ވިޔަފާރި / އާމްދަނީން ނަގާ ޓެކްސް

އިންކަމް ޓެކްސްގެ ބިލް މަޖިލީހަށް ހުށަހަޅައިފި

ފާތިމަތު ޝަނާ މުހައްމަދު، މިހާރު

15 އޮކްޓޯބަރ 2019 - 11:57

14 comments

ސަރުކާރުން އާމްދަނީން ޓެކްސް ނެގުމުގެ ބިލް ރައްޔިތުންގެ މަޖިލީހަށް ހުށަހަޅައިފި އެވެ.

މި ބިލް ސަރުކާރުގެ ފަރާތުން މަޖިލީހަށް ހުށަހަޅާފައިވަނީ، އުނގޫފާރު ދާއިރާގެ މެންބަރު މުހައްމަދު ވަހީދެވެ.

މި ބިލްގައި ވާ ގޮތުން އިންކަމް ޓެކްސް ދައްކަން ޖެހޭނީ މަހެއްގެ މައްޗަށް 40،000ރ. އަށް ވުރެ ބޮޑު އާމްދަނީއެއް ލިބޭ މީހުންގެ އަތުންނެވެ. ނުވަތަ އަހަރެއްގެ މައްޗަށް 480،000ރ. ގެ އާމްދަނީއެއް ލިބޭ ނަމަ އެ މީހެއްގެ އާމްދަނީން ޓެކްސް ނަގަން ފަށާނެ އެވެ. އާމްދަނީގެ ގޮތުގައި އުޖޫރަ އާއި ވިޔަފާރީގެ އާމްދަނީ އާއި އުފުލޭ މުދާ އަދި ނުއުފުލޭ މުދާ ކުއްޔަށް ދޫކޮށްގެން ލިބޭ އާމްދަނީ އާއި ޑިވިޑެންޑާއި އިންޓްރެސްޓާއި އެނުއިލިޓީ އާއި ޕެންޝަން އަދި ރިޓަޔަމެންޓް ބެނިފިޓާއި ބެނިޕިޝަރީންނަށް ލިބޭ އާމްދަނީ އާއި ޓެކްނިކަލް ސާވިސް ފީ އާއި ކޮމިޝަން އާއި ރޯޔަލްޓީ ވެސް ހިމެނެ އެވެ.

އިންކަމް ޓެކްސް ދައްކަން ޖެހޭނެ ކަމަށް ލަފާކުރެވޭ މީހުންގެ އަދަދު

- 40،000ރ. އާއި 60،000ރ. އާ ދެމެދުގެ އާމްދަނީ: 2،621 މީހުން - 60،000ރ. އާއި 100،000ރ. އާ ދެމެދުގެ އާމްދަނީ: 2،285 މީހުން - 100،000ރ. އަށް ވުރެ ބޮޑު އާމްދަނީ: 960 މީހުން

މީގެ ތެރެއިން 40،000ރ. އާއި 60،000ރ. ގެ އާމްދަނީ ލިބޭ މީހުން އިންކަމް ޓެކްސްއަށް 8 ޕަސެންޓް ދައްކަން ޖެހެ އެވެ. އަދި 60،000ރ. އާއި 100،000ރ. އާ ދެމެދުގެ އާމްދަނީއެއް ލިބޭ ނަމަ 10 ޕަސެންޓް ދައްކަން ޖެހޭ އިރު 100،000ރ. އަށް ވުރެ ބޮޑު އާމްދަނީއެއް ލިބޭ މީހުންގެ އިންކަމް ޓެކްސް ރޭޓަކީ 15 ޕަސެންޓެވެ.

މީގެ އިތުރުން އިންކަމް ޓެކްސްގެ ގޮތުގައި ބޭންކްތަކުން ދައްކަންޖެހޭނީ އެ ބޭންކަކަށް ލިބޭ އާމްދަނީގެ 25 ޕަސެންޓެވެ. އަދި އާންމު ފަރުދުންގެ އިތުރުން އާމްދަނީ ލިބޭ އެހެނިހެން ފަރާތްތަކުން ފައިސާ ދައްކަން ޖެހޭނީ، ފަސް ލައްކަ ރުފިޔާ އަށް ވުރެ ބޮޑު އާމްދަނީއަކުން 15 ޕަސެންޓެވެ.

އިންކަމް ޓެކްސްގެ ގޮތުގައި ދައުލަތުން ކަނޑައަޅާ އާމްދަނީގެ ގޮތުގައި ރާއްޖެއިން ލިބޭ އާމްދަނީ އާއި ރާއްޖެއިން ބޭރުން ލިބޭ އާމްދަނީ ވެސް ހިމެނޭނެ އެވެ.

އިންކަމް ޓެކްސްއާ އެކު އުވާލާ ޓެކްސްތައް

- ރެމިޓެންސް ޓެކްސް، ލޭންޑް ސޭލްސް ޓެކްސް، ބިޒްނަސް ޕްރޮފިޓް ޓެކްސް، ބޭންކް ޕްރޮފިޓް ޓެކްސް، ޕެޓްރޯލިއަމް ޓެކްސް މި ޓެކްސްތައް އުވާލަން ނިންމީ މިއީ އާމްދަނީތަކާ ގުޅޭ ޓެކްސްތަކަށް ވުމުން ކަަމަށެވެ. މީގެ އިތުރުން ރެމިޓެންސް ޓެކްސް ފަދަ ޓެކްސްތަކަކީ އެހާ އިންސާފުވެރި ޓެކްސްތަކެއް ނޫން ކަމުން އިންކަމް ޓެކްސް ނަގާ ހިސާބުން މި ޓެކްސް ވެސް އުވޭނެ އެވެ.

ބިލުން ފާހަގަކުރެވޭ އިތުރު ކަންތައް

- މުދަލު ޒަކާތް ދައްކާ ފަރާތްތަކުގެ އަދަދު ޓެކްސް ބިނާ ކުރާ އާމްދަނީން އުނިކުރާނެ

- ރިޓަޔަމަންޓް ޕެންޝަން ސްކީމަށް ދައްކާ ފައިސާ، ޓެކްސް ބިނާ ކުރާ އާމްދަނީން އުނިކުރާނެ

- ވެލްފެއާ ހަރަދުތަކާއި ޑޮނޭޝަން އާއި އިންޓްރެސްޓްގެ ގޮތުގައި އަހަރަކު ހަ ޕަސެންޓް ޓެކްސް ބިނާ ކުރާ އާމްދަނީން އުނިކުރާނެ

އިންކަމް ޓެކްސް ދައްކަން ލާޒިމުވާ މީހުންގެ ތެރެއިން މީރާގައި މިހާރު ރަޖިސްޓާ ވެފައިވާ އެއްވެސް މީހެއް އަލުން ރަޖިސްޓްރީ ކުރާކަށް ނުޖެހޭނެ އެވެ.

މިހާރު ކަނޑައަޅާ ގޮތަށް އިންކަމް ޓެކްސް ނަގާ ނަމަ އަހަރެއްގެ މައްޗަށް 680 މިލިއަން ރުފިޔާ ލިބޭނެ ކަމަށް ފިނޭންސް މިނިސްޓްރީން ލަފާކުރެ އެވެ. އަންނަ އަހަރަށް ލަފާކުރާ ބަޖެޓުގައި ވެސް އިންކަމް ޓެކްސްގެ ގޮތުގައި ލިބޭނެ ކަމަށް 600 މިލިއަން ރުފިޔާ ވަނީ ހިމަނާފަ އެވެ. އެހެން ކަމުން އަންނަ އަހަރުން ފެށިގެން އިންކަމް ޓެކްސް ނަގަން ފަށާނެ ކަމަށް ބެލެވެ އެވެ.

ފިނޭންސް މިނިސްޓްރީ ރައްޔިތުންގެ މަޖިލިސް އާމްދަނީން ނަގާ ޓެކްސް އިންކަމް ޓެކްސް ބިލް

14 ކޮމެންޓް, 43 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލައުރާ

15 October 2019

ގާސި މު ސަންސިޔާ މު ޗަންޕާ ކޮލިބެ ރެޑްވޭވް މެން ވަރައްކެކޭނެ މމ މަރުހަބާ ސަރުކާރު އަދިވެސް ގިނަކޮއްލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޭން

15 October 2019

ތިކަންތައް ނިންމަން ވާނީ އާންމުންގެ ވޯޓަކުން. ދުވާލަކު ދެވަޒީފާ އަދާކޮށް އާމްދަނީ އިތުރުކުރަނީ ކުރަންޖެހޭ ހަރަދުބޮޑުވެ ދެކޮޅުނުޖެހޭތީ. ކުލި، ފެން، ކަރަންޓު، ކެއުން... މިކަންތައްކޮށް ކުރިޔަށް ޖެހިދާނެ ހާލަތަކަށް ރައްކާކުރުމަށް. ޓެކުހަށް ލާރިނަގާފަ ސަރުކާރުން މިކަންތައް ހަމަޖައްސާނެތަ. ޓެކްސް ނަގާފަ ހަރަދުކުރާގޮތެއް ޓެކްސް ދައްކާފަރާތަކަށް ނޭންގޭ. ދެން ކޮންމެވެސް ކޮރަޕްސަނެކޭކިޔާފަ ހިންދާލީމަ އެވީ. ޏޮޓް ގުޑް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޭންގެ ބައްޕަ

16 October 2019

މޭން 2 ވަޒީފާ އަދާކޮއްގެން 40 ހާސް ރުފިޔާ ލިބޭތަ ؟ 40 ހާސް ރުފިޔާ ލިބުނަސް ޓެކްސްދައްކާކަށް ނުޖެހޭ. ތަފާސް ހިސާބު ބުނާގޮތުން މިރާއްޖޭގައި މަހެއްގެ މައްޗަށް 40 ހާސް ރުފިޔާއަށްވުރެ ގިނައިން ލިބޭ 6000 މީހުން ކިރިޔާ ހަމަވަނީ. އެހެންވީމާ މޭން އަކީ މިގައުމުގައި ގުނާލެވޭ މުއްސަނދިންގެ ތެރެއިން މުުއްސަންޖެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮވެލި

15 October 2019

އެމްޑީޕީ ގެ ސިޔާސަތުގެ ސަބަބުން ގައުމު އިނދަ ޖެހިދާނެ ކަމުގެ ބިރު އެބަ އޮތެވެ. ގިނައީ ތާކުންތާކު ނުޖެހޭ ވަޢުދު ތަކެވެ. އިންކަމް ޓެކްސް، ހެނދުނު ނާސްތާ، ބޭރު ގައުމު ތަކުގައި ދިރިއުޅޭ މީހުންނަށް ހެލްތް އިންސުރެންސް. ..މިއީ އެކަށީގެންވާ ވަރަށް ދިރާސާ ނުކޮށް ވޯޓް ހޯދަން ޖައްސާ ގޭމެއް. މީގެ ބުރަ އުފުލަން މިޖެހެނީ ނިކަމެތި ރައްޔިތުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓެކްސް

15 October 2019

ޓެކްސް ނެގިޔަސް އޯކޭ.... އެކަމް ރައްޔިތުން އަތުން ފައިސާ ނަގައިފަ އެފައިސާއިން ކުރާ މަސައްކަތެއް ނުފެނޭ... ބޯޅަ ކުޅޭކޮންމެ މީހަކައް ފައިސާ ގޯނި ބެހުމަށްވުރެ.. ހާލުގާ ޖެޅިފަތިބި ދިވެހިންނައް ހަރަދުކުރުން ކީއްތޯ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

15 October 2019

ދެން ނަޝީދުމެން ބޭނުންވަނީ މީހުން މާޔޫސްކުރަން. މިހާރު ކުޑަ ވިޔަފާރިއެއްކުރުމަކީ ވެސް ބޮޑު މުސީބާތެއް. އެންމެ ރަނގަޅުވާނީ މަސައްކަތެއްނުކޮށް ކަސޯޓީ ބަލަން ގޭގައި އިނުން. އޭރުން އާސަންދަ ލިބޭނެ. އަދި މަސައްކަތެއްނެތް މީހުންނަށް އެލަވަންސްދޭނެ. އަދި 65 އަހަރުވުމުން ޕެންޝަން ލިބޭނެ. ކީއްކުރަން މަސައްކަތް ކުރަންވީ. 40 ހާސް ލިބޭއިރު ކުލި 30 ހާސް އެކަމަކު 40 ހާހުން ޓެކްސް ދެއްކުމުން ދެން ބާމީ އެހެންކަންތައްތަކަށް ސުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާޅީސް

16 October 2019

40 ހާސް ލިބޭ މީހުން ޓެކްސް ދައްކާކަށް ނުޖެހޭ. ޓެކްސް ދައްކަން ޖެހެނީ 40 ރުފިޔާއަށް ވުރެ ގިނައިން ލިބޭމީހުން މިސާލަކަށް 50 ހާސް ލިބޭނަމަ 50 ހާހުން 40 ހާސް ކެޑުމަށްފަހު ބާކީވާ 10 ރުފިޔާގެ 8 ޕަސަންޓު. އެއީ 800 ރުފިޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންޕަ އަހަންމަދު

15 October 2019

މަށަށް ހެޔޮ އިންކަމްޓެކްސް ނުނެގިޔަސް. ބޭތުލްމާލުގާ ގޯނިއަޅައިގެންނަމަސް ބާގަނޑުތައް ބައްދާ. ކޯރުކޯރަށް އެބާގަނޑުތަކުން ޑޮލަރުތައް ދެމިއެގަންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިޒާން

15 October 2019

އިންކަމް ޓެކްސް އާއި ހަމަ ހަމަ ކަމާއި އިންސާފް ހޯދަ ދޭން އެމްޑީޕީން ތިކުރާ މަސައްކަތައް އަޅުގަނޑުމެން ތާއީދު. އެކަމަކު ރައްޔިތުންގެ ހާލަތައް ބަލާ ނުލާ 40،000ރ ތިޔަ ކަނޑައެޅީ. މާދަން ގޭ ކުލި އަގުބޮޑުވާނެ. ކަރަންޓް ކުންފުނިން ބިލް ބޮޑުކުރާނެ! ފެން ކުންފުނިން ފޯރީގަ އެތައް ގުނަ އަކުން ބިލް ބޮޑުކުރާނެ އަދި ރައްޔިތުމީހާ ހަން ނޮޅާގެންވެސް ލާރި ހޯދާނެ. އެކަމަކު ތިޔަ ބިލް ފާސް ކުރަން ތިބީ ރައްޔިތުންގެ މަންދޫބުންނަށް ވެގެން ތިބި ބަޔެކޯ! ހާދަ ދެރައޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްޑީޕީ

15 October 2019

ރައީސް ނަޝީދެވެ! އަޅުގަނޑުމެންގެ ހާލަތު ވިސްނަވާ ލެއްވިންތޯ! އަހަރެއްގެ މައްޗަށް ގޭގެ ކުލީގެ ގޮތުގައި އަޅުގަނޑުމެން 300،000 ރ އާއި 360،000 ރ އާއި ދެމެދުގެ އަދަދެއް ދައްކަން ޖެހޭއިރު ޓެކްސް ނަގަން ތިޔަ ގަސްތު ކުރަނީ 40،000ރ އިން ފެށިގެން. މިހެން މިކަން ކުރާ އިރަށް އަނެއްކާވެސް އެއްކަލަ ގޭގެ ކުލި ބޮޑުކުރާނެ. މިދާ ރޭޓުން ދަންޏާ ގޭގެ ހަރަދަށް ބާކީ އަތުގަ ބައި ލާރި ވެސް ނޯންނާނެ. ނިކަމެތިންނަށް އޮތީ ކުލި ދައްކާފަ ބާކީ ބައި ޓެކްސް އަށް ދެއްކުން ތ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިޖަރު

15 October 2019

ކޮބާ ކުރިހާ ހުވާ ތަކާ ވިއްކި މެނިފެސްޓޯ ތަކާ އެޖެންޑާ ނަވާރަ! 65،000 ރުފިޔާއިން މަތީގެ އާމްދަނީ ތަކުން ޓެކްސް ނަގާނެ ކަމަށް ވައުދު ވެގެން ހޮވާ ދިނީ. އިންކަމް ޓެކްސް އަށް އަޅުގަނޑު ތާއީދު. އެކަމަކު އަހަރެމެން ކައިރީގަ ވައުދުވީ ގޮތާއި ހިލާފަށް ކަން ނުކުރޭ! ގޭގެ ކުއްޔަކީ 30،000 ރުފިޔާ. ދެން އެހެން ހަރަދު ތަކަށް ބާކީ އޮންނާނީ 10،000 ރުފިޔާ. ޓެކްސް ނަގާ އިރު ރައްޔިތުންގެ ހާލަތައް ވިސްނާ ނުލާތީ ދެރައީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫސަންގު

15 October 2019

ލަންކާ ބަންގާޅު އިންޑިޔާ ފިލިޕީންސް އިން އިންކަމް ޓެކްސް ނަގާ. ގައުމު އެކަމަކު ފަގީރުން ވަނީ ގިނަ. ގައުމު ދަނީ ފަހަތަށް. އިންކަމް ޓެކްސް ނަގަން އައިއެމްއެފުން ލަފާ ދޭނެ. އެއި މުއްސަނދި ޔަހޫދީން ކޮންޓްރޯލް ކުރާ ތަނެއް. ދެން ބަލަން ތިބެމާ.