އެހެން ގައުމުތަކުގެ މީހުން އަހަންނަކީ ފްރާންސް މީހެއް ކަމަށް ހީކުރޭ: ކަންގަނާ

އަހުމަދު އަދްޝަން، މިހާރު

25 އޯގަސްޓް 2020 - 07:31

ބައެއް ގައުމުތަކަށް ދިއުމުން، ފްރާންސް މީހެއް ކަމަށް ހީކޮށް ބައެއް މީހުން ސުވާލުކުރާ ކަމަށް ބަތަލާ ކަންގަނާ ރަނާވަތު ބުނެފި އެވެ.

ފްރާންސްގައި ނަގާފައިވާ ކުރީގެ ފޮޓޯތަކެއް ޓްވިޓާގައި ހިއްސާކުރަމުން، ހުނަރުވެރި ބަތަލާ ބުނީ އެމެރިކާ އާއި ޔޫރަޕާއި މެދުއިރުމަތި ފަދަ ތަންތަނަށް ކުރާ ދަތުރުތަކުގައި އޭނާ އަކީ ފްރާންސް މީހެއް ހީކޮށް ބައެއް މީހުން ފްރާންސް ބަހުން ވާހަކަ ވެސް ދައްކާ ކަމަށެވެ. އަދި އޭނާ އަކީ ފްރާންސް މީހެއް ނޫން ކަމަށާއި އިންޑިއާ މީހެއް ކަމަށް ބުނުމުން އޭނާ އަކީ އިންޑިއާގައި ދިރިއުޅޭ ފްރާންސް މީހެއް ކަމަށް ވެސް ބައެއް މީހުން ހީކުރާ ކަމަށް ކަންގަނާ ބުންޏެވެ.

Paris. I like France but wherever I travel America,Europe,Middle East people just assume I am French, they even speak to me in french when I say I am Indian they assume I am French based in India, worse with my friends from north east everyone assume they are chinese. pic.twitter.com/yRczdZd7rc
— Kangana Ranaut (@KanganaTeam) August 23, 2020

ނަމަވެސް ފްރާންސް މީހެއް ކަމަށް އޮޅުންއަރަނީ ކޮން ސިފައަކާ ހެދި ކަމެއް ކަންގަނާ ނުބުނެ އެވެ. އޭނާގެ ޓްވީޓަށް ވަރަށް ގިނަ ބަޔަކު ކޮމެންޓް ވެސް ކޮށްފައިވެ އެވެ. އޭގެ ތެރެއިން ބައެއް މީހުން ކަންގަނާ އަށް މަލާމާތް ވެސް ކޮށްފައިވެ އެވެ. އެގޮތުން ފްރާންސް މީހަކަށްވާން ވަރަށް ހިތްވޭދޯއޭ ވެސް އަހާފައިވެ އެވެ.

ކަންގަނާގެ ޓްވީޓްގައި ބުނެފައިވާ ގޮތުގައި މެދުއިރުމަތީގައި އުޅޭ އޭނާގެ ގާތް ރައްޓެހިންނަށް އަދި ދިމާވާނީ އަދި އެހެން މައްސަލައެކެވެ. އެގޮތުން އެ މީހުންނަކީ ޗައިނާ ބައެއް ކަމަށް އެ ހިސާބުގެ މީހުން ހީކުރާ ކަމަށް ބުންޏެވެ.

ބޮލީވުޑްގެ އެންމެ ހުނަރުވެރި ބަތަލާއިންގެ ތެރޭގައި ހިމެނޭ އަދި ތިން ފަހަރަށް ނެޝަނަލް އެވޯޑް ހޯދާފައިވާ ކަންގަނާ، 33، އެންމެ ފަހުން ސްކްރީނުން ފެނިފައި ވަނީ ޖެނުއަރީގައި ރިލީޒްކުރި "ޕަންގާ" އިންނެވެ. ދެން އެންމެ އަވަހަށް އަންނަން އޮތް އޭނާގެ ފިލްމަކީ "ތަލައިވީ" އެވެ.

ބޮލީވުޑް ފްރާންސް

6 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙިނި

25 August 2020

ފުރާންސު މީހުންގެ ގޮތް ނޭންގެނީ، އެމީހުން އެމީހުންގެ މާދަރީ ބަހައް ވަރައް ފަހުރުވެރިވޭ. މަގުމަތިން މީހަކާ އިންގިރޭސިބަހުން ސުވާލެއް ކޮއްލިޔަސް ޖަވާބު ލިބޭނީ ފުރެންޗު ބަހުން. ދުނިޔޭގައި އިންގިރޭނި ބަސް އާންމުވެމުގެ ކުރިން ދުނިޔޭގަ ރަސްކަންކުރީ ފުރެންޗުބަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަން އަޙްމަދު

25 August 2020

ނޯތު އީސްޓަކީ މެދުއިރުމައްޗެއް ނޫން. ކަންގަނާ އެބުނަނީ އިންޑިއާގެ އިރު އުތުރަށް ނިސްބަތްވާ މީހުން ލޯކުދި ވާހަކަ. ޗައިނާ މީހުން ދެކެ ރުޅިއަންނަ އިންޑިއާގައި ނޯތުއީސްޓު އަށް ނިސްބަތްވާ އިންޑިއާ މީހުންނަށް ދިމާވާނެ ގޯސް ހާލަތެއްގެ ވާހަކައަށް އޭނަ އެ އިޝާރާތްކުރަނީ.