12 ފެބުރުއަރީ 2020
އެކި ފަހަރުމަތިން ނަފުސާނީ އެކި މައްސަލަތަށް ފަރުވާ ހޯދާފައިވާ ކެނެޑާގެ މަޝްހޫރު ލަވަކިޔުންތެރިޔާ ޖަސްޓިން ބީބާ މެންޓަލް ހެލްތު ޗެރިޓީއަކަށް 100،000 ޑޮލަރު ހަދިޔާކޮށްފި އެވެ.
ނިއު ޔޯކް ޕޯސްޓުން ރިޕޯޓްކޮށްފައިވާ ގޮތުގައި މޮޑެލް ހެއިލީ ބޯލްޑްވިންއާ ކައިވެނިކޮށްގެން އުޅޭ 25 އަހަރުގެ ބީބާ މާލީ ގޮތުން އެހީވީ ޖޫލީ ކޯކާ ކިޔާ ޒުވާނަކު ހިންގާ މެންޓަލް ހެލްތު ޗެރިޓީއަކަށެވެ.
ބީބާގެ ފަރާތުން ލިބުނު އެހީއާ ބެހޭ ގޮތުން ޖޫލީ ބުނީ އޭނާ އަކީ ވެސް ބީބާއެކޭ އެއްގޮތަށް ނަފުސާނީ ބަލިތަކަށް ފަރުވާ ހޯދާފައިވާ މީހެއް ކަމަށެވެ. އެހެންވެ ދެ މީހުންގެ ދޭތެރޭގައި އަބަދު ވެސް އެކަމާ ބެހޭ ގޮތުން ވާހަކަ ދެކެވޭ ކަމަށް ބުންޏެވެ.
"އަދި އަހަރެންގެ މަސައްކަތްތައް ވަރަށް ގާތުން ފޮލޯކުރާ މީހެއް ބީބާ އަކީ. އޭނާގެ ފަރާތުން މި ލިބުނު އެހީގެ ބޭނުން ވަރަށް ރަނގަޅަށް އަހަރެންގެ ޗެރިޓީން ހިފާނެ،" ޖޫލީ ބުންޏެވެ.
NEW SINGLE. NEW VIDEO. #INTENTIONS with @QuavoStuntin. New album #CHANGES in One Week. https://t.co/aYOW2v1l7y pic.twitter.com/VS1rzxCo0J
— Justin Bieber (@justinbieber) February 7, 2020
ބީބާ މިހާރު އަންނަނީ އޭނާގެ ފަސް ވަނަ އަލްބަމް ވެސް ރިލީޒްކުރަން ތައްޔާރުވަމުންނެވެ. "ޗޭންޖެސް" ގެ ނަން ދީފައިވާ އަލްބަމް މި މަހުގެ 14 ގައި ނެރެން ތައްޔާރުވަމުން އަންނަ އިރު، މީގައި ޖުމްލަ 17 ލަވަ ހިމެނޭނެ އެވެ.
މީގެ ދެ ލަވައެއް މިހާރު ވަނީ އާންމު ވެސް ކޮށްފަ އެވެ. އެއީ "ޔަމީ" އާއި "އިންޓެންޝަންސް" އެވެ.
Copyright © 2021 Mihaaru · Terms and Conditions · Privacy Policy
Share your opinion about "Mihaaru" new website
"މިހާރު"ގެ އާ ވެބްސައިޓާ ބެހޭ ގޮތުން ހިޔާލު ފޮނުވުމަށް