ކައިލީ ޖެނާ ވެސް އެއް މިލިއަން ޑޮލަރު ހަދިޔާކޮށްފި

ކައިލީ.

އަހުމަދު އަދްޝަން، މިހާރު

28 މާޗް 2020 - 08:48

ކޮރޯނާވައިރަހާ ދެކޮޅަށް ކުރާ މަސައްކަތްތަކަށް އެހީވުމުގެ ގޮތުން، އެމެރިކާގެ މަޝްހޫރު ޒުވާން އަންހެން ވިޔަފާވެރިޔާ ކައިލީ ޖެނާ އެއް މިލިއަން ޑޮލަރު ހަދިޔާކޮށްފި އެވެ.

މަޝްހޫރު ކާޑޭޝަން އާއިލާ އަށް ނިސްބަތްވާ ކައިލީ ފައިސާގެ އެހީއެއް ދިނީ ކޮވިޑް-19އާ ދެކޮޅަށް ކުރީ ސަފުގައި މަސައްކަތްކުރާ މީހުންނަށް ބޭނުންވާ ފޭސްމާސްކާއި އެ ނޫން ވެސް މެޑިކަލް ސާމާނުތައް ހޯދައި ދިނުމުގެ ގޮތުންނެވެ.

އަމިއްލަ ނަމުގައި ހިންގާ މޭކަޕް ލައިނަކުން ލިބުނު އާމްދަނީން ދުނިޔޭގެ އެންމެ ޒުވާން އަންހެން މަހުޖަނުގެ މަގާމު ވެސް ހޯދާފައިވާ ކައިލީގެ ފަރާތުން ބޮޑު އެހީއެއް ލިބުނުކަން ސޯޝަލް މީޑިއާގައި އެންމެ ފުރަތަމަ ހިއްސާކުރެއްވީ ލޮސް އެންޖެލިސްގެ ޑޮކްޓަރެއް ކަމަށްވާ ތައީޒް އަލިއަބާދީ އެވެ.

އެ ވާހަކަ އިންސްޓަގްރާމްގައި ހިއްސާކުރައްވަމުން އޭނާ ވިދާޅުވީ ކުރިން ފަރުވާ ދެއްވި ވަރަށް ލޯބި ޕޭޝަންޓެއްގެ ފަރާތުން 1،000،000 މިލިއަން ޑޮލަރު ލިބިފައިވާ ކަމަށެވެ.

View this post on Instagram

I am speechless, my eyes are filled with tears of joy and my heart is overwhelmed with gratitude. I made a wish to the Universe to gather protective masks for our brave healthcare workers and today my dream came true. One of my patients, a beautiful Living Angel just donated $1,000,000 to help us buy hundreds of thousands of masks, face shields, and other protective gear which we will have delivered directly to our first responders, as too many masks at hospitals are disappearing before making their way onto the faces of our front line heroes. I have never felt more blessed to be a doctor, as helping our brave ER and ICU workers feels just as gratifying as helping my own patients. From the bottom of our hearts, THANK YOU @kyliejenner ❤️. You are my hero. This generous donation will help save many precious lives. Our world is a better place with you in it. I love you so much. Thank you X a million....

A post shared by Dr. Thaïs Aliabadi (@drthaisaliabadi) on Mar 25, 2020 at 10:14am PDT

"މި އެހީން އަހަރެމެން ސިއްހީ ހިދުމަތްތެރިންނަށް ބޭނުންވާ މާސްކާއި އެ ނޫން ވެސް ގިނަ ވަސީލަތްތަކެއް ހޯދާނަން." ކައިލީ އަށް ޝުކުރު ވެސް އަދާކުރައްވަމުން ތައިޒް ވިދާޅުވި އެވެ. "ވަރަށް ބޮޑަށް ޝުކުރިއްޔާ. ތިއީ ހަމަ ހީރޯއެއް."

އުމުރުން 22 އަހަރުގެ ކައިލީ އަކީ އަބަދު ވެސް އެކި ކަންކަމަށް މާލީ އެހީތައް ފޯރުކޮށްދޭ މީހެކެވެ. އެގޮތުން ދާފި ފަހުން އޮސްޓްރޭލިއާގައި ގިނަ ދުވަސްތަކެއް ވަންދެން އަލިފާން ރޯވެގެން ހިނގި ހާދިސާތަކުގައި ލިބުނު ގެއްލުންތަކަށް ވެސް އޭނާ އެއް މިލިއަން ޑޮލަރު ހަދިޔާކުރި އެވެ.

ދެ އަހަރުގެ އަންހެން ދަރިއަކު ވެސް ހުރި ކައިލީގެ މިލްކިއްޔާތު މިހާރު އެއް ބިލިއަން ޑޮލަރަށް އަރަ އެވެ.

Billionaire Kylie Jenner ves Australia ah ehee vejje

The most trusted news source in the Maldives

Mihaaru