މުނިފޫހިފިލުވުން / ސޮނީ އެންޓަޓެއިމަންޓް ނެޓްވޯކް

ކުރީގެ ދެ ސިލްސިލާއެއް މިރޭ ސޮނީ ޓީވީ އަށް

"ބަޅޭ އައްޗޭ" ގެ ޕޯސްޓަރެއް.

އަހުމަދު އަދްޝަން، މިހާރު

01 ޖޫން 2020 - 09:43

ލޮކްޑައުނާ އެކު އިންޑިއާގެ މުނިފޫހި އިންޑަސްޓްރީގެ މަސައްކަތްތައް ހުއްޓި އާ އުފެއްދުންތައް ނުގެނެސްދެވޭތީ ސޮނީން ޓީވީން އެ ޗެނެލުން ކުރިން ގެނެސްދިން މަގުބޫލު ދެ ސިލްސިލާއެއް އަލުން މިރެއިން ފެށިން ގެނެސްދޭން ނިންމައިފި އެވެ.

އަލުން ގެނެސްދޭން ހަމަޖެހިފައި ވަނީ "ބަޅޭ އައްޗޭ ލަގްތޭ ހޭ" އާއި "ކުޗް ރަންގް ޕިޔާރު ކޭ އެއިސޭ ބީ" އެވެ.

މި ދެ ސިލްސިލާގެ ތެރެއިން އެކްތާ ކަޕޫރް ޕްރޮޑިއުސްކޮށްފައިވާ "ބަޅޭ އައްޗޭ ލަގްތޭ ހޭ" އަކީ އިންޑިއާގެ ޓީވީ އިންޑަސްޓްރީގެ އެންމެ މަޝްހޫރު ތަރިންގެ ތެރޭގައި ހިމެނޭ ރާމް ކަޕޫރާއި ސާކްޝީ ތަންވަރް ލީޑް ރޯލް ކުޅުނު ސިލްސިލާއެވެ.

އެ ސިލްސިލާ ސޮނީން ގެނެސްދިނީ މެއި 30، 2011 އިން ޖުލައި 10، 2014 އަށެވެ.

It's time to celebrate the #9YearsOfBALH with the return of the much loved #BadeAcheLagteHai this Monday 1st June onwards every Mon-Fri at 10 PM only on Sony. #SonyClassics @niteshtiwari22 @Ashwinyiyer @ektarkapoor @SnehaRajani @sumona24 @raogajraj @RamKapoor pic.twitter.com/uKtf29q1Ad
— sonytv (@SonyTV) May 30, 2020

އެ މުއްދަތުގެ ތެރޭގައި "ބަޅޭ އައްޗޭ ލަގްތޭ ހޭ" ގެ 644 އެޕިސޯޑް ގެނެސްދިނެވެ.

މި ސިލްސިލާ މި ރެއިން ފެށިގެން ކޮންމެ ހަފުތާއެއްގެ ހޯމަ އިން ހުކުރު ދުވަހުގެ ރޭ ރާއްޖެ ގަޑިން 9:30 ގައި ގެނެސްދޭނެ އެވެ.

Pyaar ka yeh khoobsurat rang chadhega sab pe kyunki 1st June se raat 9:30 baje wapas aa raha hai #KuchRangPyaarKeAiseBhi sirf Sony par#SonyClassics @MamtaYPatnaik @niteshtiwari22 @raogajraj @IamEJF @Shaheer_S pic.twitter.com/M5sYNABOGj
— sonytv (@SonyTV) May 30, 2020

އަލުން ގެނެސްދޭން ނިންމި "ކުޗް ރަންގް ޕިޔާރު ކޭ އެއިސޭ ބީ" ދެ ސީޒަނަކަށް ގެނެސްދީފައި އޮތް ސިލްސިލާއެކެވެ. މީގެ ތަރިންނަކީ ސްޓާ ޕްލަސްގެ ސިލްސިލާ "ކަސޯޓީ" ގެ އާ ސީޒަނުގައި ޕްރޭނާގެ ރޯލް ކުޅެމުން ދިޔަ އެރިކާ ފެނަންޑޭޒާއި ސްޓާ ޕްލަސްގެ "ޔޭ ރިޝްތޭ ހޭ ޕިޔާރު ކޭ" ގެ ބަތަލު ޝަހީރު ޝެއިހެވެ.

މި ސިލްސިލާގެ ފުރަތަމަ ސީޒަން ސޮނީން ގެނެސްދިނީ ފެބްރުއަރީ 29، 2016 އިން ނޮވެމްބަރު 27، 2017 އަށެވެ. އަދި ދެވަނަ ސީޒަން ގެނެސްދިނީ ސެޕްޓެމްބަރު 25، 2017 އިން ނޮވެމްބަރު 2، 2017 އަށެވެ.

ދެ ސީޒަނުގައި "ކުޗް ރަންގް ޕިޔާރު ކޭ އެއިސޭ ބީ" ގެ 414 އެޕިސޯޑް ގެނެސްދިނެވެ.

މި ސިލްސިލާ މި ރެއިން ފެށިގެން ކޮންމެ ހަފުތާއެއްގެ ހޯމަ އިން ހުކުރު ދުވަހުގެ ރެ އަށް ރާއްޖެ ގަޑިން 9:00 ގައި ސޮނީން ގެނެސްދޭނެ އެވެ.