ހުޅުމާލޭން އިތުރު 91 ޕެެކެޓް ޑްރަގްސް ވަނީ ހޯދާފައި. މި ތަކެތި ހުރީ ކާރެއްގެ ތެރޭގައި ކަމަށް ވަނީ އެނގިފައި.
ފުލުުހުންގެ އޮޕަރޭޝަންގައި ހުޅުމާލޭން އަތުލައިގަތް ޑްރަގްސް. -- ފޮޓޯ: ޕޮލިސް
14 ޑިސެމްބަރ 2021 - 10:55
56 comments
އާދީއްތަ ދުވަހުގެ ރޭ މާލޭ މަގުމަތިން ޓެކްސީއެއް ހުއްޓުވައި އެއިން ހޯދި ޑްރަގްސްއާ ގުޅުން ހުރި އިތުރު 91 ޕެކެޓް ޑްރަގްސް ހުޅުމާލޭގައި ފޮރުވާފައި ހުއްޓާ ހޯދައިފި އެވެ.
ޕޮލިސް ކޮމިޝަނަރު މުހައްމަދު ހަމީދު ކުރެއްވި ޓްވީޓެއްގައި ވިދާޅުވީ މިދިޔަ 48 ގަޑިއިރު ތެރޭ 119 ޕެކެޓް ޑްރަގްސް ހޯދާފައިވާ ކަމަށާއި މީގެ ބަރުދަނުގައި ގާތްގަނޑަކަށް 119 ކިލޯ ހުންނާނެ ކަމަށެވެ.
"އަޅުގަނޑުމެންގެ ޓީމުން ވަނީ ކާމިޔާބުކަމާ އެކު މިދިޔަ 48 ގަޑިއިރު ތެރޭ މަސައްކަތްކޮށް، ހެރޮއިން ކަމަށް ބެލެވޭ އެއްޗެހި ހުރި އިތުރު 91 ޕެކެޓްގެ ޑްރަގްސް ހޯދާފައި. މިއާ އެކު މިހާތަނަށް ފެނުނު ޕެކެޓްގެ އަދަދު ވަނީ 119 އަށް އަރާފައި. އާދީއްތަ ދުވަހުގެ ރޭ އަތުލި 28 ޕެކެޓާ އެކު މިހާރު ހުރި ތަކެތީގެ ބަރުދަނުގައި ގާތްގަނޑަކަށް 119 ކިލޯ ހުންނާނެ،" ސީޕީގެ ޓްވީޓްގައިވެ އެވެ.
ފުލުުހުންގެ އޮޕަރޭޝަންގައި އަތުލައިގަތް ބައެއް ޑްރަގްސް. -- ފޮޓޯ: ޕޮލިސް
ހުޅުމާލޭގައި ހިންގި އޮޕަރޭޝަންގައި ޑްރަގްސް ހޯދީ ޕާކްކޮށްފައި އޮތް ކާރެއްގެ ތެރެއިން ކަމަށް ވަނީ އެނގިފަ އެވެ.
Our teams have successfully recovered additional 91 packets of narcotic drugs that are suspected to be heroin after really good policing work during the last 48 hours. This makes it a total of 119 packets with the 28 packets seized on Sunday night. Estimated weight is 119 kgs. pic.twitter.com/oDOUxWre4w
— Mohamed Hameed (@M_Hameedh) December 14, 2021
އެނގިފައިވާ ގޮތުގައި ޑްރަގްސް އެތެރެކޮށްގެން އުޅެނީ މީގެ ކުރިން ވެސް ޑްރަގްސް އެތެރެކުރި ނެޓްވޯކެއްގެ ބައެކެވެ. އެ މީހުން މީގެ ކުރިން ގިނަ އަދަދެއްގެ ޑްރަގްސްއާ އެކު ހައްޔަރުކޮށް ދައުވާކުރި ނަމަވެސް ކުށް ސާބިތުނުވާ ކަމަށް ނިންމައި ކްރިމިނަލް ކޯޓުން ވަނީ ދޫކޮށްލައިފަ އެވެ.
ކަނޑުމަގުން އެތެރެކުރަން އުޅުނު ގިނަ އަދަދެއްގެ ޑްރަގްސް ފުލުހުން ވަނީ މީގެ ކުރިން ވެސް އަތުލައިގެންފަ އެވެ. އެކަމަކު ބޮޑެތި ހުރިހާ މައްސަލައެއްގައިހެން ކުށް ސާބިތު ނުވެ އެންމެންހެން ވަނީ ކޯޓު މަރުހަލާގައި ސަލާމަތްވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖުހާގެ ހުކުމް
15 December 2021
އަޅެފަހެ ތެޔޮވަޅެއް ފެނުނީތަ؟ މާއުފަލުން ޓްވީޓް ތިކުރަނީ؟ ކިލޯ ޖަހަމުން އަގު ޓެގު ޖަހަމުން! އަދި އެވެސް ރިކަވާރޑް ކެކެކެކެކެ... ފެނުން ރަނގަޅު. ތި ގާޒީ ކުރިމައްޗަށް ގެންދާ އެއްޗެއްތަ؟ 119 އެއީ ޕޮލިސް ނަންބަރުތަ؟ އިއްތިފާގެއްދޯ! ތީހަމަ މާވަހަރެއް ތިފެނުނީ. ސެންޓްރަލް ބެންކާ ހަވާލުކޮށްލާ ރަނަށް ބަދަލުކޮށް ޚަޒާނާ އިތުރުކުރަން. ކޯޓަށް ގޮސް ބުނޭ ދައުލަތަށް ސްޓޮކް ނަގާފީމޭ އޭނާގެ ބޭނުމެއް ނެތޭ ދޮކޮއްލީއޭ އެހެން ނޫނަސް ކޯޓުންވެސް ދޫކޮށްލަނީ ނޫންހޭ.
ޓޮއިޓޮން
15 December 2021
ބަޔަކު ޑޮމެއިން ވިއްކައިގެއް އެއްކުރި ލާރިގަނޑު ތީ.
އަލިބެ ސައްތަރ
15 December 2021
މީކާކައް ފޮނިދައްކަން ޖަހާ ޙަބަރެއްތޯ ނެޝަނަލް ޖޯގްރަފީއިން އެދައްކަނީ 420 ގުރާމް ޑުރަގް އެތެރެކުރާމީހާވެސް 6 އަހަރާ 20 އަހަރާދެމެމެދު ޖަލައްލާވާހަކަ މީއަޅެއް ލަދެއްވެސް ގަންނަންނޭނެގޭ ބަޔެއްތޯ ހިތައްއަރާ ޖަބާންމަސް ވިހާހެން ކިލޯ އަތުލާވާހަކަ ނޫސްތަކުން ނުފެންނަދުވަސްވަރެއް ނުފެނޭ ޖަލައް ހުކުންކުރާއަޑެއް ނީވޭ ސާބިތުނުވެގެން މީހާދޫ ޑުރަގް ތަކަކީ އަމިއްލަޔައް ވިހޭ އެއްޗިއްސައްވާތަން މިފެންނަނީ ހީހީވެސް ހަލާކްބޯހަލާކް ސަހަރޯ
ސުން ސުނާ
15 December 2021
ތިވާނީ ކުރީ ސަރުކާރުގެ ކަމެއްކަމަށް.މިސަރުކާރަކުން ޓަނު ޓަނުންފެނުނަސް އޭގެ ޝާމިލްވާ ބަޔަކު ހައްޔަރެއް ނުކުރާނެ.އެހެންނުން ކޮންމެވެސް ބޮންދެއް ހިފަހައްޓަފާނެ.ދުވަހަކުވެސް އުންސުރު ހަމަވާކަމަކަށް ނުވާނެ .
1އ34
14 December 2021
ކުރީ ސަރުކާރުން ގެނެސް ހުރި އެއްވެއްދޯ އިބޫ؟
ބޭރު
14 December 2021
މިރާއްޖޭގެ ކޯޓުތަކުން ގަބޫލުކުރާ މިންވަރަށް ހެކެއް ހޯދިގެން ހަމަލާ ތިއިން އެއްޗަކަށް ޖާމީނުވާނެ މީހަކަށް އަދަބެއް ނުލިބޭނެއެވެ. ހެއްކެއް ހުރިއްޔާ ހޯދިގޮތް ގޯސްވާނެއެވެ. އިޖުރާއަތު ރަގަޅަށް ދިޔައިންޔާ ހެކިތައް ކަމަކު ނުދާނެއެވެ. ގާނޫނުތައް ހުރީ މި މީހުން ސަލާމަތްކުރަންތޯ ނުވަތަ މި މީހުންގެ އުދަގުލުން މުޖުތަމައު ސަލާމަތްކުރަންބާއޭ ހިތައް އަރައެވެ.
ސަވާލޭ
14 December 2021
ވިޔަފާރި ހާދަރަނގަޅޭދޯ! ތިތަކެތި ތިހިރީ ގައިމުވެސް އެތެރެވެފަ. ބޯޑަރ ކޮންޓުރޯލާއި ކަސްޓަމްސް ކޮންޓުރޯލުތިއޮތީ ތިމީހުންއަތުގަނޫންނަމަ، ތިތަކެތި އެތެރެވީސްތޯއެވެ؟ ބަޔަކަށް ތުހުމަތުކުރެވުނަސް ކުރާނެކަމެއް ނެތެއްނު! ކޯޓުން އެތިބަދޫކުރަނީ. ރަނގަޅު ތަހުގީގެއް ކުރެވެނީކީނޫން. ކުރެވުނަސް ބެދޭމަޅިއޮންނަނީ ދޫވެފަ. އަގުމައްޗަށްދުއްވާލަންކުރި ގަދައިސްތިހާރެއްނޫންބާ؟
ނަސީމް
14 December 2021
މީގަ ޙައިރާންވާން ޖެހޭ ކަމަކީ ބޮޑުންނަށް އަދި މުޅި ޤައުމަށް އޮތް ބޮޑުބިރު ފަޓާސް ހަމަހިލާ ރާއްޖެ އެތެރެވިޔަނުދީ އެބަ ބެލެހެއްޓެ ! އެކަމަކު ޑްރަގް ހަމަ ހަބޭސް އެހެންތާ ވާނީ ހާދަ ފައިސާ އެކޭ އެލިބެނީ އެ ޓްރެފިކް ކުރާ ބަޔަކަށް. އެހެންވެ މިކަން ނުހުޓެނީ މިކަމުގައި ބޮޑެތިމީހުންގެ މައްސަލަހަތު އޮންނާތީ އެކަން ނުހުއްޓި އެކުރިއަށް ބާރަށް ދަނީ. ހެ ހެ ހެހެހެ
މުލޭ
14 December 2021
ފަޓާސް އެތެތެކޮށް ވިއްކައިގެން މުއްސަނދިވާނަމަ އެވެސް އެތެރެކުރާނެ. އެނގޭވިއްޔަ އެތެރެކޮށްގެން އަތުލައިގަނެވުނަސް އެއްވެސް ކަމެއް ނުވާނެކަން.
މުލޭ
14 December 2021
ރައްޔިތެއްގެ ހައިސިއްޔަތުން އަޅުގަނޑުގެ އުންމީދު ވަނީ ގެއްލިފައި. ތިޔަ ފަސާދައިގެ އަމަލު ހިންގާ އެއްވެސް މީހަކަށްް އަދަބު ނުދެވޭނެ ކަމަަށް ގަބޫލުކުތެވެން ފަށައިފި. މަސްވެރިން މަސް ބާނައިގެން ގެންނަ އުސޫލުން ޑްރަގް އެތެރެކުރާ ކަމަށް ބެލެވެން ފަށައިފި. ނޫންނަމަ 100 އިން ގުނޭ އަދަދުތަކުން ޑްރަގް އަތުލައިނުގަނެވޭނެ. މިކަމާ ވިސްނަން ސިޔާސީ މީހުންނަށް ވަގުތެއް ނެތް. ދަރިން މިކަމުން ސަލާމަތް ކުރެވޭތޯ ﷲއާ ވަކީލުކޮށްގެން ތިބުން ނޫން ގޮތެއްނެތް.
ގޯހެއްނޫން
14 December 2021
ޕޮލިހުން ކުޅޭ ޑުރާމާ ބަލަންތިބެންޖެހޭނީ. މިމީހުންގެ ބެލުމުގެ ދަށުންމިކަންކުރީ. ދެން ދެއްކެންވެގެން ރިއަލް ގުޑް ޕޮލިސިންއޭ ކިޔާފަ ނިމެނީ. ކޮންމެވެސް ކާރަކުން ފެންނާނީ. މި ރާއްޖެއާހިސާބަށްގެންނަ ބޯޓުތަކާ މީހުންނެއް ނުފެނޭ.