އައިޖީއެމްއެޗް: މިއަހަރުގެ ޖުލައި މަހާއި އޮގަސްޓް މަހުގައި އާދަޔާ ހިލާފަށް ރޯގާ އިތުރުވި-- ފޮޓޯ: ފަޔާޒް މޫސާ | މިހާރު
11 ސެޕްޓެމްބަރ 2022 - 11:04
6 comments
މިދިޔަ އަހަރާ އަޅާބަލާއިރު މި އަހަރު އަރިދަފުސް ރޯގާ ފެތުރެމުންދާ ވަރު ވަރަށް ބޮޑަށް އިތުރުވެ، މިދިޔަ މަހު އެކަނިވެސް 25،700 އަށް ވުރެ ގިނަ މީހަކަށް ރޯގާ ޖެހުނު ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ ތަފާސްހިސާބުތަކުން ދައްކައިފި އެވެ.
އެ އިދާރާ އިން އާންމުކުރި މައުލޫމާތުތަކުން އެނގޭ ގޮތުގައި މި އަހަރުގެ ޖުލައި މަހު 27،553 މީހަކަށް ރޯޯގާ ޖެހުނެވެ. އޭގެ ކުރީ އަހަރުގެ އެ މުއްދަތުގައި ރޯގާ ޖެހިގެން ރިޕޯޓްކުރީ 3،088 މީހެކެވެ. މިދިޔަ އަހަރުގެ އޮގަސްޓް މަހުގައި ރޯގާ ޖެހުނީ 16،222 މީހަކަށް ނަމަވެސް މި އަހަރު އެ އަދަދު ދެ ގުނަ އަށް ވަނީ އިތުރުވެފަ އެވެ. އެއީ 25،713 މީހެކެވެ.
ރޯގާ އިތުރުވި ކަމަށް އެޗްޕީއޭގެ ތަފާސްހިސާބުތަކުން ދެއްކިއިރު، މިދިޔަ މަހު ހޮސްޕިޓަލުތަކާއި ކްލިނިކުތަކަށް ވެސް ވަރަށް ބޮޑަށް ބާރުބޮޑުވި އެވެ. އެ ދުވަސްވަރު ފެތުރުނީ އެހެން ރޯގާތަކާ މުޅިން ތަފާތު ރޯގާއެއް ކަމަށާއި މީހާ އަށް ވަރަށް ބޮޑުވަރުކޮށްލި ރޯގާއެއްގެ ގޮތުގައި ބައެއް މީހުން ސިފަކުރެ އެވެ. އެކަމަކު އެހެން ދުވަސްވަރު ފެތުރޭ ރޯގާއާ ވަކި ތަފާތެއް ހުރި ކަމަށް އެޗްޕީއޭއަކުން ނުބުނެ އެވެ.
ރޯގާގެ އިތުރުން މި އަހަރުގެ ޖުލައި މަހާއި އޮގަސްޓް މަހު ވަނީ ޑެންގޫ ހުން ވެސް ވަރަށް ބޮޑަށް އިތުވެފަ އެވެ. ޖުލައި މަހު 322 އަދި އޮގަސްޓްގައި 268 މީހަކަށް ޑެންގޫ ޖެހިފައިވާ ކަމަށް އެޗްޕީއޭ އިން ބުނެ އެވެ. ނަމަވެސް މިދިޔަ އަހަރުގެ ޖުލައިގައި 21 މީހަކަށް އަދި އޮގަސްޓްގައި ޑެންގޫ ޖެހުނީ 9 މީހަކަށެވެ.
ބޭރަށް ހިންގުން ވެސް ޖުލައި މަހާއި އޮގަސްޓް މަހު ވަނީ އިތުރުވެފަ އެވެ. އެކަމަކު ފާނަބަސަންދާއި ލޮލުގެ ރޯގާ ފަދަ ބަލިތައް އާންމުކޮށް އުޅޭ ވަރަށް ވުރެ މި ފަހަރު އިތުރު ނުވާ ކަމަށް އެޗްޕީއޭ އިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޒީމު
11 September 2022
އައިޖީއެމްއެޗަށް ޖުލައި މަހާއި އޮގަސްޓްމަސް އައި މިއަހަރު އެކަނިތަ. މިދިޔައަހަރުވެސް އެދުވަސްވަރާ ދިމާކޮށް ބަލިމަޑުކަން ބޮޑުތަނުން އިތުރުވި. ޓީވިންގޮވި. ރޭޑިއޯއިން ބުނި. ކޮންމެ އަހަރަކުވެސް އައިޖީއެމްއެޗް އޮންނަނީ ނިދާފަ. އެދުވަސްވަރަކަށް ތައްޔާރީއެއްނުވޭ. އެކްސްޓްރާ ކްލިނިކުތަކެއް ނުހިންގާ.
ޕެނެޑޯލް
11 September 2022
އެންމެ މުހިންމު ތަފާސް ހިސާބު ނުނެރޭ. ޑޮކްޓަރުންނާ ނަރުހުން ސަލާން ބުނާ އަދަދުގެ ތަފާސް ހިސާބު ނެރުނުނަމަ ތަނުގެ ހާލަތު އެގޭނީ. އެތަން ޖެހެނީ ރަގަޅު ހިންގުންތެރިއަކާ ހަވާލުކުރަން. އެތަނުގެ ސާޖިކަލް ޑިޕާޓްމަންޓް އޮތި ބޮއްސުންލާފަ. އެންމެ ކަމުނުދާ ޑިޕާޓްމަންޓް!
ނަގިއްޔާ
11 September 2022
އައިޖީއެމްއެޗް މިވްސް ބޮޑު އަރަތެއް. މިތަން ރަގަޅެއްނުކުރެވުނު. ދޭތެރެއަކުން މިހާރު ޚިދުމަތް ވަރަށް އަވަސްވާނެ ޑޮކްޓަރަށް ފަސޭހައިން ދެއްކޭނެއޭ ބުނާއިރު މިއުޅެނީ އެތަނުން އަންނަމަހަވެސް ނަންބަރެއް ނުލިބިގެން. ބައެއް ޑޮކްޓަރުން ވަރަށް ރޫޑް. ހީވަނީ އަހަރުމެން އެމީހުންއަތުން އެއްޗެއް ގަދަކަމުން ހޯދަން އުޅޭހެން. ވާހަކަ ދެއްކުމުގައި އެމްޕަތީގެ ކަންފުޅެއްވެސް ނުހުރޭ. ކޮލިޓީކޮންޓްރޯލް ޑިޕާޓްމަންޓެއް އޮވޭއެބުނޭ، އެމީހުން ކުރަނީ ކީއްކަމެއްވެސް....
ގައުމެއްނެތް
11 September 2022
އައިޖީއެމްއެޗްގެ ހާލަތުގެ ވާހަކަ ދައްކަން އަހަރުމެން ބޭނުމެއްނުން. އެގޭ ކޮންމެ އަހަރެއްގެ ޖުލައި އޮގަސްޓްގަ ވިއްސާރައާ އެކު ތަފާތު ގައިންގައަށް އަރާ ބަލިއިތުރުވޭކަން ޚާއްސަކޮށް ޑެންގޫ އާއި ފުލޫ. އެކަމަކު އެމީހުން ތިބީ އެއްވެސް ތައްޔާރީއެއްނުވެ، އެންމެ ކުޑަމިނުން ފުލޫ ކުލިނިކުގަޑެއްވެސް ނަހަދާ. އިމާޖެންސީގަ މީހުންބަލަން ފަސްކޮޓަރި ހުއްްޓަސް ދެތިން ކޮޓަރިންބަލަނީ ބަލިމީހުން ގިނަވެގެން ބައެއްމީހުން 4، 5 ގަޑިވާއިރުވެސް ނުބެލޭ. މީތަންކޮޅެއް ބޮޑުވަރުދޯ
ރަދީފު ބިން ރަފައިދާ
11 September 2022
ރައްޔިތުން މާބޮޑަށް ތޮށްޖެހުނީމާ މިހެންނުވެނުދާނެ.
ހިޔާލީ އަލީ
11 September 2022
ވީހާވެސް ބޮޑަށް ހޮސްޕިޓަލް ތަކަށް ނުގޮސް ގޭގައިވެސް ކޮށްލެވޭނެ ފަދަ ހާބަލް ފަރުވާއިން އާދައިގެ ކުދިކުދި ރޯގާއިން ސަލާމަތް ވެވިދާނެ