އަބޫދާބީގެ ވަލީއަހުދުގެ ދައުވަތަކަށް ރައީސް އިބްރާހިމް މުހައްމަދު ސޯލިހު ވެލާނާ އިންޓަނޭޝަނަލް އެއާޕޯޓުން ޔޫއޭއީ އަށް ފުރާވަޑައިގަންނަވާނީ.-- ފޮޓޯ: ރައީސް އޮފީސް
16 ޖެނުއަރީ 2022 - 14:23
7 comments
އަބޫދާބީގެ ވަލީއަހުދުގެ ދައުވަތަކަށް ކުރައްވާ ރަސްމީ ދަތުރުފުޅެއްގައި ރައީސް އިބްރާހިމް މުހައްމަދު ސޯލިހު ޔޫއޭއީ އަށް މިއަދު ފުރާވަޑައިގެންފި އެވެ.
ރައީސް އޮފީހުން ބުނީ،، ވަލީއަހުދު އަދި ޔޫއޭއީގެ އާމްޑް ފޯސަސްގެ ޑެޕިއުޓީ ސުޕްރީމް ކޮމާންޑަރު ޝައިޚް މުހައްމަދު ބިން ޒައިދު އަލް ނަޙްޔާންގެ ދައުވަތަކަށް ރައީސް ކުރައްވާ މި ދަތުރުފުޅުގައި އެ މަނިކުފާނުގެ އަރިހުގައި ސަރުކާރުގެ މަތީ ފަންތީގެ ވަފުދެއް ވެސް ބައިވެރިވާ ކަމަށެވެ.
މާދަމާ ބާއްވަން ހަމަޖެހިފައިވާ "އަބޫދާބީ ސަސްޓެއިނަބިލިޓީ ވީކް" ހުޅުވުމުގެ ރަސްމިއްޔާތު އަދި "ޒައިދު ސަސްޓެއިނަބިލިޓީ އެވޯޑް" ދިނުމުގެ ރަސްމިއްޔާތުގައި ވެސް ރައީސް ބައިވެރިވެވަޑައިގަންނަވާނެ ކަމަށް ރައީސް އޮފީހުން ބުންޏެވެ.
މިއީ ރައީސް އިބްރާހިމް މުހައްމަދު ސޯލިހު މި އަހަރު ރާއްޖެއިން ބޭރަށް ކުރައްވާ ފުރަތަމަ ރަސްމީ ދަތުރުފުޅެވެ.
އާ އަހަރުގެ ޗުއްޓީ އަށް މިދިޔަ އަހަރުގެ ފަހުކޮޅު އެ މަނިކުފާނު ސްރީ ލަންކާ އަށް ވަޑައިގެންނެވި އެވެ. އޭގެ ފަހުން ސަރުކާރުގެ ރަސްމީ މަސައްކަތުގައި ނ. އަތޮޅަށާއި އަދި ކޮމަންޑޫ ދާއިރާގެ ބައި އިލެކްޝަނަށް އެމްޑީޕީގެ ކެމްޕެއިންގައި ށ. އަތޮޅަށް ވެސް ރައީސް ވަޑައިގަތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުރުނބާ
17 January 2022
އަހަރެންވެސް ވަރަށް ދަތުރުކުރާހިތްވޭ. މިއީ އިންސާނީ ތަބީޢީކަމެއް އެއްވެސް މައްސަލައެއްނޫން :ޑ
ފަހުދު
17 January 2022
މީނަގެ ކަމަކީ ހޮލިޑޭ ހަދާފަ ސޯޝަލް މީޑިޔާއައް ފޮޓޯލުން
ޝާހި ދު
17 January 2022
ޤައުމުތަކަށް ގިނަ އިން ދަތުރު ކުރަން ދަސްކުރީ
ބޮޑުމީހާ
16 January 2022
ތިހާ ތަންތަނަށް ދާއިރު ގައުމުތަކުން ރައްޔިތުންނަށް ކޮށްދީފަ ހުންނަ ކަންތައްތައް ނުފެންނާތީ ދެރައީ. ސަސްޓައިނަަބަލް.ސަމިޓަކަށް އަމުދުން ގެންދާކަށް ނުވާނެ، ކަނޑު ފަޅު ހިއްކައިގެން ވޯޓް ހޯދަން އުޅެނީ
ސީޒަން ޖެކުހަން
16 January 2022
އިބޫވެސްނުވޭ ހިނދުކޮޅެއް ހިމޭނުން މާލޭގާ މަޑުކޮށްލައިގެންނެއް.
މަކުޑި
16 January 2022
ޥެހޭ އިރު ފެންނަގަނީ، ދެވެން އޮތީމަ ދަނީ. ޜައްޔެތަކައް ފައިދާހުރިކަމެއް ކުރާކައްނޫން.
މައިކަލް ކަމާލު.
16 January 2022
އިބޫ ކޮންމެހެން މާލޭގައި މަޑުކޮށްގެން މާލޭގައި ހުންނާން ޖެހޭތަ؟ ކ.އަތޮޅު މާލެ ނޫނަސް ދިވެހިރާއްޖޭގައި ރަށްތައް އެބަހުރި. އެރަށްރަށަށްވެސް ދާންޖެހޭނެ.