މަންޑޭގެ އަގުބޮޑު މުދާތައް ހިފެހެއްޓި މައްސަލަ ހައި ކޯޓުން ބަލަނީ

މަންޑޭގެ އަގުބޮޑު އެޕާޓްމަންޓުން ފެނުނު މުދާތައް: އެ ތަކެތި ހިފެހެއްޓި މައްސަލަ ހައި ކޯޓުން ބަލައިގަތުމަށް ވަނީ ނިންމާފައި

މުއިއްޒު އިބްރާހިމް، މިހާރު

25 ޑިސެމްބަރ 2023 - 11:36

11 comments

ހުޅުމާލޭގައި ހަދަމުންދާ ކޭ ޕާކް ރެސިޑެންސް ފްލެޓްތައް އޮޅުވާލައިގެން ވިއްކައިގެން ފައިސާ ހޯދި ކަމަށް ތުހުމަތުވާ ހަސަން މަމްދޫހު (މަންޑޭ) ގެ އަގު ބޮޑު މުދާތައް ހިފަހައްޓަން ނެރުނު އަމުރުގެ މައްސަލަ ހައި ކޯޓުން ބަލައިނުގަތުމަށް ނިންމި ނިންމުން ބާތިލްކޮށް، އެ މައްސަލަ ބަލައިގަތުމަށް ނިންމައިފި އެވެ.

ކޭ ޕާކް ފްލެޓްތައް ހަދަމުންދާ ހަންބޯ ކުންފުންޏަށް ނޭނގި ވިއްކައިގެން ފައިސާ ހޯދި ކަމަށް ތުހުމަތުކޮށް އެ ކުންފުނީގެ އެއް ހިއްސާދާރު މަންޑޭގެ މައްޗަށް ވަނީ ދައުވާކޮށްފަ އެވެ. އެ މައްސަލާގައި، މަންޑޭގެ އަގުބޮޑު އެޕާޓްމެންޓާއި އަގު ބޮޑު މުދާތައް އެއް އަހަރަށް ހިފެހެއްޓީ ހުޅުމާލޭ ކޯޓުގެ އަމުރެއްގެ ދަށުންނެވެ.

އެ މައްސަލަ އިސްތިއުނާފް ކުރަން މަންޑޭގެ ފަރާތުން ހައި ކޯޓަށް ހުށަހެޅުމުން އެ މައްސަލަ ބަލައިނުގަތުމަށް އެ ކޯޓުގެ ރަޖިސްޓްރާ ނިންމުމުން އެ މައްސަލަ އެ ކޯޓުގެ ފަނޑިޔާރުންގެ މަޖިލީހަށް މަންޑޭގެ ފަރާތުން ހުށަހެޅި އެވެ.

ފަނޑިޔާރުންގެ މަޖިލީހުން މިދިޔަ ބުރާސްފަތި ދުވަހު ނިންމީ ރަޖިސްޓްރާގެ ނިންމުން ބާތިލް ކުރުމަށެވެ.

އެގޮތަށް ނިންމެވީ ތިން ފަނޑިޔާރުންގެ ތެރެއިން ދެ ފަނޑިޔާރުންގެ އަގުލަބިއްޔަތުންނެވެ. ފަނޑިޔާރު މުހައްމަދު ސަލީމާއި ފަނޑިޔާރު މުހައްމަދު ޝަނީޒްގެ ރައުޔަކީ އެ މައްސަލާގައި ގާނޫނީ ބަހުސެއް އޮތުމުން މައްސަލަ ބަލައިގަންނަން ޖެހޭ ކަމަށެވެ.

ނަމަވެސް ރައުޔު ތަފާތުވި ފަނޑިޔާރު ހަސަން ޝަފީއުގެ ރައުޔަކީ ރަޖިސްޓްރާގެ ނިންމުން ރަނގަޅު ކަމަށެވެ.

ކޭ ޕާކް މައްސަލާގައި މަންޑޭގެ މައްޗަށް 100 އަށް ވުރެ ގިނަ ދައުވާ ދައުލަތުން ވަނީ ކޮށްފަ އެވެ.

ކުށްކުރުން ފުލުހުން ހައި ކޯޓް ކޭޕާކް ރެސިޑެންސް ހަސަން މަމްދޫހު (ކޭޕާކް)

11 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލޮއްލަ

26 December 2023

ތިޔަކަންތައްވެސް ތިޔަ ނިމެނީ. 3-5 އަހަރު ތެރޭ މަންޑޭ ހުދުކާފޫރަކަށްވެ މިނިވަން ވާނެ.. ކޯޓުން ހިފެހެއްޓި ހުރިހާއެއްޗެއް ދޫކޮށްލާނެ. މީދިވެހިރާއްޖެ. ޖަރީމާ ހިންގަން އެއްވަނަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަބީލާ ހުސެން

26 December 2023

ސަރުކާރުން މަންޑޭ އަށް މިލިޔަނުން ބަދަލު ދޭން ޖެހޭގޮތަށް ނިމޭނީ، ސަޅިދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގިއްޔާ

26 December 2023

މަކަރާ ހީލަތުން ހޯދި އެތިކޮޅު އަބުރާ ހޯދަން އަދުލު އިންސާފުގެ ތެރެއަށް...މަންޑޭ ކަލޭ ގަދަ. މިގެ ދެރަކަމަކީ ރިހާކުރު ފުޅި ވަގައްނަގާމީހާ ވަގުތުން ވަގުތައް ޖަލަށް އޭނައަކަށް ނޯވެ ފުރުސަތެއް ކޯޓުގައި އެޕީލްކުރން ވަގަށް ނެގި ރިހާކުރު ފުޅިއަކީ އޭނަގެ އެއްޗެއް ކަމަށް ބުނަން. މަންޑޭއަށް ޓިއުޒުޑޭ، ވެނިސްޑެ ހުރިހާ ފުރުސަތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުކުމް

26 December 2023

ހައިކޯޓުންވެސް ކާމިޔާބުވާނެ . މަކަރާހީލަތްހަދާ މީހުންނަށް ހުރިހާ ތަނަކުން ކާމިޔާބު ވާނެ. މީހުން އުމުރު ދުވަހު ހޭދަ ކުރިފައިސާ އިން އެޕާރތް މަންޓް ވިއްކަންކިޔާފައި އެފަކީރުންގެ ފައިސާއިން ހިޔާނާތްތެރިވެ ޝަހުދާއި ، ޝަހުދާގެ ދައްތަ ސަލްމާ އަދި މަންމަ އަދި މުލި އާލިލާއަށް އަށް ވަރަށް އަގުބޮޑު ހަދިޔާތައް ހިލޭ ސާބަހަށް ބެހި އިރު ހިތަކަށް އެއްވެސް އެއްޗެއް ނާރެެއޭ ހިތަން އަރައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހާ

25 December 2023

ތިކަން ތިޔަ ނިމުނީ. މުއިއްޒު ވާން އުޅެނީބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯކުރާއްޖެ

25 December 2023

ނޫޫނޭވާ ގާނޫނެއް މި ގައުމުގަ މިއޮތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަ

25 December 2023

ޢެންމެފަހުން މަންޑޭފަރާތުން(އަދުލު އިންސާފަށް ބަޔެއް ދޭގޮތަށް) އަނިޔާލިބުނު މީހުން ކުށްވެރިންނަށްވެ މަންޑޭސަލާމަށްވާނީ، އެއީ މިރާއްޖޭގެ އަދުލު އިންސާފުގެ ނިޒާމުގައި ގިނައިން ކަންހިގާ ގޮތް، ނޯ އިންޓެގްރިޓީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައިޝާންބްުރޯ

25 December 2023

200 ފުޅި ސެންޓު (ނުކަނޑާ ހުރި) ކޮބާތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިސްކެނޑެ

25 December 2023

ކުޅޭކުޅޭ ވިސްސާރަކޯޓަކަށް ތަ ތިވަނީ. އެއްފަހަރު ބަލައިނުގަންނާނެ، އަނެއްފަހަރު ބަލައިގަންނާނެ. މީ އަރަތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނޑުހަސަނު

25 December 2023

ތިޔަކަންތައްވެސް ތިޔަދެން ޗޮކުންދިޔައީއެވެ. ޤާނޫނުތައްހުރިގޮތުން ތޮއްޑުދޮށުން ދެމިގަނެވޭކަމަށްވަންޏާ އެ ޤާނޫނުތައް އިޞްލާޙުކުރަން ލަފައެއް ޚިޔާލެއްވެސް ނުދީ ތިބެގެން ފެންނަނީ ކިތަންމެ ކުޑަ ލޯވަޅެއް އިނަސް އެލޯވަޅަކުން ބޭރުކޮށްލާތަނެވެ.