ހިމާޔަތްކޮށްފައިވާ ފުއްލާ ޝިކާރަކޮށްގެން ސަލްމާން ހާނާ އެކު ދައުވާ ކުރި ތަރިންގެ ހުކުމް އިސްތިއުނާފުކޮށްފި

ސައިފް، ސޮނާލީ، ނީލަމް އަދި ތައްބޫ: އެ މީހުންގެ މައްސަލަ މިހާރު ވަނީ އިސްތިއުނާފުކޮށްފައި.

އަހުމަދު އަދްޝަން، މިހާރު

12 މާޗް 2019 - 06:42

އިންޑިއާގެ ޖޯދުޕޫރްގައި ހިމާޔަތްކޮށްފައިވާ ފުއްލާގެ ބާވަތެއް ކަމަށްވާ ބްލެކްބަކް މީގެ 21 އަހަރު ކުރިން ސަލްމާން ހާނާ އެކު، ޝިކާރަކުރި ކަމަށް ބުނާ މައްސަލާގައި ދައުވާކުރި ހަތަރު ތަރިއެއްގެ މައްޗަށް ކުށް ސާބިތު ނުވާ ކަމަށް ޖޯދްޕޫރް ކޯޓުން މިދިޔަ އަހަރު ކުރި ހުކުމް އެ ސްޓޭޓްގެ ސަރުކާރުން އިސްތިއުނާފު ކުރުމުން، މައްސަލަ ރައްދުވާ ތަރިންނަށް ޖޯދުޕޫރް ހައި ކޯޓުން ހޯމަ ދުވަހު ނޯޓިސް ފޮނުވައިފި އެވެ.

އެ ހަތަރު ތަރިންނަކީ ސައިފް އަލީ ހާނާއި ތައްބޫ އާއި މިހާރު ކެންސަރަށް ފަރުވާ ހޯދަމުން އަންނަ ބަތަލާ ސޮނާލީ ބެންޑްރޭގެ އިތުރުން ކުރީގެ ބަތަލާ ނީލަމް ކޮތާރީ އެވެ.

އެ މީހުންގެ މައްޗަށް ކުށް ސާބިތު ނުވާ ކަމަށް ޖޯދުޕޫރް ކޯޓުން ހުކުމް ކުރީ، ޝިކާރަ ކުރި މައްސަލާގައި ސަލްމާންގެ މައްޗަށް ކުށް ސާބިތުވެ ހުކުމް އިއްވި ދުވަސް ކަމަށްވާ އެޕްރީލް، 5، 2018 ގަ އެވެ.

Black Buck Poaching case: Jodhpur High Court issues a notice to Saif Ali Khan, Sonali Bendre, Neelam Kothari, Tabu and Dushyant Singh on an appeal by state govt challenging their acquittal in the case by a local court. #Rajasthan pic.twitter.com/ugq6ncUn6n
— ANI (@ANI) March 11, 2019

މީޑިއާތަކުން ރިޕޯޓްކޮށްފައިވާ ގޮތުގައި ކުށް ސާބިތު ނުވި ތަރިންގެ މައްސަލަ އަހެއްރާ ދުވަސް ފަހުން އިސްތިއުނާފު ކުރީ އެ ނިންމުމާ ދޭތެރޭ ޖޯދުޕޫރުގެ ސަރުކާރުން ހިތްހަމަނުޖެހިގެންނެވެ.

ސަލްމާންގެ މައްޗަށް ކުށް ސާބިތުވާ ކަމަށް ކަނޑައަޅައި އޭނާ އަށް ފަސް އަހަރުގެ ޖަލު ހުކުމެއް އިއްވި އެވެ. އަދި ޖަލުގައި ބަންދު ކުރިތާ ދެ ދުވަސް ފަހުން ކަފާލާތުގެ ދަށުން ދޫކޮށްލީ އެޕްރީލް މަހުގެ 7 ވަނަ ދުވަހު އެވެ.

Salman Khan ah 5 aharuge jalu hukumeh ivvaifi

The most trusted news source in the Maldives

Mihaaru

ފުއްލާ ޝިކާރަ ކުރިކަން ސާބިތުވެ ސަލްމާނަށް ހުކުމް ކުރީ އެޕްރީލް، 5، 2018 ގައި.

ސަލްމާނާއި އިތުރު ތަރިންތަކެއްގެ މައްޗަށް ދައުވާ އުފުލީ ޑައިރެކްޓަރު ސޫރަޖް ބަރްޖަތިއާ 1999 ގައި ގެނެސް ދިން ފިލްމު "ހަމް ސާތު ސާތު ހޭ" ގެ މަންޒަރުތަކެއް 1998 ގައި ޖޯދްޕޫރުގައި ނެގި އިރު ފުއްލާ ބްލެކްބަލް ޝިކާރަ ކުރި ކަމަށް ބުނާ މައްސަލައިގަ އެވެ.

ބޮލީވުޑް ސަލްމާން ޚާން ސައިފް އަލީ ޚާން

3 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަންތިރީ

13 March 2019

ގެރިސްތާނުން ގެރިޔެއް ފުއްލާއެއް މަކުނެއް ހިންޏެ މިކަހަލަ ޖަނަވާރެއް ވެއްޖެއްޔާ ކޯޓުތަކުން ސަރުކާރުންވެސް ވަރައް ދުވާނެ އެކަމަކު މީހުން މެރިޔަސް ކުޑަކުދިން ރޭޕުކުރިޔަސް ވާކަމެއް ނޯވޭ މީހަގީގީ ޑިމޮކޮރޮސީ