ހިޔާގެ ކުދިންތަކެއް ބިޑިއަޅުވައި އަނިޔާކުރި ކަމުގެ ތުހުމަތަށް 13 ފުލުހަކަށް ދައުވާ

ކުޑަކުދިންގެ ހިޔާގެ ބޭރުން ނަގާފައިވާ ފޮޓޯއެއް. -- ފޮޓޯ / ކުޑަކުދިންގެ ހިޔާ

ފަޒީނާ އަހުމަދު، މިހާރު

11 ނޮވެމްބަރ 2021 - 10:11

ކުޑަކުދިންގެ ހިޔާގެ ކުދިންތަކެއް އަތުގައި ބިޑިއަޅުވައި އަނިޔާވެރި ލާއިންސާނީ އަމަލުތަކެއް ހިންގާފައިވާ ކަމަށް ތުހުމަތުވާ 13 ފުލުހެއްގެ މައްޗަށް ދައުވާ ކުރުމަށް ޕްރޮސިކިއުޓަ ޖެނެރަލްގެ އޮފީހުން ކްރިމިނަލް ކޯޓަށް ހުށަހަޅައިފި އެވެ.

މިއީ، އެންޓި ޓޯޗާގެ ގާނޫނުގެ ދަށުން ހިއުމަން ރައިޓްސް ކޮމިޝަން (އެޗްއާރުސީއެމް) އިން ތަހުގީގުކޮށް ދައުވާކޮށްދޭން އެދުނު މައްސަލައެކެވެ. އެ ކޮމިޝަނުން ދައުވާކޮށްދޭން އެދުނީ ކުރީގެ ޖެންޑާ މިނިސްޓަރު ޒެނީޝާ ޝަހީދު ޒަކީ އާއި ޗައިލްޑް އެންޑް ފެމިލީ ޕްރޮޓެކްޝަން ޑިޕާޓްމެންޓް (އެފްސީޕީޑީ)ގެ އިސްވެރިއެއްގެ ގޮތުގައި ހުންނެވި ޗީފް ސުޕްރިންޓެންޑެންޓް މުހައްމަދު ބަޝީރު ހިމެނޭ ގޮތުން ގިނަ ބައެއްގެ މައްޗަށެވެ.

އެކަމަކު ޒެނީޝާ އާއި ބަޝީރުގެ މައްޗަށް ދައުވާ އުފުލައިފައެއް ނުވެ އެވެ.

Kudhinge furaana salaamaiy kuran elhi fiyavalhakah 30 meehakah dhauvaa!

The most trusted news source in the Maldives

Mihaaru

ޕީޖީ އޮފީހުން ބުނީ އެޗްއާރުސީއެމުން ތަހުގީގުކޮށް ހުށަހެޅީ ހިޔާގައި ބަލަހައްޓަމުން ދިޔަ 12 އަހަރުން މަތީގެ ކުދިންތަކެއް ކޭމްޕެއްގައި ކ. ތުލުސްދުއަށް ގެންގޮސް، ފުލުހުންނާއި ޖެންޑާ މިނިސްޓްރީގެ މުވައްޒަފުން ބައިވެރިވެގެން އަނިޔާކުރި ކަމަށް ތުހުމަތުކުރެވޭ މައްސަލަ އެވެ.

މި މައްސަލައިގައި 13 ފުލުހުންގެ މައްޗަށް ދައުވާ އުފުލީ އެންޓި ޓޯޗާ ގާނޫނުގެ ދަށުން ރަހުމްކުޑަ ލާއިންސާނީ އިހާނެތި އަމަލެއް ހިންގުމުގެ ކުށުގެ ދައުވާ އެވެ.

"މި މައްސަލައިގައި ދައުވާކުރީ ކުށުގެ އަމަލު ހިންގުމުގައި އަމަލީ ގޮތުން ބައިވެރިވި ކަމުގެ ހެކި، ގަރީނާ ލިބުނު މީހުންގެ މައްޗަށް،" ޕީޖީ އޮފީހުން ބުންޏެވެ.

ދައުވާ ކުރަން ނިންމި ފުލުހުން

1. އިކްލީލް ޖަވާދު (ސާވިސް ނަންބަރު 4141)

2. ފާތިމަތު ޝިރުފާ (ސާވިސް ނަންބަރު 5156)

3. ސާމް އުމަރު (ސާވިސް ނަންބަރު 2590)

4. އަދިލް އަލީ (ސާވިސް ނަންބަރު 2763)

5. އަބްދުލްބާރީ އަހުމަދު (ސާވިސް ނަންބަރު 3600)

6. އާދަމް ނަސީމް (ސާވިސް ނަންބަރު 2083)

7. އިސްމާއިލް ރަފީގު (ސާވިސް ނަންބަރު 1676)

8. ހަސަން ނާފިއު (ސާވިސް ނަންބަރު 4442)

9. ހަސަން ރިލްވާން (ސާވިސް ނަންބަރު 1908)

10. އާއިޝަތު އަމްސޫދާ (ސާވިސް ނަންބަރު 3369)

11. އަހުމަދު މަމްނޫން އަލީ (ސާވިސް ނަންބަރު 3594)

12. ޝަނާޒް އަހުމަދު (ސާވިސް ނަންބަރު 1864)

13. އަފްސާނާ އަބްދުލްވައްހާބް (ސާވިސް ނަންބަރު 3714)

މި މައްސަލައިގެ ތަފްސީލް އާއްމުކުރަން އަންނަ ހަފުތާގައި ނޫސްވެރިންގެ ބައްދަލުވުމެއް ބާއްވަން ޕީޖީ ވަނީ ނިންމައިފަ އެވެ.

މީގެ ހަތަރު އަހަރު ކުރިން ހިނގި ކަމެއް ތަހުގީގުކޮށް ދައުވާކުރަން އެދުނީ އެޗްއާރުސީއެމުން ބުނާ ގޮތުގައި ކުޑަކުދިންނަށް ކުރާ އަނިޔާގެ މައްސަލަތައް ބަލާ ކޮމިޝަނުން އެ މައްސަލަ ސަމާލުކަމަށް ގެނައުމުންނެވެ.

ފުލުހުން އެޗްއާރުސީއެމް

9 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑޮކްޓާރ. ބަނާނާ

11 November 2021

މިކަން އަދި މިކުރަނީ އެންމެ ރަގަޅަކަށް ނޫން. ޙިއުމަން ރައިޓްސް އިން މިކުޜާކަންތައް ތައް ސީޕީ ހަމީދު އެބަޖެހޭ ރަގަޅަށް ރައްޔިތުން ނަށް ހާމަކޮށްދޭން. ތީކުރެވޭނެ ދައުވާއެއްނޫން އިގޭތޯ.!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމާ

11 November 2021

މީ ކުރެވިގެންވާނެ ދައުވާއެއް ނޫން. ފުލުހުންގެ ގާނޫނުގައި އޮންނާނެ ފުލުހުންގެ އޮޕަރޭޝަނެއްގައި ބާރުގެ ހާލަތާ ގުޅޭގޮތަކަށް ބާރުގެ ބޭނުންކުރެވޭނެ ކަމަށް. ހާލަތު ނިންމާނީ ފުލުހުން. ހާލަތެއްގައި ވަކިގޮތަކަށް އަމަލުނުކޮށްފިނަމަ ނުކުމެދާނެ ނަތީޖާއަކާ ހިއުމަންރައިޓްސް ކޮމިޝަނަކުން ހަވާލެއް ނުވާނެ. ގޯސްކުރާނީ ފުލުހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެސީ1

11 November 2021

އެދުވަހު އެތާ ޕީޖީގެ އަދި ހިޔުމަން ރައިޓސްގެ މުއައްޒިފުން ތިބި ނަމަ ކަންތައް ކުރައްވާނެ ގޮތް ބުނެދެއްވަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްސި

11 November 2021

ކޮންމެވެސް މީހެއްގެ ކޮމާންޑަށް ތިކަން ކޮށްފައޮންނާނީ، ދެން ކޮމާންޑު ކުރި މީހަކު ކުއްވެރި ނުވާ ނަމަ އެއީ ޖޯކެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެކެކެކެކެ

11 November 2021

ފުލުހުންނަކީ ކޮމާންޑަށް އަމަލު ކުރާ ބައެއް. ވެރިން ނަށް ދައުވާ ނުކޮށް ދަށް ރޭންކުގެ ފުލުހުންނަށް ދައުވާ ކުރީމަ ދެކޮޅު ނުޖެހޭ. ހައްގުތަށް ގިނަ ކަމުން މިހާރު މީހަކު މަރުގެ ހާލަތުން ސަލާމަތް ކުރަން އުޅުމަކީ ވެސް ކުށަކަށް ވެއްޖެ. އަންދާ ގާނޫނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީލީ

11 November 2021

ވަޟައީ ގާނޫނު ތަކުގެ ދެކޮޅު ނުޖެހޭކަން މި ފެންނަނީ. އެ ނުރައްކާތެރި ހާލަތުގަ ފުލުހުން ބާރުގެ ބޭނުން ނުކޮށް އެކުދިން ކަނޑުވާން ދޫކޮށްލި ނަމަ ވެސް ދައުވާ ކުރީސް. މިހާރު މި ދައުވާ ކުރެވުނީ ބާރުގެ ބޭނުންކޮށްގެން ވެސް އެކުދީން ސަލާމަތް ކުރީމަ. ކުރިޔަސް މަރު ނުކުރިޔަސް މަރު. ކޮން ބައްތަރު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

11 November 2021

ޤާނޫނުއަސާސީއާއި ޤާނޫނުގައި ނެތް ގޮތަކަށް ދައުލަތުގެ ޕީޖީ އަކަށްވެސް ކަންކަން ނުނިންމޭނެ. # މިކަމުގައި އަމަލު ކުރައްވާފައިވާ ގޮތުން "އެކިކީހުންގެ މައްޗަށް ޤާނޫނު ހިގާނީ އެކިމިންވަރަށް" ކަން ހީވާގޮތަށް މިކަން ކުރުމަކީ ޤއ އާއި ގާނޫނުގައި އޮތްގޮތެއްނޫން. # ކުށް ކުރުމުގައި އަދަބު ލިބޭނީ ހަމައެކަނި "ކުށުގެ އަމަލު ހިންގުމުގައި އަމަލީ ގޮތުން ބައިވެރިވި" މީހުންގެ މައްޗަށް ކަމުގައި ޕީޖީ ނިންމެވި ޤާނޫނީ ހައިސީއްޔަތަކީ ކޮބައިތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1234

11 November 2021

މިކަމުގަވެސް ބޮޑުބް ސަލާމަތް މިވަނީ.. ވެންޓިލޭޓަތުތަކިގަވެސް ހަމަ އެހެން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބަރޭ

11 November 2021

ރާއްޖޭގައި ދައު އަޅާލީމަ މުޅިންވެސްޖެހެނީ ކުދި އެއްޗެހި. ބޮޑު އެއްޗެއް ޖެހުނަސް ދައު ކޮށާލާފަ ދެވޭނެ ގޮތް ފަހިވެފައި އޮންނަނީ. ނުދެވޭ ފަހަރެއް އައިސްފިނަމަ، އެ ސަލާމަތްކުރުމަށް އެއަށްވުރެ ބޮޑު އެއްޗެއް ނޫނީ ކޮންމެވެސް ޕާޓީ އަކުން ބަޔާންތައް ނެރެން ފަށާނެ ……