ހިޔާ ޓަވަރެއްގެ ސިޑި މަތީގައި މަސްތުވާން ބޭނުންކުރާ އެއްޗެހިތަކެއް: ފްލެޓްތަކުގައި މީހުން ދިރިއުޅެން ފެށިތާ އަދި ތިން މަސް ވެސް ނުވާއިރު މިހާ އަވަހަށް ޓަވަރުތަކުގެ 24 ވަނަ ފްލޯއިން ޓެރަސް އަށް އަރާ ސިޑި މަތި ވަނީ މަސްތުވުމަށް ބޭނުންކުރާ އައްޑާއަކަށް ވެފައި. -- ފޮޓޯ: ނިޝާން އަލީ / މިހާރު
ހިޔާ ފްލެޓެއްގެ ޓެރަސް ސިޑިމަތީގައި މަސްތުވާތަކެތި ބޭނުންކޮށްފައި، މި މީހުން މަސްތުވުމަށް ބޭނުންކުރާ ސާމާނުން މުޅި ސިޑި ބަރި އޮތީ ހަރާބުކޮށްލާފައި. އެ މީހުން އެތަނުގައި މަސްތުވާތަކެތި ބޭނުންކޮށް އެތަނަށް ފާހާނާކޮށް ހަދާފައި ހުރި މަންޒަރު ވެސް ފެނުނު. -- ފޮޓޯ: ނިޝާން އަލީ / މިހާރު
ހިޔާ ފްލެޓްގެ ޓެރަސް ސިޑިމަތީގައި ފާހަނާ ކުރުމަށްފަހު ފުޅިތަކަށް އަޅާފައި: ސިޑިތަކާ އަރާ ހަމަވާ އިރު، ނުބައި ވަސް ދުވަން ފަށާ. މުޅި ހިސާބު އޮތީ ނުބައި ވަހުން އެއް ވަސްކޮށްލައިފައި. -- ފޮޓޯ: ނިޝާން އަލީ / މިހާރު
ހިޔާ ފްލެޓެއްގެ ޓެރަސް ސިޑިމަތީގައި މަސްތުވާތަކެތި ބޭނުންކޮށްފައި ހުރިއިރު އެތަނުގައި ހުރި ފުޅިތަކަކަށް ކުޑަކަމުގޮސްފައި: ބައެއް މީހުން ބުނާ ގޮތުގައި މީގެ ދުވަސްކޮޅެއް އެކަން ކުރަމުން އައީ ތިބީ މަދު ބައެއް. އެކަމަކު ދުވަހަކަށް ވުރެ އެކަހަލަ މީހުން އެއްވާ ތަނަކަށް ސިޑިމަތި އޮތީ ބަދަލުވެފައި. -- ފޮޓޯ: ނިޝާން އަލީ / މިހާރު
ހިޔާ ފްލެޓެއްގެ ޓެރަސް ސިޑި ކައިރީ ނިދުމަށް ބިންމަތީގައި ކަރުދާސް ފޮށި އަޅާފައި: ގެދޮރު ނެތް ޒުވާނުންގެ ގިނަ ބަޔަކު މިތަނުގައި ނިދައި ކައިބޮއެ ފާހާނާކޮށް ހަދާ. ޑްރަގްސް ނަގައި، ޑްރަގްސް ވިއްކުމުގެ ވިޔަފާރި ކުރާ ކަމަށް ވެސް އާންމުން ތުހުމަތުކުރޭ. -- ފޮޓޯ: ނިޝާން އަލީ / މިހާރު
ހިޔާ ފްލެޓްގެ ޓެރަސް ސިޑި ކައިރިއަށް ބޮޑުކަމުގޮސްފައި: މުޅި ތަން ވަނީ ނަޖިސްވެފައި. -- ފޮޓޯ: ނިޝާން އަލީ / މިހާރު
ފްލެޓެއްގެ ޓެރަސް ސިޑިމަތީގައި މަސްތުވެގެން ތިބި ބަޔަކު މަޑުކޮށްލައިގެން ވާހަކައިގައި: މިތަނުގައި ކޮންމެ ދުވަހަކު ވެސް އެތައް އިރެއް ވަންދެން އެ މީހުން ތިބޭ. -- ފޮޓޯ: ނިޝާން އަލީ / މިހާރު
މަސްތުވާތަކެތި ބޭނުންކުރާ މީހުން ފްލެޓްގެ ޓެރަސް ކައިރީ ސިޑިމަތި ހަޑިކޮށްލާފައި. ކޮންމެ ފަހަރަކު ވެސް ފުލުހުން ގޮސް އެތަނުގައި ތިބޭ މީހުން ފޮނުވާލި ނަމަވެސް އަނެއްކާ ވެސް އެ މީހުން އެނބުރި އެތަނަށް ދޭ. މިއީ މިހާރު އެ މީހުން ދިރިއުޅޭ ތަން. -- ފޮޓޯ: ނިޝާން އަލީ / މިހާރު
ހިޔާ ފްލެޓެއްގެ ޓެރަސް ސިޑިމަތީގައި މަސްތުވެގެން ތިބި ބަޔަކާ ފުލުހުން ސުވާލުކޮށް އެތަނުން ނެރެނީ: މިތަނުގައި މަސްތުވެގެން ނިދާ މީހުންގެ ތެރޭގައި ގިނައީ ދިވެހި ޒުވާނުން. މިފަހުން ފުލުހުން މަސްތުވާތަކެއްޗާ ދެކޮޅަށް ހިންގި އޮޕަރޭޝަންތަކާ އެކު އެފަދަ ވިޔަފާރިކުރާ ގިނަ ތަންތަން ބަންދުކުރުމުން މަސްތުވާތަކެތި ބޭނުންކުރާ މީހުން ވަނީ މަގުމަތިވެފައި. އެމީހުން ދަނީ އެތަން މިތަނުގައި ނިދަމުން. -- ފޮޓޯ: ނިޝާން އަލީ / މިހާރު
