12 ޖުލައި 2023 - 11:21
27 comments
އަންނަ ސެޕްޓެމްބަރު މަހު އޮންނަ ރިޔާސީ އިންތިހާބަށް ޕީޕީއެމް/ޕީއެންސީގެ ކެމްޕޭނުތައް ހުރިހާ އަތޮޅެއްގައި ފެށިއްޖެ ކަމަށާއި، ކެމްޕޭނަށް ބޭނުންވާ ފައިސާ ހަމަޖެއްސުމުގެ މަސައްކަތް ކުރިއަށްދާ ކަމަށް ޕީޕީއެމްގެ ތަރުޖަމާނު ހީނާ ވަލީދު މިއަދު ވިދާޅުވެއްޖެ އެވެ.
އިދިކޮޅު ކޯލިޝަނުގެ ރިޔާސީ ކެމްޕޭނު ހުރިހާ އަތޮޅެއްގައި ފެށިއްޖެ ކަމަށް އެ ޕާޓީގެ ގުރޫޕަށް މީގެ ދެ ދުވަސް ކުރިން ފޮނުވި މެސެޖެއްގައި ވަނީ ބުނެފަ އެވެ.
އެކަމަކު، ކެމްޕޭނު ކުރުމުގެ އިރުޝާދެއް އަދި އެކަމަށް ބޭނުންވާ ފައިސާ ވެސް ނުލިބޭ ކަމުގެ އަޑުތައް، ހާއްސަކޮށް އަތޮޅު ތެރޭގައި ތިބި ޕީޕީއެމްގެ ސަޕޯޓަރުންގެ ފަރާތުން ދަނީ އިވެމުންނެވެ.
އެކަމާ ގުޅިގެން، ހީނާ "މިހާރު" އަށް ވިދާޅުވީ އަތޮޅު ތެރޭގައި އިންތިހާބުކޮށްފައި ތިއްބެވި ޕީޕީއެމް/ޕީއެންސީގެ ދާއިރާގެ ރައީސުންނާއި ސްޓިއަރިން ކޮމިޓީތަކުން ކެމްޕޭނު ކުރުމުގެ މަސައްކަތްތައް މިހާރު ފަށައިގެން ކުރިއަށް ގެންދާ ކަމަށެވެ.
"ކެމްޕޭނަށް ބޭނުންވާ ފަންޑިންގެ ކަންކަން ވެސް އިންތިޒާމު ކުރުމުގެ އިދާރީ މަސައްކަތްތައް ވެސް ޕާޓީގެ ތެރެއިން ދަނީ ކުރެވެމުން،" ހީނާ ވިދާޅުވި އެވެ.
އިންތިހާބުގައި ވާދަކުރާ އެހެން ޕާޓީތަކުގެ އިސް ބޭފުޅުންގެ ޓީމުތައް މިހާރު ވެސް އަތޮޅު ތެރޭގައި ކެމްޕޭނު ފަށާފައިވާއިރު، ޕީޕީއެމްގެ ލީޑަޝިޕުގެ ބޭފުޅުން ވެސް ވަރަށް އަވަހަށް ރަށްރަށަށް ދަތުރުތައް ފައްޓަވާނެ ކަމަށް ވިދާޅުވި އެވެ.
"ސީދާ ދުވަހެއް ދަންނަވަން އަދި ނޭނގުނަސް، ބަހާލައިގެން ލީޑަޝިޕްގެ ބޭފުޅުން ރަށްރަށަށް ވަޑައިގަންނަވާނެ،" ހީނާ ވިދާޅުވި އެވެ.
އެ ޕާޓީގެ ރިޔާސީ ކެންޑިޑޭޓު، ކުރީގެ ރައީސް އަބްދުﷲ ޔާމީނަށް އިންތިހާބުގައި ވާދަކުރެއްވޭނެ ކަމާމެދު އޮތް ސުވާލާ ހެދި ކެމްޕޭނު ކުރަން އުނދަގޫވާ ކަމަށް ބުނެ ޕާޓީގެ ތެރެއިން އިވެމުންދާ ކަންބޮޑުވުންތައް ހީނާ ދޮގުކުރެއްވި އެވެ.
އޭނާ ވިދާޅުވި ގޮތުގައި އެފަދަ ޝަކުވާއެއް އަދި ކަންބޮޑުވުމެއް ވެސް ލިބިފައެއް ނުވެ އެވެ.
"މިވަގުތު ޖަލުގައި ބަންދުކޮށްފައި އޮތް ނަމަވެސް، މި ޕާޓީގެ ރިޔާސީ ކެންޑިޑޭޓަކީ ރައީސް ޔަމީން ކަމީ އެއްވެސް ބޭފުޅަކަށް އޮޅިވަޑައިގެންފައި އޮންނާނެ ކަމެއް ނޫން،" އޭނާ ވިދާޅުވި އެވެ.
އިދިކޮޅު ކޯލިޝަނުގެ އިތުރުން ސަރުކާރު ނޫން އެހެން ޕާޓީތަކުގެ ސަޕޯޓަރުންނަށް ވެސް ޕީޕީއެމް/ޕީއެންސީގެ ރިޔާސީ ކެންޑިޑޭޓަކީ ކޮން ބޭފުޅެއްކަން އޮޅިފައި ނޯންނާނެ ކަމަށް ހީނާ ވިދާޅުވި އެވެ.
އެއީ، ޔާމީން ޖަލުގައި އޮންނެވީ ރައްޔިތުންގެ ހައްގުގައި ކަން ގިނަ ބަޔަކު ގަބޫލުކުރާ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިއްޒަތު
13 July 2023
މިނޫނިއްޔާ ނުހުންނާނެ 5 އަހަރުގެ ވެރިކަމެއް ނިމުނުއިރު އެކައުންޓްތައް ފައިސާއިން ފުރާލި ވެރިއެއް!ލިޔެލާޖަހައިގެން ގެއެއްހޯދާ އެގެ 17 ބުރިޔަށްނަގާ އިތުރަށްއޮތް ބިންކޮޅު 5 މިލިޔަނަށް ގަތްވެރިއެއްވެސް! އެންމެފަހުން ގޯތި ވިއްކިދައިތައަށް ދޫވެހިނުދީ ދިނީ ހުޅުމާލެއިން ފުލެޓެއް ހެންވޭރުކޮޅުގައި އެހުރިގެ ހެދީ ހުޅުމާލެބްރިޖާއި އައިޖީއެމްއެޗްހަދަންގެނައި ތަކެތިން ދައުލަތުންނެގިފައިސާތައް ކެމްޕެއިނަށް ޚަރަދުކުރަން ހުންނަންވާނެ! ފައިސާހޯދާކަށް ނުޖެހޭނެ!
ބްރޯސް
13 July 2023
ޔާމީނު ޖަލުގައި އޮންނެވީ ރައްޔިތުންގެ ލާރިން ބިލިއަނަކަށް ވުރެ ގިނަ ލާރިން ޚިޔާނާތްތެރިވެގެން. އެއީ ރައްޔިތުންގެ ހައްގުގައެއް ނޫން. އަންލެސް... އޭނާ ވައްކަން ކުރީ ރަށްޔިތުންގެ ހައްގުގަ ކަމަށް ވަންޏާ އޯކޭ. އެއީ ވަރަށް ސަޅި ޖަސްޓިފިކޭޝަނެއް ކޮންމެ މީހަކުވެސް ވައްކަން ކުރަން.
ސަމަދުބެ
12 July 2023
ޕާޓީގެ ބޮޑުން ތި ލާރިކޮޅު ކާލާފަ އަހަރެމެން އާއްމު މެމްބަރުންނަށް ދޭނީ ކަޅުސައިތައްޓެއް. ޔާމީން ޖަލުގަ ހުރެ އިންތިޚާބުގަ ބައިވެރި ނުވެވޭނެކަން އެގޭއިރުވެސް ޕީޕީއެމް ކެންޑީޑޭޓަކީ ޔާމީނޭ ކިޔައިގެން ތި ކެމްޕެއިން ކޮންމެހެންވެސް ކުރާނެ. އެއީ ލާރިއެއް ލިބޭނީ ޔާމީން ނަން ބޭނުންކޮއްގެންވިއްޔަ. ހީނާ ހަދަނީ ދޮގުކަން މިހާރު އަހަރެމެންނަށް އެގޭ.
ބަދަވި
12 July 2023
ކަލެޔާ ކޮން ބެހޭކަމެށް
ޓިން ޓިން
12 July 2023
ހެންވޭރުކޮޅުގާ އެހުރި ގެ ކުއްޔަށްދިނަސް އެއީ ކިހާ ފައިސާއެއް.
ޢަލީ ކުރުސީ
12 July 2023
ކެމްޕޭނެއްވެސް ނޫން ކުރެވޭނީ ކަލޭމެނަށް! ސަރުކާރުން ވިއްކި ކޮންމެ ރިސޯޓަކުން އެއް މިލިޔަން ޑޮލަރު ޔަަމީނުގެ އެކައުންޓަށް ވަދެ، ބިޔަ ބޮޑު އިމާރާތެއް އަޅާލީމަވެސް އެމަނިކުފާނު މައުސޫމް ނުވެގެން އުޅުން ފިޔަވާ ކުރެވޭނެ އެއްކަމެއްވެސް އޮތް ޕާޓީއެއް ނޫން ތިޔައީ! މިހާރު ކޮބާ ޗާގޯސް؟ އިންޑިޔާ އައުޓް؟ ހަމަ ޖަމަލު ފޮޑި އެހެންނު!
އަދުރޭ
12 July 2023
ބޮޑު އަގުގަ ޕާކިން ޒޯން ވިއްކައިގެން ހޯދާދޭ ލާރި ހުންނާނެ.
ރަމަ
12 July 2023
ދައުލަތުން ވަގަށްނެގި ފައިސާހުންނާނެ ފައިސާ ހަމަޖައްސާކަށަ ނުޖެހޭނެ މުޅި ދައުލަތް ނިމިދިޔަ 5 އަހަރުގެ ވެރިކަމުގައިވަނީ ލޫޓްވާފަ ކެއިވަރެއް ނެގިވަރެއް ބެހިވަރެއް އެގެނީއެއްނޫން އެގެންއޮތް ކަންކަމުގައިވެސް މިރާއްޖޭގެ ކޯޓްތަކުން އެކަންކަން ސާބިތުވަނީއެއްނޫން. ޝުކުރިއްޔާ ރައީސް ޔާމީން.
ޢަލީ ކުރުސީ
12 July 2023
ކޮން މެނިފެސްޓޯއެކޯ ވިއްކަނީ؟ މެނިފެސްޓޯއެއް ކީއްކުރަން ރަގަޅު ބަޖެޓެއް ހެދޭވަރުމީހަކުވެސް ނެތް ތިޔަތާނގަ! ތިޔަ ޕާޓީގެ މެނިފެސްޓޯއަކީވެސް، ވަޢުދަކީވެސް ޔާމީނު ދޫކުރުން! ޕޕމ ވެރިކަން ބޭނުންވަނީވެސް ޔާމިން ދޫކޮށްލަން. ތިޔައީ އެންމެ މީހެއްގެ ޕާޓީއެއް މިހާރު. ރައްޔިތުންނަށް ހެވެއް އެދިގެން އުޅޭ ބައެއްނޫންކަން އަންނި އާއި ބައިއަތު ހިފި ހިސާބުން އެނގިއްޖެ. ޔާމީނު ދޫކޮށްލާނަމަ އިބޫ އާވެސް ކޯލިޝަން ހަދާން ކަލޭމެން!
ތަރައްޤީ
12 July 2023
މަނިކުފާނު އިތުރު ބުރިޖެއްގައި ދަތުރުކޮށްލަން ބޭނުންނަމަ ރ ޔާމީން ވެރިކަމަށް ގެންނަވާ. މިހާރުވެސް ހުޅުމާލެއަށް ފަސޭހަކަމާއިއެކު މިދެވެނީ އެމަނިކުފާނުގެ ޙިކްމަތުގެ ސަބަބުން. ރ ސާލިޙަށް ހުރިހައި ބާރެއް ލިބިފައިވާއިރުވެސް މިފަދަ ކަމެއް ނުކުރެވުނީ ރ ސާލިޙްގެ ޙިކްމަތެއްނެތީމައެވެ. ސިކުނޑިން ވިސްނަވާ ރ ސާލިޙާއި، ރ ޔާމީނާއި، ރ ނަޝީދާއި އަޅުގަނޑުމެނަށް ތަފާތުވަނީ ކޮށްދެއްވާފައިވާ ކަންތަކުންނެވެ.
ސުމަން މިޔާ
12 July 2023
ހަމަ ޖެއްސޭނޭ ކިޔާފައި،، ނަމަ ނަމަ ފާއިސާ ކޮޅު ޗޯރު ނުކުރާތި!!!!
ހަސޯ
12 July 2023
އިއުލާން: ފަސްބައިގައި "ވަގު ދަމިލައިގެ" އަސަރެއްނެތް 40 އަހަރު ވެފައިވާ ދިވެހި ފިރިހެނަކު ޕީޕީއެމްގެ ފަރާތުން ރައީސުކަމަށް ކުރިމަތިލަން ބޭނުންވާ މީހުން ހަފްތާބަންދުގެ ކުރީން ޖަލުނޯޓަކުން އަންގާލަދިނުން އެދެން.