ގުޅިފަޅުގެ ފުރަތަމަ ފިޔަވަހި ހިއްކުމުގެ މަސައްކަތް ކުރަނީ: ދެވަނަ ފިޔަވަހި ހިއްކުމުގެ މަސައްކަތް ފަށަން އަންނަނީ ތައްޔާރުވަމުން.
31 ޖެނުއަރީ 2023 - 10:57
26 comments
ގުޅިފަޅުގެ ދެވަނަ ފިޔަވަހި ހިއްކުމަށް ގާތްގަނޑަކަށް ދެ ބިލިއަން ރުފިޔާ ހަރަދުވާނެ ކަމަށް އެ މަސައްކަތް ހަވާލުކޮށްފައިވާ ނެދަލޭންޑްސްގެ ބޮސްކާލިސް ކުންފުނިން އިއްޔެ ބުނެފި އެވެ. ނަމަވެސް އަމަލީ މަސައްކަތް ފަށާނެ ތާރީހެއް އަދި ނުބުނެ އެވެ.
ބޮސްކާލިސް އިން އިއްޔެ ނެރުނު ނޫސްބަޔާނެއްގައި ބުނީ، ޕްލޭނިން މިނިސްޓްރީން އެ ކުންފުންޏާ ހަވާލުކޮށްފައިވާ އެ މަޝްރޫއަށް 120 މިލިއަން ޔޫރޯ (ދެ ބިލިއަން ރުފިޔާ) ހަރަދުވާނެ ކަމަށް އަންދާޒާކުރެވޭ ކަމަށެވެ.
ގުޅިފަޅުގެ ދެވަނަ ފިޔަވަހި ހާއްސަ ކުރަނީ ސަރުކާރުން އެ ތަނުގައި ހަދާ ސަރަހައްދީ ބަނދަރު ނުވަތަ ޕޯޓްގެ މަސައްކަތަށެވެ. އެ މަޝްރޫއާއެކު، މިހާރު މާލޭގެ އުތުރު ފަރާތުގައި ހިންގަމުން އަންނަ ވިޔަފާރި ބަނދަރުގެ ހުރިހާ ހިދުމަތެއް ގުޅިފަޅަށް ބަދަލުކުރާނެ އެވެ.
މާލޭގެ ޕޯޓު ބަދަލުކުރުމުގެ މަސައްކަތަށް، ގުޅިފަޅުގެ ބޮޑު ސަރަހައްދެއް ހިއްކަން ބިޑަކާ ނުލައި ބޮސްކާލިސްއާ ހަވާލުކުރީ އޮކްޓޯބަރު 17، 2019 ގަ އެވެ. އެކަމަކު އެ މަޝްރޫއުގެ އަމަލީ މަސައްކަތް އަދިވެސް އޮތީ ނުފެށި އެވެ.
ގުޅިފަޅު ހިއްކުމަށް ސަރުކާރުން ވަނީ ތިން ބޭންކަކުން 101 މިލިއަން ޑޮލަރު (1.6 ބިލިއަން ރުފިޔާ) ގެ ލޯނެއް ވެސް ނަގައިފަ އެވެ. އެއީ ޔޫރަޕިއަން އެކްސްޕޯޓް ޓްރޭޑް ބޭންކާއި ނެދަލޭންޑްސްގެ އޭބީއެން އެމްރޯ ބޭންކާއި އައިއެންޖީ ބޭންކުންނެވެ.
ބޮސްކާލިސްއަކީ 2010 ވަނަ އަހަރު ގުޅިފަޅުގެ ފުރަތަމަ ފިޔަވަހި ވެސް ހިއްކި ކުންފުންޏެވެ. ބިން ހިއްކުމާއި ކަނޑުފަޅުގައި ގާއިމުކުރާ އެކި ބާވަތުގެ އުމްރާނީ ވަސީލަތް ދުނިޔޭގެ ފެންވަރުގައި ކުރަމުން އަންނަ ބޮސްކާލިސް އިން މީގެ ކުރިން ރާއްޖޭގައި ތަރައްގީގެ އެކި މަޝްރޫއުތަކުގެ މަސައްކަތްތައް ކޮށްފައި ވެ އެވެ.
އެ ކުންފުނިން ވަނީ 2019 ވަނަ އަހަރު ގުޅިފަޅުގެ ގޮނޑުދޮށް ހިމާޔަތްކުރުމުގެ މަޝްރޫއެއް ވެސް ހިންގައިފަ އެވެ. މި ސަރުކާރުން ހަދަމުން އަންނަ ތިލަމާލެ ބްރިޖު ގުޅިފަޅާ ގުޅުވާލުމަށް ބޭނުންވާ ސަރަހައްދު ވެސް އެ ކުންފުނިން ވަނީ ހިއްކައިފަ އެވެ.
ގުޅިފަޅުގެ ދެވަނަ ފިޔަވަހި ހިއްކަން ފެށުމުގެ ކުރިން ހަދަން ޖެހޭ އީއައިއޭ ވެސް ހަދާފައިވާ ކަމަށް ބޮސްކާލިސްގެ ބަޔާނުގައި ބުންޏެވެ. އެ މަޝްރޫއުގެ ސަބަބުން ތިމާވެއްޓަށް ލިބޭ ގެއްލުން ކުޑަކުރުމުގެ ގޮތުން އެކި ކަންކަން ކުރަން ރާވާފައިވާ ކަމަށް ވެސް ބޮސްކާލިސް އިން ބުންޏެވެ.
ގުޅިފަޅުގެ ދެވަނަ ފިޔަވަހި ހިއްކުމަށް 18 މިލިއަން ކިއުބިކް މީޓަރުގެ ވެލި އެ ފަޅަށް އަޅާނެ ކަމަށް އެ ކުންފުނިން ބުންޏެވެ. އަދި ހިއްކާ ސަރަހައްދު ވަށައިގެން ބޮޑުހިލައިގެ ރިވެޓްމަންޓް ޖަހާނެ އެވެ. އެކަމަކު އެ މަޝްރޫއުގެ ދަށުން ހިއްކަނީ ކިހާ ސަރަހައްދެއް ކަމެއް ސާފުވާ ގޮތެއް ނުވި އެވެ.
ގުޅިފަޅު އަލުން ހިއްކުމުގެ މަސައްކަތް ފަށަން ތައްޔާރުވާއިރު، އެކި މަޝްރޫއުތައް ހިންގުމަށް ތިލަފުއްޓާއި ގިރާވަރުފަޅު ހިއްކަން ވެސް ސަރުކާރުން ވަނީ ބަޔަކާ ހަވާލުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
31 January 2023
މިސަރުކާރުގެ ކޮންމެ އަހަރަކު ގުޅީފަޅު ހިއްކާ ޕޯޓް ބަދަލުކުރާނެ، ލ.ގަމުގައި ކެންސަރު ހޮސްޕިޓަލް އަޅާނެ، ބްރިޖް އަޅާނެ، 7 ރަށެއްގައި ޓާޝިއަރީ ހޮސްޕިޓަލް އަޅާނެ، ކޫއްޑޫ ވިލިގިލި ބްރިޖް އަޅާނެ، 4000 ފްލެޓް އަޅާނެ، ފްލޯޓިންގ ސިޓީވެސް ކޮންމެ ރޯދަ މަހަކަށް ނިމޭނެ، ޕިކްނިކް އައިލެންޑް ކޮންމެ 100 ދުވަހަކުން ނިމޭނެ
ބޮޑުމީހާ
31 January 2023
ތި 2 ބިލިއަން ރުފިޔާއަށް މިރާއްޖޭގަ ހުރި ބޮޑެތި ރަށްތައް މިސާލަކަށް ލ.ގަން ފަދަ ރަށްތަކުގައި ބަދަރު ހަދައި އެންމެ ކުރިއަރާފައިވާ ސިޓީއަކަށް ހެދިދާނެ. އެކަމަކުވެސް މާލޭގެ ކަނޑުފަޅަށް ދިވެހި ދައުލަތުގެ ފައިސާ ކޮންމެ ވެރިޔަކުވެސް އޮއްސާ ރާއްޖެ އެންމެން މިތަނަށް ޖަމާކުރަންވާނެ. ހީވަނީ މިރާއްޖޭގެ ހިކިފަސްތަނަކަށް އޮތީ މިތަން އެކަނިހެން
އެމްސް
31 January 2023
ކަނޑަށް ފައިސާ އަޅާފަ ބަހައްޓާ، ކޮންމެވެސް ބަޔަކު މުއްސަނދިވާނެ!
ޙަބީބު.
31 January 2023
އިބޫދެވަނަ ދައުރެއް ކަށަވަރު ކޮއްފި މާލެއުފަން މާލެ ހުރިހާ ރައްޔިތުންނައް ގޯތިދެއްވާ ހިޔާފުލެޓުގަ ތިބި މާލެއުފަން މާލެ ރައްޔިތުންނައް ގޯތިދެއްވާ އެއީ ވަރައް ނިކަމެތި ހާލެއްގަ ޖައްސާފަތިބި ބައެއް
ޥހޖގޖ
31 January 2023
ހޫން ހުޅުމާލެއަށް ހެދިހެން ދިވެހިރައްޔިތުން ގެ ޓެކްސް ފައިސާއިން ބިލިއަނުން ޓްރިލިއަނުން ހަރަދުކޮށް މާލެ މީހުންނަށް ހިލޭ ގޯތިކެނޑީމައެވީ.
ބަދަރު ދެޔޯ
31 January 2023
މާލޭގެ ބަދަރު ތިލަފުށީގަ ހަދަން ނިންމިނަމަ 2ބިލިއަނުން ހިއްކުމާ ބަދަރު ހެދުމާ ބޭނުންވާ އިކުއިޕްމަންޓް ހޯދުމާ މީހުން ތަމްރީނު ކުރުމާ މާލޭގެ ބަދަރު އޮތް ސަރަހައްދު ތަރައްގީ ކުރުމާ އެކު ނިންމޭނެ.... ގުޅިފަޅުގަ މާލޭގެ ބަދަރު ހެދުމަކީ ވަރަށް އިސްރާފު ބޮޑު ކޮށް ކުރެވޭކަމެއް... ކުރަން ހެޔޮނުވާނެވަރުގެ ކަމެއް ތެދައްބުނަންޔާ... ރާއްޖޭގެ އިންޓަރނޭޝަނަލް ބަދަރުތައް ހަދާނެ ތަންތަނާ ފެންވަރާ ބެހޭގޮތުން ބޮޑު ވިސްނުމަކުން ވިސްނައިގެން ކުރަންޖެހޭކަމެއް ތީ....
ވެބޫ
31 January 2023
ދަރަންޏެއް އޮތިއްޔާ ނެގާފަ ޖީބައް އެޅޭތޯ ބަލާތި ވަގުތެއް ނެތް މި ކުޑަ ދުވަސްކޮޅު ފުރިއެއްޗެއް ފުރޭނީ
އުދުހޭ
31 January 2023
ކަނޑަށް ފައިސާ ނާޅާށޭ. ހުޅުމާލޭގައި މީހަކު ހިއްކާފައޮތް ބިން ފެނި ހަސަދަވެރިވިޔަސް ތިޔައީ ބޮޑުވަރޭ. ހުޅުމާލޭގެ ޕްލޭނާ އެއްގޮތަށް ފްލެޓް އެޅުން ހުއްޓޭނެގޮތަކީ ބިން ހިލޭ ބަހާލައި ފްލެޓް އަޅާނެ ބިމެއް ނޯންނަގޮތަށް ހެދުންކަން އެބަ އެނގެޔޭ. އެހެން ނުކުރާށޭ.
ސަކީނާއްތަ
31 January 2023
ފުން ވިލެއް ހިއްކަން ފައިސާ އިސްރާފު ތިޔަކުރަނީ މުޅި ދުނިޔެ ރިސެޝަނެއްގެ ވިލާގަނޑައެއްގަ ދަށުވެ އޮވެ.. މައި އެއަރޕޯޓު ޓާމިނަލް ނިނަމާ ހުޅުވާ އިގްތިސާދު ދުޅަހެޔޮކުރުން ދަރުމަހުރި
ޖުލައި2021
31 January 2023
ހުރިހަ ދިވެހިންހެ ބޮލުގަ މިބޮޑި ދަރަނި އަޅުވާފަ މާލޭމީހުންނަށް ހިލޭ ގޯތި ބަހާލުމަކޯ ހާދަހާ ބޮޑު ޖަރީމާއެކޭ. މާލޭސަރަހައްދުގަ ދިރިއުޅޭ ހުރިހާ ދިވެހިރައްޔިތުންނަށް ހަމަހަމަ އުސޫލަކުން ނޫނީ ބިންދިނުމަކީ ބޮޑުކަރަޕަޝަން. ދައުލަތުގެ މާލިއްޔާ ހިތުހުރި މީހަކަށް ބަހާލުން