ނުޖެހޭނެ... އެމީހުންނަށް އެރިކަވަރ ކުރެވޭނެ އެހެނިހެން ހަރަދުތައް ކުޑަކޮށްގެން.. ބޭނުންވަނީ އެއްޗެކޭ ކިޔާފައި މުދާއަގުބޮޑުކޮށްވިއްކައިގެން އިތުރަށް ކަސްޓަމަރުއަތުން ލާރިހޯދުން... މިގޮތައް ތަކެތީގެ އަގުބޮޑުކުރުމުން ވަރަށް ގިނަގެއްލުން މުޅިއިގްތިސާދަށްވެސް ކުރާނެ.. މިއީ އެހާފުދުންތެރި ގައުމަކަށްނުވާތީވެ ބޭނުންހާ އަގެއްގައި ތަކެތިގަތުމުގެ ބަދަލުގައި ބައެފަރުދުން އަމިއްލައަށްވެސް ތަކެތި އެތެރެކުރަން ފަށާފާނެ.. މިހާރުވެސް ވަރަށް ގިނަމީހުން ތަކެތި ގަންނަނީ އޮންލައިންކޮށް އަލީއެކްސް ވެބްސައިޓުން.. ތަކެތި އެހާއަގުހެޔޮވީމާ މީހުންތަކެތި ގަންނަނީ ބޭރުން އޮންލައިންކޮށް... ވިޔަފާރިވެރިންނާއި ދައުލަތުންނާއި މިކަންކަމަށް ވިސްނާނެކަމަށް ހީކުރަން..