ފައިހް.
22 މާޗް 2023 - 21:17
ގްރޫޕް ހަދައިގެން މާރަމާރީ ހިންގުމަށް ފަހު މަހެއް ވަންދެން ފިލައިގެން އުޅެފައި އަމިއްލައަށް ފުލުހާ ހަވާލުވި އިބްރާހިމް ފައިހް ނިޒާމްގެ ބަންދަށް 30 ދުވަސް ދީފި އެވެ.
ތޫނު ހަތިޔާރު ބޭނުންކޮށްގެން މާރާމާރީ ހިންގި މައްސަލައަކާ ގުޅިގެން ސ. މަރަދޫފޭދޫ، ރަށްދެބައިގެ ފައިހް، 25، ހޯދަން އިއުލާނުކުރީ މިދިޔަ މަހުގެ 15 ގަ އެވެ. ނަމަވެސް، އޭނާ ހޯދަން އޮޕަރޭޝަނެއް ހިންގި ފަހުން ރޭ ވަނީ އަމިއްލައަށް ފުލުހަށް ހާޒިރުވެފަ އެވެ. އެހެންވެ، އޭނާ ވަނީ ހައްޔަރުކޮށްފަ އެވެ.
ފުލުހުންގެ މީޑިއާ އޮފިޝަލަކު ވިދާޅުވީ ފައިހްގެ ބަންދާ މެދު ގޮތެއް ނިންމަން ކްރިމިނަލް ކޯޓަށް ހާޒިރުކުރުމުން 30 ދުވަހުގެ މުއްދަތެއް ދީފައިވާ ކަމަށެވެ.
ފައިހް ފޮރުވައިގެން ގެންގުޅުމުގެ ތުހުމަތު، ގްރޫޕެއްގެ އިސް ބަޔަކަށް ވެސް ކުރެ އެވެ.
އެ މައްސަލާގައި ފުލުހުން ވަނީ ފަސް މީހަކު ހައްޔަރު ކޮށްފަ އެވެ. އޭގެތެރެއިން ތިން މީހުންގެ ބަންދުގެ މުއްދަތު ކޯޓުން އިތުރުކޮށްފައިވާ އިރު ދެ މީހަކު ވަނީ ދޫކޮށްލައިފަ އެވެ. ފައިހް ހޯދަން އިއުލާންކުރީ މިދިޔަ ޖެނުއަރީ، 14 ވަނަ ރޭގެ ދަންވަރު މާލޭގެ ކެފޭއަކަށް ވަދެ މީހަކު ޒަހަމުކޮށްލި ކަމަށް އޭނާގެ މައްޗަށް ތުހުމަތު ކުރެވޭތީ އެވެ.
Copyright © 2023 Mihaaru · Terms and Conditions · Privacy Policy
ކޮމެންޓްތައް
އަހަންމަ
23 March 2023
ފުލުހުން ހޯދަންނޫޅޭތީ ނުފެންނަނީ.. ބޮންގޮއްވި މީހުން ހޯދިގޮތައް ކީއްވެ ތިޔަ މުޖުރިމު ނުހޯދެންވީ.. ނިކަމެތި މީހެއްގެ ކަމެއްވީމަ ވާނެގޮތް..
އަބްޑޫޅް
23 March 2023
ފައިހު؟ އައްދޭ ހާދަ ރީތި ނަމެކޭ!
އޮނަރަބްލް އަފީފު ދީދީ
23 March 2023
ނަމާއި ބުރުސޫރަ ކިތަންމެ ރީތިވެފައި ބޭރުފުށަށް "ފިރިހެންވަންތަކަން" ފެންނާން ހުރި ކަމުގައިވިޔަސް މިފަދަ ދައްޖާލު ޖަނަވާރުން ނުވަތަ ޤާތިލުންނަށް ހިތްވަރު ލިބޭފަދަ ހަމަ އެއްވެސް އަމަލެއް ބަހެއް ބުނުމަކީ އަހަރުމެން "ފޮތަކާއި ގޮތެއްގެ މަތީގައި ތިބި" މުސްލިމުންގެ މައްޗަށް ހުއްދަ ކަމެއްނޫން އިގޭތޯ.
ގާތިލާ
23 March 2023
ކޮބަޔޯ މާނަޔަކީ
ހަސަނު
24 March 2023
ފައިކަޅޭ މާނައަކީ..