އިންތިހާބާ ދިމާކޮށް ސަރުކާރުގެ ވަޒީފާއިން ވަކިކުރާ ކަމަށް ބުނެ އިންތިގެ ޓީމުގެ ކުއްލި މައްސަލައެއް!

މޫސާ ރަޝީދު، މިހާރު

01 މާޗް 2022 - 09:41

އަންނަ އޭޕްރިލް 16 ގައި ބާއްވާ އެމްޑީޕީގެ ޗެއާޕާސަންގެ އިންތިހާބާ ދިމާކޮށް، ސަރުކާރުގެ ބައެއް މަގާމުތަކުގައި ތިބި މީހުން ވަކިކުރާ ކަމަށް ބުނެ ރައްޔިތުންގެ މަޖިލީހަށް މިއަދު ކުއްލި މައްސަލައެއް ހުށަހަޅައިފި އެވެ.

އެ މައްސަލަ ހުށަހެޅުއްވީ އެ އިންތިހާބުގައި ވާދަކުރައްވާ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި)ގެ ތަރުޖަމާން އުނގޫފާރު ދާއިރާގެ މެންބަރު މުހައްމަދު ވަހީދު (ވައްޑެ) އެވެ.

އިންތިގެ ކެމްޕެއިން ޓީމުގެ ފަރާތުން އެ މައްސަލަ މަޖިލީހުގެ ސަމާލުކަމަށް ގެނައިއިރު، ޗެއާޕާސަން ކަމަށް ދެން ވާދަކުރައްވަނީ އިކޮނޮމިކް މިނިސްޓަރު އަދި މި ސަރުކާރުގައި އެންމެ ބާރުގަދަ ކަމަށް ބުނާ ފައްޔާޒު އިސްމާއިލް އެވެ. އިންތިއަކީ އެމްޑީޕީގެ ރައީސް މުހައްމަދު ނަޝީދުގެ ފަޅީގެ ކެންޑިޑޭޓެއް ކަމަށް ވާއިރު، ފައްޔާޒުގެ ފަހަތްޕުޅުގައި ހުންނެވީ ރައީސް އިބްރާހިމް މުހައްމަދު ސޯލިހު ކަމަށް ދެ ފެކްޝަނުގެ ބޭފުޅުން ވެސް ވިދާޅުވެ އެވެ.

ވައްޑެގެ ކުއްލި މައްސަލަ އަށް ބަހުސް ކުރުމާ މެދު ގޮތެއް ނިންމަން ނެގި ވޯޓުގައި، ބަހުސް ކުރަން ފެންނަ ކަމަށް 23 މެމްބަރަކު ވޯޓު ދެއްވި އެވެ. ބަހުސް ކުރަން ނުފެންނަ ކަމަށް ވޯޓު ދެއްވީ ދެ މެމްބަރެކެވެ.

އެ މައްސަލަ ހުށަހަޅުއްވަމުން ވައްޑެ ވިދާޅުވީ، ގާނޫނުއަސާސީގެ 115 ވަނަ މާއްދާގެ ދަށުން ރައީސުލްޖުމްހޫރިއްޔާ އަށް ބާރުތަކެއް ލިބިފައިވީ ނަމަވެސް އެ ބޭރުތައް ބޭނުން ކުރަން ވާނީ ގާނޫނުއަސާސީގައި އޮންނަ ތަފާތު ނުކުރުމާއި ހަމަހަމަކަމުގެ އިންތަކުގެ ތެރެއިން ކަމަށެވެ.

ނަމަވެސް އެމްޑީޕީގެ ޗެއާޕާސަން އިންތިހާބާ ދިމާކޮށް، ވަކި ބަޔަކު ސަރުކާރުގެ މަގާމުތަކުން ވަކި ކުރަމުންދާ ކަމުގެ ޝަކުވާ ލިބެމުން އަންނަ ކަމަށާއި އޭގެ ސަބަބުން ސަރުކާރާ މެދު ނަފްރަތު އުފެދި ބައިބައިވުން ބޮޑުވާނެ ކަމަށް އޭނާ ވިދާޅުވި އެވެ.

Sarukaarun biru nudhakkai reethi campaign eh kuran Inthi ge team in govaalaifi

The most trusted news source in the Maldives

Mihaaru

މި މައްސަލަ ހުށަހެޅީ ރ. ދުވާފަރު ސިއްހީ މަރުކަޒާ ހަވާލުވެ ހުންނެވި އެމްޑީޕީ މެމްބަރެއް ކަމަށްވާ އާމިރު އަހުމަދު ރައިސުލްޖުމްހޫރިއްޔާ އަށް ލިބިދޭ ބާރުގެ ދަށުން ވަޒީފާ އިން ވަކިކުރައްވާފައިވާތީ އެވެ.

އެ މައްސަލައިގައި ރައްޔިތުންގެ މަޖިލީހުގެ ރައީސް ނަޝީދު ވެސް ވަނީ އެމްޑީޕީގެ އިންތިހާބާ ދިމާކޮށް ރައީސްގެ ބާރުތައް ނާޖާއިޒް ގޮތުގައި ބޭނުންކުރައްވާ ކަމަށް ވިދާޅުވެ އެމްޑީޕީގެ ވަޓްސްއެޕް ގްރޫޕަކަށް މެސެޖެއް ފޮނުއްވައިފަ އެވެ. އެ މެސެޖުގައި ނަޝީދު ވަނީ އިންތިހާބަށް ނުފޫޒު ފޯރުވާ ކަމަށް ތުހުމަތުކުރައްވައި ވަރަށް ބޮޑަށް ނުރުހުން ފާޅުކުރައްވައިފަ އެވެ.

އެކަމާ ގުޅޭ ގޮތުން ސަރުކާރުން ވަކި އެއްޗެއް ނުބުނެ އެވެ. ޗެއާޕާސަންގެ އިންތިހާބުގައި އިންތި އާ ވާދަކުރައްވާ ފައްޔާޒުގެ ކެމްޕެއިން ޓީމުގެ ފަރާތުން ވެސް ވަކި އެއްޗެއް ނުބުނެ އެވެ.

ރައްޔިތުންގެ މަޖިލިސް ރައީސް އިބްރާހިމް މުހައްމަދު ސޯލިހް މެމްބަރު މުހައްމަދު ވަހީދު (އުނގޫފާރު) އެމްޑީޕީ ދިވެހި ސަރުކާރު މެމްބަރު އިމްތިޔާޒް ފަހުމީ

9 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލައިލާ

03 March 2022

ބަލަ ކޮމަންޑޫ އިންތިހާބާ ދިމާކޮށް ވަޒީފާގެ ބިރުދައްކާ، ނުފޫޒު ބޭނުންކުރީމާ، އެއީ އެންމެ ރަނގަޅުކަމެއް ކަމަށް ބުނެ މަޖިލީހުގެ ރިޔާސަތުން ވަނީ ޙުކުމް އިއްވާފަ. އިއްޒަތްތެރި މެމްބަރު މަޖިލީހުގައި އިންނަވައިގެން، މަޖިލީހުގެ ރައީސަށް ތިޔަ ކުރާ ފުރައްސާރަ ހުއްޓާލައްވާ. އެހެން ނޫނީ، އެއްވެސް އިޚްލާސްތެރިކަމެއް ހުރިނަމަ މަޖިލީހުގެ ރިޔާސަތުގެ ސްޓޭންޑް ބަދަލުކޮށް، ކޮމަންޑޫ ދާއިރާގެ މެމްބަރު މަޖިލީހުން ނެރެން ވަކާލާތުކުރައްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާމަސީލު

02 March 2022

މައުމޫންގެ ވެރިކަން ވައްޓާލީ އާއިލީ ވެރިކަމަކަށް މާބޮޑަށްވެސް ދިޔައީމަ. މަޖިލިސް އިންވެސް ފެންނަނީ އެކަން. ކޮއޮކޮ އާއި ބޭބެ މަޖިލިސް ރައީސް އާއި ނާއިބު ރައިސް ކަމުގަ. މި ނާއިބު ގެ ފިރިމީހާ ކުންފުންޏަށް ހުރިހާ ބިޔަބޮޑު ޕްރޮޖެކްޓްސް. މިކަމަށް ކުއްލި މައްސަލައެއް ނެތްތަ؟ އިޚްލާސްތެރި ވަގުން އެއީވެސް އުޅޭބައެއްކަން އެގިގެން ގޮސްސި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާނިލް

01 March 2022

ބަލިވާނެކަން އެނގޭތީ ތެޅޭ ވައްތަރު..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމަންޑޫބޭ

01 March 2022

ވައްޑޭއަށް އޮޅުނީބާ މީ އެމްޑީޕީގެ އެތެރޭގެ އިންތިހާބެއްކަން ނުވަތަ ނޫންކަން ؟ މަޖުލިހަކާ ކޮން ގުޅުމެއް ހުރި ކަމެއްކަމެއް ވިސްނާވިސްނާވެސް ނޭންގުނު. ކަމެއްގަ ހައްދުފަހަނަ އަޅާއިފިނަމަ ވިކަހަކަ ކަންކަންވެސް ހިނގާނެ ތޯއްޗެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރުވާލިބާގިރުގެ ސިޔާސި ކާސިމު

01 March 2022

ވަޒީފާތަކުން ކަނޑައިގެންނަމަވެސް އިބޫފެކްޝަން މިފަހަރު މޮޅުވަންޖެހޭ. ނުނީ ގައުމު ހޯދާނުފެންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޖެންޑާ19

01 March 2022

އެޖެންޑާ19 ގެ އެޖެންޓުންނޭ. ބަލަގަ ކަލޭމެން ކުޅިވަރު ކުޅެން އޮތްތަނެއް ނޫނޭ މަޖިލިސްއަކީ. ޕާޓީކުދިވެރިން ގޮވައިގެން މުރައިދޫގަ ޖަލްސާތައް ބާޢްވަބަލަ. މަޖިލީހުގައި ކުރަންހުރި މަސައްކަތް ކޮއްބަލަ ކޮސްނުތަޅާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރުސީ

01 March 2022

އޮރިޖިނަލް ބޭފުޅުން ހާދަ ވަރަކަށް ތެޅިބާލަނީ. ރައީސް މައުމޫނުވެސް ތިގޮތަށް ތެޅުނު. ތިއީ ހަމައެއްބައެވެ. ކަލޭމެން ބޭނުންވަނީ މިރާއްޖެ އަބަދުވެސް ސިޔާސީ ބޮޑު ސަކަރާތެއްގެ ތެރޭ ބާއްވަން. އެއިރުން ކަލޭމެން ބޭނުން ކަން ކަލޭމެނަށް ކުރެވެން އަންނަނީ. ވަކިމީހަކަށް ވެރިކަން ހޯދައި ދިނުމަށްވުރެ އާއްމު ރައްޔިތުންގެ ހަމަޖެހުމަށް ވިސްނާންވެއްޖެ ނޫންތޯ. ހުރިހާ ބޭފުޅުން ގޮވައިގެން ރިވެތި ވެރިކަމެއް މިނިންމާލަނީ ގުޅިގެން. ހަމަޖެހުން ނަގާލަން އޮރިޖިނަލޭ މެންތިބޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިހޫ

01 March 2022

ރާއްޖޭގަ ސިޔާސީ މައިދާނުގަ އެންމެ ފައްކާ ކަމަކީ އެމްޑީޕީ ތެރެއިން އެކަކު އަނެކަކާ ދިމާކޮށް، އެއްބަޔަކު އަނެއް ބައެއްގެ ފަތިފުށް ހާމަކުރާ މަންޒަރު. އިދިކޮޅު ޕާޓީގެ ދައުރުވެސް މިމީހުން ޕާޓީ ތެރެއިން އަދާކުރޭ!