ފަރުވާ އަށް ފަހު ސަންޖޭ ދަތު ހޮސްޕިޓަލުން ދޫކޮށްލައިފި

އަހުމަދު އަދްޝަން، މިހާރު

11 އޯގަސްޓް 2020 - 10:10

ނޭވާލާން އުނދަގޫވެގެން ހޮނިހިރު ދުވަހު އެޑްމިޓްކުރި ބޮލީވުޑްގެ އެކްޓަރު ސަންޖޭ ދަތު، ފަރުވާ އަށް ފަހު އިއްޔެ ހޮސްޕިޓަލުން ދޫކޮށްލައިފި އެވެ.

ސަންޖޭ އަށް ފަރުވާ ދިން މުމްބާއީގެ ލީލާވަތީ ހޮސްޕިޓަލާ ހަވާލާދީ މީޑިއާތަކުން ބުނީ 61 އަހަރުގެ އެކްޓަރަށް ނޭވާލާން އުނދަގޫވީ ފުއްޕާމާގެ އިންފެކްޝަނަކާ ހެދި ކަމަށެވެ. ނަމަވެސް ފަރުވާ އަށް ފަހު ދޫކޮށްލި އިރު، ސަންޖޭގެ ހާލު އެއްކޮށް ރަނގަޅު ކަމަށް ހޮސްޕިޓަލުން ބުންޏެވެ.

އެޑްމިޓްކުރުމާ ބެހޭ ގޮތުން ސަންޖޭ ކުރި ޓްވީޓެއްގައި ވެސް އޭނާގެ ހާލު ގޯސް ނޫން ކަމަށާއި އޮތީ އޮބްޒަވޭޝަނުގައި ކަމަށް ބުނެފައިވެ އެވެ. އެޑްމިޓްކުރުމާ އެކު އޭނާ ކޮވިޑް-19 އަށް ޓެސްޓް ވެސް ކުރި އެވެ. އެކަމަކު ނަތީޖާ ނެގެޓިވް އެވެ.

ސަންޖޭ ބަލިވެގެން އެޑްމިޓްކުރި އިރު އަންހެނުން މަންޔަތާ ދަތާއި ދެ ކުދިން ދުބާއީގައި ތިބޭތާ މިހާރު ފަސް މަހެއްހާ ދުވަސްވެއްޖެ އެވެ.

ސަންޖޭ އެޑްމިޓްކުރީ ޔާޝްރާޖް ފިލްމްސް (ވައިއާރްއެފް) އިން ހަދާ ފިލްމު "ޝަމްޝޭރާ" ގެ ޝޫޓްނުކުރެވި ބާކީ ހުރި މަންޒަރުތައް ނެގުމުގެ މަސައްކަތް މި ހަފުތާގައި ފަށަން ނިންމާފައި ވަނިކޮށެވެ. ދެހާސް ބާރައިގެ "އަގްނީޕަތު" ގެނެސްދިން ކަރަން މަލްއުތުރާ ޑައިރެކްޓްކުރާ އެ ފިލްމުގެ ކާސްޓްގައި ރަންބީރް ކަޕޫރާއި ވާނީ ކަޕޫރް ވެސް ހިމެނެ އެވެ.

ސަންޖޭ ދެން އެންމެ އަވަހަށް ފެންނާނީ މި މަހުގެ 28 ގައި ޑިޒްނީ ޕްލަސް ހޮޓްސްޓާ އިން ޕްރިމިއާކުރާ "ސަޅަކް 2" އިންނެވެ.

Sanjay Dutt admitkoh faruvaa dhenee

ސަންޖޭ ކޮވިޑް-19 އަށް ނެގެޓިވް

Mihaaru

އޭނާގެ ކުރިއަށް ހުރި ފިލްމުތަކުގެ ތެރޭގައި "ބޫޖް: ދަ ޕްރައިޑް އޮފް އިންޑިއާ" އާއި ކޭޖީއެފް: ޗެޕްޓާ 2" އާއި "ތޯރްބާޒް" އަދި "ޕްރިތުވީރާޖް" ހިމެނެ އެވެ.