މޯލްޑިސް ފްލޯޓިން ސިޓީގެ ތްރީޑީ ކުރެހުމެއް
14 މާޗް 2021 - 19:18
90 comments
ދުނިޔޭގައި ވެސް މިހާތަނަށް ހަދާ ފުރަތަމަ ފްލޯޓިން ސިޓީ ރާއްޖޭގައި ހެދުމަށް ނެދަލޭންޑްސް ކުންފުންޏަކާ ސަރުކާރުން ހަވާލުކޮށް އެކަން މިއަދު އިފްތިތާހުކޮށްފި އެވެ.
"މޯލްޑިވްސް ފްލޯޓިން އައިލެންޑް" ތަރައްގީ ކުރަނީ މާލޭގެ އުތުރުން އޮންނަ ފަޅެއްގަ އެވެ. ފްލޯޓިން ސިޓީން މާލެއަށް 10 މިނެޓްގެ ތެރޭގައި ދަތުރު ކުރެވޭނެ އެވެ. މިތަން ތަރައްގީ ކުރަނީ ނެދަލޭންޑްސްގެ ޑަޗް ޑޮކްލޭންޑްސް އާއި ސަރުކާރާ ދެމެދު ގާއިމްކުރި ޖޮއިންޓް ވެންޗާއެއްގެ ދަށުންނެވެ.
ފްލޯޓިން ސިޓީގެ ގެތައް: މިތަނުގައި ހުންނަ ގެތައް ހަދަނީ ފްލޯޓިން ޓެކްނޮލޮޖީ ބޭނުންކޮށްގެން
މި ޕްރޮޖެކްޓް ލޯންޗު ކުރުމަށް ޓޫރިޒަމް މިނިސްޓްރީގައި ބޭއްވި ރަސްމިއްޔާތުގައި ޓޫރިޒަމް މިނިސްޓަރު ޑރ. އަބްދުﷲ މައުސޫމާއި ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަަޝީދު ބައިވެރިވެވަޑައިގަތެވެ.
މި ޕްރޮޖެކްޓްގެ ލޯކަލް ކޮންސަލްޓެންޓް އިބްރާހިމް ރިޔާޒް ވިދާޅުވީ މި ފްލޯޓިން ސިޓީގައި 5،000 ގެ ހެދުމަށް ހަމަޖެހިފައިވާ ކަމަށެވެ. މިތަނުގައި ގެތައް ހަދަނީ ވަރަށް ގިނަ ކުލަތައް ހިމެނޭ ގޮތަށެވެ. އަދި ދެބުރިއަށް ހަދާ މި ގެތަކުގެ މަތީގައި ޓެރަސް އެއް ހަދާނެ އެވެ.
ފްލޯޓިން ސިޓީގެ ރެސްޓޯރެންޓެއް.
މުޅިން ތަފާތު ކޮންސެޕްޓަކަށް ހަދާ މި ގެތަކުގައި މިޑްލް ރޭންޖުން ހައި-އެންޑްގެ ގެތައް ހުންނާނެ އެވެ. މިތަނުގައި ހަދާ ގެތަކުގެ އަގު އުޅޭނީ ދެ މިލިއަން ރުފިޔާ އިން މަތީގައި ކަމަށް ރިޔާޒް ވިދާޅުވި އެވެ. މި ސިޓީން ގެ ގަތުމަށްޓަކާއި އިންސްޓޯލްމެންޓް އުސޫލުގެ ތެރެއިން ގެ ގަތުމުގެ ފުރުސަތު އޮންނާނެ އެވެ. މީގެ އިތުރުން މޯގޭޖް އުސޫލުން ލޯނު ނަގައިގެން ވެސް މި ސިޓީން ގެ ގަތުމުގެ ފުރުސަތު އޮންނާނެ އެވެ.
ފްލޯޓިން ސިޓީ ތަރައްގީ ކުރާ ސަރަހައްދު. މި ސިޓީގެ ވަށައިގެން ދެ ރިސޯޓެއް ތަރައްގީ ކުރާނެ
މާލެއާ ކައިރި ފަޅެއްގައި ތަރައްގީކުރާ މި ސިޓީގެ ވަށައިގެން ދެ ރިސޯޓު ތަރައްގީކުރަން ހަމަޖެހިފައިވެ އެވެ. އަދި ޔޮޓް މެރީނާއަކާއި ދުނިޔޭގެ ނަން މަޝްހޫރު ބްރޭންޑްތަކުގެ ރެސްޓޯރެންޓްތައް ވެސް އެ ސަރަހައްދަށް ގެންނަން ހަމަޖެހިފައިވާ ކަމަށް ރިޔާޒް ވިދާޅުވި އެވެ.
ފްލޯޓިން ސިޓީގެ ގެތަކަށް ދިއުމަށް އޮންނަ ޖެޓީތައް
ތަފާތު ކޮންސެޕްޓަކަށް ހަދާ ފްލޯޓިން ސިޓީގައި ސްކޫލާއި ހޮސްޕިޓަލާއި މޯލްގެ އިތުރުން ކައުންސިލް އާއި ސަރުކާރު އޮފީސްތައް ވެސް ހަދާނެ އެވެ.
"މި ޕްރޮޖެކްޓްގެ އަމަލީ މަސައްކަތް މި އަހަރުގެ ސެޕްޓެމްބަރު މަހު ފަށާނެ،" އޭނާ ވިދާޅުވި އެވެ.
މި ޕްރޮޖެކްޓުގެ ދަށުން ގެތައް އިންސްޓޯލް ކުރުމުގެ މަސައްކަތް އަންނަ އަހަރު ފެށުމަށް ހަމަޖެހިފައިވެ އެވެ. މި ސިޓީ ތަރައްގީ ކުރަނީ ފްލޯޓިން ޓެކްނޮލޮޖީ ބޭނުންކޮށްގެންނެވެ. ރިޔާޒް ވިދާޅުވީ، 5،000 ގެ ހުންނަ ފްލޯޓިން ސިޓީގެ ވަށައިގެން ހަދާ ދެ ރިސޯޓުން އެ ސަރަހައްދުގައި ދިރިއުޅޭ މީހުންނަށް ވަޒީފާގެ ފުރުސަތުތައް ތަނަސްވެގެންދާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިންޑު ފާމް
16 March 2021
ހަނދާނަށް އަންނަނީ ގާފަރު ވިންޑް ފާމްގެ ގްރެފިކް ޑިޒައިން، އެވެސް ވަރަށް ރީތީ. ފްލޯޓީންގ ސިޓީގެ ވެސް ކުލަތައް ވަރަށް ރީތި!!! މޮޅެތި ކުރެހުންތެރިންނާއި ގްރެފިކް ޑިޒައިނަރުން އިތުރަށް ރައްޔާރުކުރަންވީ!!! އޭރުން ތިކަހަލަ ކިތައްމެ ކުރެހުމެއްވެސް ކުރެހި ދާނެ!!! އިންތިހާބާ މި ދޭތެރޭ މިއޮތް ދުވަސްކޮޅުގައި މިކަހަލަ ގިނަ ސުރުޙީތައް ލިބޭނެ!!!
ފިނރުޓޭ
16 March 2021
މީ ކިތައް ފަހަރު ސޮއި ކުރާ ޕްރޮޖެކްޓެއްތަ؟
ބޮލުގަ ރިއްސާ
16 March 2021
ޑަޗް ކުންފުންޏަކާ ސަރުކާރާ ޖޮއިންޓް ވެންޗަރވެގެން 2ބިލިއަން ޑޮލަރ. 5000ގެއާ ކުޑަ ދެ ރިޒޯޓަށް. މިއަގަށް ކިތަށް ހައުސިން ޔުނިޓްއެޅޭނެބާ ހުޅުމާލެއާ އައްޑޫގަ. ފަހުން ސަރުކާރުން ބޮޑު ބަދަލަކުން ބަދަލު ދޭންނުޖެހިއްޖެހޭ ރަނގަޅު.
ކިނބޫ
15 March 2021
އެއްކަލަ މިހާރު! މިއުޅެނީ ފްލޯޓިންގ ސިޓީ ބޭޅިގެންތަ! މިގައު މު އަޅުވެތިވެ ނިމޭއިރު ކުލަކުލައިގެ އޮއިވާލި ކަނދުފަތި ފޮޓޯއިން މަންޒަރު ދެއްކުމުގަ އަވަދިނެތި މިބައިމީހުން! ހައިރާނެއް ނުވޭތަ!
އަހުމަދު737
15 March 2021
ހިޔާލީ ފޮލާ ހަހަހަހަ
ވޭސްޓް
15 March 2021
އެއޮތް ފައިސާހުރި ޔޫއޭއީއިން އެހާވަރަށް މާކެޓްކޮށް ދުނިޔެހެން ރަށްތައް ޑިޒައިންކޮށް ހެދި ޕްރޮޖެކްޓްވެސް ވީ ބޮޑު އިގްތިސާދީ ފްލޮޕް އަކަށް. ވަކިން ހާއްސަކޮށް މިދުވަސްވަރަށް ބަލާނަމަ ތިއީ ބޮޑު އިސްރާފެއް.
ފެންސު
15 March 2021
ޔާމީނުނަމަ ގަބޫލުކުރީމުސް... އެކަމަކު އެމް.ޑީ.ޕީ ގެ ފެންވަރެއްނޫން ތީކީ. އެމް.ޑީ.ޕީ އަށް ވާނެ ވަރު ކޮށްފަ މިހާރު ތިއޮތީ. ތިއަށްވުރެ ޗާލު މޮޑެލްތަކެއް ދައްކާލެވިދާނެ އަހަންނަށްވެސް
ައަބްޅޯ
15 March 2021
އެމް ޑީ ޕީ އަށް އަދި އިތުރު ދެދައުރުދިނަސް ތިބުނާ ފްލޯތިން ސިޓީ ލޮލަށްފެންނާނެ މީހަހަކު މިދުނިޔެކު ނުހުންނާނެ!
މަނީ ލައުންޑަރިންގް 101
15 March 2021
ފުރަތަމަ ފާޑެއްގެ ނަމެއް ދީގެން ޕްރޮޖެކްޓެއް ފަށަންވީ. ދެން ބިދޭސީންގެނެސް އެމީހުން ލައްވާ އެތަން ހަދަންވީ. މަހު މުސާރަ ދޭންވީ އަތުން އަތަށް ނޫޓުގެ ގޮތުގައި. އެތަން ނިމުމުން އެތަނުން ލިބޭ ހުރިހާ ފައިދާއެއް ފެންނާނީ ހުއްދަ ގޮތުގައި ހޯދި ފައިސާ ގޮތުގައި. ލައުންޑަރ ކުރި ފައިސާގެ އެތައް ގުނަ ފައިދާ އޭރުން ލިބޭނެ. ރާއްޖޭގެ މުއްސަދީންގެ މެޖޯރިޓީ މުއްސަދިވީ ހަމަ މިހެން. ދިވެހީނަށް ތިކަމުން ފައިދާއެއް ނުވާނެ. ފައިދާވާނީ ދެތިން ބައެއްގެ އާއިލާ މީހުންނަށް.
ފަންސުރު
15 March 2021
ތިކަހަލަ ކުލަ ހުވަފެނަކަށް ނުހެއްލޭނަން. މަގޭ ވޯޓެއް ނުލިބޭނެ. ވަރަށް ބޮޑަށް ސޮރީ.