ރައީސް ޑރ މުހައްމަދު މުއިއްޒު ސަރުކާރުގެ ދިވެހިބަހާއި ތާރީހާއި ސަގާފަތާ ބެހޭ މިނިސްޓަރު ކަމަށް އައްޔަންކުރެއްވި އާދަމް ނަސީރު އިބްރާހިމަށް މަގާމުގެ ލިޔުން ރައީސް ޑރ. މުހައްމަދު މުއިއްޒު ހަވާލުކޮއްދެއްވަނީ.-- ފޮޓޯ | ރައީސް އޮފީސް
11 ޑިސެމްބަރ 2023 - 12:15
51 comments
ދިވެހި ގައުމިއްޔަތު އިޔާދަކުރުމުގެ ގައުމީ ނިޒާމުގެ ތެރެއިން އިތުރު ތިން އިދާރާ އުފައްދަން ވަޒީރުންގެ މަޖިލީހުން އިއްޔެ ނިންމައިފި އެވެ.
ރައީސް އޮފީހުން އިއްޔެ ހަވީރު ބޭއްވި ޕްރެސް ކޮންފަރެންސްގައި އެ އޮފީހުގެ ޕަބްލިކް ޕޮލިސީގެ އަންޑަ ސެކްރެޓަރީ މުހައްމަދު ފިރުޒުލް ވިދާޅުވީ ދިވެހި ގައުމިއްޔަތު އިޔާދަކުރުމުގެ ގައުމީ ނިޒާމުގެ ތެރެއިން ދިވެހި ގައުމީ ތަރިކަ ދިރާސާކުރާ މަރުކަޒާއި ދިވެހި ގައުމީ ތަރިކައިގެ ކޮލެޖު އަދި ދިވެހި ގައުމީ ޗާޕުހާނާ ގާއިމްކުރުމަށް ވަޒީރުންގެ މަޖިލީހުން ނިންމާފައިވާ ކަމަށެވެ.
މި ތިން އިދާރާ ވެސް ހިންގާނީ ދިވެހިބަހާއި ތާރީހާއި ސަގާފަތާ ބެހޭ މިނިސްޓްރީގެ ދަށުންނެވެ.
ރައީސް އޮފީހުން ބުނީ ގައުމީ ތަރިކަ ދިރާސާކުރާ މަރުކަޒުގެ ދައުރަކީ، ދިވެހިވަންތަކަމުގެ އިލްމެއް އުފަންކޮށް، އިޔާދަކޮށް ދެމެހެއްޓުން ކަމަށެވެ. ދިވެހި ގައުމިއްޔަތު އިޔާދަކުރުމަށް ބޭނުންވާ އިލްމީ މައުލޫމާތުތައް އެއްކުރުމާއި ދިރާސާކޮށް އިލްމީ ލިޔުންތައް އެކުލަވާލުމާއި ދިރާސާތައް ޝާއިއުކުރުމާއި ގައުމިއްޔަތުގެ އިލްމީ ކޮންފަރެންސްތައް ބޭއްވުމާއި އަދި ގައުމިއްޔަތުގެ އިލްމަށް ހޭލުންތެރިކުރުވުން ވެސް އެ އިދާރާގެ މަސައްކަތްތަކުގެ ތެރޭގައި ހިމެނޭ ކަމަށް ރައީސް އޮފީހުން ބުންޏެވެ.
ތަރިކައިގެ ކޮލެޖުގެ މަސްއޫލިއްޔަތަކީ މި ދާއިރާއިން އިލްމީ ގާބިލު ބަޔަކު އުފެއްދުން ކަމަށާއި ދިރާސާވެރީން ހޯދައި ކިޔަވައިދިނުމާއި އަދި ދިވެހި އަމިއްލަވަންތަކަމުގެ އިލްމީ ގާބިލުކަން މީހުންގެ ކިބައިގައި އަށަގެންނެވުން ކަމަށް ވެސް ރައީސް އޮފީހުން ބުންޏެވެ.
ރައީސް އޮފީހުން ބުނީ ގައުމީ ޗާޕުހާނާގެ ދައުރަކީ މި ނިޒާމުން އުފައްދާ ދިވެހީންގެ ދިވެހި އުފެއްދުންތައް އާންމުކޮށް ފެތުރުން ކަމަށެވެ.
ދިވެހިބަހާއި ތާރީހާއި ސަގާފަތާ ބެހޭ މިނިސްޓްރީގެ ދަށުން މިހާރު ވެސް ދެ އިދާރާއެއް ހިންގަ އެވެ. އެއީ ދިވެހިބަހުގެ އެކަޑަމީ އާއި ނޭޝަނަލް ސެންޓަ ފޯ ކަލްޗުރަލް ހެރިޓޭޖެވެ.
ދިވެހިންގެ ގައުމިއްޔަތު ދިރުވައި އާލާކުރުމަކީ ރައީސް ޑރ. މުހައްމަދު މުއިއްޒުގެ ވަރަށް ބޮޑު ވައުދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިސްޓަރ ޓިނޭ
13 December 2023
ބޭކާރު ޚަރަދު ތަކެއް، އެއީ އެއްވެސް ސުކޫލެއްގަ ދިވެހި ބަހާސަގާފަތަށް އެއްވެސް ގޮތަކަށް ލޯތްބެއް އުފެދޭކަހަލަ އެއްވެސް ކަމެއް ނުކުރޭ، މުޅި ދިވެހި ދަރިފަސްކޮޅު މިއޮތީ ފިކުރީ ހަނގުރާމައިގަ ޖެހި ގެއްލި ހަލާކުވެފަ، ދެން މިނިސޓްރީ އެއް އުފެދުމަކީ ބޭކާރު ކަމެއް
ސްމޭޝ
12 December 2023
ތިތަ އިދާރާތަކުން ދިވެބަސް އަރަބި ރާގަށް، އަރަބި މަހުރަޖުން ކިޔަން އުޅުން ނޫންކަމެއް ކުރެވޭނެ ކަމަކަށް ނުބެލެވޭ! މިގައުމުގައި ތިކަމެއް ދެނެއް ނުހިނގާނެ ކަމުގެ ހެއްކަކީ ޒުވާން ޖީލުގެ ބަސްމޮށުންތެރިކަން ހުރި ގޮތް - ރުހުނަސް ނުރުހުނަސް މާދަމާ މިަގއުމުހިންގަން ތިބީ އެމީހުން، އެމީހުން ބަލއިނުގަންނަ ކަމެއް މިގައުމަކު ނުދިރޭނެ. ދުވަހެއް ދުވަހަކަސް ދާނީ ފޮހެވެމުން.
މަހޭބެ
12 December 2023
މިއޮތީވާ ކަމެއް
ބަރުބާދު
11 December 2023
ޗާޕުޚާނާއަކުން ގައުމިއްޔަތު ޗާޕުވެގެން ދިރިގެން ނިކުންނަތަން އަދި އަލައް މިއުޅެނީފެންނަން. މުސްކުޅިންގެ ހަރުބަހެއް ފެންނަންހުރިއެއްޗެއް ފެނިފަ މަރުވާނީ.!!!!
އަބުލްކަލާމް
12 December 2023
ޗާޕްޚާނާ އަކީ އިކްރާމް އަށް ލާރި ހޯދަން ތައްޔާރު ކޮށްދޭ މެޝިނެއް ، ރައީސް ޔާމީން ވެރިކަމުގައިވެސް ޕީ އެސް އެމް އިން މާލްދީބް ގެ ނަމުގައި މަޖައްލާ އެއް ނެރުނު ޚަލީލް އާ އިކްރާމް އާ ހީނާ ވެގެން ،ނިމިގެން ދިޔައީ ބޮޑު މަނފާތަކެއް ޖީބަށް އެޅިގެން. ހަމަ އެގޮތަށް ޒަކާތާ ބެހޭ އޮފީހަކީ ޝަހީމުގެ އައުވާނުންނަށް އެހީދީފަ ބާކީ ހުރި އެއްޗެއް ޖީބަށް ކަހާލަން ހހަދާތަނެއް .
އިސްލާހު
13 December 2023
ހަރުބަހުގައި އިންނަނީ " ދައްކަވަން ހުރި ތަނެއް ދައްކަވާފައޭ ގެނންދަވާނީ"
ސުލް
11 December 2023
ހާދަ ބޮޑޭ ދޯ މިކުޑަ ގައުމުގެ ގައުމިއްޔަތު. އަދި ކިރިޔާ ސައިޒް މިއެނގުނީ. އެންމެ 3 އިދާރާއިން ކިހިނެއް ތި ބޮޑު އެތި ބަލަހައްޓާނީ؟ މަ ހަމަ ކޮސްވެއްޖެ.
މަފް
11 December 2023
ތިޔަކަންކަކީ މިހާރުވެސް ހިނގާ ކަންކަން. އާނަންތަކެއްދީ ރައްޔިތުން ލޮލުގަ އަނދުން އެޅުވުން ނޫންކަމެއްނުވޭ.
އިހުސާން
11 December 2023
މަބުނާނެ ވާހަކައެއްނެތް، ގައުމިއްޔަތު އަތައް ގޮއްވާނުލާ ދައުރު ނިންމާލެވޭތޯ ބަލާތި. ތިދަނީ މާ މައްޗަށް.
ސިޔާސީ ހަމަ ނުވެގެން
11 December 2023
ޤައުމެއްވާ ނެތެއްނު ކަލޭނޭ!!!
އޮނަރަބްލް އަފީފު ދީދީ
11 December 2023
ކ.އަތޮޅު މާލޭމީހުން މޮށެއުޅޭބަހުރުވައިން "އަޅަކަށްވެ އަދި އެވަރުންނުފުދިގެން ގަނޑަކަށްވެސް ވެގަނެ، އަޅުގަނޑު ބަޅުގަނޑު ކިޔާފައި "އަބުއި ގޮތަކަށް ރާގުރާގަށް" ވާހަކަދެއްކުންތޯ ޤައުމިއްޔަތަކީ!؟ ޤައުމުގެރައްޔިތުންނާއި ނުލާ ޤައުމީއްޔަތެއް އަދި ހަޟޯރަތެއްޤާއިމްކުރި ޝަހަރެއް ޤައުމެއްގެވާހަކަ ބުނެބަލަ. # ތުރާކުނުން އައްޑުއަށްހިމެނޭ ރަށްތަކުގެ ރައްޔިތުން "ކުލީއަޅުންގެގޮތުގައި މުޤައްދަސްރަށްކޮޅަށް ޖަމާކުރަނީވެސް" ޤައުމީއްޔަތަށްކާންދީ ބޮޑުކޮށް ދިރުވަންތޯ!؟
އަބުލްކަމާމް
12 December 2023
ވިލާ ކޮލެޖް އިންނާ އެވިޑް ކޮލެޖް ފަދަ ކޮލެޖްތަކުން ކަރުދާސް ކޮޅު ހިފައިގެން ބޮލުގައި ތޮފި އަޅައިގެން އެނުކުންނަ މީހުންނަށް ދިވެހި ބަހުން ސިޓީ އެއް ، މެއިލްއެއް ، ނޯޓެއް ލިޔެލެވޭތޯ ބެލުމަކީ ގައުމިއްޔަތު ދިރުވަން ކުރެވޭނެ ބޮޑު ކަމަކަށް ނުވާނެތޯ ؟ ކޮންމެވެސް ރައްޓެއްސެއް ނުވަތަ އެހެން މީހަކު ލައްވާ އެސައިމަންޓް ހަދައިގެނ ބޮލުގައި ތޮފި އަޅައިގެން ނުކުތަސް ގައުމިއްތެއް ނުދިރޭނެ . ދިވެހިބަސް ކިޔަވާ ދެއްވާ ،ބަހަށް ލޮބި ޖައްސުވާ !
ވެރިކަން
11 December 2023
މި ގައުމުގަ ގިނަ ކަންކަން މިހާރު ކުރެވެނީ ކޮންމެ މީހަކަށް ކޮންމެވެސް ފެންވަރެއްގެ ކުޑަ ވެރިކަމެއްދީގެން ކަމަށް ފެންނަ މަންޒަރުތަކުން ސިފަވަނީ. ކޮންމެ މީހަކަށް އިދާރާއެއް ނޫނީ އޮފީހެއް ހަދައިދީގެން ނޫނީ މަސައްކަތް ނުކުރާނެކަމުގެ ޚިޔާލު ގެންގުޅޭ ކަމަށް ފެންނަނީ. ކުދި ކުދި ވެރިކަންތަކެއް އަސްލު އުފެދެނީ. އެކަކު އަނެކަކާ ތަފާތުވާ ޚިޔާލުތަކާއެކު މަސައްކަތް ނުކުރެވެނީ. އުފެދޭ ކޮންމެ ސިޔާސީ ޕާޓީއަކީވެސް އެކަހަލަ ވިސްނުމަކުން އުފެދިގެން އަންނަ ކަމެއް.