ސަންޖޭ ކޮވިޑް-19 އަށް ނެގެޓިވް
09 އޯގަސްޓް 2020 - 08:31
9 comments
ބޮލީވުޑްގެ މަޝްހޫރު އެކްޓަރު ސަންޖޭ ދަތަށް ނޭވާލާން ވަރަށް ބޮޑަށް އުނދަގޫވެގެން ހޮސްޕިޓަލްގައި އެޑްމިޓްކޮށް ފަރުވާދޭން ފަށައިފި އެވެ.
އޭނާގެ ކޮއްކޮ ޕްރިޔާ ދަތު މީޑިއާތަކަށް ބުނީ 61 އަހަރުގެ އެކްޓަރު މުމްބާއީގެ ލީލާވަތީ ހޮސްޕިޓަލްގައި އެޑްމިޓްކުރީ ހޮނިހިރު ދުވަހުގެ އިރާކޮޅު ކަމަށެވެ. އެޑްމިޓްކޮށް ސަންޖޭ ކޮވިޑް-19 އަށް ޓެސްޓް ވެސް ކުރި އެވެ. އެކަމަކު ނަތީޖާ ނެގެޓިވް އެވެ.
ސަންޖޭ ކުރި ޓްވީޓެއްގައި ބުނީ ހާލު ރަނގަޅު ކަމަށާއި މި ވަގުތު އޮތީ އޮބްޒަވޭޝަނުގައި ކަމަށެވެ. ނަމަވެސް ދެ ދުވަހެއްގެ ތެރޭގައި ހޮސްޕިޓަލުން ދޫކޮށްލާނެ ކަމަށް ބުންޏެވެ.
Just wanted to assure everyone that I’m doing well. I’m currently under medical observation & my COVID-19 report is negative. With the help & care of the doctors, nurses & staff at Lilavati hospital, I should be home in a day or two. Thank you for your well wishes & blessings 🙏
— Sanjay Dutt (@duttsanjay) August 8, 2020
ސަންޖޭ އެޑްމިޓްކުރި ޚަބަރާ އެކު ބޮލީވުޑްގެ ވަރަށް ގިނަ ފަންނާނުންނާއި ފޭނުން އޭނާ އަށް އަވަސް ޝިފާއަކަށް އެދި ޓްވީޓްކޮށްފައިވެ އެވެ.
ސަންޖޭ އެޑްމިޓްކުރި އިރު އޭނާގެ އަންހެނުން މަންޔަތާ ދަތާއި ދެ ކުދިން ތިބީ ދުބާއީގަ އެވެ. ކޮވިޑް-19 ފެތުރޭތީ އިންޑިއާގައި މާޗް މަހުގެ ފަހުކޮޅު ލޮކްޑައުން އިއުލާންކުރި އިރު އެ ގައުމުގައި އާއިލާގެ ބަޔަކާ އެކު ތިބި ގޮތަށް އެ މީހުން ތިބީ ދުބާއީގަ އެވެ. ސަންޖޭ މުމްބާގައި ދިރިއުޅެނީ އެކަންޏެވެ.
އެންމެ ފަހުން މިދިޔަ އަހަރުގެ ޑިސެމްބަރު މަހު ރިލީޒްކުރި "ޕާނިޕަތު" އިން ފެނިގެންދިޔަ އެކްޓަރުގެ ކުރިއަށް އޮތް ފިލްމަކީ މި މަހުގެ 28 ގައި ޑިޒްނީ ޕްލަސް ހޮޓްސްޓާ އިން ޕްރިމިއާކުރާ މަހޭޝް ބަޓްގެ "ސަޅަކް 2" އެވެ. އެ ފިލްމުން ސަންޖޭއާ އެކު ޕޫޖާ ބަޓާއި އާލިއާ ބަޓާއި އަދިތިޔާ ރޯއި ކަޕޫރް ވެސް ފެނިގެންދާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަހޫ
11 August 2020
ބަލަ ސަންޖޭ އަކީ މުސްލިމް އަންހެނެއްގެ ބަނޑުން އުފަންވި މީހެއް. ސަންޖޭ ގެ މަންމަ ނަރުގިސް ވަޅުލީ މުސްލިމެއް ގޮތަށް... ދެން ސަންޖޭ ޖަލަށް ދިޔައީ ވެސް މުސްލިމް ޓެރަރިސްޓަކާ ބައިވާން ހަތިޔާރު ގެންގުޅެގެން ކަމަށް އަޑުއެރުވީ...ސަންޖޭ އިދެގެން އުޅެނީ ވެސް މުސްލިމަކާ...
ލޮލީ ޖާ
10 August 2020
ތީ އިންޑިއާ މުސްލިމުންނަށް ވަރަށް ދުށްޕާން ކުރާމީހެއް
މީށް
10 August 2020
އުމުރަކުން ނުން މުސްކުޅި ވަނީ އަސްލު! އަނިލް 65 ސަންޖޭ އާ އަޅާ ބަލާ އިރު ވ ޒުވާން! އަނެއްހެން ބަލަންޏާ ސަންޖޭ އަކީ ސަލްމާނު މެންނަށް ވުރެން އެއްމެ 6 އަހަރު ގެ ފަރަގު ހުރި މީހެއް! ބަލާ ބެލުމަށް އަމީތާބަށް ވުރެން ވެސް އޯލޑް!
ރަދީފްއޮފިޝިއަލް
10 August 2020
ޖަލުގަ އެތައް ދުވަހެއް ހޭދަކުރުމުގެ ސަބަބުން ފިޒިކަލީ އަދި މެންޓަލީ ލިބުނު ގެއްލުންތަކުން ވެސް އަވަހަށް އޭޖްވުމަށް މަގުފަހިވި.
ކަސަބު
09 August 2020
شفاه الله عاجلا
ރަދީފްއޮފިޝިއަލް
09 August 2020
ސަންޖޭއަށް އަވަސް ޝިފާއަކަށް އެދެން.އަހަރުމެންގެ ޒުވާން ދުވަސްވަރުގެ އެންމެ ވަރުގަދަ އެއް އައިކަން ސަންޖޭއެއީ.އަހަރުމެންނަށް ކަމުދަނީ ކުރީގެ ސްޓާރުން އަދި ކުރީގެ ލަވަތައް.މިސާލު: ރާޖެންދްރަ ކުމާރު އަދި ސުނިލްދަތު ކަހަލަ ސްޓާރުންގެ ފިލްމްތަކުގަ ލަވަތައް.އެއީ ކްލެސިކްސް.
ނާޢިމް ޢަލީ
09 August 2020
ތިއީ ތެދެއް!
ރިޝް
11 August 2020
ސުނިލް ދަތަކީ ސަންޖޭ ގެ ބައްޕަ! ސަންޖޭ ތި އެއްވަރު ކޮއްލީ އޭނަގެ ބައްޕަ ގެ ޒަމާނު މީހަކާ! ވ ސަޅި އެއް ނުން!
ރަދީފްއޮފިޝިއަލް
11 August 2020
@ރިޝް އަށް.ވެދުން ސަލާމް.''މިސާލު: ރާޖެންދްރަ ކުމާރު އަދި ސުނިލްދަތު ކަހަލަ ސްޓާރުންގެ ފިލްމްތަކުގަ ލަވަތައް.'' ރާޖެންދްރަ ކުމާރުގެ ނަން އޮންނަ ލިސްޓެއްގަ ސުނިލް ދަތުގެ ނަން ހިމެނީމަ ދެން ހިންދީ ފިލްމް އަދި ކުރީގެ ކްލެސިކް ލަވަތަކަށް ލޯބި ކުރާ މީހުންނަށް އެނގޭނެ އެބުނާ އެއްޗެއް.އެއްގޮތަކަށް ވެސް ސަންޖޭ އެއީ ސުނިލްދަތުގެ ޒަމާނުގެ މީހެކޭ މަގޭ ކޮމެންޓްގަ ނެތް ބުނެފަ.@ރިޝްއަށް ދޭހަ ނުވުން އެއީ އަޅުގަނޑުގެ މައްސަލައެއް ނޫން.ވ.ވވެދުން.