އަޑިއަށް ދިޔަ ދޯނިން ގެއްލުނު ތިން މީހުންގެ ތެރެއިން ފުލުހުންނަށް މައުލޫމާތު ކަށަވަރުވާ ދެ މީހުން
04 ޖެނުއަރީ 2022 - 23:43
ރޭގެ ވަގުތެއްގައި ފ. ފީއަލިން ފުރައިގެން ދަނިކޮށް ވ. ފުއްސަރު ކައިރިން އަޑިއަށް ދިޔަ "އަލަމާ 5" ދޯނިން ގެއްލުނު ތިން މީހުންގެ ތެރެއިން ބަންގްލާދޭޝްގެ ދެ މީހުން ފެނިއްޖެ އެވެ.
މި މީހުން ސަލާމަތްކުރީ އަޑިއަށް ދިޔަ ދޯނީގައި ހުރި ހަންތަކެއްގައި އައްސައިގެން ކަނޑުމަތީގައި ތިއްބަ އެވެ. އެ މީހުން ކަނޑުމަތީ ތިބިކަން އެނގުނީ އެ މީހުންގެ ތެރެއިން އެކެއްގެ ފޯނު ސަލާމަތުން އޮތުމުން، ރޭންޖް ލިބޭ ހިސާބަށް ދިއުމާ އެކު ފޯނަށް ގުޅޭ ގޮތް ވުމުންނެވެ.
އެ މީހުން ކަނޑުމަތީގައި ތިބީ އދ. ދަނގެއްޗާ ހިސާބުގައި ކަމަށް ވަނީ އެނގިފަ އެވެ.
ސަލާމަތުން ތިއްބާ ފެނުނީ ބަންގްލަދޭޝްގެ މީހެއްގެ ކަމަށްވާ އަސަދުލް އިސްމާލް، 37، އާއި ބަންގްލާދޭޝް އެހެން މީހެކެވެ.
ދޯނީގައި ދެން ހުރި އާދަމް ޝަފީގް، 32، އަދިވެސް ނުފެނެ އެވެ. އޭނާ އަކީ ކ. ގުރައިދޫ މީހެކެވެ. އޭނާގެ ޚަބަރެއް އަދި ނުވެ އެވެ.
މީހުން ހޯދުމުގެ މަސައްކަތްކުރަމުން އަންނަ އެމްއެންޑީއެފުން މިކަމާ ބެހޭ ގޮތުން އަދި ވާހަކައެއް ނުދައްކަ އެވެ.
ދޯނި އަޑިއަށްދަނީ ކަމަށް ބުނެ އެ ދޯނީގެ ކައްޕި އެންމެ ފަހުން މީހަކަށް ގުޅާފައިވަނީ ރޭ 10 ޖަހަން އުޅެނިކޮށެވެ. އޭގެ ފަހުން ވީގޮތެއް ނޭނގި ހޯދަމުން އަންނަނިކޮށް މެންދުރު ފަހު ވަނީ، އަޑިއަށް ދިޔަ 60 ފޫޓްގެ ދޯނީގައި ހުރި ބައެއް ތަކެތި ފ. އަތޮޅު އުތުުރުން އެއް ނޯޓިކަލް މޭލު ބޭރުން ފެނިފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ސުފާން
05 January 2022
ސިފައިން ޑޯނިއާރ ބޭނުން ކޮށްގެން ކިހިނެއްބާ ބޮޑު ސަރަހައްދެއް ހޯދި ވާހަކަ އެކިޔަނީ..
ދޮން ހަސަނު
04 January 2022
އަލްހަމުދު ލިއްލާލި
އެލެކްސް
04 January 2022
އަލްހަމްދުﷲ