"ޖޯނަސް ބްރަދާޒް" ގެ ޑޮކިއުމަންޓަރީއެއް

"ޗޭޒިން ދަ ހެޕިނެސް" ގެ ޕޯސްޓަރެއް.

އަހުމަދު އަދްޝަން، މިހާރު

12 މެއި 2019 - 08:38

ތިން މެމްބަރުން ހިމެނޭ އެމެރިކާގެ މަޝްހޫރު ބޭންޑް "ޖޯނަސް ބްރަދާޒް" ގެ ޑޮކިއުމަންޓަރީއެއް ގެނެސް ދޭން އެމެޒޯން ޕްރައިމް ވީޑިއޯ އިން ތައްޔާރުވެއްޖެ އެވެ.

"ޗޭޒިން ދަ ހެޕިނެސް" ގެ ނަން ދީފައިވާ މި ޑޮކިއުމަންޓްރީ އަންނަ މަހުގެ 4 ގައި ސްޓްރީމް ކުރަން ނިންމާފައިވާ އިރު، މީގެ ޓްރެއިލާ ވެސް ޖޯނަސް ބްރަދާޒުން ވަނީ ޓްވިޓާގައި ހިއްސާކޮށްފަ އެވެ.

ދުވަސްތަކެއްގެ މެދުކެނޑުމަކަށް ފަހު އަލުން ބޭންޑްގެ ތިން މެމްބަރުން އެކީގައި މިއުޒިކީ މަސައްކަތްތައް ފަށާފައިވާ އިރު، ތިންބެއިންނާ ބެހޭ ޑޮކިއުމަންޓަރީއެއް މި ގެނެސް ދެނީ ދާދި ފަހުން އާ ދެ ލަވައެއް ވެސް ފޭނުންނަށް ދޫކޮށްލާފައި ވަނިކޮށެވެ.

Can’t wait for you to see this on June 4th. We went on a journey to get to a place where we were ready to do this together again. We held nothing back. That’s what you have to do when you’re #ChasingHappiness. https://t.co/0Uc0CvUh2r pic.twitter.com/CHKFtzUNg5
— Nick Jonas (@nickjonas) May 9, 2019

"ޖޯނަަސް ބްރަދާޒް" ގެ މެމްބަރުންނަކީ އިންޑިއާގެ ބަތަލާ ޕްރިޔަންކާ ޗޯޕްޅާގެ ފިރިމީހާ ނިކް ޖޯނަސް އާއި އޭނާގެ ދެ ބޭބެއިން ކަމަށްވާ ހޮލީވުޑްގެ ބަތަލާ ސޯފީ ޓާނާގެ ފިރީމީހާ ޖޯ ޖޯނަސް އާއި ކެވިން ޖޯނަސް އެވެ.

"ޗޭޒިން ދަ ހެޕިނެސް" ގައި އެ މީހުންގެ މިއުޒިކްގެ ކެރިއަރުގެ ވާހަކަތަކާއި އަމިއްލަ ދިރިއުޅުމުގެ ވާހަކަތަކާއި ހަޔާތުގެ ބައިވެރިންގެ ވާހަކަތައް ވެސް ގެނެސް ދޭނެ އެވެ.

Let's get this ticket party started people! @AmericanAir #AAdvantage @Mastercard credit card holders you’re up first. Get your #HappinessBegins Tour tickets NOW before they go on sale to the general public 🔥 Ends 5/9 10pm local time. https://t.co/XusjCnOWAc pic.twitter.com/Lsy6ssrsOP
— Jonas Brothers (@jonasbrothers) May 7, 2019

އަންނަ މަހުގެ 4 ގައި ޑޮކިއުމަންޓްރީ ގެނެސްދޭ އިރު އެ މަހުގެ 7 ގައި ވަނީ އާ "ޖޯނަސް ބްރަދާޒް" ގެ އާ އަލްބަމެއް "ހެޕިނެސް ބިގިންސް" ގެ ނަމުގައި ރިލީޒް ކުރަން ނިންމައިފަ އެވެ. މިއީ 2009 ގެ ފަހުން އެ މީހުން އަލްބަމެއް ނެރޭ ފުރަތަމަ ފަހަރެވެ. އަދި އެއީ ބޭންޑުން ނެރޭ ފަސް ވަނަ އަލްބަމް ވެސް މެ އެވެ.

"ހެޕިނެސް ބިގިންސް" ޕްރޮމޯޓް ކުރަމުގެ ގޮތުން "ޖޯނަސް ބްރަދާޒް" އިން ވަނީ 40 ސިޓީއަކަށް ޓުއާއެއް ވެސް ބާއްވަން ނިންމައިފަ އެވެ. އެ ޓުއާ ފަށާނީ އަންނަ އޮގަސްޓް މަހުގެ 7 ގަ އެވެ. އޮކްޓޯބަރުގައި ނިންމައިލާ ޓުއާގެ ޓިކެޓް ވެސް މިހާރު އަންނަނީ ވިއްކަމުންނެވެ.