މޯލްޑިވިއަންގެ ކައުންޓަރުތަކުން ޚިދުމަތް ހޯދަން ބަޔަކު ކިޔޫގައި: އެ ކުންފުނީގެ މުވައްޒަފަކު އޮޅުވާލައިގެން ގިނަ އަދަދެއްގެ ފައިސާ ނެގި މައްސަލަ ވަނީ ފުލުހުންނަށް ހުށަހަޅާފައި. --ފޮޓޯ/މިހާރު
18 ނޮވެމްބަރ 2020 - 21:52
އައިލެންޑް އޭވިއޭޝަން (އައިއޭއެސް)ގެ މުވައްޒަފަކު އޮޅުވާލައިގެން އެ ކުންފުނިން ގިނަ އަދަދެއްގެ ފައިސާ ނެގި މައްސަލައެއް ފުލުހަށް ހުށަހަޅައިފި އެވެ.
މޯލްޑިވިއަންގެ މީޑިއާ ޑިރެކްޓަރު މޫސާ ވަސީމް މިރޭ ވިދާޅުވީ އެ ކުންފުނީގެ މުވައްޒަފެއްގެ މައްޗަށް ޚިޔާނާތުގެ ތުހުމަތުތަކެއް ކުރެވުމުން އެ މައްސަލަ ތަހުގީގުކޮށްދޭން ފުލުހުންނަށް ހުށަހެޅީ މިދިޔަ ހަފުތާގައި ކަމަށެވެ. ތަހުގީގުކޮށްދޭން އެދިފައިވާތީ އިތުރު ތަފްސީލު މިވަގުތު ހާމަނުކުރެއްވޭނެ ކަމަށް އޭނާ ވިދާޅުވި އެވެ.
މޫސަ ވިދާޅުވި ގޮތުގައި އެ މުވައްޒަފާ ދޭތެރޭ އިދާރީ ގޮތުން އަޅަން ޖެހޭ އެންމެ ހަރުކަށި ފިޔަވަޅު އެ ކުންފުނިން އަޅާނެ އެވެ.
މާލީ ހާލަތު ވަރަށް ބޮޑަށް ދަށްވެފައި އޮތް ކުންފުނިން ދެ މިލިއަނެއްހާ ރުފިޔާ އޮޅުވާލައގެން ނެގި މައްސަލައިގައި ތުހުމަތުކުރަނީ، އެނގިފައިވާ ގޮތުގައި، އެ ކުންފުނީގެ ކޭޝިއަރެއްގެ މައްޗަށެވެ. އޭނާ އެ ކުންފުނީގައި މަސައްކަތް ކުރާތާ 25 އަހަރު ވެދާނެ ކަމަށް ވެ އެވެ.
ފައިސާ އަށް ޚިޔާނާތްވި ކަމަށް އެ މުވައްޒަފު އެއްބަސްވެފައިވާ ކަމަށް ވެސް މައުލޫމާތު އެނގޭ ބައެއް މީހުން ބުނެ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
މާބޯޑޭ
23 November 2020
އަދި ކިރިޔާ ތިތާގެ މަތީ މަގާމަކަށް ތިޝަރުތު ހަމަވީ.
އޮނަރަބްލް އަފީފު ދީދީ
19 November 2020
މީޑިޔާ ޑިރެކްޓަރ ކިޔާފަ ބޮޑު މުސާރަ ދީފައި ހުރި ކުއްޖާ ދެއްކިވާހަކައިންވެސް އިގޭ ތިޔަ ކުންފުނީގެ ހާލަތު އޮތް ހިސާބު. # ދައުލަތުގެ ކުންފުންޏަކުން މިލިޔަނުން ވައްކަން ކުރީމާ އަޅާނީ އެތެރޭގެ ފިޔަވަޅެއްނޫން. ވައްކަން ކުރިމީހާގެ މައްސަލަ ތަޙްޤީގުކޮށް ޕްރޮސިކިއުޓާރއަށް ފޮނުވާ. # ދައުލަތުގެ އެއަރލައިން ކުންފުނި ބަޤުރޫޓްވުމުގެކުރިން ސަރުކާރުން އަޅާން ޖެހޭ ފިޔަވަޅަކީ މުޅި ކުންފުނީގެ ބޯޑް ބަދަލުކޮށް ކުންފުނީގެ އެމްޑީ މަޤާމުން ދުރުކުރުން.
ޖާބިރު
19 November 2020
ސަޅި އިގޭ.
ދެލޯ ފުހެލާފަ ކިޔާލަބަލަ!
19 November 2020
ރަންކޮޅާ، އަދި އެއްފަހަރު ކިޔާލަބަލަ! އޭރުން އެ މައްސަލަ ތަޙުޤީޤު ކުރަން ފުލުހުންނަށް ހުށަހަޅާފައި ވާ ވާހަކަ ލިޔެފައި އޮއްވައި ފެންނާނެ އެވެ. ޚަބަރެއް ނުކިޔު މަށްވުރެ، އެއްބައި އެނގު މުން އުފެދޭ ފިޠުނަ މާބޮޑުވާނެ އެވެ.
ޅަބޭ ގެ ކޮއި
19 November 2020
ދެމިލިއަނެއްހާ ރުފިޔާ ވަގައް ކައްވާލެވޭނީ ވަރައްމޮޅައް ވައްކަންކޮއްލެވިގެން މިވީހާދުވަހު ފައްޔާޒު ވެސް ވިދާޅުވި އޭނަވެސް އެކަމައް ވަރައްމޮޅުވާހަކަ އެކަމަކު ކިތަމެމޮޅަސް ﷲ އެމީހަކު ފަޅިހަތްކުރައްވާކައް ގިނަވަގުތު ތަކެއްނުނަގާނެ
ޒިންދަގީ
19 November 2020
ތީ ތަންކޮޅެއް އާދައިގެ މުއްޒަފެއް. ޔަގީން ހަމަ. ބޮޑެއް ނަމަ އެއްކަމެއްވެސް ނުވާނެ.
ލުތުފީ
19 November 2020
ދެމިލިޔަން ޔުފިޔާގެ ޚިޔާނާތެއް ކޭޝިޔަރަކަށް ވެވޭނީ ރަގަޅު ހިންގުމުގެ ނިޒާމެއް އެކުލަވާލެފިފައި ނެތީމަ. ކޮބާ އިންޓާނަލް އޮޑިޓް. އިންޓާނަލް އޮޑީޓް ޑިޕާޓްމަންޓުން ތިކަމުގެ ޒިންމާ ނަގަންޖެހޭނެ.
ހާދާލު
19 November 2020
ހަނިމާދޫ އެއަރޕޯޓްގަވެސް ޓިކެޓް ވިއްކަން ތިކަހަލަ އަންހެނެއް އިންނާނެ.....އޭނާ ހިންގާ ޖަރީމާ ތައް ވެސް ބަލާ ދެއްވާ.
ބުރެދި
19 November 2020
ސިޔާސީ ބޮޑުން ހުރިހާ ސަރުކާރަކުވެސް ކައެވެ. ޢެކަމު އެއްކަމެއް ވެސް ނުވެ އެވެ. ހަމަ އެމީހުންނަށް ވޯޓް ދީ މަގާމް ތަކަށް ހޮވަ އެވެ.
ޖިނާއީމައްސލައެއް
19 November 2020
ސަރުކާރުގެ ކުންފުންޏެއްގެ ފައިސާއަށް ޚިޔާނަތްތެރިވީމަ ، އިދާރީގޮތުން ހަރުކަށި ފިޔަވަޅުއަލާވާހަކަ މޫސަ ވިދާޅުވީމަ ހައިރާންވެއްޖެ. ވައްކަން ކުރީމަ އެކުރެވުނީ ޖިނާއީ ކުށެއް ނޫންތަ. ކޮން އިދާރީފިޔަވަޅެއް!! މިކަން އެތެރެ އެތެރެއިްނ އޮއްބާލަނީދޯ.
ކ
19 November 2020
ލާރި ބަހައްޓާފައި ހުންނަނީ ވަތްގަޑުގަތަ. ދެ މިލިޔަން އެކެއީ އެކިފަހަރު މަތިން ވެއްޖިއްޔާ ނިޒާމު ރަގަޅުކުރަންޖެހޭ. ތިކަޑައޭ.
މުރާސިލް
19 November 2020
ޢައިލެންޑް އޭވިއޭވިއޭޝަން އުފެއްދި ފަހުން އަދި 20 އަހަރުވެސް ނުވެއެވެ. ދެން އެ މުައްޒަފު އެކުންފުނީގައި މަސައްކަތްކުރާތާ 25 ވާނީ ކިހިނެތް ހެއްޔެވެ؟ އެހެންވީމާ މި ޚަބަރުގެ ދެން ހުރި މަޢުލޫމތުގެ ސައްޙަކަ މާއި މެދުވެސް ސުވާލު އުފެދެއެވެ.
ރަދީފްއޮފިޝިއަލް
19 November 2020
އެއާމޯލްޑިވްސް ޒަމާނުއްސުރެ އޭނަ މަސައްކަތްކުރާނަމަ 25 އަހަރުވާނެ ދޯ.ގައިމުވެސް އެއާމޯލްޑިވްސް ބަނގުރޫޓްވި ހިސާބުން އައިއޭސްއެލް އުފެދުމާ ހިސާބަށް ވެސް ރާއްޖޭގަ އެތެރޭގެ އުދުހުމުގެ ހިދްމަތް ކޮންމެވެސް ބަޔަކު (ސަރުކާރުގެ ކުންފުންޏަކުން) ދިން.އެހެންވީމަ އޭރު މަސައްކަތްކުރި ސްޓާފުން ވާރުތަވާނީ ފަހުން އުފެދުނު ކުންފުންޏަށް.އެހެން ނޫން ތޯ.އެހެންވީމަ 26 އަހަރުވެސް ވާނެ.ވ.ވެދުން