ނަޝީދު ވިދާޅުވަނީ ރައީސް އިބްރާހިމް މުހައްމަދު ސޯލިހް ދެ ވަނަ ދައުރަކަށް ވާދަ ކުރައްވާނެ ކަމަށް ލަފާ ނުކުރެއްވޭ ކަމަށް. އެކަމަކު މިއީ ރައީސް ވިދާޅުވި ވާހަކަފުޅެއް ނޫން ކަމަށް ރައީސް އޮފީހުން ބުނޭ.
އެމްޑީޕީގެ ޗެއާޕާސަންގެ އިންތިހާބުގައި ރައީސް މިއަދު ވޯޓުލެއްވުމަށް ފަހު ފާހަގަ ދައްކަވާލައްވަނީ: އެމަނިކުފާނުގެ ދެ ވަނަ ދައުރަކާ ގުޅޭ ގޮތުން އެއްވެސް ބޭފުޅަކާ ވާހަކަ ނުދައްވާ ކަމަށް ރައީސް އޮފީހުން ބުނޭ. -- ފޮޓޯ: ނިޝާން އަލީ /މިހާރު
14 މެއި 2022 - 15:48
32 comments
ވެރިކަމުގެ ދެ ވަނަ ދައުރަކަށް 2023 ގެ ރިޔާސީ އިންތިހާބުގައި ރައީސް އިބްރާހިމް މުހައްމަދު ސޯލިހު ވާދަނުކުރައްވާނެ ކަމަށް އެއްވެސް ބޭފުޅެއްގެ ގާތު މިހާތަނަށް ވިދާޅުނުވާ ކަމަށް ރައީސް އޮފީހުގެ ތަރުޖަމާން މުހައްމަދު މަބްރޫކް އަޒީޒް މިއަދު ވިދާޅުވެއްޖެ އެވެ.
އޭނާ ވިދާޅުވީ އިންތިހާބުގައި ވާދަކުރެއްވުމާ މެދު ރައީސް ގޮތެއް ނިންމެވުމުން އެކަން ހާމަކުރައްވާނެ ކަމަށެވެ.
ދެ ވަނަ ދައުރަކާ ގުޅޭގޮތުން ޕްރެސް ކޮންފަރެންސްތަކުގައި ރައީސަށް ސުވާލު ދެންނެވުމުން އެ މަނިކުފާނު ތަކުރާރުކޮށް ވިދާޅުވެފައި ވަނީ އެކަމާ މެދު ނުވިސްނަވާ ކަމަށެވެ. އެންމެ އިސްކަމެއް ދެއްވަނީ އަދި އަމާޒަކީ ފަސް އަހަރުގެ ދައުރަށް ވެވަޑައިގަތް ވައުދުތައް ފުރަތަމަ ފުއްދެވުން ކަަމަށެވެ.
އިންތިހާބުގައި ވާދަކުރެއްވުމާ ގުޅޭ ގޮތުން އެއްވެސް ވާހަކައެއް ރައީސް އިބްރާހިމް މުހައްމަދު ސޯލިހް ނުދައްކަވާ ކަމަށް މަބްރޫކް ވިދާޅުވީ، ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ދެއްކެވި ވާހަކަފުޅަކާ ގުޅިގެންނެވެ.
ދިވެހި ޗެނަލަށް ދެއްވި އިންޓަވިއުއެއްގައި ނަޝީދު ވިދާޅުވީ އެ މަނިކުފާނާއި ރައީސް އިބްރާހިމް މުހައްމަދު ސޯލިހްގެ އިތުރުން ވެސް އެހެން ބޭފުޅުން އެމްޑީޕީގެ ރިޔާސީ ޕްރައިމަރީގައި ބައިވެރިވުން މުހިއްމު ކަމަށެވެ. އެއާ ވިއްދައި ވިދާޅުވީ ދެ ވަނަ ދައުރަކަށް ރައީސް އިބްރާހިމް މުހައްމަދު ސޯލިހް ވާދަކުރައްވަފާނެ ކަމަކަށް ލަފައެއް ނުކުރެއްވޭ ކަަމަށެވެ.
"އަޅުގަނޑު ދެކޭ ގޮތުގައި ރައީސް ސޯލިހާ އަޅުގަނޑާ ނޫން އެހެން ބޭފުޅުން ވެސް މި ރޭހުގެ ތެރޭގައި ނުކުތުމަކީ ވަރަށް ބޭނުންތެރިކަމެއް. އަޅުގަނޑު ލަފައެއް ނުކުރަން ރައީސް އިބްރާހިމް މުހައްމަދު ސޯލިހު ނުކުންނަވާނެ ކަމަކަށް،" ނަޝީދު ވިދާޅުވި އެވެ.
އެމަނިކުފާނު ޕްރައިމަރީގައި ވާދަކުރައްވާނެ ވާހަކަ މިއަދު ވެސް ތަކުރާރު ކުރެއްވި އެވެ.
ރައީސް އިބްރާހިމް މުހައްމަދު ސޯލިހާއި ނަޝީދު ސަލާމްކުރައްވަނީ. -- ފޮޓޯ/ މިހާރު
ރައީސް އިބްރާހިމް މުހައްމަދު ސޯލިހާ ގުޅޭ ގޮތުން ނަޝީދު މިގޮތަށް ވާހަކަ ދެއްކެވި އިރު، މި ފަހުން އެމަނިކުފާނު ގެންދަވަނީ މި ސަރުކާރަށް ވަރަށް ބޮޑަށް ފާޑުވިދާޅުވަމުންނެވެ.
ނަޝީދު މިއަދު ވެސް ވަނީ ބަރުލަމާނީ ނިޒާމަކަށް ވެރިކަން ބަދަލުކުރެއްވުމުގެ ވާހަކަ ދައްކަވައި، ރައީސް އިބްރާހިމް މުހައްމަދު ސޯލިހް އެ ނިޒާމަށް ތާއީދު ކުރައްވަން އެދިވަޑައިގެންފަ އެވެ. ކުރިން އެމަނިކުފާނު ގަބޫލުކުރެއްވި ގޮތަށް އަދިވެސް އެގޮތުގައި ކުރިއަށް ގެންދަން ޖެހޭ ކަމަށް ނަޝީދު ވިދާޅުވި އެވެ.
ނަޝީދާއި ރައީސް އިބްރާހިމް މުހައްމަދު ސޯލިހާ ދެމެދު ހިޔާލުތަފާތުވުން ބޮޑުވެ ގުޅުން ގޯސްވި އެއް ސަބަބަކީ ބަރުލަމާނީ ނިޒާމެވެ. އެ ނިޒާމުގައި ބޮޑުވަޒީރަށް ވެވަޑައިގަތުމުގެ ފުރުސަތު ދެއްވަން ނަޝީދު އެދިވަޑައިގަތުމުން ރައީސް ސޯލިހް ވިދާޅުވެފައި ވަނީ ރައްޔިތުން ނިންމައިގެން ތިބި ރިޔާސީ ނިޒާމް ބަދަލުކުރެވޭނީ އަނެއްކާވެސް ރައްޔިތުންނަށް ކަމަށެވެ. އެއީ އެމަނިކުފާނަށް ކުރެއްވޭނެ ކަމެއް ނޫން ކަމަށް ތަކުރާރުކޮށް ވަނީ ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑދ665
15 May 2022
އިސްތިއުފާ
ކަލެޔާ
15 May 2022
ޤާޞިމް، ޖާބިރު، ޝިޔާމު ފަދަ ޕާޓީއަށް ލޯޔަލްނޫން ބަޔަކު އިސް ސަފަށް ގެނެސްގެން ޑީއާރުޕީ ފުނޑާލިގޮތަށް އެމްޑީޕީ ފުނޑާލަން އަހަރުމެން ފުރުޞަތު ދީގެން ނުވާނެ. ރޮޒޭނާ، ޢާޒިން ކަހަލަ މީހުން އެމްޑީޕީއަށް އިޚްލާޞްތެރިވާނެ ގޮޔެއް އަހަރުމެންނަކަށް ނުވިސްނޭ. އީވާ، މީކާއީލް އަދި އިންތިވެސް އެދައްކަނީ އެވާހަކަ. ބަޔެއްގެ އަވާގައި ޖެހިގެން ޙަޤީޤީ އެމްޑީޕީގެ ފަލްސަފާ ފުނޑާލަމުންދާތަން މިއަދި މި ފެންނަނީ.
ބޮޑުމީހާ
15 May 2022
ދިވެހިންގެ 90 އިންސައްތަ މީހުން ބޯހިޔާވެހިކަމަށް ސަލާންޖަހަނީ. 4 އަހަރު ނިމިގެން ދާއިރު އެންމެ ފްލެޓެއްވެސް ނޭޅުނު. އެވަރުންވެސް ވޯޓަކާއިޖެހުނީމަ ހެވިލާފަ ގޮސް ވޯޓްދީފަ އެވަނީ އަނެެއްކާވެސް ކުލީކޮޓަރިއަށް. މިހާވަރަށް އަޅުވެތިވެގެން، ސަލާންޖަހައިގެން ސިޔާސީ މީހުން ރުއްސައިގެން މިގައުމުގައި މިހިރަ އިޖްތިމާއީ މައްސަލަތައް ހައްލެއްނުވާނެ
ޕަޓަނީ
14 May 2022
މަދު ވޯޓު ކޮޅަކާއި އެކު ކަޓާނީ
އަލީ32
14 May 2022
ރައީސް އެހެން ވިދާޅުވިއެކޭ އަންނިއެއްނުބުނޭ...!! ބަޔަކު މީޑިޔާގަ މޮޔަގޮވަނީ!! ލަފާ ނުކުރެވޭކަމަށް ވިދާޅުވީ!! ލަފާ ކުރުމަކީ ފޯކާސްޓްކުރުން! :)
ކުދުބެއްޔާ
14 May 2022
ހަގީގަތުގަވެސް މަ މިހުރީ ބޮޑުވަޒީރުކަމަށް އެއްބަސް ނުވުމުން ވަރަށް ރުޅިގަދަވެފާ!!!! މަ ވަރަށް ބޮޑަށް ބޮޑުވަޒީރުކަން ބޭނުން!!!!! އަދިވެސް ........
ޑިސްއޮނަރަބަލް ޑީޑީ
14 May 2022
އިބޫ އެންމެފަހުން އެންމެން އާޝޯޚްކޮށްލާނު. ބޮޑުވަޒީރުމީހާ ހުންއަންނަވަރުގެ މެސެޖެއްދޭނެ. ބުނެއެއްނު ނުމޮށޭ ގުރާ ބާރަށް ދައިގަންނާނޭ. އެންމެހާ ރައްޔިތުން ހުރޭ އިބޫ ދައިގަންނަގޮތް ބަލާން.
އޮޅުވާލުމުގެހައްދު
14 May 2022
ލަންކާއިން ރާއްޖެއަށް ފިލާވަޅު: ނަޝީދުއެކޭ އެއްގޮތަށް ރާޖަޕަކްސާ ވެރިކަމަށް އައީ އިންސާނީ ހައްގުތަކާ ޑިމޮކްރަސީ އާ އިންސާފު ގެންނާނެކަމަށް ބުނެ ދަޅަ ދައްކައިގެން. ވެރިކަމަށް އާދެވުމުން އާއިލާ އާއި ގާތް ރައްޓެހިންގެމެދުގަ ވެރިކަމާއި، ޖުޑީޝަރީއާ، މަތީ މަގާމުތަކާ، މިނިވަން މުއައްސަސާތަކާ، ސަރުކާރު ކުންފުނިތަކާ، ސިވިލް ސާރވިސް މަގާމުކަތާ، ރައްޔިތުންގެ ފައިސާ ބަހާލި. ޖޯޖް އޯވެލް ބުނިހެން އޯލް އެނިމަލްސް އާ އީކުއަލް، ބަޓް ސަމް އެނިމަލްސް އާ މޯ އީކުއަލް
ގުދުގުދުލީބެއްޔާގެ ތެދުބަސް
14 May 2022
އިބޫވެސް މާލަދުންނޫޅޭ ތިމަންނާވެސް ރޭހަށް ނުކުންނާނަމޭ ހަރުއަޑުން އެބަބުނާންޖެހޭ.
އިއްބެ
14 May 2022
ހުސްވެސް އަމިއްލަ އެދުމުން ފޯވެފަ ތިބި މީހުން. ރައްޔިތުންނަށް ހެޔޮއެދޭ މީހަކު އަދި ނުފެނޭ.
ލަކީއަލީ
14 May 2022
މަށަށް އިބޫ އަދި ކުޑަކޮށް ތަފާތުކޮށް ފެންނަނީ، މި ބުނީ ކުރިން ވެރިކަންކުރި މީހުނާ ބަލާފަ އަދި ކުޑަކޮށް ރަނގަޅޭ.