ފުވައްމުލައް ހޮސްޕިޓަލް: އެކި ދާއިރާތަކުން ހާއްސަ ދިވެހި ޑޮކްޓަރުން ހޯދަން ވަނީ އިއުލާންކޮށްފައި.
15 އޯގަސްޓް 2022 - 10:39
7 comments
ފުވައްމުލަކު ހޮސްޕިޓަލަށް އެކި ދާއިރާތަކުން ހާއްސަ ދިވެހި ޑޮކްޓަރުން ހޯދަން އިއްޔެ އިއުލާންކޮށްފި އެވެ.
އެ ހޮސްޕިޓަލުން ކުރި އިއުލާނުގައި ބުނީ ހަތް ދާއިރާއަކުން އަށް ސްޕެޝަލިސްޓް ދިވެހި ޑޮކްޓަރުން ބޭނުންވާ ކަމަށެވެ. އެއީ ކުޑަކުދިންގެ ހާއްސަ ޑޮކްޓަރަކާއި އަންހެނުންގެ ހާއްސަ ދެ ޑޮކްޓަރުންނާއި ރޭޑިއޮލޮޖިސްޓަކާއި ކަށީގެ ހާއްސަ ޑޮކްޓަރަކާއި އޮޕަރޭޝަން ޑޮކްޓަރަކާއި އެތެރެހަށީގެ ޑޮކްޓަރަކާއި އަދި ހޭނައްތާ ޑޮކްޓަރެއް ކަމަށެވެ.
އެ މަގާމުތަކަށް ޝައުގުވެރިވާ މީހުން އަންނަ ބުރާސްފަތި ދުވަހުގެ ކުރިން ފޯމު ހުށަހެޅުމަށް ވަނީ އެދިފަ އެވެ.
އާ ޑޮކްޓަރުން ހޯދަން އިއުލާންކުރިއިރުގައި، އެ ހޮސްޕިޓަލަށް 50 އެނދުގެ ޖާގަ އިތުރުކޮށް ޓާޝިއަރީ ހޮސްޕިޓަލަކަށް ބަދަލުކުރުމުގެ މަސައްކަތް ވެސް ސަރުކާރުން އަންނަނީ ކުރަމުންނެވެ.
މި އަހަރު މާޗުގައި ރައީސް އިބްރާހިމް މުހައްމަދު ސޯލިހު ދެކުނު ދެ ސިޓީ އަށް ކުރެއްވި ދަތުރުފުޅުގައި ފުވައްމުލަކަށް ވަޑައިގެން ރައްޔިތުންނާ ބައްދަލުކުރައްވާ ވިދާޅުވީ ކުޑަކުދިންނާއި އަންހެނުންގެ ބަލިތަކަށް އެ ހޮސްޕިޓަލް ހާއްސަކުރަން ސަރުކާރުން ނިންމާފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު
15 August 2022
ޑޮކްޓަރުކަން ކިޔަވައިގެން ތިބި ފޯއްމުލަކު މީހުން ބޭނުން ވަނީ މާލޭގަ ދިރިއުޅެން. މާލެއިން ގޯއްޗެއް ލިބެން.. ރަށް ކުރިއެރުވުމަކީ ރަށުގާ ތިބި މީހުންގެ ކަމެކޭ ބުނަނީ...
ޙިނި
15 August 2022
ޑޮކްޓަރުކަން ކިޔެވެނީ އިންޑިޔާއިން ނޫނީ އޮސްޓުރޭލިޔާ އިން ސްކޮލާޝިޕެ ދިނިއްޔާ. ކައުސިލުތަކުން ނިކަން އަހަރަކު 1 ސްކޮލާޝިޕް ދީބަލަ އޭރުން ދިވެހިޑޮކްޓަރުން ލިބޭނޭ
އޮނަރަބްލް އަފީފު ދީދީ
15 August 2022
ތިޔަ އިސްނެންގެވުމަށް ވަރަށްބޮޑަށްތާއީދުކޮށް ޤއ ގައި ބުނެ އަމުރުކޮށްފައިވާ "ލާމަރުކަޒީބާރުވެރިކަން ލިބިގަތުމަށް ގަދައަޅާ މަސައްކަތްކުރުމުގައި" ފަސްނުޖެހި ދެމިތިބުމަށްއެދެން. # ސިޓީކައުންސިލް އަދި ހޮސްޕިޓަލް ބަޖޭޓްގެތެރެއިން ހޭދަކޮށްގެންކަމުގައިވިޔަސް ސްޕަރ ސްޕެޝަލިސްޓުން (ދިވެހިން ލިބޭތޯ ބެލުމަކީ އެޑްވާންޓޭޖެއް) ގެޓީމެއްގެ އެހީތެރިކަން ހޮސްޕިޓަލަށްއަންނަ ބަލިމީހުނަށް "މެދުކެޑުމެއްނެތި" ލިބޭނެގޮތްހައްދަވާ ތަނާއިމެދު ޔަޤީންކަން އިތުރު ކުރައްވާ.
ޑޮކްޓަރމީހާ
15 August 2022
ޑޮކްޓަރުކަމުގެ ރޮނގުން ކުރިޔަށްދާން ބޭނުންވާ ތަޖުރިބާ ހާސިލުކުރަން ބޭނުންވާ ޑޮކްޓަރުން ރަށްރަށުގެ ހޮސްޕިޓަލްތަކަން ނުދާނެ.
އަހް
15 August 2022
ޑޮކްޓަރުން މީ ގަހުގަ އަޅާ އެއްޗެއްބާ އިއުލާން ކޮއްލާއިރަށް ލިބެން. މިހާރު ގިނަ ދިވެހި ޑޮކްޓަރުން ބޭނުން ވަނީ ރަގަޅު މުސާރައާއި ޢިނާޔަތްތައް ލިބޭ ޔޫކޭ ނޫނީ ޔޫއެސް އަށް ދާން. ދިވެހި މޮޅު ޑޮކްޓަރުން ވެސް ދެން މިގައުމަށް ނާންނާނެ. މިހާރު ތިބި ޑޮކްޓަރުން ވެސް ދަނީ މަޑުމަޑުން.
ބިގަރު ކައުންސިލްގެ އިދާރާއިން ސައުދު އަލީ
15 August 2022
ގދ.ހަވަރު ތިނަދޫ ހޮސްޕިޓަލަށއ ބޭނުންވަނީ ބަންގާޅު ވަލުތެރެއިން ހޮވައިގެން ގެންނަ ބަންގާޅީ ޑަކްޓަރުން. ކިތެންމެ މޮޅަށް ކިޔަވައިގެން އަޔަސް ދިވެއްސަކަށް ހަވަރު ތިނަދޫ ހޮސްޕިޓަލުގައި ކެެތްވިޔަކަ ނުދޭނެ. އެވަރުންވެސް ހަވަރު ތިނަދޫ މީހުން އެއުޅެެނީ އެތަން ޓާޝަރީކޮއް ހަވަރު ކަނޑާފަ ސިޓީ ތިނަދަު ކިޔޭތޯ ހަވަރު ތިނަދޫ މީހުން މިއުޅޭގޮތަކުން ބޮއެހަލަކު
އެމްސް
15 August 2022
އަހަރަކު ކިތައް ޑޮކްޓަރުން ތަމްރީނުވޭބާ؟ މާލެއަށް ބެއްޔަސް ބޭރު ޑޮކްޓަރުން ވަރަށް ގިނަ! އެހެނަސް ރީޓެއިލް/ސޭލްސް ދާއިރާ އަށް ބޭނުންވާ ވަރަށް ސްކޫލް ކުދިންވެސް ލިބޭނެ! އެކަމަކު މިދާއިރާގަ %90 އަށްވުރެ ގިނައީ ފޯނާ ކުޅެން ތިބޭ ބޮންދުން!