ކޮމިޝަނާ ޖެނެރަލް އޮފް ކަސްޓަމްސް އަބްދުﷲ ޝަރީފް. އޭނާގެ ވާހަކައިގައި ކަސްޓަމްސް އިން ޑުރަގު އެތެރެކުރުން ހުއްޓުވަން ކޮށްފައިވާ މުހިންމު މަސައްކަތްތަކަށް ވަނީ ބައްލަވާލައްވާފަ. ފޮޓޯ: ރައީސް އޮފީސް
19 ޖުލައި 2022 - 15:51
12 comments
ރާއްޖެ އަށް އެތެރެކުރަން މަސައްކަތް ކޮށްފައިވާ 64 ކިލޯގެ މަސްތުވާތަކެތި މި އަހަރުގެ މިހާތަނަށް އަތުލައިގެންފައިވާ ކަމަށް ކޮމިޝަނަރު ޖެނެރަލް އޮފް ކަސްޓަމްސް އަބްދުﷲ ޝަރީފް ރޭ ވިދާޅުވެއްޖެ އެވެ.
އެ އިދާރާގެ އަހަރީ ދުވަސް ފާހަގަ ކުރުމަށް ބޭއްވި ޖަލްސާގައި އޭނާ ވަނީ ރާއްޖެ އަށް މަސްތުވާތަކެތި އެތެރެކުރުން ހުއްޓުވުމަށް ކަސްޓަމްސްއިން ކުރާ މަސައްކަތްތައް ހަރުދަނާ ކޮށްފައިވާ ކަން ފާހަގަ ކުރައްވައިފަ އެވެ. ފާއިތުވި ދެ އަހަރު ރާއްޖެ އަށް އެތެރެ ކުރަން މަސައްކަތް ކޮށްފައިވާ 62 ކިލޯގެ މަސްތުވާތަކެތި އަތުލައިގަނެފައިވާއިރު، މި އަހަރުން ފެށިގެން މި ޖުލައި މަހުގެ މިހާ ހިސާބަށް އެކަނިވެސް 64 ކިލޯގެ މަސްތުވާތަކެތި އަތުލައިގަނެފައިވާ ކަމަށް އަބްދުﷲ ޝަރީފް ވިދާޅުވި އެވެ.
ކޮމިޝަނަރު ވިދާޅުވިގޮތުގައި މަސްތުވާތަކެތި އެތެރެކުރުން ހުއްޓުވާ ޓާސްކްފޯހުގެ ދަށުން 90 އޮފިސަރުން އިތުރަށް ނެގުމަށް ވަނީ ހަމަޖެހިފަ އެވެ. މިހާރު ކުރިއަށް ގެންދަނީ އޭގެ ތެރެއިން 60 އޮފިސަރަކު ވަޒީފާ އަށް ނެރުމުގެ އެންމެ ފަހު މަރުހަލާ ކަމަށް އޭނާ ވިދާޅުވި އެވެ. ބާކީ 30 އޮފިސަރުން އަންނަ އަހަރު ނަގާނެ ކަމަށް ވެސް ވިދާޅުވި އެވެ.
ކޮމިޝަނަރު ވިދާޅުވީ، ރާއްޖޭގެ ސަލާމަތާއި ރައްކާތެރިކަން އިތުރުކޮށް، ހަރުދަނާ ކުރުމަށް ފާއިތުވި ދެ އަހަރު މުހިންމު މަސައްކަތްތަކެއް ކޮށްފައިވާ ކަމަށެވެ. އޭގެ ތެރޭގައި ބޯޑާ ސެކިއުރިޓީ ބެލެހެއްޓުމަށް ކަސްޓަމްސްއާ ގުޅިގެން މަސައްކަތް ކުރާ އިދާރާތަކާ މުއާމަލާތު ކުރަން ގާއިމު ކޮށްފައިވާ ނިޒާމު ހާއްސަ ގޮތެއްގައި ފާހަގަކުރެއްވި އެވެ.
އެއީ ޑަބްލިއުސީއޯގެ އެހީއާއެކު ގާއިމު ކޮށްފައިވާ ގްލޯބަލް ޓްރެވަލް އެސެސްމެންޓް ސިސްޓަމް (ޖިޓާސް) އެވެ. އެ ސިސްޓަމުން ކަސްޓަމްސް އާއި އިމިގްރޭޝަނުންގެ އޮފިސަރުންނާ ގުޅުވައިދެ އެވެ.
ކޮމިޝަނަރު ވިދާޅުވީ، އެ ނިޒާމުގެ ސަބަބުން ޓެރަރިޒަމާއި މަނީ ލޯންޑަރިން އާއި ހިއުމަން ޓްރެފިކިން ފަދަ ކުށްތައް ހުއްޓުވުމަށް ބާރު ލިބިފައިވާ ކަމަށެވެ. އޭނާ ވިދާޅުވިގޮތުގައި، އެއީ މަސްތުވާތަކެތި ހުއްޓުވުމަށް ލިބޭ އިތުރު ކުރިއެރުމެކެވެ.
ކަސްޓަމްސްގެ ރޭގެ ހަފުލާގައި، މަސްތުވާތަކެތި އެތެރެވުން ހުއްޓުވުމަށް "ދޮރުވާން ޑުރަގު ކެމްޕެއިން" ގެ ނަމުގައި ކެމްޕެއިނެއް ފެށި އެވެ.
ކޮމިޝަނަރު ވިދާޅުވީ އެއީ މަސްތުވާތަކެތި އެތެރެވުން ހުއްޓުވުމަށް އެ މުއައްސަސާ އަށް ލިބޭ އިތުރު ހިތްވަރެއް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހަންމަދް ރަޝީދް
20 July 2022
ތިއަތުލައިގަންނަ ތަކެއްޗައް ވާނުވާއިނގޭތޯ ކިހިނެއްތޯ އެތަކެއްޗައް ހައްދަވަނީ؟؟؟؟؟
ކާޓެލްބޮސް
20 July 2022
މިގައުމަށް ތިޔަ އެތެރެކުރާ އެންމެ ފުނުގަ ހުރި ކާޓެލް ބޮސް އެބަޖެހޭ އަތުލަން ޖީލެއް ފަނާވެ މިދަނީ ތިޔަ ވަބާއާއި ހުރެ
ރާއްޖެ
20 July 2022
މަސްތުވާ ތަކެތި ރާއްޖޭގަ މިހާ ތިޔާގި ޒަމާނެއް ވެސް ނާދޭ. އެވާހަކަވެސް ބުނެބަލަ.
ސައިފު
19 July 2022
64 ކިލޯ ކީއްކުރަން 100 ކިލޯ ވިޔަސް، ތި އެތެރެ ކޮށް ވިޔަފާރި ކުރާ މީހުންނަށް ޙައްޤު އަދަބު ނުދެވެންޏާ ކޮބާތޯ ، ތި ކަން ކުރުމުގެ ބޭނުމަކީ ؟
ސުންދުރަ
19 July 2022
އެންމެ ފަހުން ކޮންޓައިނަރަކަށް ލައިގެން އެތެރެ ކުރަން އުޅުނި 4 މިލިއަން ރުފިޔާގެ މަސްތުވާތަކެއްޗާ ބެހޭ ތަފްސީލު ހާމަ ކުރަން ގޮވާލަން. މިކަމުގައި ޝާމިލްވާ ފަރާތް ތަކަކީ ކޮބާތޯ ؟
ގެނދަބުޅި
19 July 2022
އަތލައިގަތެވެ ފުލުހުންގެ އިހުމާލުން އިޖުރާއަތު ފުރިހަމަ ނުވާތީ ޙުކުމާ ހަމައަށް ނުދެވި ބޭރުވީއިރު އިިޖުރާއަތު ފުރިހަމަ ނުކޮށް ތަހުގީގުކުރަން ތިބި މީހުން ޑިމޯޝަނެއް ނުމެދީ ތަމްރީނަށްވެސް ނުފޮނުވާ ގެނދަބުޅި ނުފިލުވާ އަނެއްކާ އެކަން ހަމަ އެގޮތަށް ކިރަން މަގާމުގައި އެބަ ދެމިތިބެއއެވެ
ސައިންޓިސްތު
19 July 2022
މިއުޅެނީ މީހުން ހަައްޔަރު ނުވެގެނެއް ނޫން...މިއުޅެނީ އެމީހުންނަށް ހައްގު އަދަބު ނުދެވިގެން..
ކުޗީ
19 July 2022
ހީހީ ހަލާކު ވެދާނެ. އެހެންވެ ކަންނޭގެ ކޮންމެ ގޯޅި ކަންމަށްޗެއްގަ ވިއްކާ ކުދިން ބަރިބަރިޔަށް ތިބޭ ވިއްކާ ނަގަނީ. މިގައުމަކު މިކަމެއް ނުހުއްޓުވޭނެ. ޕޯޑިޔަމް ތަކަށް އަރާތިބޭ 60 ކިލޯ 70 ކިލޯ ކިޔިދާނެ ކިތަންމެ ވަރަކަށްވެސް.
ޢިންނު
19 July 2022
ދެންކޮބަ އިންސާފު..އިންސާފު ގާއިމުކުރަން އައި ތަކެއްވިޔާ
ދގދސެފ×
19 July 2022
64 ވީމާ މާ މަދޭ.