ޝިއާއު މަރާލި މައްސަލާގައި ދައުވާލިބޭ ސާހިލް: އޭނާއަށް ދައުލަތުން ވަކީލަކު ހަމަޖައްސަން ކޯޓުން މިއަދު ވަނީ ފުރުސަތު ދީފައި --- ފޮޓޯ/ސޯޝަލް މީޑިއާ
22 ޖެނުއަރީ 2023 - 13:56
5 comments
މިދިޔަ އަހަރު މާލޭގެ ގެއެއްގެ ތެރޭގައި އަނިޔާވެރިކޮށް އަންހެނަކު މަރާލި މައްސަލާގެ ދައުވާ ލިބޭ ސާހިލް އަލީ އަށް ދައުލަތުގެ ހަރަދުގައި ވަކީލަކު ހަމަޖައްސަން ކްރިމިނަލް ކޯޓުން މިއަދު ފުރުސަތު ދީފި އެވެ.
މިދިޔަ އަހަރުގެ އޮގަސްޓް މަހު މާލޭގެ ގެއެއްގެ ތެރޭގައި، ފުވައްމުލަކަށް އުފަން ޝިއާއު މުހައްމަދު ސައީދު މަރާލުމަށް ފަހު އޭނާގެ ހަށިގަނޑަށް ބޮޑެތި ގެއްލުންތަކެއް ދިން މައްސަލާގައި ފ. ނިލަންދޫ ފިނިފެންމާގޭ ސާހިލްގެ މައްޗަށް ކުރާ ދައުވާގެ ޝަރީއަތް ކުރިއަށް ގެންދަނީ ސިއްރުކޮށްގެންނެވެ.
ޕްރޮސެކިއުޓާ ޖެނެރަލްގެ އޮފީހުން ބުނީ މިއަދު ހެނދުނު ބޭއްވި އެ މައްސަލާގެ ފުރަތަމަ އަޑުއެހުމުގައި، ދައުލަތުގެ ހަރަދުގައި ސާހިލަށް ވަކީލަކު ހަމަޖައްސަން ކޯޓުން ފުރުސަތު ދީފައިވާ ކަމަށެވެ.
ގާނޫނު އަސާސީ ބުނާގޮތުން ޖިނާއީ ބޮޑެތި މައްސަލަތަކުގައި އަމިއްލަ އަށް ވަކީލަކު ހޯދޭ ފަދަ ތަނަވަސްކަން ނެތް މީހުންނަށް ދައުލަތުގެ ހަރަދުގައި ވަކީލުން ހަމަޖައްސައިދޭން ޖެހޭނެ އެވެ. މާލީ ތަނަވަސްކަން ހުރިތޯ ބަލަނީ އެޓާނީ ޖެނެރަލްގެ އޮފީހުން ކަނޑައަޅާފައި އޮންނަ އުސޫލެއްގެ ދަށުންނެވެ.
ސާހިލްގެ މައްޗަށް ތޫނު އެއްޗެއް ބޭނުންކޮށްގެން މީހަކު މެރުމުގެ ދައުވާ އާއި އޮރިޔާން ކާޑު ގެންގުޅުމުގެ ދައުވާ އާއި ކެނަބިސް ބޭނުން ކުރުމުގެ ދައުވާގެ އިތުރުން އިތުރު ދެ ދައުވާއެއް ވެސް ކުރެ އެވެ. އެކަމަކު ބާކީ އޮތް ދެ ދައުވާގެ މައުލޫމާތު ވެސް ދައުލަތުން ވަނީ ސިއްރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރިޝްވަތުގެ ފައިސާ އިން ޑްރަގްސްއައް ދޮރު ހުޅުވަނީ!
23 January 2023
މުޖުތަމައު ފެއިލްވީމަ މިހެންވަނީ. މިހާރު ދިވެހިން އެކައްޗެކޭވެސް ހިތައްނާރާ، ރިޝްވަތު ނަގާއިރު. 20،000 މުސާރަ ނުލިބޭމީހުން 6 މިލިއަން ރުފިޔާގެ ގެ އެގަންނަނީ! ފޫގޮސްގެން ބޯޑަރ ކޮންޓްރޯލް ތެރެއިން ޑްރަގްސް ކިލޯކިލޯއިން ގެއްލެނީ. ޒުވާނުން ޑްރަގްސް ނަގައިގެން ކުރެވޭނުކުރެވޭ ނޭގޭ ބައިވަރު. ސަރުކާރުގެ ކޯޅެނީ ބޭކާރު ކަންކަމުގާ! ކާކައްތޯ ގިނަވަގުތު ނިދަންއޮވެވެނީ! ދިވެހިން މިގައުމު ހަލާކު މިކުރަނީ! އެކަކުކޮށާލީ، އަނެކަކު އަދަބަކުން މަރުގެ ހުކުމް.
މުނާލް
22 January 2023
ދައުލަތުން ތިޔަ ހުރިހާ ދައުވާއެއް ސިއްރުކުރާއިރު ނޫސްވެރިންވެސް އެވާހަކަ ނުދައްކާ ސިއްރުކުރަންވެއްޖެ އެއްނު؟
1828
22 January 2023
ސިއްރުކުރުމަކީ ގޯހެއް. ޝަރިއަތްތައް ގެންދަން އަންގަވާފައިވަނީ ވީހާވެސް ދެފުށް ފެންނަ ގޮތަށް.
ކިމް
22 January 2023
ތިވަރަށްވެސް ނުބުނޭ ހެޔޮނުވަަނެ. ބޮޑު ސިއްރެއްނު ތީ…ޝްޝްޝްޝް
1828
22 January 2023
ތިހުރިހާ ކަމެއް ދައުލަތުގެ ޚަރަދުގައި ކުރިޔަސް މައްސަލައެއް ނެތް. އެކަމަކު ޝަރިއަތް ސިއްރުކޮށްގެންނުވާނެ މިއީ މިވީތަނަށް ރާއްޖޭގައި އެންމެ ރަހުމްކުޑަކޮށް ހިންގާގައިވާ ޤަތުލު. ލައިވް ކުރަންވީ މިފަދަ ޝަރިއަތްތައް. ސިޔާސީ ބޭނުމަށް އަދި ސިޔާސީ މަޤުސަދެއް ހާސިލްކުރުމަށް ހިންގާ ޝަރިއަތްތަކެއްނޫން ލައިވްކުރަންވީކީ.