މަގުމަތިން ދުއްވާފައި ދިޔަ ވޭނެއްގެ މައްޗަށް މާލޭގެ ގެއެއްގެ މަތިން ދަގަނޑު ހޮޅިއެއް ވެއްޓިފައި.
10 ފެބުރުއަރީ 2022 - 09:03
22 comments
ދުއްވާފައި ދިޔަ ވޭނެއްގެ މައްޗަށް ގެއަކުން ދަގަނޑެއް ވެއްޓި، އެ ވޭނުގައި ތިބި ދެ މީހުންގެ ފުރާނަ ހަނިގޮތަކަށް ސަލާމަތްވެއްޖެ އެވެ.
ސޯޝަލް މީޑިއާގައި ދައުރުވާ ވީޑިއޯއަކުން ފެންނަ ގޮތުގައި، ރޭ ހިނގި އެ ހާދިސާގައި ދަގަނޑު ވެއްޓުނީ މަގުމަތިން ދުއްވާފައި ދިޔަ ވޭނެއްގެ ވިންޑްސްކްރީންގެ މައްޗަށެވެ. އެ ދަގަނޑުގަނޑު އޮތީ ބިއްލޫރިގަނޑުގެ މެދުގައި ތާށިވެފަ އެވެ. އެ ހާދިސާ ހިނގިއިރު، ވޭނުގެ ކުރީގެ ސީޓުގައި ޑްރައިވަރާއި އިތުރު މީހަކު ތިއްބެވެ. އެއީ ރާއްޖޭގައި މަސައްކަތް ކުރާ ބަންގްލަދޭޝްގެ ދެ ފިިރިހެނުންނެވެ.
ބެލެވޭ ގޮތުގައި ވޭނުގެ މައްޗަށް ވެއްޓުނީ އިމާރާތްތަކުގެ މަސައްކަތް ކުރާއިރު ބޭނުންކުރާ ވިއްދާ ޖެކެކެވެ.
ވީޑިއޯ ސޯޝަލް މީޑިއާގައި އާންމުކުރި ވީޑިއޯގްރާފަރު، އަހުމަދު މަޖުދީ "މިހާރު" އަށް ބުނީ ވޭނުގެ މައްޗަށް ދަގަނޑުގަނޑު ވެއްޓުނީ އަސުރުމާ ގޯޅީގައި ހުންނަ، އެއްކޮށް ހަދައި ނުނިމޭ 10 ބުރީގެ ގެއެއްގެ ހަތް ވަނަ ފްލޯއިން ކަމަށެވެ. ހޮޅި ވެއްޓުނީ އެ ގޭގެ މަސައްކަތް ކުރާ ބަޔަކު ދަނގަޑު ހޮޅިތަކެއް ނަގަން އުޅުމުގެ ތެރޭގައި ކަމަށް އޭނާ ބުންޏެވެ.
އެ ގޭގައި މަސައްކަތް ކުރަމުންދިޔަ އިރު، އެއްޗެއް ތިރިއަށް ވެއްޓިދާނެ ކަމަށް ބަލައި ރައްކާތެރިކަމުގެ ގޮތުން ފުރަތަމަ ފްލޯގައި، އެ މަގަށް ވާ ގޮތަށް ސަތަރިގަނޑެއް ވެސް ދަމައިފައި އޮތެވެ. އެކަމަކު، އެ ދަގަނޑުގަނޑު ވޭނުގެ މައްޗަށް ވެއްޓުނީ ސަތަރިގަނޑު ވެސް ފޫއަޅުވާލައިފަ އެވެ.
"ވޭނުގައި ތިބި ދެ މީހުން ހަމަ އެ ހޮޅި ވެއްޓޭއިރަށް ވަރަށް އަވަހަށް އެއިން ފޭބި. އެހެންވެ، އެ މީހުންނަށް ޖިސްމާނީ އަނިޔާއެއް ނުލިބި އެ ސަލަމާތްވީ ހަމަ ކިރިޔާ،" އެ ގެ ކައިރީގައި ދިރިއުޅޭ މަޖުދީ ބުންޏެވެ.
އޭނާ ބުނިގޮތުގައި ދަގަނޑުގަނޑު ވެއްޓުމުން، އެ ގޭގައި މަސައްކަތް ކުރާ މީހުންގެ ސުޕަވައިޒަރަކު ގޮސް، ޕިކަޕްގައި ތިބި ދެ މީހުން ގާތުގައި ފުލުހުންނަށް އެ މައްސަލަ ރިޕޯޓް ނުކުރަން އެދުނެވެ. އެކަމަކު، ފަހުން އެ މީހުންގެ އިސް މީހާ އެތަނަށް ދިއުމާއެކު، އެ މައްސަލަ ފުލުހުންނަށް ރިޕޯޓް ކުރުމަށް މަޖުދީ އެދެމުން މައްސަލަ ހުށަހެޅި ކަމަށް ބުންޏެވެ.
"ޕޮލިހަށް ރިޕޯޓް ކުރީމާ ފުލުހުންގެ ފޮރެންސިކް ޓީމު އައިސް ސީން ބެލި،" މަޖުދީ ބުންޏެވެ.
"ވޭނުގައި އިން ދެމީހުނަށް ޖިސްމާނީ ގޮތުން އެއްވެސް އަނިޔާއެއް ނުވިޔަސް އެ މީހުން ތިބީ ނަފުސާނީ ގޮތުން ވަރަށް ބޮޑަށް އަސަރު ކޮށްފައި. އެ ދެ މީހުން އޭގެން ފޭބި ގަޑީގައި ލިބުނު ޝޮކެއްގެ ބޮޑުކަމުން ރަނގަޅަށް ވާހަކަ ވެސް ނުދެއްކުނު."
ގޭގެ މަތިން އެއްޗެހި ވެއްޓި މީގެ ކުރިން ވެސް މާލޭގައި ވަރަށް ނުރައްކާތެރި ހާދިސާތައް ހިނގައި، މީހުންނަށް ވަރަށް ބޮޑަށް އަނިޔާ ވެފައިވެ އެވެ. މާލޭގައި ހަދަމުންދިޔަ އިމާރާތެއްގެ މަތިން ސިމެންތި ގޯންޏެއް ވެއްޓި ހަތް އަހަރުގެ ކުއްޖަކު ވެސް މީގެ ތިން އަހަރު ކުރިން މަރުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
3021
11 February 2022
"މާލޭގައި ހަދަމުންދިޔަ އިމާރާތެއްގެ މަތިން ސިމެންތި ގޯންޏެއް ވެއްޓި ހަތް އަހަރުގެ ކުއްޖަކު ވެސް މީގެ ތިން އަހަރު ކުރިން މަރުވި އެވެ." ކުންފުނީގެ ވެރިޔާ ގެ އަނބިކަބަލުން ނަށް ތަންދޮރު އެގޭ ހާލުވެސް ޢެނިކަމެތި ބިދޭސީ އާއިލާ އަށް އެއްވެސް ބަދަލެއްވެސް ނުދީ ބީޗްފޮރޮންޓުން ގޯތި ބައްލަވައިގަތުމަށް ފައިސާ ޚަރަދު ކުރައްވާއިރު އެއްޗެއް ހިތަށްނާރާބާ؟
ކޮންސޮޅި
11 February 2022
އިމާރާތްކުރުމާއި އެހެނިއެހެން މިބާވަތުގެ މަސައްކަތްކުރާއިރު ސޭފްޓީ ސެކިއުރިޓީއޭ މިކިޔާއެއްޗަކަށް އެއްވެސް ވަރަކަށް ބަލާލުމެއްނޯވޭ. އެކަން ބަލާނެ ބަޔަކުވެސް ނުތިބޭ. އިމާރާތް ކުރަން އެކިވަރުވަރުން ހުއްދަހޯދާ ގަވާއިދު ކަރުދާސް ބޮޑިބަދެލީމަ ނިމުނީ. އެބަޔަކު އުޅޭނެގޮތަކަށް ކުރާނެ ގޮތަކަށް ކުރަންވީ. މަގުމަތިވާހިސާބުން ސެލޮފެންގަޑެއް ނުވަތަ ކަދޮޅުދުއްޔެއް ދަމާލިސް ހެޔޮ. މިއީ އަހަރުމެންގެ ގައުމުގެ ހުރިހައިކަމެއްވެސް އޮތްނަގޮތް. ދަ ގޯލްޑެން ރޫލްސް.
ނަސްރ
10 February 2022
ބަންގްލަދޭޝް މީހުންނަށް ކަންކަން ހަވާލުކޮށްފހަވާލުކޮށްފަ ތަނުން ކިރިޔާ އަރިއަކަށް ޖެހިލިޔަސް ފަރުވާކުޑަ ކުރޭ މި ބަންގުލަދޭސް މިހުންފުށުން ކިތައް ދިވެހިން މަރުވެއްޖެ. ކުރީދުވަހުވެސް ހަތަރު އަންގޮޅި ކަންމަތީ ވޭނެއް ބާވަފަ ސައިކަލެއްގަ ދިޔަމީހާ ވޭނާ އަރާ ހަމަވިތަނުން ޑިކީ ހުޅުވާލީމަސައުކުގައިންމީހާ ވަރަށް އަނިޔާވާގޮތަކަށް ވެއްޓުނީ ވޭން ދުއްވާށާ އެވޭނުގަ ތިބީ ހުސް ބަންގާޅީން.
ސަކީނާއްތަ
10 February 2022
ތި ފެއްނަ ފޮޓޯއިންވެސް އެގޭ ސޭފްޓީއަކަށް ދަމާފައި ހުރީ ކުލަލާއިރު ދަމާކަހަލަ ރަބަރު ކަރުދާސްކޮޅެއް.
ސަކީނާއްތަ
10 February 2022
މިއަދު ނަސަންދުރާކައިރި އަށް ލޯންޗްފަހަރު ޖަމާވެ މުޅިހިސާބުވަނީ 12.39ގައި ހުއްޓުން އަރާފައި. މިއީވަރަށް ވިޔާނުދާގޮތަށް މުއިއްޒުކުރި ޖެއްސުމެއް.. ޖުމްހޫރީ މައިދާން ކައިރީ މީހުން ގިނަވިޔަސް ވެހިކަލް ފްލޯވޭ.މާލޭގެ ސަަލާމަތާއި ރައްކާތެރިކަމަށް ވިސްނާ ބަޔަކު މިކަހަލަ ކަންކަން ހިގާފާނޭކަމަށް ފިޔަވަޅުއަޅާ ރައްކާތެރިކަން ކަށަވަރުކުރޭ.
ޛަހެހ
10 February 2022
“އޭނާ ބުނިގޮތުގައި ދަގަނޑުގަނޑު ވެއްޓުމުން، އެ ގޭގައި މަސައްކަތް ކުރާ މީހުންގެ ސުޕަވައިޒަރަކު ގޮސް، ޕިކަޕްގައި ތިބި ދެ މީހުން ގާތުގައި ފުލުހުންނަށް އެ މައްސަލަ ރިޕޯޓް ނުކުރަން އެދުނެވެ”ސުޕަވައިޒަރަކީ ދިވެއްސެއްނަމަ މިހާ ރީތިކޮށް ބުނާނެހެން ހިއެއް ނުވޭ. ބަންގްލަދޭޝް ދެމީހުންވީމަ ބިރުދައްކާ އިންޒާރު ދީފަ އޮންނާނީ. ރަނގަޅު ރިޕޯޓް ކުރިކަން.
ނުރައްކާ
10 February 2022
މާލޭގައި ހަދަމުންދާ އިމާރާތްތަކުގައި “ނުރައްކާ” މި ބޯޑު މަގުގެ ޕޭވްމަންޓުގައި ޖަހައިފައި ހުރުމަކީ ހަމަ ބޮޑު ޖޯކެއް. މަގެއްގައި ވެެއްޖެޔާ ހަދަމުންދާ އިމާރާތްތައް އެހާ ގިނަ، ދެން އިމާރާތަކުން ވެއްޓޭ އެއްޗެހިން ސަލާމަތްވާ ޕޭވްމަންޓުން ހިނގާފަ ދާ މީހާ ނިކުންނަން މިވީ ވެހިކަލް ގިނަ މަގު މެދަށް.
މުހޯ އަހާ
10 February 2022
ސަލާމަތް ވެއްޖެނު! ތި ނިމުނީ ތިކަން. މައްސަލައެއް ނޫން ތިއީކި. ސަލަމަތް ނުވިނަމަ، އެކަންވެސް އެ ނިމުނީނު. މައްސަލައެއް ނޫން އެހެންވިޔަސް. މިއީ މި ގައުމުގެ ފެންވަރު! އެކަމު މުސާރަ ކުޑަވެގެން ތެޅި ބާލާނެ ހުރިހާ އެންމެންވެސް!
ައަލްއުސްތާޒް
10 February 2022
ޢެއްވެސް ހާލެއްގައި އިމާރާރްކުރާ އިމާރާތެއްގައި ސަތަރި ސޭފުޓީއަކަށް ބޭނުންކުރުމަކީ ރައްކާތެރިކަމެއްނޫން. އިމާރާތްކުރުގައި ސޭފްޓީ އަށް ހަރުދަނާ އުސޫލެއް ގާއިންކުރަންޖެހޭ
ރަދީފްއޮފިޝިއަލް
10 February 2022
ސަތަރި އެއީ އިމާރާތުގެ ކުލަ އަދި ޓެކްސްޗާގެ މަސައްކަތް ކުރާއިރު ދަމަން ޖެހޭ އެއްޗެއް.
ނުދައްކާ ވާހަކަ
10 February 2022
ވީޑިއޯއިން ފެންނަ ގޮތުން ވިއްޔާ ނުރައްކާ ބޯޑު ޖަހާފައި އިންދާ ވޭން އެތަނަށް ވަދެފާ އެހުރީ.. ބައެއް ފަހަރު ސަލާމަތީ ފިޔަވަޅުތައް އެޅިކަމުގައި ވިޔަސް ބައެއް މީހުންގެ އަމަލުތައް ހުންނަ ގޮތުން މިފަދަ ހާދިސާތައް ހިނގާ
ާއަލިމޯޑު
10 February 2022
ނުރައްކާ ބޯޑު ޖެހީމަ ވޭނުގެ ބަދަލުގައި އެހެން ދިޔަ މީހެއްގެ ބޮލަށް އެދަގަނޑު ޖެހުނީމަ ބުނާނީ ކީކޭބާ.މަގުބަންދު ކުރިޔަސް އެހިސާބު ގެތަކުގެ މީހުން ގެއަށްވަދެ ނުކުމެ ހަދާނެ ދޯ. ސިމެންތި ބަސްތާ ވެއްޓުނީމަ ސަމާލު ބޯޑު ޖަހާފަ ހުއްޓަ އެތަނަށް އެކުއްޖާ އަދި މައިންބަފައިން ދިޔުމުން.ނަމަވެސް ކޯޓުކޭޒް ވިން ކުރި އެކުއްޖާގެ ޕޭރެންޓްސް. ތިޔަ ބުނާގޮތުން ސަމާލު ބޯޑު ޖެހީމަ ހުރިހާ ކަމެއް ނިމުނީ
ރަދީފްއޮފިޝިއަލް
10 February 2022
''އިމާރާތްކުރުމުގެ ޢަމަލީ މަސައްކަތްކުރުމުގައި ގެންގުޅެންޖެހޭ ސަލާމަތީ މިންގަނޑުތަކުގެ ގަވާއިދު'' ގެ އެއްވަނަ ބާބުގެ 10 ވަނަ މާއްދާގެ ހ އިން އ އަށް ހުރިކަންކަން ވީޑިއޯގަ އެފެންނަ މަސައްކަތްކުރާތަނުގަ ފުރިހަމަ ނުވޭ.މަސައްކަތު ބޯޑު ނުވަތަ ނުރައްކާ ބޯޑެއް ހުރީމަ އަދި ނުނިމޭނެ.ވ.ވެދުން
ރޯޒަސް
10 February 2022
ތިހެން ވެއްޖިޔްޔާ މުޅި މާލޭގައި އެއް ބޯޑު ޖަހަން ވީނު؟ ތި ނޫންތަނެއް ހުންނާނެތަ؟ ސަތަރިގަނޑަކުން ސަލާމަތް ކުރެވޭނެ އެއްޗެއް ނޯންނާނެ. ތިޔެކޭ ކަރުދާސް ގަނޑެއް ބޭއްވުމެކޭ ތަފާތެއް ނެތް.
ސަލީމު އިދުރީސް
10 February 2022
އެބެބޯޑަކީ މަސައްކަތެއް ކުރާކަން އަންގައިދޭބޯޑެއް! އެބޯޑުހުރުމުން އެމަގު ބަންދުވިއަކީނޫން ދުއްވާ މީހަވެސް އެސަރަހައްދައް ވަންނައިރު އިތުރައް ސާމާލުވާންޖެހޭނެ! އެބޯޑަކީ މަތިން ތިރިޔައް އެއްޗެތި އުކަންދޭ ހުއްދައެއްނޫން