މީހެއްގެ ބަނޑުގައި ވަޅި އާއި ސަމުސަލާއި ކަށިގަނޑު

އިންޑިއާގެ ހިމާޗަލް ޕްރަދޭޝްގައި މިދިޔަ ހުކުރު ދުވަހު ކުރި އޮޕަރޭޝަނެއްގަިއ ފިރިހެނެއްގެ ބަނޑުން ވަޅި އާއި ސަމުސަލާއި އިސްކުރު އަނބުރާ ކަށިގަނޑާއި އެހެން ބައެއް އެއްޗެހި ވެސް ނަގައިފި އެވެ.

އިންޑޯ-އޭޝިއަން ނިއުސް އެޖެންސީ (އަނީ) ރިޕޯޓްކޮށްފައިވާ ގޮތުގައި ސިކުނޑީގެ މައްސަލައެއް ހުންނަ 35 އަހަރުގެ ކަރްން ސެންގެ ބަނޑުގައި އާދަޔާހިލާފަށް ރިއްސާތީ ލާލް ބަހާދޫރު ޝަސްތުރީ ގަވަރަމެންޓް މެޑިކަލް ކޮލެޖްގައި އޭނާ އެޑްމިޓްކޮށްގެން ކުރި އޮޕަރޭޝަނުގައި ބަނޑުން ނަގާފައި ވަނީ އަށް ސަމުސަލާއި ދެ ކަށިގަނޑާއި ވަޅިއަކާއި ދަތް އުނގުޅާ ދެ ބުރުހުގެ އިތުރަށް ތަޅެއްގެ އަތްގަނޑެވެ.

އޭނާގެ ބަނޑު އޮޕަރޭޝަން ކުރީ އެކްސް-ރޭ ނެގި އިރު ބަނޑުތެރޭގައި ހުންނަން ނުޖެހޭ އެއްޗެހިތަކެއް ހުރިކަން ފާހަގަ ކުރެވިގެންނެވެ.

ސެންގެ އޮޕަރޭޝަން ހަތަރު ގަޑިއެއްހާ އިރަށް ދެމިގެން ދިޔަ އިރު، އެ މަސައްކަތުގައި ތިން ޑޮކްޓަރަކު ހަރަކާތްތެރިވި އެވެ. އެ ޓީމުން ބުނީ މިއީ ވަރަށް ނާދިރު ކޭހެއް ކަމަށެވެ.

ޑޮކްޓަރުންގެ ޓީމުން ބުނި ގޮތުގައި އޮޕަރޭޝަނަށް ފަހު ސެންގެ ހާލު މިހާރު ރަނގަޅެވެ.