ޕާކިސްތާނުގައި ކޮވިޑް ވެކްސިން ނުޖަހާ މީހުންގެ ސިމް ބްލޮކްކުރަނީ

ޕަންޖާބްގެ ހެލްތު މިނިސްޓަރު.

އަހުމަދު އަދްޝަން، މިހާރު

13 ޖޫން 2021 - 06:34

ކޮވިޑް-19 ގެ ވެކްސިން ނުޖަހާ ނުވަތަ ޖަހަން ދެކޮޅު ހަދާ މީހުންގެ މޮބައިލް ފޯނުގެ ސިމް ކާޑް ބްލޮކްކުރަން ޕާކިސްތާނުގެ ޕަންޖާބް ޕްރޮވިންސުން ނިންމައިފި އެވެ.

މިގޮތަށް ނިންމާފައި ހެލްތު މިނިސްޓަރު ޑރ. ޔާސްމީން ރާޝިދު އިސްކޮށް ހުންނަވައިގެން ވަޒީރުންނާ އެކު ބޭއްވި ބައްދަލުވުމެއްގައި މަޝްވަރާކުރެއްވުމަށް ފަހު އެވެ.

މިނިސްޓަރު ވިދާޅުވި ގޮތުގައި ކޮވިޑުން ރައްކާތެރިކަން ހޯދަން މި ވަގުތު ވެކްސިން ޖެހުމަކީ ހުރިހާ ރައްޔިތުން ވެސް ކުރަން ޖެހޭ ކަމެކެވެ. އެގޮތުން 18 އަހަރުން މަތީގެ ކޮންމެ މީހަކީ ވެކްސިން ޖަހާފައިވާ މީހަކަށް ހަދަން ޕަންޖާބް ސަރުކާރުން ބޭނުންވާ ކަމަށް ވިދާޅުވި އެވެ.

"ވެކްސިން ނުޖަހާ ނުވަތަ ޖަހަން ދެކޮޅު ހަދާ މީހުންނާ ހެދި މުޅި ސްޓޭޓް ނުވަތަ މުޅި ގައުމުގެ ރައްޔިތުން ނުރައްކަލަށް ހުށަހެޅުމުގެ ފުރުސަތެއް ސަރުކާރަކުން ނުދޭނެ. އެހެންވީމާ އަހަރެމެން ހިތްވަރު ދެނީ ހުރިހާ އެންމެން ވެސް ވެކްސިން ޖަހަން." ސަރުކާރުން ނިންމި ނިންމުމާ ގުޅިގެން ހެލްތު މިނިސްޓަރު ޕާކިސްތާން ޓްރިބިއުން އަށް ދެއްވި އިންޓަވިއުއެއްގައި ވިދާޅުވި އެވެ.

Mobile SIMS of people not getting vaccinated may be blocked, it was decided in Cabinet meeting under the chair of Minister for Health Dr. Yasmin Rashid at Civil Secretariat. The government will open walk-in vaccination of over 18 years of age group. pic.twitter.com/VXJWAWGzkd
— Primary & Secondary Healthcare Department Punjab (@PSHDept) June 10, 2021

ވެކްސިން ނުޖަހާ މީހުންގެ ސިމް ކާޑް ބްލޮކްކުރަން ނިންމައި އެކަން ތަންފީޒުކުރަން ނިންމާފައި ވަނީ ކޮވިޑާ ދެކޮޅަށް މަސައްކަތްކުރަން އުފައްދާފައިވާ ޕާކިސްތާނުގެ ނެޝަނަލް ކޮމާންޑް އެންޑް އޮޕަރޭޝަން ސެންޓަރުގެ ތާއިދާ ވެސް އެކީގަ އެވެ. ވެކްސިން ނުޖަހާ މީހުންގެ ސިމް ކާޑް ބްލޮކްކުރުމުގެ އިތުރުން އެފަދަ މީހުންނަށް ޕާކްތަކާއި ރެސްޓޯރަންޓްތަކާއި ވިޔަފާރި މޯލްތަކަށް ވަނުން ވެސް މަނާވާނެ އެވެ.

މި ނިންމުމުގެ ވާހަކަ ޕަންޖާބްގެ ޕްރައިމަރީ އެންޑް ސެކަންޑަފީ ހެލްތުކެއާ ޑިޕާޓްމަންޓުން ޓްވީޓް ވެސް ކޮށްފައިވެ އެވެ.

ވެކްސިން ނުޖަހާ މީހުންގެ ސިމް ކާޑް ބްލޮކްކުރަން ނިންމި އިރު، ޕާކިސްތާނަކީ ވެކްސިނާ ވަރަށް ދެކޮޅު ވިސްނުންތަކެއް ވެސް ގެންގުޅޭ ރައްޔިތުންތަކެއް ދިރިއުޅޭ ގައުމެކެވެ. އަނެއްކޮޅުން ޕަންޖާބް ޕްރޮވިންސަކީ އެ ގައުމުގެ އެންމެ ބައިބޯ ސަރަހައްދެވެ.

ޕަންޖާބް ޕްރޮވިންޝަލް ސަރުކާރުގެ އަމާޒަކީ މި އަހަރުގެ ނޮވެމްބަރާ ހަމައަށްދާ އިރު އެތަނުގެ އާބާދީގެ 40 މިލިއަން މީހުންނަށް ވެކްސިންގެ ފުރަތަމަ ޑޯޒް ދިނުމެވެ.

ޕަންޖާބްގައި ކޮވިޑް ޖެހުނު މީހުންގެ އަދަދު 344،000 އަށް ވުރެ މަތީގައި އުޅޭ އިރު. މަރުވި މީހުންގެ އަދަދު 10،500 އަށް ވުރެ ގިނަ އެވެ. މުޅި ޕާކިސްތާނަށް ބަލާ އިރު ބަލި ޖެހުނު މީހުންގެ އަދަދު 940،000 އަށް ވުރެ ގިނަ އެވެ. އަދި މަރުވި މީހުންގެ އަދަދު 21،600 އަށް ވުރެ ގިނަ އެވެ.

ޕާކިސްތާން މޮބައިލް ފޯން ވެކްސިން ދިނުން ސްމާޓް ފޯން ސަލާމަތީ ފިޔަވަޅުތައް ސިއްހަތާއި ރައްކާތެރިކަން ވެކްސިން

2 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝަަހިދާ

13 June 2021

ވަރަށް ރަނގަޅު ކަމެއް. މި ރާއްޖޭގަ ވެސް އެބައުޅޭ ވެކްސިން ނުޖަހާ ބޭނުން ނުވާ މީހުން. އަމިއްލައަށް ވެކްސިން ޖަހައިގެން ހުއްޓަސް މިގޭގަ ވެސް ވެކްސިން ޖެހުން މުހިއްމު ކަމަށް ނުދެކޭ އަދި ވަކި ވެކްސިން އެއް ނޫނީ ނުޖަހަން ތިބި މީހުން އުޅޭތީ ދަރިންނާ މުސްކުޅި މައިންބަފައިންނަށް ރައްކާތެރިކަން ނެތީމަ ވަރަށް ކަންބޮޑުވޭ އެބަ. ސަރުކާރުން މަޖުބޫރު ކޮށްގެން ނަމަވެސް އެންމެންގެ ރައްކާތެރި ކަމަށްޓަކައި ކުރަން ވަރަށް މުހިއްމު ކަމެއް މިއީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިހީ

13 June 2021

މިގައުމުގަ ޖަހާ ވެކްސިނުން ލިބޭ ރައްކާތެރިކަމަކީ އެމީހާ ބަލީގަ ބޮޑުވަރުނުވުން. ވެކްސިންޖެހިއަސް ބަލިޖެހޭ އަދި ބަލިެޖހުމުން ބަލި އެހެން މީހުންނަށްވެސް އަރާ. އެހެންވީމަ ވެކްސިންޖަހައިގެން އެހެން މީހުން ރައްކާތެރިކުރަނީއޭ ކިއުމަކީ އަސްލު އޮޅުވާލުމެއް.