އައިޖީއެމްއެޗަށް ޑޮކްޓަރަށް ދެއްކުމަށް ގޮސް ތިބި ބައެއް-- ފައިލް ފޮޓޯ: މިހާރު
21 މެއި 2023 - 21:21
6 comments
އައިޖީއެމްއެޗްގެ ބޮޑު ބަޔަކުން މިރޭ ދެ ފަހަރަށް ކަރަންޓު ކެނޑިއްޖެ އެވެ.
އެ ހޮސްޕިޓަލުގައި ހުރި މީހަކު "މިހާރު" އަށް ބުނީ އެންމެ ފުރަތަމަ ކަރަންޓު ކެނޑުނީ 8:35 ހާއިރު ކަމަށެވެ. ކަރަންޓު ދިއުމުން ވަގުތުން އިމަޖެންސީ ލައިޓު ޖެއްސި އެވެ. އޭގެ ކުޑަ ވަގުތުކޮޅެއް ފަހުން އަނެއްކާ ވެސް ހޮސްޕިޓަލްގެ ބޮޑު ބަޔަކުން ކަރަންޓު ކެނޑުނު ކަމަށް އޭނާ ބުންޏެވެ.
ކަރަންޓު ލިބުނު ފަހުން އަނެއްކާ ވެސް، އޯޕީޑީ ވެއިޓިން އޭރިޔާ ހިމެނޭ ހެން އައިޖީއެމްއެޗްގެ ބޮޑު ބަޔަކުން ކަރަންޓު ކެނޑުނެވެ. އެ ފަހަރު ކަރަންޓު ލިބުނީ ގާތްގަނޑަކަށް ފަސް މިނެޓު ފަހުން ކަމަށް އޭނާ ބުންޏެވެ.
މިކަމުގައި އައިޖީއެމްއެޗްގެ ބަހެއް އަދި ނުލިބެ އެވެ. އެހެންވެ، ފަރުވާގައި އިތުރު އެއްވެސް މައްސަލައެއް ދިމާވި ކަމެއް ނުވަތަ ނޫންކަމެއް ކަށަވަރެއް ނުވެ އެވެ.
ހޮސްޕިޓަލްތަކަކީ އެގޮތަށް ކަރަންޓް ކެނޑިއްޖެ ނަމަ ބެކަޕް ސިސްޓަމެއް ގާއިމްކޮށްފައި ހުންނަ ތަންތަނެވެ. އެކަމަކު، އައިޖީއެމްއެޗްގެ ބެކަޕް ޖަނަރޭޓަރުތައް މިރޭ މަސައްކަތް ކުރި ކަމެއް ނުވަތަ ނޫން ކަމެއް އަދި ސާފެއް ނުވެ އެވެ.
ސްޓެލްކޯއިން ބުނީ ޓެކްނިކަލް މައްސަލައެއް ދިމާވެ އައިޖީއެމްއެޗް ހިމެނޭ ސަރަހައްދުން އެއް ފަހަރު ކަރަންޓު ކެނޑުނު ކަމަށެވެ. އެ މައްސަލަ ހައްލުކޮށްފައިވާ ކަމަށް އެ ކުންފުނިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުވައްޒިފުން
22 May 2023
އާތިފާ އާއި އަިސްމާއިލް އައް ބޮޑެތި މަގާމް ތާކާއި ބޮޑުމުސާރަ ދީފަ ބައިތިއްބާ އޭރުން ހުރިހާ ކަމެއް ހައްލުވީ ،
ވެރިން
22 May 2023
ކަމެއް ދިމާވީމަ ވަހަކަދެއްކިދާނެ ، ތަނައް ހައްލެއް ނުލިބެ މުވައްޒިފުން މަދި ބަލަހައްޓަން ޖެހޭ އާލާތް ތައް ވަރައް ގިން ، މުވައްޒިފުން ވައްދައިގެން ކަންކަން ހައްލުކުރެވޭނީ ،
ލައްޓި މަނިކު
21 May 2023
މިއީ ދިވެހި ދައުލަތުގައި ފައިސާ ނެތިގެން ފަގީރުކަމުން ހިނގާ ކަންކަމެއްނޫން. މިއީ ހިންގުމުގެ ދޯދިޔާކަން. ހެލްތުކެއަރ މެނޭޖްމެންޓްގެ ޒައްރެއްގެ މިންވަރުވެސް ނެތް މީހުން ބޮޑެތި ހޮސްޕިޓަލްތަށް ހިންގަން އުޅޭތީވާގޮތް. ވަސީލަތްތަކާއި، ކުޑައާބާދީއަކަށް ބަލާފައި އެންމެ ފެންވަރުދަށް ސިއްޙީ ޙިދުމަތްލިބޭ ގައުމު ދިވެހިރާއްޖެއަކީ. މިކަން އިސްލާޙްކުރުމަށް ގޮވާލާ، ނަސޭޙަތްތެރިވަން. ދައުލަތުގެ ކޮރަޕްޝަންގެ ބޮޑުހާއްޔެއް އައިޖީއެމްއެޗް އަކީ
ޢެއާޕޯޓު
22 May 2023
ބީއެމްއެލް ހިންގަނީ ބޭރުމީހުން . ހަމަ އެގޮތަށް އައިޖީއެމްއެޗް ވެސް ބޭރުމީހެއްލައްވާ ހިންގަބަލަ. ކިހާ ދެރަކަމެއް.
ޢަރުތަ
21 May 2023
އެ ހޮސްޕިޓަލުގައި ހުރި މީހަކު "މިހާރު" އަށް ބުނީ "އެންމެ ފުރަތަމަ ކަރަންޓު ކެނޑުނީ 8:35 ހާއިރު ކަމަށެވެ. ކަރަންޓު ދިއުމުން ވަގުތުން އިމަޖެންސީ ލައިޓު ޖެއްސި އެވެ. އޭގެ ކުޑަ ވަގުތުކޮޅެއް ފަހުން އަނެއްކާ ވެސް ހޮސްޕިޓަލްގެ ބޮޑު ބަޔަކުން ކަރަންޓު ކެނޑުނު ކަމަށް އޭނާ ބުންޏެވެ". ދެވަނަ ފަހަރަށް ކަރަންޓު ކެނޑުނީމަ ޖެއްސީ ކޮންއެއްޗެއްބާ!
ވަންޓޫކާފޯ
21 May 2023
ޝަރިއްޕެ އިސްތިއުފާ.