ޚަބަރު / އަލީ ވަހީދު، ކުރީގެ ޓޫރިޒަމް މިނިސްޓަރު

އަލީ ވަހީދު ރާއްޖެ އަތުވެއްޖެ، ޖަލު ހުކުމް އޮތީ ބާތިލްކޮށްފައި

ކުރީގެ މިނިސްޓަރު އަލީ ވަހީދު ނޫސްވެރިންނާ ވާހަކަދައްކަވަނީ: އޭނާ ޖަލަށް ލާން ހުކުމްކުރީ ކޯޓަށް ހާޒިރުވުމުގެ އަމުރަށް ކިޔަމަން ނުވުމުން، ކޯޓުގެ ހުރުމަތް ކެނޑިކަމުގެ ކުށުގައި 2021ވަނަ އަހަރު..-- ފޮޓޯ: މިހާރު

ފާތިމަތު އަޖްފާން، މިހާރު

11 ޖުލައި 2023 - 14:06

38 comments

ޖިންސީ ކުށުގެ ދައުވާތަކެއް އުފުލައި ކްރިމިނަލް ކޯޓުގައި ޝަރީއަތް ފަށާފައި ވަނިކޮށް ބޭސްފަރުވާ އަށް ރާއްޖޭން ބޭރަށް ދާން ހުއްދަ ދިނުމުން އިނގިރޭސި ވިލާތުގައި ދެ އަހަރެއްހާ ދުވަހު އުޅުމަށް ފަހު ކުރީގެ ޓޫރިޒަމް މިނިސްޓަރު އަލީ ވަހީދު މިއަދު ރާއްޖެ އަތުވެއްޖެ އެވެ.

އަލީ ރާއްޖެއަށް އައީ ޖިންސީ ގޯނާ އާއި ރޭޕް ފަދަ ތުހުމަތުތަކުގައި އުފުލި ދައުވާތަކުގައި ހެކިބަސް ދޭން ތިބި މީހުން މިހާރު ހެކިބަސް ދޭން ބޭނުން ނުވާ ކަމަށް ބުނެ ޕްރޮސިކިއުޓާ ޖެނެރަލްގެ އޮފީހަށް ސިޓީ ފޮނުވުމުން ދައުވާތައް އަނބުރާ ގެންދިއުމުންނެވެ. އެކަމަކު ސުޕްރީމް ކޯޓުގައި ބޭއްވި ޝަރީއަތްތަކަށް ހާޒިރުނުވުމުން ކޯޓުގެ ހުރުމަތް ކެނޑި ކަމުގެ ކުށުގައި އޮތީ ދެ މަހާއި 12 ދުވަހަށް ޖަލަށް ލާން އޮގަސްޓު 11، 2021 ގައި ހުކުމް ކޮށްފަ އެވެ.

މިގޮތަށް ހުކުމް ކުރި ނަމަވެސް، ސުޕްރީމް ކޯޓުގެ އިދާރީ އޮޅުމަކުން އަލީ ވަހީދަށް ފޮނުވާފައި އޮތީ އޮންލައިންކޮށް ޝަރީއަތުގައި ބައިވެރިވުމުގެ ޗިޓެއް ކަމަށް ވަނީ އެނގިފަ އެވެ.

މިއަދު އަލީ މާލެ އައުމުގެ ދެ ހަފްތާއެއްހާ ދުވަސް ކުރިން ޖަލު އަދަބުގެ އެ ހުކުމް ބާތިލްކޮށްފައިވާ ކަމަށް ވަނީ އެނގިފަ އެވެ.

ކަރެކްޝަނަލް ސާވިސް އިން ވެސް ބުނީ އަލީ ވަހީދު ތަންފީޒުކުރަންޖެހޭ އެއްވެސް ހުކުމެއް ނެތް ކަމަށެވެ.

Ali Waheed haaziru nuvumun 2 mahaai 12 dhuvahah jalah laan hukum koffi

The most trusted news source in the Maldives

Mihaaru

އަލީ ވަހީދުގެ މައްޗަށް ކުރި ޖިންސީ ކުށުގެ ދައުވާތައް ސާބިތުކުރަން ބޭނުންވާ ހެކި ލިބޭނެ ގޮތެއް ނެތް ކަމަށް ބަލައި އެ ދައުވާތައް ޕީޖީ އޮފީހުން އަނބުރާ ވަނީ ގެންގޮސްފަ އެވެ. އެހެންވެ މައްސަލަ އަލުން މުރާޖައާކޮށްދޭން ފުލުހުން އެދުނު ކަމަށް ޕީޖީ އޮފީހުން ބުންޏެވެ.

Ali Waheed ah kuri jinsee kushuge dhauvaathah gengosfi

The most trusted news source in the Maldives

Mihaaru

ދައުވާތައް އަނބުރާ ގެންދަން ނިންމި ސަބަބެއް ކަމަށް ޕީޖީން ބުނީ އަލީ ވަހީދުގެ ފަރާތުން އަނިޔާ ލިބުނު ކަމަށް ބުނެ ކުރިން ބަޔާންދިން މީހުންނާއި އަލީ ވަހީދާ ދެކޮޅަށް ހެކިބަސް ދޭން ބަޔާން ދިން މީހުން މި މައްސަލަ އިތުރަށް ކުރިއަށް ގެންދަން ބޭނުން ނުވުމެވެ. އަދި ބަޔާންތައް އަނބުރާ ގެންދަން އެދި ފުލުހުންނަށް ތަކުރާރުކޮށް ސިޓީ ފޮނުވާތީ ކަމަށް ވެސް ޕީޖީން ބުންޏެވެ. އެހެންވެ މިހާރު އަލީ ވަހީދުގެ މައްޗަށް ދައުވާތައް ސާބިތުކުރެވޭނެ ގޮތެއް ނެތް ކަމަށް ޕީޖީން ވަނީ ބުނެފަ އެވެ.

ޕްރޮސެކިއުޓާ ޖެނެރަލް ސުޕްރީމް ކޯޓް ރޭޕް އަލީ ވަހީދު، ކުރީގެ ޓޫރިޒަމް މިނިސްޓަރު

38 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހިލާމު

13 July 2023

މަހީކުރީ އެމުޑީޕީ އަކީ އެންމެ އިންސާފައް ޅޯބިކުރާ ޕާޓީކަމައް އެކަމަކު މިފެންނަނީ ތިލަފަތް ޖަހައިގެން އަނެއްކޮޅަށް .. ޑީއާރުޕީ އަދާލަތު އައިސް އެމުޑީޕޭ ޕާޓީގެ އަގުވައްޓާލައިފި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނރުޓޭ

12 July 2023

ކޮންޓެމްޕްޓް އޮފް ކޯޓު އެއީވެސް ބާތިލު ކުރެވޭ އަމުރެއް ކަން އަދި ކިރިޔާ މި އެނގުނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮކުހަންމަނިކު

11 July 2023

އަހުރެންނެތިން އެއްޗެކޭ ބުނާކަށް. މިފެންނަނީ އެއްކަލަ އެބުނާ މަންޒަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައިރޯ

11 July 2023

އެއްކަލަ ހަދުވަރު މޫސުން ފެށުނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙައްވާދިޔޭ

11 July 2023

އިއްތިފާގެއްތޯ.... އަލީގެ ހުކުމްވެސް ބާޠިލް. އަދީބު ބޭރަށް... ހައިކޯޓް ޝަރީޢަތް މަޑުޖެހިފާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަހަރުލާދާ

11 July 2023

ދެން ކޮބައިތޯ ރައީސުލްޖުމްހޫރިއްޔާގެ ދެލޯފުޅުން ފޭބި ކަރުނަފުޅުގެ އަގު؟ އެއީ ވެސް ހަމަ އެއްވެސް އަގެއް ނެތް އެއްޗަކަށްވެ އެކްޓެއް ކަމަށް ނިމިގެން ދިޔައީ ތޯއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުކުޅު

11 July 2023

އެވެސް ހަނގުރާމައިގެ އުކުޅެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުނާރު

11 July 2023

ހެލޯ ބައްސާމް، އެންޓަނާ ފެނޭތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟާރާލިއީން

12 July 2023

މީކޮންވާހަކައެއް؟ ތިލަކޮށްލީމާ އެެގޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު.

11 July 2023

ބަލައިލި ކޮންމެ ދިމާލަކުން މިއަދު ފެންނަނީ އިންސާފުގެ ވައުދު ފުއްދައިދިންތަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންކިލޯ

11 July 2023

ސުޢޫދު ކުޑަކަކޫ ޖެހީތަ؟ ޙުކުން ހިގަނީ ނިކަމެތިންގެ މައްޗަށް ދ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންޞާފު

11 July 2023

"ދައުވާތައް އަނބުރާ ގެންދަން ނިންމި ސަބަބެއް ކަމަށް ޕީޖީން ބުނީ އަލީ ވަހީދުގެ ފަރާތުން އަނިޔާ ލިބުނު ކަމަށް ބުނެ ކުރިން ބަޔާންދިން މީހުންނާއި އަލީ ވަހީދާ ދެކޮޅަށް ހެކިބަސް ދޭން ބަޔާން ދިން މީހުން މި މައްސަލަ އިތުރަށް ކުރިއަށް ގެންދަން ބޭނުން ނުވުމެވެ. އަދި ބަޔާންތައް އަނބުރާ ގެންދަން އެދި ފުލުހުންނަށް ތަކުރާރުކޮށް ސިޓީ ފޮނުވާތީ ކަމަށް ވެސް ޕީޖީން ބުންޏެވެ". ވީމާ، ދަޢުވާ ކުރަންޖެހޭ ސަބަބެއް އެބަ އޮތްތަ؟ ނެތެއް ނު!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މ. ފައިޞަލް

11 July 2023

އަހަރެން މައްސަލަނެތީ، ބަކަރި މައްސަލަ ނެތީ، ދެން ކަލޭ ކޮން މައްސަލަ ހުންނަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަތީނު

11 July 2023

ޖިނާއީ ކުށަކީ ހަމައެކަނި ދޭދޭ ފަރުދުންގެ ޙައްޤު އެކަމެއްގައި އޮތް ކަމެއް ނޫން. ޤާނޫނުތައް ހަދަނީ މުޅި މުޖުތަމަޢުގެ ޙައްޤުގައި. ޤާނޫނަކާ ޚިލާފުވުމުން އެއޮތީ ޖިނާއީ ދަޢުވާކުރަން ޖެހިފަ.