ޚަބަރު / މާލެ ސިޓީ ކައުންސިލް

ރޯދައަށް ހާއްސަ ނައިޓް މާކެޓް ހޯމަ ދުވަހު ފަށަނީ

2020 ވަނަ އަހަރު މާލެ ރަސްފަންނުގައި ބޭއްވި ނައިޓް މާކެޓް.-- ފައިލް ފޮޓޯ: ނިޝާން އަލީ/މިހާރު

އިފްރާޒް އަލީ، މިހާރު

25 މާޗް 2022 - 11:40

8 comments

ރޯދަ އަށް ހާއްސަކޮށް މާލޭ ސިޓީ ކައުންސިލުން ބާއްވާ ނައިޓް މާކެޓް އަންނަ ހޯމަ ދުވަހު ފަށަން ނިންމައިިފި އެވެ.

މާލޭ ސިޓީ ކައުންސިލްގެ މީޑިއާ އޮފިޝަލް މަރިޔަމް ޝިއުނާ ވިދާޅުވީ، އުސްފަސްގަނޑުގައި ބާއްވާ ނައިޓް މާކެޓްގެ އިންތިޒާމުތައް ހަމެޖެއްސުމަށް ޕްރޮޕޯސަލް ހުށަހެޅި ފަރާތްތަކުގެ ތެރެއިން މައި ފިޗުއާ ޕްރައިވެޓް ލިމިޓެޑާ މިހާރު އެ މަސައްކަތް ހަވާލުކޮށްފައިވާ ކަމަށެވެ.

އެ ނައިޓް މާކެޓްގައި ވިޔަފާރިކުރަން ބޭނުންވާ މީހުންނަށް މޭޒު ވިއްކުން އޮންނާނީ އަންނަ ހޮނިހިރު ދުވަހުގެ ހެނދުނު 10 ޖަހާއިރު، ސިޓީ ކައުންސިލްގެ އާންމު ހިދުމަތްތަކާ ބެހޭ ބައިގެ ގޯތިތެރޭގަ އެވެ.

ރަސްފަންނުގައި ބޭއްވި ނައިޓް މާކެޓްގައި ބަޔަކު ވިޔަފާރީކުރަން މޭޒެއް ކައިރީގައި މަޑުކޮށްލައިގެން.-- ފައިލް ފޮޓޯ: ނިޝާން އަލީ/މިހާރު

އެ ނައިޓް މާކެޓް 10 ދުވަހަށް ކުރިއަށް ގެންދާނެ އެވެ. އެއީ ރޯދައިގެ ފުރަތަމަ ހަތަރު ދުވަސް ވެސް ހިމެނޭ ގޮތަށެވެ.

ސިޓީ ކައުންސިލުން އަންނަނީ ރޯދަ މަހަށް ހާއްސަކޮށްގެން، މާލޭގެ ދެ ސަރަހައްދެއްގައި މޭވާ އާއި ތަރުކާރީ ވިއްކަން ވަގުތީ މާރުކޭޓްތަކެއް ވެސް ހުޅުވަން ތައްޔާރުވަމުންނެވެ. ރޯދަ މަހުގެ ފުރަތަމަ ދުވަހު އެ މާރުކޭޓްތައް ހުޅުވާނީ ދަރުބާރުގޭގެ އިރަށް އޮންނަ ހުސްބިމުގަ އާއި ރަސްފަނު ޕާކިން ޒޯނުގަ އެވެ.

އާ އަހަރާ ދިމާކޮށް ވެސް މާލެ ސިޓީ ކައުންސިލުން ވަނީ މިދިޔަ އަހަރު ޑިސެމްބަރުގައި މާލޭގައި ނައިޓް މާކެޓެއް ބާއްވައިފަ އެވެ.

މާލެ މާލެ ސިޓީ ކައުންސިލް

8 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޓްރެފިކް

26 March 2022

ކީއްކުރަން ކުރުވާކަމެއްތީ މިހާރު؟ ތިޔަކަންވެސް ވެއްޖެ ބޮޑު ސަކަރާތްގަނޑަކަށް އެއްވެސް ކަހަލަ ބޭނުމެއް ހިފޭ ބްރޭންޑެޑް އެއްޗެއް ނުހުރޭ މަޖީދީދީ މަގ ފިހަރަތަކަށްވުރެ އަގު ބޮޑު އެއްވެސް އެއްޗެއް ހެވެއްނުވޭ، ދެން ކީއްކުރަން ބާއްވާއެއްޗެއް؟ ހަމަ އެކަނި ބަންގާޅީންނަށް ދިވެހި އަންހެންވެރިން ގައިގާ ހޭކުވަން ބާއްވާ އެއްޗެއް، މިހާރު ނައިޓް މާކެޓްގައި ވިއްކަނީ ގިނައިން ކާއެއްޗެހި ކޮއްތުރޮއްޓާ ޕިއްޒާޔާ މިކަހަލަ އެއްޗެހި ވިއްކާ ތަން ތަން މާލޭގައި މަދީ ތޯއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިމް

26 March 2022

ރޯދަޔަށް ކުރީބައިގަ މުސާރަ ނޫނީ އެލަވަންސް ދިން ދުވަހަކުން ތި މާރުކެޓުގައި ބައިވެރިވެވެން އޮތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

26 March 2022

ކީއްކުރަން ކުރާކަމެއް؟ ބަލި ފެތުރުމުގެ ފުރުސަތު ބޮޑު. މިވަގުތު ކުރުން ރަނގަޅުކަމެއްނޫން. ކުރިންވެސް ކޮވިޑް ތެރޭ ނުދަން މިފަހަރުވެސް ނުދާނަން. މިއީ މަށަށްކުރެވޭނެވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެފައިސާ

25 March 2022

ކައުންސިލު ކުރިމަތީގަ ކޮންމެ ދުވަހަކު މާކެޓު ބާއްވަބަލަ. ފައިސާއާއި ހެދި މޮޔަވިޔަސް ބޮޑުވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެސްކިޔާފަ

25 March 2022

މުއިއްޒު އަނެއްކާ މިއުޅެނީ ކޮވިޑު ފަތުރަން. ރޯދަމަހު މީހ7ން ހެޔޮހާލުގަ ތިބެދާނެތީ ބިރުން އެއުޅެނީ. ވަރެއްގެ މީހެއް އެއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަނެއްކާ

25 March 2022

އަނެއްކާ. އަޅެ ކުރީފަހަރުވެސް ނައިޓްމާކެޓް ބާއްވައިގެން ކޮވިޑް ފެތުރުނީ. ޢަދި މުޅިއަކުން ކޮވިޑް ނުނިމެއޭ. ކުޑަދުވަސްކޮޅަކަށް މަޑުކޮށްލަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަތްނެތްކުއްޖާ

25 March 2022

ރޯދަ މަހަށް ޙާއްސަ މާރކެޓެއްނޫން ތީކީ! ތިއީ މޭލޭގަ ތިބޭ ސިޓީ ކައުންސިލް މެމްބަރުންގެ ޖީބުތައް ފުރަން ހިންގާ ބޮޑު ވެގެންވާ ޖަރީމާއެއް. މިކަމުގެ ސަބަބުން މާލޭގެ ބޮޑު އަގުގައި ފިހާރަތައް ކުއްޔަށް ހިފައިގެން ތިބޭ ފަރާތްތައް ފުނޑާ ލުމަށްފަހު ވަކި ބަޔަކަށް ނަފާ ހޯދާ ދިނުމަށް ހިންގާ ޖަރީމާއެއް. މީގެ ސަބަބުން މާލޭގަ ދިރިއުލޭ ބަންގްލަދޭސް މީހުން ވިޔަފާރި ތަކަށް ވެއްދުމަށް ބަޔަކު އަޑީގައި ތިބެގެން ކުރާ މަސައްކަތެއް.